查看完整版本 : 慶幸香港仲有好人 (路不拾遺)

TuanTuan 2014-12-19 01:37 AM

慶幸香港仲有好人 (路不拾遺)

今日係紅磡某高級住宅商場厠格,去完大瀨低部 哎風(雖然唔係最新款), 戇QQ離開咗半粒鐘後至發覺唔見咗部電話!!嗰一刻成個人好似癲咗咁,係咁狂樔自己個背郎,個人慌到諗唔到野。 叫自己冷靜d先,想起大緊時部機放咗係厠紙上面,好可能臨走唔記得囉。 雖然唔係100% sure 肯肯定係厠所唔見,但係呢刻唔返去搵唔通去報警咩。 好彩個陣位置距離商場只係三四百米之隔,立刻以飛人保特 9 秒 8 一支箭唔理有無車係咁跑呀跑跑呀跑,衝過幾條馬路再跑上條斜路,一路跑個心係度求觀音娘娘耶穌基督真神亞喇聖母馬利亞唔該保佑個電話要完封不動係番度,跑兩層電梯,再衝呀衝撞開幾道門,入到厠所係咁撞開d厠格門搵 , 仆街喇真係無!!呢刻個人好down,打定輸數心諗呢個世代無人唔貪,呢個時世執到電話多數都係無得剩,隨之就係諗自己最近幾時有backup個電話裡面d野。一路行番出去一路講算啦當比籍口自己換個部哎風。最後一個 possibilty 就係落埋樓下 Enquiry, 問下客服小姐有無人執到電話交俾佢。

嘿!香港地呢個世代原來仲有好人,有品,有良心,唔貪心同顧別人感受嘅人。嗰位客服四眼姐姐話:“有呀,頭先有位先生係厠所執到交落嚟㗎,以後小心d喇。”  

真係多謝個位先生,唔該晒,你真係好人。祝你2015年行運行到落腳趾尾。:loveliness:
頁: [1]
查看完整版本: 慶幸香港仲有好人 (路不拾遺)