查看完整版本 : 我隻狗死得好冤枉

jhungcof 2013-5-19 11:32 PM

我隻狗死得好冤枉

[font=新細明體]我有一隻曲架, 己經13歲, 今年4月佢突然後腳沒力, 行路都好困難, 帶佢去睇獸醫, 照過X光, 獸醫話佢年幾大關節退化, 俾咗一啲唔知乜藥佢食, 過咗三日佢又可以起到身行到路, 雖然跌跌撞撞咁, 但總算叫做有起色. 但佢食狗糧份量一日比一日少, 瘦到好似個標本咁, 佢本來有19kg, 但嗰時佢得番12kg. 我又帶佢睇獸醫, 獸醫話佢牙肉都白哂, 係好[color=#464646][size=15px]嚴重[/size][/color]貧血, 血色素己經低到好危險,驗佢小便又話有糖, 可能係糖尿病, 獸醫問我點(意思係醫佢定俾佢走), 我就話盡量救得到就救啦, 個獸醫就開抗生素同開胃藥, 又同佢打咗支類固醇, 又俾類固醇藥丸佢食. 開頭佢真係成隻醒咗, 食番野同埋行到路, 但藥力一過佢又變差, 後來完全唔食狗糧, 但都仲肯食[color=#464646][size=15px]麵包同肉. 我不斷帶佢去睇獸醫, 次次都幫佢抽血驗, [/size][/color]
[color=#464646][size=15px][color=#464646][size=15px]都係話貧血, 我話佢大便黑色, 我用水沖就[/size][/color][/size][/color]
[color=#464646][size=15px]變咗紅紅地色, 我就同獸醫講佢可能係內出血, 但邊度出血呢, 個獸醫就冇答到我. 係咁睇我都使咗成萬蚊,  到最後就上星期四(9/May), 個獸醫話同佢驗吓血睇吓係唔係牛蜱熱, 佢話要拎出去其他化驗所驗, 要HK$1500, 我就話驗啦, 到星期五晚獸醫打電話俾我話真係中咗牛蜱熱, 叫我馬上去攞藥,  我立即開車去攞藥, 嗰時我真係好開心, 因為終於知道個病因, 唔係cancer係有藥醫. 一支好細支既藥要HK2100, 我都買俾佢食, 星期五晚餵咗一次, 星期六早上餵咗一次, 但下午同晚上都餵唔到, 因為佢連[/size][/color]
[color=#464646][size=15px]麵包都唔食, 肉就好想食但吞野都有困難, 星期日早上診所一開門我就帶佢去睇, 獸醫就話要同佢吊鹽水, 由早上11點吊到晚上六點. 個獸醫話吊完應該情況會好啲, 如果冇好轉, 星期一再帶佢吊多包. 星期日晚我隻狗連吞野都吞唔到, 佢病咗成兩個月一直都好硬淨, 冇呻過, 但星期日晚佢就唔停咁叫, 即係佢好辛苦, 我不停咁摸住佢, 佢就唔出聲瞓覺, 但我一行開佢又叫, 我一直咁摸住佢到天光, 我真係唔忍心佢咁辛苦, 祗好狠心星期一早上車佢去獸醫度同獸醫講俾佢走. 呢個係一個好痛苦決定, 隻狗我對咗佢13年, 當佢仔咁看待, 而家要親手送佢走, 好似我親殺死自己個仔咁. 我問過其他獸醫, 佢地都話我隻狗牛蜱熱病徵好明顯, 如果一早就做測試同埋食藥應該可以救得番. [/size][/color]
[color=#464646]
而家我有個問題係, 點解個獸醫唔早啲幫我隻狗做牛蜱熱測試, 我都使咗成萬蚊都唔會唔捨得俾HK$1500同佢做化驗啦. 點解一個咁簡單既病要拖咁耐到我隻狗食唔到藥就快死先發現, 仲要我咁貴買藥俾佢. 同一個獸醫, 同一隻狗三年前佢小便出血, 獸醫叫我幫佢照超聲波, 話佢膀胱有個陰影, 話係CANCER, 佢話狗CANCER同人一樣咁醫, 但醫好都會番發, 問我點, 我就話盡人事啦, 如果醫過都救唔番我都叫做盡咗力. 手術做完個獸醫話好消息, 唔係CANCER, 係生石, 括損佢個膀胱所以出血. 我而家諗番轉頭, 個獸醫應該講個陰影有好多可能性, 有可能係CANCER或者係乜乜...., 等人地可以考慮點做, 但佢實牙實齒話係CANCER, 佢係專業我唔係緊係信佢啦, 我諗好多主人都會話CANCER係絕症無謂浪費再使錢同埋要佢受苦, 由得佢走啦, 或者叫獸醫同佢打支針送佢走. 係咁我隻狗就死得冤枉, 做完手術後兩個月佢又走得食得玩得. 但估唔到最後都係俾同一個獸醫害死.我想問問大家呢個獸醫係拖症定係冇料呢? 呢間獸醫係喺勝利道, 我唔知可唔可以喺呢度開佢名, 但我真係唔想再有其他小動物再死得咁冤枉.[/color][/font][font=新細明體][/font]

【太初】 2013-5-20 12:49 PM

狗狗RIP,多謝分享,所以好多時睇一個醫生覺得幫唔到手時,最好睇多一兩個醫生攞多d意見

tammybobo 2013-5-20 12:58 PM

which one is that?

jhungcof 2013-5-20 03:57 PM

[quote]原帖由 [i]tammybobo[/i] 於 2013-5-20 12:58 PM 發表 [url=http://www.discuss.com.hk/redirect.php?goto=findpost&pid=362103553&ptid=21930424][img]http://www.discuss.com.hk/images/common/back.gif[/img][/url]
which one is that? [/quote]
X典動物診所
頁: [1]
查看完整版本: 我隻狗死得好冤枉