FELIX009 2015-1-28 11:02
手竿釣魚056---心淡淡，玩淡水近排心淡淡，自從爆釣後一直打龜到而家（2015/1/23），都成個月有多，去到欣澳都係成海螢光藻（紅潮），魚仔都拖唔到一條。所以口淡淡，走去梧桐河玩下淡水，練下功先得。好想搵番有魚，細細力拉竿果種感覺。其實太耐冇釣到魚，驚揸起支竿會冇晒感覺至真。今次諗住順便試下支手竿釣塘x，買定泥鰍做魚餌。去到體操台立即開支21尺龍紋鯽，上次用佢上條磅頭百花鱸卓卓有餘，手感十足。今次如果中條大D嘅，唔知會係點呢？由於預計會有大野出現，所以用左手頭上最幻幼嘅魚絲，1號，同最細嘅夾鉛一粒。可惜“鰍”上“鰍”落，又遠又近都亳毛動靜。釣左半個鐘到，轉一轉玩番12尺手竿（春雷，超硬），只係將頭先條絲改短就攪掂。不過今次唔同左，釣斜石壆嘅腳邊。口餌一落冇耐就有野攪。雖然支手竿係超硬，同條魚好細力咬，但仍然感覺到，我一揪，就中左條藍刀。之後又上左條生魚（？）同藍刀後，跟著就係咁勾樹枝上黎。後尾中埋地球斷埋。斷埋就好，長短手竿都叫試過，都係時候換支仙竿玩下。支竿今次有小小改動，手攪座改前左兩三寸，手把長左好揸D。另外隻蟻王打左1.5pe4號尼龍做腳，本來諗住釣百花鱸嘅，今次釣塘x就算啦！相信支仙竹唔會軟過支春雷，所以落左粒3B夾鉛落去。其實1B都可以，係個人開始燥冇乜耐性，3B就3B可以快上快落丫嗎，唔換咁多啦！時間唔等人，正所謂釣魚一刻值千金，釣左先算！果然冇耐又上多條藍刀。係臨尾唔多覺咁又上埋條羅非就結束左今晚嘅行程。下次要認真D買D粉餌，玩台釣先得！
FELIX009 2015-1-28 11:02
遲D補番相！
[[i] 本帖最後由 FELIX009 於 2015-1-28 09:22 PM 編輯 [/i]]
仲賢mak 2015-1-30 18:43
正呀！
[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]
hkwu888 2015-2-3 16:51
釣邊個位？
[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]