查看完整版本 : 只想分享一下一個不吐不快的經歷(太XX寵物酒店)

chobo 2014-5-13 20:35

本人因為5月頭需要離開香港幾日 , 所以事前已BOOK定寵物酒店[color=red](太XX寵物酒店)[/color] , 今次係第一次委託酒店照顧我隻異國貓仔5天 .

因為亞仔本身腸胃不好 , 曾經有血便 , 睇醫生後轉食左處方糧便便已經靚返 , 所以入住前我準備了5天食物的份量 , 用密實袋分好一袋袋 , 餵食時間亦清楚寫在袋上 , 由於寵物酒店可提供手人餵食嘅服務 , 每餐需多加 $30 , 考慮到亞仔被困籠5天可能會唔開心 , 所以亦安排人手餵食 , 原意係希望亞仔無咁悶 .    :smile_24:

入住的第一晚 ,
我千叮萬囑亞仔腸胃不好 , 唔可以飲生水 , 餵食要依我指示 , 店主即話 ”我都有2隻異短 , 放心啦 ”之後我想陪亞仔入房 , 亦希望了解入面環境同衛生情況 , 可惜店主話唔可以入去 , 只取了我手提電話 , 替我拍了一張亞仔在房仔裡的相片 . 只見亞仔躲在一角 . :Q

第二日 ,
我心急想知亞仔情況便叫酒店 SEND張相比我 , 一睇就把鬼火 , 明明未到餵食時間 , 但已經放左兜糧係度 , 完全無跟我指示做 . :@

第三日 ,
我問佢做咩放長糧 ? 佢回覆我 “佢好乖 ! 仲肯自己食野 !
咁有無餵佢食 ?  佢回覆 “貓唔係咁養架 ! 我幫妳教好佢 ! ”
便便有無問題 ? 佢回覆 “ OK 無問題呀 ”
(我諗 : 妳唔建議餵食做咩收我餵食錢???):(

第四/第五日
我最擔心依然係便便問題 ? 佢一樣回覆 “ OK 無問題呀 ”

終於接亞仔返屋企喇 , 一抱上手輕左成個碼 , 又甩好多毛 , 心知佢地緊係連毛都無幫佢梳過 , 但都唔緊要 , 最緊便便正常 . 我再問多店主一次便便有無問題 ? 佢好確定答我 “ 完全無問題 , 佢咁乖我仲獎左罐吞拿魚比佢食添 “
(食吞拿魚罐頭@@" 我無比過吞拿魚罐頭你喎!!!!已經心知不妙...):')

返到屋企惡夢正式開始……….
幫佢梳毛時發現佢PAT PAT 痴住好多便便 , 眼屎又多 , 之後痾左2次水 , 連血便都番發返 , 第2日即時帶佢睇醫生 .

醫生話有梨型蟲可能飲左生水 , 眼睛發炎 , 耳仔又有菌 , 最重要因為食左處方糧以外嘅野所以腸胃炎又番發 , 睇見亞仔無晒餵口 , 又要食藥丸飲藥水 , 心都痛 !!

真係火都黎埋 , 果間野完全唔跟指示做 , 咩都話ok , 自把自為亂比野亞仔食 , 特別係個凸眼女人經理 , 永遠唔會正面回答我問題 , 只識答我OK , 奉勸大家千其唔好去.
:@

[[i] 本帖最後由 chobo 於 2014-5-13 08:41 PM 編輯 [/i]]

愛貓。妹豬 2014-5-15 17:35

謝謝分享 :loveliness:

病在貓身 , 痛在貓奴心 !! 祝貓貓早日康復 ~~

chobo 2014-5-16 12:10

:) 好番好多了~

shizu 2014-5-23 11:51

其實咁係咪可以去消委會投訴?
頁: [1]
查看完整版本: 只想分享一下一個不吐不快的經歷(太XX寵物酒店)