查看完整版本 : 旺角某狗Cafe PR狗咬傷其他狗 店主不肯負責任!!!!!!

ms.kean 2013-10-21 12:20 AM

旺角某狗Cafe PR狗咬傷其他狗 店主不肯負責任!!!!!!

我的是比熊犬 PR狗係大狗
話說9月21日,我帶我隻寶貝狗上旺角一間狗cafe玩,我承認我個寶貝仔係咁"胡"隻pr狗,我都唔知我算唔算好好睇住我隻狗,因為我冇抱住同用狗帶, 但係我寶貝一直坐左係我朋友隻腳隔離(枱底),我frd摸住佢...無啦啦就比被駐場pr狗咬..個陣成張枱郁左, 杯野飲都跌左落地! 雖然店主立即幫我寶貝洗傷口,話傷口好深,我當時話帶狗狗去睇醫生,但佢話唔需要,洗幾日傷口就會無事。但佢又唔係獸醫,我點敢信晒佢!梗係比醫生睇下穩陣D啦。已經喊到死下死下既我咩都無理睇完醫生就返屋企,屋企人同朋友個個都話我蠢,問做咩唔叫佢賠返醫藥費或者報警,但我又好怕會害到pr狗坐狗監或其他,其實我起初都無諗過做D咩,但個個都叫我去問佢claim錢,就算claim唔到,都要比佢知佢隻狗唔應該放係鋪面,怕其他狗仔都會比佢咬親!
結果,今日就上左去同店主理論。佢都記得件事,都承認左係佢pr狗咬親我寶貝。但佢竟然話根本好少事,可以洗幾日傷口無事,佢仲話其實我之後可以日日帶佢上去比佢幫我寶貝洗傷口(馬後炮),但就係唔會賠錢。話我唔信佢反而帶狗仔去睇醫生係多餘!又話係我隻狗激動,所以先會咁!但其實當時我寶貝係坐係我朋友腳下無行開過,最多可能只係嗚下,我朋友就睇緊電視,一隻幫寶貝r痕摸住佢,但下一秒就出事了。今日個店主就話"[color=Red]其實我已經落左命令叫佢唔好行過你地個邊,之後我行左去第2枱跟一跟個客,所以睇少左眼,之後就已經咬左啦[/color]"。之後佢又話"[color=Red]就算當日你睇完醫生即刻上返黎搵我,我都唔會賠比你。因為根本好少事,唔需要用千幾蚊睇醫生,你可以上網唱我,叫朋友唔好黎,但我好多客都清楚佢係隻點既狗,所以我點都唔會賠[/color]"。
我覺得店主一點歉意都無,反而想將所有責任推卸晒落我寶貝身上。其實我知自己都有責任,我無抱實我隻狗,我比佢落地自己玩,所以先令佢受傷。只係覺得既然佢個隻係pr狗,唔應該咁易就會傷害到其他狗。我明白狗隻有時係好難控制,但重點已經唔係邊個激動先,事實係我寶貝已經比佢嚇到失晒禁,咬到流晒血。
其實過左成個月我預左收唔返,但錢已經唔係最重要,問題係佢講埋D咁不負責任既野,仲要話我唔信佢,監硬要帶寶貝睇醫生,係我自己攞黎衰!真係好嬲呀!!! 條氣好唔順,真係未見過D咁厚面皮既人!
我宜家唔係唱佢, 只係講事實!! 係Facebook講起, 原來有人隻狗都試過比佢隻PR狗咬親,但係都係講同我一樣既對白. 亦都有朋友人同狗都比PR狗咬到,人就輕傷,狗仔耳仔流哂血, 因為咬親個個係人,所以睇完醫生之後即賠左錢!
真係要比人知有D咁無良同咁無責任心既狗主,仲要係Dog Cafe店主!!!

[img]http://sphotos-e.ak.fbcdn.net/hphotos-ak-prn2/1383357_10151823046566475_1445461535_n.jpg[/img]

luiming 2013-10-21 05:35 AM

回覆 1# 的帖子

當然是看獸醫

Pr dog巳咬狗,不應在放在dog cafe內,店主沒好好反醒,只會再有下次発生


如是咁,我覺得你要開cafe名

ms.kean 2013-10-21 07:43 AM

回覆 2# 的帖子

間野叫 on dog dog cafe, 我之前係open rice搵到的!

ms.kean 2013-10-21 07:48 AM

最可惡係 佢宜家仲要將所有責任推晒落去寶貝到..話係我寶貝激動,大狗同細狗打交 細狗一定唔著數 所以我隻狗比佢隻狗咬親都唔洗負責任 佢覺得係理所當然!!!好唔公平好無責任心囉!!

luiming 2013-10-21 11:59 AM

回覆 4# 的帖子

真係話分二頭.沒有分大細狗之分的,開口咬的一定是不對在先
店主沒有反醒,只有更嚴重後果
-------------------------------------
提外話,本人係養大狗的,我自己都覺蝕底.因我家附近的細狗多數唔上繩,但又惡到死.我大狗成日比佢地蝦,我只有避,一發現立即轉路走
因大狗有任何反坑,只會比人話[大狗蝦細狗]

【太初】 2013-10-21 01:08 PM

出口咬其他人/狗就點都唔啱,責任好明顯係店主果度,個店主好明顯係自知身有屎所以叫你唔好帶去睇獸醫

ms.kean 2013-10-21 03:23 PM

我宜家用一個好客觀既角度陳述返件事,無特別幫邊一邊,各位自己評。

事件經過:
話說9月21日,我帶我個仔(比熊)上on dog dog cafe玩,我承認我個仔有吠同"胡"Shabi。起初我都驚會有事所以抱住我個仔,但店主話因為我地成日抱住佢,佢覺得有靠山先夠膽咁惡,所以我信佢就放低左我個仔落地,之後佢係我朋友腳邊(近枱底)都無再吠。雖然我都聽到店主已經命令shabi離開。但個日一定無,只係命令Shabi唔好行過我地個邊,但無綁佢,自己又行開左。再之前我有時會見到個女仔綁住狗帶拖住Shabi係腰邊,個女仔行到邊佢跟到邊。我都知我自己都有責任,我唔算好好睇住我隻狗,因為我冇抱住同用狗帶,見佢坐左係我朋友腳邊就以為OK,而朋友又睇緊電視,只係一隻手摸住佢,佢無再吠又無再出聲所以我就不以為意。直到無啦啦聽到我個仔慘叫,繼而成張枱移左位,連杯野飲都跌左落地,我個仔就失晒禁流住血走返黎。之後店主叫左Shabi走開,問咬到邊到,我朋友抱住佢我檢查完就見到傷口係下巴喉嚨個位。 店主之後拎左野幫我個仔洗傷口,話傷口好深,但洗幾日傷口就會無事。但佢又唔係獸醫,我點敢信晒佢,我覺得梗係比醫生睇下穩陣D。所以我當時話帶狗狗去睇醫生,佢話唔需要,不過就算睇都記得叫個醫生唔好剷左佢下巴D毛,因為D毛可以保護傷口。之後我咩都無理就衝左落去港九狗會睇醫生,朋友就仲係上面埋左單先落黎。

結果:
昨天(10月20日)就同一個朋友上左去同店主理論。店主都記得件事,都承認左係Shabi咬親我個仔。但佢話根本好少事,本來可以洗幾日傷口無事,係我地自己要帶隻狗去睇醫生,所以點都唔會賠錢。之後我地問佢係咪姐係唔負責任,佢話其實受傷之後,我可以日日帶我個仔上去比佢洗傷口(馬後炮),但就係唔會賠錢。話我唔信佢反而帶狗仔去睇醫生係多餘,又話如果我帶佢去睇個$500-600既醫生又點? 如果係我個仔傷到佢個狗我會唔會賠? 我答左佢無之後佢仲笑我話你賠係你既事,我就一定唔會賠。

店主 "當時我已經命令左佢叫佢唔好行過你地個邊,之後我行左去第2枱跟一跟個客,所以睇少左眼,之後就已經咬左啦。就算當日你睇完醫生即刻上返黎搵我,我都唔會賠比你。因為根本好少事,唔需要用千幾蚊睇醫生,你可以上網唱我,叫你D朋友唔好黎,但我有好多客都清楚佢係隻點既狗,所以我點都唔會賠。我已經貼左紙叫左你地睇好自己D狗,比狗咬到自己負責"。

我 " 咁你又唔係獸醫,又無牌,我點信你?我只係見到得唔好餵PR狗同清理排泄物"

店主 " 咁係你自己選擇要去睇獸醫唔信我,咁宜家獸醫講既係咪同我一樣?你隻狗狗激動你都要管佢,唔係有事先黎搵我。如果個個客隻狗係我到食完野話返去又痾又嘔,咁我咪好唔麻煩?"

我 "但係宜家我隻狗係真係係你呢到比佢咬到喎,之後仲流住血落去睇醫生喎。"

朋友 "姐係宜家你點都唔會賠,你覺得幾百蚊仲緊要過一條生命!?"

店主 "你點講都好,我唔會賠錢。就算個日即刻上返黎Claim都唔會賠。呢到開左業3年都無發生過呢D事,你隻狗件事都係第一次,點解一有事要話係我呢到問題?你睇下,宜家個枱有隻哥基,又唔見Shabi去咬佢?總之我唔會賠,呢個係我原則。"

ms.kean 2013-10-21 03:24 PM

今日On Dog Dog Cafe事實回應

[url]http://www.facebook.com/permalink.php?story_fbid=666359696730675&id=184806991552617&comment_id=6905151¬if_t=like[/url]
可以自己睇

On Dog Dog Cafe
Pet Service · 2,940 Likes
Options for this story
致各位養狗人仕,店主心聲:

呢排舖頭發生一啲事導致我想係係到講少少心聲。心態擊進既細狗我地每日都見唔少,永遠其實都係主人問題。只係因為大狗殺傷力所以就要付多啲責任?細狗有脾氣有攻擊性就正常?細狗俾大狗咬傷就一定係大狗要負責?有挑釁性或者會咬人既細狗就理所當然?呢啲算係道理嘛?所以點解我成日都要同啲養細狗既主人講最緊要係學識點樣令自己既狗令靜,因為只有冷靜先可以真正保護到佢自己。好可惜好多養細狗既主人都聽唔入耳,在我呢位養狗者黎講只可以感到無奈。係開業呢幾個年頭,我諗我地都見過有過千隻狗、有聽人講既主人、有態度堅持既主人,見盡人生百態。我地亦都堅持我地對shabi sasa ar b ar 田既規舉;就係任何人未經店員既准許餵食任何PR狗!唔俾我地既狗狗走入枱底。但竟然收到既答案係話我地唔愛狗,覺得佢地好慘有得睇無得食,其實真係幾好笑。我相信如果我唔堅持呢啲規則我諗唔會再有客敢上黎,你地亦唔會見到佢地可以有依家既狀態。我承認我地開業以來識過三次傷狗事件,一次係因為我未熟識呀田既性格所以佢咬傷左一隻北京狗,個次,個次絕對係我自己問題,我亦為事件負責左。另外兩次都係shabi;一次係客人餵自己狗狗食零食,shabi坐係前面等食。之後個位主人既史納莎連續向shabi攻擊兩次,第一次shabi無任何反應,當時我已經命令shabi離開,但好快個隻史納莎好快就再攻擊shabi一次,shabi亦忍唔住反擊左一下,導致個隻史納莎耳仔受傷。亦因為當時個位主人心急想阻止導致佢隻手指受了少許傷,是次我地亦都作出賠償。事隔差不多一年,再發生一次不幸事件。有其中一位客人,佢既比熊比較擊動同唔冷靜,由佢地上黎到佢地走佢地隻狗都一路無停止過吠。最後亦都發生不愉快事件。是次我地無作任何金錢上既賠償。(詳細情況我唔再係到講因為太大編幅)最後我想表達既係,所有狗都會有情緒因為佢地係生物。我從來都對我既客人講我既狗狗一定唔係最乖,但我一定會盡力去控制同訓練佢地唔可以有激動既情緒(相信好多客人都知道shabi既冷靜程度)。但只因佢地都係大狗所以當受細狗挑釁發生打架事件佢地都一定係唔啱,因為唔知邊個定左個潛規則邊隻狗受傷個隻狗就係受害者。所以希望各位養細狗既主人必須一定要學識點樣訓練自己既狗狗冷靜,咁先係真正保護佢地。當發生事去追討責任時已經於事無補。"學習訓練狗隻先係愛狗既表現"!請各位狗主銘記於心。

mrabc168 2013-10-21 10:30 PM

*** 作者被禁止或刪除 內容自動屏蔽 ***

ms.kean 2013-10-22 08:16 AM

回覆 9# 的帖子

I can't find its license on Fahd website

【太初】 2013-10-24 12:49 PM

個解釋多鬼餘,佢唔係絕對百分百無攻擊性,就唔應該放佢出來做PR狗,
個店主只係利用PR狗做招徠,仲要覺得自己無問題真係OMG

fungus 2013-10-24 03:41 PM

[quote]原帖由 [i]【太初】[/i] 於 2013-10-24 12:49 PM 發表 [url=http://www.discuss.com.hk/redirect.php?goto=findpost&pid=374320541&ptid=22580997][img]http://www.discuss.com.hk/images/common/back.gif[/img][/url]
個解釋多鬼餘,佢唔係絕對百分百無攻擊性,就唔應該放佢出來做PR狗 [/quote]

呢點我都同意,加上個狗主又要招呼d客,冇乜可能時
時刻刻睇實



[url=http://m.discuss.com.hk][img=100,23]http://i1.hk/d/images/r10/mobile.jpg[/img][/url]

fungus 2013-10-24 03:48 PM

樓主亦有需要更深入了解自己狗狗嘅脾性,特別係去呢d人多狗多嘅地方,繩帶係「必要」



[url=http://m.discuss.com.hk][img=100,23]http://i1.hk/d/images/r10/mobile.jpg[/img][/url]

甜溜溜 2013-10-24 06:43 PM

有咬狗記錄的狗, 在公眾場所是應該帶口罩的.
如有事就貴客自理! 真過份!  
這家店鋪不去也罷...

mimi234 2013-10-24 10:43 PM

會咬狗ge狗,點可以做pr狗,咬得咁傷,換轉係佢隻狗會唔會洗下傷囗就算,咁不負責任都得,唔好再帶狗狗去喇.

carolcheung73 2013-11-6 09:12 PM

thx the sharing
頁: [1]
查看完整版本: 旺角某狗Cafe PR狗咬傷其他狗 店主不肯負責任!!!!!!