查看完整版本 : 中國合伙人,陳可辛巔峰之作(嚴重劇透)

港產不打 2013-10-14 10:13 PM

中國合伙人,陳可辛巔峰之作(嚴重劇透)

[font=新細明體]有人話【中國合伙人】係男版【致青春】
我覺得佢睇戲too simple,too naive
導演陳可辛既視野、編與導既技巧、電影既信息同感染力
遠遠勝過趙薇呢套既幼嫩又粗糙既作品
雖然票房上【致青春】7.2億嬴【中國合伙人】5.4億一條街
但國內票房高從來唔代表套戲質素高
【致青春】嬴既係趙薇,而唔係電影本身[/font]
[font=新細明體][/font]
[font=新細明體]真係硬要用另一套作品去比喻既話
【中國合伙人】可以話係中國版既【作死不離三兄弟】
但無論劇情、格局、電影技巧都高出一班
沒有所謂印度特色既大型歌舞
沒有硬寸制度、畫到出腸既派膠笑位
沒有超現實、又非常漫畫化既tvb式大團圓
真人真事改篇更見說服力
最重要都係三兄弟既選角
就算點樣刻意演得「土鱉」「屌絲」
鄧超、黃曉明、佟大為始終本質上都係高富帥,你會順眼好多[/font]
[font=新細明體][/font]
[font=新細明體]劇本以2006年在紐約上市、市值超過30億的新東方教育科技的創業故事為主線
人物以新東方創始人俞敏洪、徐小平、王強三人為藍本

[/font][font=新細明體]香港觀眾可能唔係太了解新東方有幾巴
佢係中國目前規模最大既民辦英語培訓學校
亦係暫時國內市值最高評級既教育產業股
年收入超逾幾十億人仔,幾近壟斷國內補習市場
先後成功讓超過4百萬國內考生出國
係國內考生眼中視為留學教父既超然地位[/font]
[font=新細明體][/font]
[font=新細明體]利申左先,新東方的新浪官方博客已表明
新東方沒有參與投資【中國合伙人】
所以大家唔駛擔心會係一套官方自我感覺良好既promote片
反而陳大導將三人拍得很有血肉,角度唔係高高在上
唔係【大亭小傳】果類好浮誇、好抽離既視點
充分運用一個現實既成功例子
譜出一套集友情、夢想、奮鬥,信念頑強,娛樂性與信息內容並重既勵志電影[/font]
[font=新細明體][/font]
[font=新細明體]劇本其實好簡單,三人開辦培訓學校再成功上市
又唔係商戰,文戲咁多,正常導演好難拍得精彩
偏偏陳大導藝高人膽大,劇情推進同節奏拿掐得相當準確
110分鐘絕對係俾陳大導牽住你走
當然編劇周智勇、張冀、林愛華功不可沒[/font]
[font=新細明體][/font]
[font=新細明體]頭場選擇比美東京Doom既萬人演講
選擇倒敘手法明顯係非常正確既部署
一來一開波就拖鞋背心look觀眾可能好難頂
二來萬人空巷既大場面夠晒震撼
亦充份交代到俾觀眾知道,佢地唔單止搵到錢咁簡單,更係萬人敬仰既偶像
好快已經塑造出佢地成功既形象
而呢個形象,和回述大學時既「土鱉」造型有非常大既落差
觀眾自然好期待套戲點樣交代佢地既轉變
未來演講時黃曉明既魅力
偏偏大學時拾到冇朋友,講野口窒窒
未來鄧超冷俊內歛慎言
偏偏大學時熱血自信能言善道鋒芒畢露
劇情一開始就靠兩個角色既落差吸引觀眾看下去[/font]
[font=新細明體][/font]
[font=新細明體]我曾經出文講過好多次
一個好既劇本,係要有起承轉合,同埋衝突
【中國合伙人】明顯係呢兩方面下過一番功夫
劇情推進層層有敘,而且每階段都有亮點
起:交代三人既背景、性格及可取之處,再塑造三人友情既建立
亮點:課室暴動一夫當關,亦成為日後回憶既感動位
承:描述三人畢業後的不同遭遇及生活
兩線平行敘述,黃曉明在國內掙扎生活,鄧超在美國委曲求全
由革職到辦學,由實驗室助理到餐廳侍應
亮點:在學校第一次talk show式授課,笑中有淚
亮點:鄧超巧遇杜鵑街頭真情對話,發人深省
再敘述三人創立公司既經過
亮點:鄧超演講恐懼症反而轉為一對一模擬面試
佟大為電影教英語再到生活英語
黃曉明棟篤英語再到中文發音式英語
轉:鋪排黃曉明和鄧超之間的不和及分歧,三人吵鬧、打架、分開
合:因侵權官司而聚首,最後卻因官司而冰釋前嫌,更成為上市的契機
110分鐘交代以上六層內容,精準到位
比起拖足160分鐘【作死不離三兄弟】自圓其說式既不停回憶插敘
劇本牢固得多,情節流暢,一氣呵成[/font]
[font=新細明體][/font]
[font=新細明體]當然層層有敘好多時就會流於平鋪直敘
【中國合伙人】劇本精妙在最關鍵既場口
經過計算地抽左出黎,到日後以插敘形式補完
大大增加劇本既懸念、觀眾既追看性
鄧超一意孤行堅持上市既真正原因
結尾才以插敘交代,原來係創業初期的第二次赴美
過關時受到歧視、約見時受到冷落
他視為夢想被別人輕視的侮辱
從而激發起要做到行業龍頭,在美國上市吐氣揚眉既執著
到最後他坦誠道出解開心結,才成為三人破鏡重圓既契機[/font]
[font=新細明體][/font]
[font=新細明體]支線鋪排方面,更見陳大導既功力
三人背景交代晒後,節奏鬆一鬆,加場鬼妹女上男下既少少鹽花
再加一條杜鵑既愛情線
如果普通導演呢類支線可能表過就算純為花瓶
偏偏陳大導可以穿針引線
沒有艇上示愛就沒有肺炎,沒有肺炎就塑造唔出鄧超既自私
射燈投景追女,亦成為日後笑位既伏筆
鬼妹既存在,交代出佟大為日後點解可以教人實用生活英語
杜鵑既存在,交代出海外留學生既遭遇,亦同黃曉明條線互扣
黃曉明和杜鵑闊別十年既相遇,更加係神來之筆
而陳大導亦清楚明白兩粒鐘要講晒三個角色可能兩頭唔到岸
英明地將佟大為既篇幅減少,但佢既存在又係劇本上可以起到關鍵既作用
兩人幾場吵架由佢收尾之餘,吵得最僵持時巧妙用佢既婚禮做轉折
佟大為在婚禮上的謝辭「人生最錯既,係同兄弟合伙做生意」
非常絕核到位既一語雙關,起到畫龍點睛既作用
冇呢場婚宴,更加帶唔出之後三人婚宴後混戰正式決裂既精彩一幕[/font]
[font=新細明體][/font]
[font=新細明體]至於衝突,以文戲為主既劇情片,需要編劇既精心計算
劇情才會牢固,整體節奏才不會太拖太悶
頭半部衝突主要來自生活
黃曉明為生活而秘撈、因秘撈而被炒;鄧超到美國後既懷才不遇
絕景往往自強,理想往往係生活逼出來
陳大導好明白呢個係所有平凡人最嚮往既地方
自然開正觀眾既胃口[/font]
[font=新細明體]後半部集中描述兩人既意見分歧
由性格到價值觀到兄弟情既衝突多角度切入
拍得精彩而有層次
相比【喬布斯】,功力完全高出幾班
最後高潮位放係侵權官司,由角色衝突升級到文化衝突
再順理成章義正詞嚴指出外國人眼中既中國人係過時、歧視及誤解既
陳大導好明白呢個係當代中國人最感同身受既地方
再一次開正觀眾既口味[/font]
[font=新細明體][/font]
[font=新細明體]電影雖然強調國內莘莘學子視美國留學為夢想
但陳大導刻意冇著墨描述兩地學校及教育既差異,明顯避重就輕
雖然套戲都有寸中國制度上既不是,但都係點到即止
相反,佢成功以此發揮,維護中國人既尊嚴
刻意矮化左果班告主角既鬼佬律師團
更利用此機會宣佈上市,一下子提高知名度及股值
結局係有D誇張,但以市值超過30億的新東方教育科技為例,又非常具說服力
而成套戲既主旨係表達國內尖子對夢想既追求,土鱉變飛龍既真實故事
片尾字幕時更出現馬雲、王石、柳傳志、俞敏洪、張朝陽等國內當代成功企業家既照片
的確係陳大導針對國內市場既精密佈署[/font]
[font=新細明體][/font]
[font=新細明體]當然總有香港憤青怒罵香港導演拍合拍片放棄香港觀眾
不過呢套擺到明係,又唔似【逃出生天】咁呃你入場,你唔ger可以唔睇架,小乜Q呢!?[/font]
[font=新細明體][/font]
[font=新細明體]坦白講,國內票房賣座既套套收幾億
唔賣座既例如曾志偉拍果堆賀歲垃圾,差極套套都有5千萬人仔
香港口啤載譽既【寒戰】【激戰】,推到盡都唔過5千萬港幣
收得既都仲要俾班被荷里活腦殘片洗能晒腦既粉皮日插夜插冇特技
國內市場大,投資有回報,多老闆開戲,香港導演為國內市場拍戲,有乜好小!?
唔小下自己幾耐冇真金白銀俾錢入戲院睇戲!?唔小下自己幾耐冇睇過港產片!?
【狂舞派】夠地道,支持既最後都係Foxy BT,緊緊過一千萬
市場已經細,仲要心胸狹窄到合拍片都容唔下,拍俾香港觀眾睇為乜?![/font]
[font=新細明體][/font]
[font=新細明體]合拍片、國產片、港產片、外語片
只要係好電影,就應該入場![/font]
[font=新細明體][/font]
[font=新細明體]p.s. 好耐冇出過長文,難得假期重拾寫長文既樂趣,能夠寫自己喜歡寫的,暢所欲言,痛快!
p.s. 原文本身係上畫前睇優先場寫左一半,跟住工作繁忙擱筆,再執筆已經唔多記得,所以冇寫落去,類似情況出現係【狂舞派】同【激戰】,多謝讀者係facebook既支持,你地pm我,我先有動力重睇一次,完成到呢篇文呢 ^_^[/font]
[font=新細明體][/font]
[font=新細明體][size=12pt]Youtube[/size][/font][font=新細明體][size=12pt]:港產不打[/size][/font][font=新細明體][size=12pt][/size][/font]
[font=新細明體][size=12pt]Facebook[/size][/font][font=新細明體][size=12pt]:港產[/size][/font][font=新細明體][size=12pt][/size][/font]
[font=新細明體][size=12pt]Weibo[/size][/font][font=新細明體][size=12pt]:港產不打[/size][/font][font=新細明體][size=12pt]_[/size][/font][font=新細明體][size=12pt]微博[/size][/font][font=新細明體][size=12pt][/size][/font]
[font=新細明體][size=12pt]************************[/size][/font]
[font=新細明體][size=12pt]港產不打[/size][/font][font=新細明體][size=12pt][/size][/font]
[font=新細明體][size=12pt]全職非牟利網絡打手[/size][/font][font=新細明體][size=12pt][/size][/font]
[font=新細明體][size=12pt]100%[/size][/font][font=新細明體][size=12pt]支持本地製作[/size][/font][font=新細明體][size=12pt][/size][/font]
[font=新細明體][size=12pt]乜戲都打,淨係唔打港產[/size][/font][font=新細明體][size=12pt][/size][/font]
[font=新細明體][size=12pt]************************[/size][/font]
[font=新細明體][size=12pt][img]https://fbcdn-sphotos-b-a.akamaihd.net/hphotos-ak-prn2/1380131_516710135082141_1966426139_n.jpg[/img][/size][/font]

[[i] 本帖最後由 港產不打 於 2013-10-14 10:24 PM 編輯 [/i]]

少爺俊 2013-10-16 01:58 AM

幾好睇



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]
頁: [1]
查看完整版本: 中國合伙人,陳可辛巔峰之作(嚴重劇透)