查看完整版本 : 寒戰:港產片的驕傲!(嚴重劇透)

港產不打 2012-11-11 05:06 PM

寒戰:港產片的驕傲!(嚴重劇透)

睇戲要睇特技要睇大場面
從來係荷里活死忠低質素既觀影層次
2012年8月10日
有人可以出post《熱烈慶賀香港票房歷史前十再無港產片》
連《3D蜘蛛俠:驚世現新》呢套垃圾reboot戲都可以收$6,211萬
睇見班仆X 覺得票房十大冇晒港產片好能值得高興
我就是好能不爽!!!

香港就係太多呢類低質素觀眾
先導致電影市場嚴重失衡
盲目推崇荷里活爆谷電影
港產片在香港才難以生存

咩係爆谷電影?
就係娛樂至上特技行先既商業電影
通常具備『腦殘』、『簡單易明』、『忠奸分明』既特性
票房十大入面足足有六套
《阿凡達》、《復仇者聯盟》、《反斗奇兵3》、《變形金剛黑月降臨》、《蜘蛛俠:驚世現新》、《侏羅紀公園》
劇本唔能駛太複雜,求九其有危機有動作,有忠有奸就可
演員唔能駛好演技,求九其男夠型女夠索,有卡士有fans就可
剪接唔能駛太執著,求九其遠中近tight detail剪埋一堆,最緊要節奏快
場面調度唔能駛太講究,求九其前清後朦有景深,反而場面設計有咁誇拍咁誇就得
配樂唔能駛太認真,求九其有聲有歌有效果,反而搵下有冇唱片公司贊助
唔係一竹竿否定晒以上六套戲既電影價值
《阿凡達》開創3D影像先河、《侏羅紀公園》重現史前恐龍奇蹟
《復仇者聯盟》、《反斗奇兵3》、《變形金剛黑月降臨》係有好高娛樂性及大量商業元素
但睇電影,係唔係只係睇特技?!娛樂至上?!
可唔可以多層次D、多角度D、有深度少少?!

今次呢套《寒戰》
平心而論,如果係荷里活拍,晨早已經爆紅,叫好又叫座!
就算用荷里活既水準去比較,都係近年佳作
而且100%香港味道,絕對係近年最高質素港產片之一
值得大家入場支持!

《寒戰》唔係典型警匪片
唔係單純兵捉賊式動作類型片
實際動作場面只有兩場,天橋交贖金及尾場天台槍戰
偏偏成套戲節奏明快張力十足!
兩小時觀眾只會覺得時間唔夠,情節交代唔晒,絕對沒有冷場!
能夠唔靠動作場面而拍出劇情如此緊湊既作品
足見導演與編劇既功力!

《寒戰》唔係抽絲剝繭式偵探類型片
查案經過其實相當簡化濃縮
往往直接交代調查結果,冇咩著墨偵查過程,下一幕已經行動
冇on99心戰角色代入或者故弄玄虛既線索佈局
反而單純一條大橋貫穿成套戲:「邊個係幕後主謀?」
劇本優勝在觀眾真係要去到尾段天際100果幕
先有足夠材料俾觀眾估到主謀係邊個
之前郭富城、梁家輝、錢嘉樂,甚至乎去到結局天台林家楝都仲係有可能
劇本好巧妙咁客觀陳述以上四個都有犯案動機
一條線去,五個角色互動,一步步推進劇情
最後揭盅,又講得通,先係劇本精要所在

睇《寒戰》,唔係睇動作睇特技,而係回到電影既最基本:睇劇情!睇演技!!
成套戲其實係呈現左劇情片既基本功:角色衝突!
睇兩個警務署副署長之間既鬥爭
宏觀係睇廉署與警隊既角力
每一個場口,角色既對話都精彩濃縮
當然如此藝高人膽大既劇本
勝負關鍵取決於演員既實力

梁家輝實在功不可沒
由頭帶到落尾,完全壓下劇中所有角色搶戲到尾
老練、果斷、恩怨分明、霸氣凌厲
演活紅褲子出身縱橫警界四十年三代從警既行動副署長
結局更演活嚴父棒下出不孝兒既無奈、惋惜和溫柔既一面
除非王家衛套《一代宗師》終於拍能完
唔係今年最佳男主角非梁家輝莫屬!!

其他角色個個演技精湛
絕對係導演選角上既功勞
亦引證左由演員擦出火花從而帶出戲味既基本電影理論
郭富城要讚,突破一貫演繹上既沉重,成功演出務實、穩重、顧全大局既風範
林家楝更見老練,結局扭一扭橋風華一露
可惜難敵《無間道》既宿命上親天台都難逃一死
男配角來說最搶,希望今年有機會取得最佳男配角
李治廷一貫年輕才俊,宏觀當今影壇,由佢來演呢個關鍵角色絕對合適
彭于晏有驚喜,戲份其實很少但存在感很強,年少氣盛眉宇間帶點邪氣入型入格
但翻看佢既成名作《翻滾吧!阿信》卻又兩種人格,足見演技與內涵
奇兵突出當然要算加埋唔過三分鐘戲既劉德華
一場會面一場記招盡顯天王級功架
論輩份論實力論演技論形象,保安局局長一角捨佢其誰!
楊采妮不過不失,略嫌part落郭富城太有老夫老婦感覺
唯一失望係錢嘉樂,可能拍得太多獎門人加上身型走晒樣
喜劇效果根深柢固,好難投入到佢係高級警司
見佢爭大對眼煞有介事咁緝凶,潛意識總係感到有d攪笑兒戲
part落成班好戲之人明顯錯晒feel,犧牲果場亦唔覺演出感人

套戲有say有信息
核心價值由劉德華義正詞嚴斬釘截鐵咁講出,充滿說服力
最後扭橋帶出警廉合作
明顯向警察和廉政公署致敬
亦強烈塑造出香港法治精神

場景設計明顯香港一日遊
一幕交贖金盡掃香港旅遊景點地標式建築
結局都要攪條飛龍,對外推廣幻彩詠香江
用心良苦租晒直昇機盡攝維港旺角日夜全景
拍得香港整潔、先進、燈光璀璨、極富時代感
明顯導演心繫香港,以香港為本
真正希望拍出地道有香港特色又具國際水準既作品

導演兼編劇陸劍青梁樂民大家可能陌生
但行內人一定識因為兩個都係影壇默默工作多年
陸劍青任副導廿年,作品有《黑俠》《江湖告急》《重裝警察》《伊沙貝拉》《旺角監獄》《葉問前傳》等等不能盡錄
梁樂民任美指十年,作品包括《復仇》、《特務迷城》、《千機變》和《保持通話》
《寒戰》為兩人首次執導作品
非常需要大家既支持

有人未入場已經小:「乜又係警匪片?港產片拍來拍去都係警匪片?!」
仆X荷里活直頭reboot重拍蜘蛛俠你老美又湧入場睇?!
我唔止一次出文小爆你地班荷里活死忠
唔好用兩套標準去睇戲
睇西片,就好能包容;睇港產片,就好能高要求
大家可唔可以對港產片公道一點!

《寒戰》明顯唔係一套爆谷電影
套戲唔係用槍戰場面飛車特技大爆炸大場面黎吸引觀眾
所以各位唔好小套戲講多過打
唔好小頭場旺角百佬匯爆炸好能假、尾場煙花太過燦爛
仆X!正正有太多呢類爆谷觀眾
導演先鑑粗加呢d情節保住票房
畢竟商業電影從來都係商品,要向投資者交代,要向票房負責
睇過套戲既觀眾就會明白,頭場旺角百佬匯爆炸真係冇咩必要
明顯係導演對市場既妥協
亦正正讓各位觀眾反思:『物先腐而後蟲生』
有這樣的觀眾,才有那樣的電影
港產片最需要改變既
唔係業界質素,而係觀眾質素!

************************
港產不打
全職非牟利網絡打手
100%支持本地製作
乜戲都打,淨係唔打港產
************************

[[i] 本帖最後由 Sampras.l 於 2012-11-24 02:16 AM 編輯 [/i]]

kwanami 2012-11-11 07:01 PM

[size=4]寒戰可能好似「無間道」咁 , 開拍荷里活版本呢 ! :loveliness: [/size]

[url=http://movie.kingnet.com.tw/media_news/index.html?act=movie_news&r=1350637507]http://movie.kingnet.com.tw/media_news/index.html?act=movie_news&r=1350637507[/url]

[[i] 本帖最後由 kwanami 於 2012-11-11 07:04 PM 編輯 [/i]]

csaslm 2012-11-12 12:13 AM

支持真心分享!

西西人 2012-11-12 10:33 PM

咁我都問下問題先...
首先我覺得寒戰好好睇...港產片來講值90分...不過唔及無間道...無間對立鮮明..隱隱有一種宿命主宰...劇情怖局亦接近完美...寒戰就有D小小邏輯唔太明..希望CHING們討論下...

1.片頭炸戲院一幕用意何在?
2.林家棟叫醒尹子維一幕...就算係上司下屬...但尹的反應遲緩任人魚肉...表現尹病左?食左藥?定純表現林家棟係癲GEI?
3.解款車中究竟幾人係共犯?當中有一次綁匪對話說過"入面一個比呢4個都值錢...唔好俾佢死"...如果彭于晏係共犯..點解會有呢句對白?而且劇情表現彭好似係主謀...(或主要聯絡召集人)...
4.最後彭于晏為何要拿槍?為何拿槍要死?明顯彭所做一切皆是為左梁家輝...佢會殺梁家輝嗎?會否待彭想離開屋企或逃走再拒捕更好...(假設梁家想讓彭于晏改過)

亞維 2012-11-13 12:01 AM

不打兄 今次真係唔能夠認同你
而且覺得你好似已經走火入魔
我今日睇發現有好多好多好多既問題
人物性格一定要描述得咁完美嗎?
照常理 梁家煇有可能扔下成見嗎?
佢個仔一開頭成個智者咁(案情表現) 點解最後會成個低能仔咁?
OK林家棟為你PK郭富城而背叛上司 話死就死 交代下好嗎?為佢佢默哀一下都好瓜?
仲有劇本話你係就係 個個角色都有先讀 即係屈機?伽利略都唔夠黎
其實個構思好好但表現太差 錢嘉樂可唔可以之前開始就有D小動作?
最後無啦啦彈個安志傑....劇本真屈機.....
最成功應該係安志傑之前一直有出現 但最後先發圍 咁先有野睇
但郭同梁開頭的對質真係好好 好有劇力 但可惜最後都失望 唉......

言寺 2012-11-13 12:51 AM

我想講
侏羅紀唔係只係一味SHOW OFF佢0的特技
佢有言之有物之處~~
探討DNA複製成功帶來的生態失衡
探討其他生命不甘被人類束縛

不過全部擠在片子最前部份~亦常有人說果部份最悶
係因為個個都要睇特技而忽略前半PART的訊息!

[[i] 本帖最後由 言寺 於 2012-11-12 06:52 AM 編輯 [/i]]

Medalmore 2012-11-13 11:48 PM

[quote]原帖由 [i]西西人[/i] 於 2012-11-12 10:33 PM 發表 [url=http://www.discuss.com.hk/redirect.php?goto=findpost&pid=347280495&ptid=21118481][img]http://www.discuss.com.hk/images/common/back.gif[/img][/url]
咁我都問下問題先...
首先我覺得寒戰好好睇...港產片來講值90分...不過唔及無間道...無間對立鮮明..隱隱有一種宿命主宰...劇情怖局亦接近完美...寒戰就有D小小邏輯唔太明..希望CHING們討論下...

1.片頭炸戲院一幕用意何在?
2.林家棟叫醒尹子維一幕...就算係上司下屬...但尹的反應遲緩任人魚肉...表現尹病左?食左藥?定純表現林家棟係癲GEI?
3.解款車中究竟幾人係共犯?當中有一次綁匪對話說過"入面一個比呢4個都值錢...唔好俾佢死"...如果彭于晏係共犯..點解會有呢句對白?而且劇情表現彭好似係主謀...(或主要聯絡召集人)...
4.最後彭于晏為何要拿槍?為何拿槍要死?明顯彭所做一切皆是為左梁家輝...佢會殺梁家輝嗎?會否待彭想離開屋企或逃走再拒捕更好...(假設梁家想讓彭于晏改過)
[/quote]

1. 其實呢度係咪諗住以一單大案,黎令警力減弱,從而令單綁架案容易d落手呢?
2. 睇到呢度,我幾乎以為尹子維係犯黎添!仲有佢女友呢part好似凸左點!但我覺得呢part似係加插一點娛樂性!
3. 我諗班匪咁樣講既目的,就係要「特別處理」彭,至於點樣「處理」,可以係俾其餘差人以為,佢地仲會利用身為副警務處個仔既彭,再屈佢老豆一劑!咁既話彭就可以「名正言順」俾人「隔離」,至少班同僚都未知,佢就係主謀!
至於入面有幾多個人,講真...我諗得彭一個咋掛!
4. 梁就係想試下個仔,究竟會係知錯,定係喪心病狂度連佢老豆都殺!但其實呢度有一個弊病,就係彭攞左支槍後,究竟係會開槍射自己老豆,定係射自己畏罪自殺!不過無論乜野情況,佢一掂支槍就俾狙擊手領正牌開槍射佢,以保護梁既性命安全!
其實去到最尾,我覺得佢唔係似一個為老豆既孝順仔,反之佢個樣似係一個走火入魔既惡魔!睇見佢俾老豆踢爆左,佢個樣都仲要咁得戚兼毫無悔意,仲要諗住佢老豆會放佢走,所以佢攞支槍射佢老豆都唔奇!
不過最後果part,我懷疑佢老豆可能會為左自己個仔,而挺而走險,呢個就係好多睇完套戲既觀眾,都話呢套戲可能會有續集既伏筆!

不過其實我仲有d地方都係唔明:
1. 錢家樂究竟係槍傷死定係撞車死既呢?見佢架車擋風玻璃有子彈孔,架車既air bag又爆左,但又唔覺佢有槍傷甚至血,甚至交代佢死都有點馬虎!
2. 其實我係唔明,點解香港之前打果個颱風,係令到成件事露左饀!
3. 我亦唔明點樣利用ICAC,引到班人出黎再犯案...如果只係佢自己齋出黎查,自己走去搵金庫個主管,班人會唔會照樣炸死個主管呢?
4. 林家棟之前又牽涉左單乜野案呢?裡面講得有點含糊...
5. 其實郭本身係副警務署長,我諗佢唔計呢次,都應該做過署理處長上過電視,叫佢自己親手帶贖金去救人,唔怕有人會認得佢咩?
6. 其實佢最後一個大爆炸,係咪意味道上過座大廈既警同匪都死哂呢?

Medalmore 2012-11-13 11:52 PM

[quote]原帖由 [i]亞維[/i] 於 2012-11-13 12:01 AM 發表 [url=http://www.discuss.com.hk/redirect.php?goto=findpost&pid=347288722&ptid=21118481][img]http://www.discuss.com.hk/images/common/back.gif[/img][/url]
不打兄 今次真係唔能夠認同你
而且覺得你好似已經走火入魔
我今日睇發現有好多好多好多既問題
人物性格一定要描述得咁完美嗎?
照常理 梁家煇有可能扔下成見嗎?
佢個仔一開頭成個智者咁(案情表現) 點解最後會成個低能仔咁?
OK林家棟為你PK郭富城而背叛上司 話死就死 交代下好嗎?為佢佢默哀一下都好瓜?
仲有劇本話你係就係 個個角色都有先讀 即係屈機?伽利略都唔夠黎
其實個構思好好但表現太差 錢嘉樂可唔可以之前開始就有D小動作?
最後無啦啦彈個安志傑....劇本真屈機.....
[color=red]最成功應該係安志傑之前一直有出現 但最後先發圍 咁先有野睇[/color]
但郭同梁開頭的對質真係好好 好有劇力 但可惜最後都失望 唉......


[/quote]

我都認同呢點!初初我仲以為佢「都係好人」?點知...:funk:

其實呢套戲我係有兩個地方係估唔到既,除左安志傑最後先發難之外,其次就係「報料人」,竟然係一場「自己搵人黎拉自己」既把戲!

亞維 2012-11-14 01:10 AM

証明左演員再好亦補唔到劇本的先天不足...

港產不打 2012-11-14 10:01 AM

[quote]原帖由 [i]亞維[/i] 於 2012-11-13 12:01 AM 發表 [url=http://www.discuss.com.hk/redirect.php?goto=findpost&pid=347288722&ptid=21118481][img]http://www.discuss.com.hk/images/common/back.gif[/img][/url]
不打兄 今次真係唔能夠認同你
而且覺得你好似已經走火入魔
我今日睇發現有好多好多好多既問題
人物性格一定要描述得咁完美嗎?
照常理 梁家煇有可能扔下成見嗎?
佢個仔一開頭成個智者咁(案情表現) 點解最後會成個 ... [/quote]

我可能真係有火入魔
但我只希望多些人看港產片

anyway 多謝你的分析
日後多多交流



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

chun75hin 2012-11-14 02:41 PM

*** 作者被禁止或刪除 內容自動屏蔽 ***

fathoz2008 2012-11-14 02:44 PM

*** 作者被禁止或刪除 內容自動屏蔽 ***

fathoz2008 2012-11-14 02:50 PM

*** 作者被禁止或刪除 內容自動屏蔽 ***

亞維 2012-11-14 03:34 PM

[quote]原帖由 [i]港產不打[/i] 於 2012-11-14 10:01 AM 發表 [url=http://www.discuss.com.hk/redirect.php?goto=findpost&pid=347385057&ptid=21118481][img]http://www.discuss.com.hk/images/common/back.gif[/img][/url]


我可能真係有火入魔
但我只希望多些人看港產片

anyway 多謝你的分析
日後多多交流



[/quote]
不打兄,大方向一樣架同你,我都唔想見到啲人一味話西片好睇。港產都有好戲的!!



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

zero-fx 2012-11-16 10:45 AM

4.最後彭于晏為何要拿槍?為何拿槍要死?明顯彭所做一切皆是為左梁家輝...佢會殺梁家輝嗎?會否待彭想離開屋企或逃走再拒捕更好...(假設梁家想讓彭于晏改過)

好多人都認為彭係為左梁家輝, 但事實上, 佢只係想拉低郭, 所以他只係為自己

ladyqueen 2012-11-17 04:08 AM

支持!套片有意思,期待第二集!

veezro 2012-11-17 01:38 PM

本來無打算去睇戲
機偶巧合之下走左去睇 揀左寒戰呢套

針對返一開場爆炸既戲 我認為主要作用在於串連綁架警察個位
因為主謀係高手 知道李SIR係將會係負責人
兩單大CASES發生時間咁短 加上李SIR誤以為個仔被綁 所以李SIR提高左警戒級別
呢個就係主謀既目的

另外 我印象香港有關警察既電影 無一套好似寒戰咁去到咁高職級既描述
而且加入埋ICAC,保安局 令到個層面擴大左好多

場景好有香港特色
主要演員功架十足

至於最尾既伏筆 我就認為係電影常用既手法 留左個OPEN ENDING
唔一定代表有續集 當然有續集的話我會去支持

總而言之 寒戰係一套出色既電影

NickyTonghk 2012-11-17 11:43 PM

[quote]原帖由 [i]zero-fx[/i] 於 2012-11-16 10:45 AM 發表 [url=http://www.discuss.com.hk/redirect.php?goto=findpost&pid=347544237&ptid=21118481][img]http://www.discuss.com.hk/images/common/back.gif[/img][/url]
4.最後彭于晏為何要拿槍?為何拿槍要死?明顯彭所做一切皆是為左梁家輝...佢會殺梁家輝嗎?會否待彭想離開屋企或逃走再拒捕更好...(假設梁家想讓彭于晏改過)

好多人都認為彭係為左梁家輝, 但事實上, 佢只係想拉低郭, ... [/quote]
我認為大家都誤解左彭係想殺梁家輝...
梁家輝比支槍佢, 係要試佢究竟知唔知錯, 佢意思係(比支槍你去逃亡), 所以彭拎槍果一刻, 佢話"THANKS DAD".但梁家輝只係想試佢而唔係真係想比佢走...


而最後打比城城果個人(我估係SDU MICHAEL果條友). 佢叫城城放左彭出黎... 做乜?動機?... 唔知... 只係知佢利用左2派對抗, 漁人得利... 但目的未明... 要睇續集先知,,,

wongcheongchun 2012-11-17 11:52 PM

回覆 18# 的帖子

我都係估飛虎隊隊長就係個幕後黑手,但係天台爆炸個度有人話應該死左,另一個有嫌疑係尹子維,因為得佢先知警察有GPS定位,連副處長都唔知,之後班警察諗住去救但係班賊一早知道設局

chan198999 2012-11-19 08:33 PM

我覺得你就算講一套劇,都不應數臭其他電影,你的影評令我感覺你好像有一套拍劇公式鎖死在腦裡面。

當然除了這些外,其他都講得不錯。

[[i] 本帖最後由 chan198999 於 2012-11-19 08:35 PM 編輯 [/i]]

980178 2012-11-24 05:40 PM

講真,依一套真唔講唔上佳作,
對比上年(or上上年?)ge竊聽風雲2,依套真係差得遠,
無錯,cast、演技方面真係一流,
但係劇情結構方面同無間道真係差十皮,
首先係故事好多位都交待得唔清析,成件案ge來龍去脈未完全講清哂就收工,
其次係好多唔合理,之前有ching已講過,我就唔再講,
淨係依兩點已經令寒戰唔能夠成為一套出色ge電影,
如果要我比分,只係值70分

chinchin007 2012-11-26 10:55 AM

支持!:smile_o12:

VERY GOOD HK PRODUCTION!

hgrace 2012-11-26 11:43 AM

[quote]原帖由 [i]西西人[/i] 於 2012-11-12 22:33 發表 [url=http://www.discuss.com.hk/redirect.php?goto=findpost&pid=347280495&ptid=21118481][img]http://www.discuss.com.hk/images/common/back.gif[/img][/url]
1.片頭炸戲院一幕用意何在?
2.林家棟叫醒尹子維一幕...就算係上司下屬...但尹的反應遲緩任人魚肉...表現尹病左?食左藥?定純表現林家棟係癲GEI?
3.解款車中究竟幾人係共犯?當中有一次綁匪對話說過"入面一個比呢4個都值錢...唔好俾佢死"...如果彭于晏係共犯..點解會有呢句對白?而且劇情表現彭好似係主謀...(或主要聯絡召集人)...
4.最後彭于晏為何要拿槍?為何拿槍要死?明顯彭所做一切皆是為左梁家輝...佢會殺梁家輝嗎?會否待彭想離開屋企或逃走再拒捕更好...(假設梁家想讓彭于晏改過)
[/quote]

小妹估:

1> 片頭炸戲院一幕有兩個用意: 其一為要一開場就炸醒D觀眾, 如果唔係開頭果PART都幾悶. 其二為要特顯今次騎劫警車係一宗有預謀嘅事件.

2> 尹只係响套戲初頭出現, 而去到片尾又未死, 如果有下集, 應該會有更多戲份. 講返叫醒佢果幕, 尹如果唔係拍咗丸都應該食咗藥, 明顯係瞓死咗. 但係點解有呢幕, 呢幕有咩咁重要, 我估都係要等下集...

3> 肉參車上有四個警員(車長果個一早比人車咗去醫院門口扔低咗), 其中一個係梁家輝個仔(彭于晏). 綁匪人數不詳, 估計三人. 果句"入面一個比其他幾個都值錢...唔好俾佢死"唔係講比自己人聽, 係講比果幾位比人蒙住個頭嘅警員聽. 果句如果冇記錯係綁匪押緊佢地幾個上貨VAN時講, 而彭于晏最終係冇蒙頭, 仲有車頭位座. 如果你係果幾位被蒙住頭嘅警員, 响貨VAN FEEL唔倒彭于晏嘅存在, 唔會覺得奇怪咩? 因為呢句"入面一個比其他幾個都值錢...唔好俾佢死"表明彭于晏係梁家輝個仔而有特別待遇, 所以唔一齊坐, 甚至可能用第二架車接送, 比較合理啩.

4> 由此至終假設梁家輝先係主謀, 彭于晏係IQ192嘅梁粉. 最尾果段, 梁家輝响屋企等個仔返黎, 比份野個仔睇, 阿仔慢慢行去窗邊, 個腦急速運算, 眼看對面層樓, 以及街上咩景況, 然後先爆出一句:"百密一疏!"...其實阿仔睇完份文件, 審時度勢, 心領神會老豆要將主謀黑鍋卸比自己, 接手把槍預一死以謝老豆多年養育之恩(估埋飛虎會開槍), 最後一句真心話"I LOVE YOU DADDY"算係遺言, 如果咁諗可能合理D.

hgrace 2012-11-26 11:44 AM

[quote]原帖由 [i]980178[/i] 於 2012-11-24 17:40 發表 [url=http://www.discuss.com.hk/redirect.php?goto=findpost&pid=348165728&ptid=21118481][img]http://www.discuss.com.hk/images/common/back.gif[/img][/url]
講真,依一套真唔講唔上佳作,
對比上年(or上上年?)ge竊聽風雲2,依套真係差得遠,
無錯,cast、演技方面真係一流,
但係劇情結構方面同無間道真係差十皮,
首先係故事好多位都交待得唔清析,成件案ge來龍去脈 ... [/quote]

唔係邊有下集呢??:smile_o01:

bigmouth2006 2012-11-26 07:54 PM

Overall

有西片 feel

下集解到畫套戲就 upgrade:smile_38:

~JohnYiu~ 2012-12-4 04:38 PM

其實有D細節位唔係好明
例如天台果度
"MICHAEL, 點解你要出賣我"
呢句點解...
頁: [1]
查看完整版本: 寒戰:港產片的驕傲!(嚴重劇透)