查看完整版本 : Apartment 143 (鬼寓143)

世上最黑暗 2012-12-10 03:36 AM

Apartment 143 (鬼寓143)

Apartment 143

[url]http://www.youtube.com/watch?v=LOROfZTd_fE[/url]

從預告中睇到…
個故事係類似午夜來嚇
喱套片拎左午夜來嚇的好處, 再加入新原素.值得一讚.因為要突破唔易

不過,喱套片麻麻地.
1.        佢唔MAKE SENSE. 佢搵左班人去佢屋企…唔係驅鬼既…咁猛鬼都唔治下佢…唔知做乜…一係就搬走…一係請人同佢鬥…又撞鬼又唔反抗想點,睇恐怖片就緊係要有種未知感先正…佢都冇既…根本就唔會打得WIN
2.        有廢話情節. 不如比D心機落恐怖效果.套戲一悶,觀眾就唔覺恐怖.套戲唔算好多廢話.但係有一PART講好耐野…悶到訓著.恐怖片要精簡.唔係文藝片.
3.        ENDING太無厘頭地嘗試令你再驚. 喱個地方好多電影都做.原以為套戲完結,點知未完.再嚇你一嚇. 喱種我係BUY既.但佢唔好之處係太O咀,明明套戲可以完結,但係要影隻鬼對鏡頭爬過黎…仲要做晒SIGNAL…令我諗都諗到…好想佢快D嚇埋我最後一次就收工…
4.        無謂恐怖情節.有一幕好白痴.講幅畫調轉左.但係個CAMERA又要影唔到.我知...隻鬼要慢慢玩下個主角…但係可以SET好D.
5.        恐怖位唔夠強.喱套片有唔少恐怖位.做得唔算差.佢常用講講下野,或唔留神就突然彈出黎.一係飛黎飛去,郁下D物件.臨尾果度反而最差.睇得出佢想整到最得人驚.隻鬼上左女仔身浮響半空不斷發出強風.個主角要捉住佢隻手.捉到,咁就完了.唔明隻鬼點解要咁做…擺明個主角捉得住佢.最多BUDGET場面=最弱.真係唔緊張,當場面變左變種特攻咁,正常係變左刺激…可惜唔刺激…


好的場面…
1.        有一幕我覺得好值得讚…就係不斷用黑色同夜視影相果幕.雖然知道佢會彈出黎.但係唔知佢幾時彈…越等越驚…因為佢螢幕黑左…好有神秘感.就好似玩跳樓機.佢升到最高…但唔知等幾耐會衝落黎果種感覺…
2.        冇過份運用多角鏡頭定位攝影.午夜來嚇2,最失敗就係每次都夜晚就多個鏡頭轉黎轉去.響度等太悶…喱套戲將需要的鏡頭先搬出黎…減短沉悶感覺
3.        漸進式驚嚇.有唔少恐怖片…如黑色星期五,都係講個變態佬逐個逐個殺.冇層次感.喱套戲有逐漸加強恐怖位.養飽觀眾個胃
4.        埋下伏線.我覺得導演喱個伏線手法做得唔好.不過佢個概念幾好.個女仔一直都對個阿爸差.原來到最後係有原因.


自從午夜來嚇出現後…有大量喱類的片湧現.
要好似午夜來嚇咁成功,好難…
冇一套有佢一半的收入同回響
頂多都係話喱套恐怖果套恐怖…
冇好標青的電影
要有午夜來嚇咁成功…有以下建議:
1.        創意.觀眾對於同類型的片,只會覺得又係午夜來嚇翻版,冇必要睇.
要用番喱個故仔,我一定會突破午夜來嚇…免得人地覺得同午夜來嚇相似,要係一套新片!
如:用主角眼睛,用鏡,播放以前的自製紀錄片(佔戲的一半)…有更多方法…WRITER自己諗
2.        題材方面…唔好一間屋咁細…因為屋企冇咩神秘感…你我都有…仲知道晒個間格.玩大D.好似GRAVE ENCOUNTER咁玩精神病院唔錯.我提議玩下學校, 地底, 或露天. 露天好難.但可以諗下.
3.        採取睇電影新方法…我去過日本富士急鬼屋…佢一開頭果PART…係叫你睇套佢地自製的電影.勁恐怖...可能因為我好驚有人走出黎…同埋成個地方黑晒…一陣又要開始玩鬼屋.不過個短片係好恐怖下…講精神病院的病人被虐…所以而家怒氣沖天.音響,恐怖位都拍攝得好好….
所以我諗…可以同鬼屋CROSSOVER…自己做主角…自己玩第一人身先係最驚

大致上係咁多.
富士急條片搵到就POST出黎…
頁: [1]
查看完整版本: Apartment 143 (鬼寓143)