查看完整版本 : 地產界的苦與樂

ilovekaykay 2015-2-9 05:15 AM

地產界的苦與樂

[font="]好吧[/font], [font="]我好想在香港討論區認識一些志同道合的朋友[/font],[font="]如果今年可以在職場上認識一些互相扶持的朋友[/font], [font="]至少我在這個靠人脈生存的地產行業可以生存得很久一點。[/font]


[font="]希望各位可以聽聽我在地產界生活的故事[/font], [font="]有點長[/font], [font="]希望各位給點耐性。[/font]


[font="]好吧[/font], [font="]先說說我自己[/font], [font="]我大學畢業之後[/font], [font="]當過很多份工作[/font], [font="]想想前後應該超過十份工作吧[/font],[font="]大學本科讀的是電腦科技[/font], [font="]畢業之後[/font], [font="]我有找過與電腦科技相關的工種[/font], [font="]自覺賺不了大錢[/font], [font="]改善不到生活[/font], [font="]於是轉行[/font], [font="]有段時間人生很失意[/font], [font="]不知道前路該如何發展[/font], [font="]於是一個人離開香港[/font], [font="]第一次乘飛機[/font], [font="]出走美國三個月[/font], [font="]那三個月是我人生最愉快的日子[/font], [font="]亦令我很嚮往外國寬闊的土地以及明媚的風景[/font], [font="]從此也奠定了我旅行家嚮往自由與浪漫的個性。[/font]


[font="]回到香港之後[/font], [font="]在多個圈發展過一段很短的日子[/font], [font="]真的說來很慚愧[/font], [font="]電影圈[/font], [font="]電訊圈[/font], [font="]創業圈[/font], [font="]大學[/font], [font="]小學[/font], [font="]都有過我的足跡[/font][font="]。曾經在灣仔一間上市的金融機構打過工[/font], [font="]可是[/font], [font="]唉[/font], [font="]自嗚清高吧[/font], [font="]考完那些相關的牌照[/font], [font="]細心閱讀過有關基金的內容[/font],[font="]在行內了解過基金的風險[/font], [font="]覺得向人推銷基金是難說服到我自己[/font], [font="]我實在不可以瞞著自己良心向身邊朋友及客戶下手[/font], [font="]於是我做了一陣就離開了。[/font]
[font="]良知是不能當飯吃[/font], [font="]我告訴我自己[/font], [font="]必須要盡快找到下一份工作[/font], [font="]在網上找找之後[/font], [font="]又剛巧碰上我現在工作單位的主管在網上發廣告請人[/font], [font="]我稱他為阿神吧[/font], [font="]因為他是我遇到過[/font]eq[font="]最高[/font], [font="]最通情達理的上司。[/font]


[font="]我跟阿神其實挺有緣份[/font], [font="]可能他天天碰很多人[/font], [font="]不這麼認為吧。由於我很早年就喪失家人[/font], [font="]所以當我遇到阿神時[/font], [font="]我感覺他就像一位慈父一樣[/font],[font="]很自自然然我對待他也並非看待成上司跟下屬的關係[/font], [font="]而是父母親人的感情。[/font]


[font="]進入了現在這間地產店[/font], [font="]我在那間分行工作[/font], [font="]不方便透露了[/font], [font="]如果想彼此交過朋友的話[/font], [font="]再私下[/font]pm[font="]我吧[/font], [font="]可以說的是我在中美利港四大地產代理行之一做地產代理吧。[/font]


[font="]剛剛進去[/font], [font="]也是上年的事[/font], [font="]當時我在金融界失意[/font], [font="]對什麼職業已經沒所謂[/font], [font="]什麼機會都試試吧[/font], [font="]去地產界也只不過是當體驗一下[/font], [font="]沒想到在那七天[/font], [font="]我發現我上司阿神很用心地教導我[/font], [font="]誠然[/font], [font="]在這個現實又忙著賺錢的地方[/font], [font="]竟然感受到人間的溫暖[/font], [font="]令我很感動。可是[/font], [font="]七天之後[/font], [font="]我收到另外一間公司的[/font]offer, [font="]那家公司出的銜頭與條件都是一個大學生合理的薪酬水平[/font], [font="]我當時身上的現金都已經花得七七八八[/font], [font="]而考慮到繼續做地產[/font], [font="]至少要捱上三個月五六千底薪[/font],[font="]結果權衡過風險後[/font], [font="]我就選擇離開地產界[/font], [font="]跳到下一份工作去。[/font]


[font="]可是[/font], [font="]好境不常[/font], [font="]下一份工作的老闆脾氣差到不得之了[/font], [font="]我很難適應她[/font], [font="]其實我對於一些不解溫柔的女性本身有種抗體[/font], [font="]令我不想與她們再溝通下去[/font], [font="]這跟我的童年有關[/font], [font="]童年時我的母親情緒極度惡劣[/font], [font="]我自小就想離開家自立門戶。很自然而然[/font], [font="]我就懷念我在地產界很栽培我的師傳阿神[/font], [font="]我時時刻刻都很想找回他[/font], [font="]最後[/font], [font="]我當機立斷[/font], [font="]當真找回他。[/font]


[font="]阿神不計較我跳槽[/font], [font="]歡迎我歸隊[/font], [font="]我對他實在感激不盡。[/font]


[font="]既然決心在地產界發展[/font], [font="]也就不要想回頭的路[/font], [font="]地產界也有很多挑戰[/font], [font="]這是我再次決定回去之前[/font], [font="]就已經做好心理準備[/font], [font="]結果一如我所料[/font], [font="]真的有很多挑戰。我打過那麼多工[/font], [font="]發現職場上人品好跟人品壞的人真的參半[/font], [font="]而學習與那些人品差的人相處[/font], [font="]根本上才是社會大學永遠學不完的課題。[/font]


[font="]說說我自己[/font], [font="]我會形容我自己比較孤僻[/font], [font="]有點慢熱[/font], [font="]但我不會害人[/font], [font="]有點率直[/font], [font="]不太懂得妥協[/font], [font="]有時保護自己時會據理力爭。[/font]


[font="]我的執著與主見[/font], [font="]讓我有時如魚得水[/font], [font="]有時卻搞得跟身邊的人有著一點距離。[/font]


[font="]比如說[/font], [font="]我公司有些女同事[/font], [font="]她們不太愛教新人東西[/font], [font="]關於這點[/font], [font="]阿神一早已經告訴過我[/font], [font="]他說[/font], [font="]這裡是生存制[/font], [font="]多隻香爐多隻鬼[/font], [font="]別人教了你[/font], [font="]他們就少了一宗生意[/font], [font="]所以嚴格來說他們不會願意主動去教你[/font], [font="]我也很明白這些遊戲規則[/font], [font="]因為再次進入地產界之前[/font], [font="]我就跟自己立下一條守則[/font], [font="]這也是我在金融界那裡打滾完過後學懂的最重要一點[/font], [font="]就是永遠不要過份依賴別人[/font], [font="]要堅信自己的真理[/font], [font="]死都要死在自己手上[/font], [font="]不要死在別人手上。[/font]


[font="]很快[/font], [font="]我當真看見身邊一些同事比較醜陋的一面[/font], [font="]說話間盡是對人嬉笑怒罵[/font], [font="]有時甚至不留情面[/font], [font="]但是他們之間也是當此為一種文化[/font], [font="]我素來不會對人公開攻擊[/font], [font="]所以他們這種文化[/font], [font="]我沒有跟隨。[/font]



[font="]夜已深[/font], [font="]下次有時間再上來同大家吹水。[/font]:smile_o03::smile_o03:

栽種有時 2015-2-9 04:47 PM

留名 + 期待



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

lawkevin 2015-2-9 07:15 PM

繼續寫吧~等睇緊



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

ilovekaykay 2015-2-11 10:32 PM

師傳話,你在地產界認真做五年,等如人地行左十五年的時間,
係既,我的師傳,是傳說中的鐵腳馬眼神仙肚,
雖然是四十五歲,但是一點老態的沒有,
有時,我仲覺得他有點像個反老還童的小孩,個人親和力好足夠,
他跟小孩玩得很埋,難怪d客咁中意跟佢。
係架,地產呢行,客要跟,係跟個人,而不是間公司,
所以,我地sale係,係sale個人,有料去到邊都唔怕冇人請。

:smile_13: :smile_30:

先講講我的同事,聽說他們是一大班由利家閣(行內稱為利仔)過檔來做,
所以他們之間的交情特別深。我一入去,感覺自己似個form one仔,
而佢地成班form 7的,自不然唔係點理我呢個form one仔啦,好正常的事。

於是,師傳阿神一早教左我,要同人打招呼,我有,
不過我慢慢開始覺得朝朝早同招呼,太過有禮貌,同事不會理我,
反而互相疾下對方,才是佢地拉近距離的打交道手腕。

我在裡面日坐夜坐,聽住班同事日講夜講,
好容易習以為常,跟左佢地串串貢的口吻來對師兄。
我對女同事多數都係恭恭敬敬,因為我以前中學讀女校,
見慣晒d女仔互相妒忌的畫面,所以長大後我跟女性的相處盡量都係恭恭敬敬,
盡量唔想惹起人際間的衝突咁話。
相反,對男同事,如果他本身的思維都係諗糊口的事,
我多數都好快可以溝通到彼此的思維。

串串貢一排,竟然被一些老紀比較大的同事對我指指點點,
於是,我又開始調整我對同事的溝通技巧,
就係唔交流咁多,唔同佢地講咁多野就係最安全存喇,
最多就比人感覺我木獨,食飯我多數都係自己去商場,
講起食飯文化,第二間地產制度我唔知啦,
我自己果間就好free既,你可以自製break,
可以唔break,總之你有數交,對住老細唔出聲都仲得。

講下呢度的更表,通行地產界都應該係一樣,星期六日及公眾假期冇假放,
只可以放平日,我見過阿神直情有時連假都冇放,
個客係都要在你放假先來睇樓,為左生意,就都就左個客先。

手提電話方面就梗係長期跟身,阿神一早已經講左,
個客三更半夜打比你,你都要起身聽,不過我後來慢慢先知道係阿神比較追求完美,
睇你想做一個點既人,阿神永遠會說,你肯蝕底,做八成人唔肯做的事,
發達一定有你份,所以以上的唔係必然,只係睇你個人肯付出幾多而已。

咁至於初初入去 ,又會有咩做既呢,
我好記得第一日入去,就係行熟自己區份的所有地盤,
好得意架,我工作的呢間地產店,好近我屋企,
話雖好近我屋企,但係我唔做地產,我都好少踏足呢區的私樓,
而亦都因為做呢行,我先可以有機會接觸晒所有私人屋宇及會所,
有時,亦都會有機會睇到香港的豪宅,例如紅山半島。

新人入來第一件事真係要熟樓盤,要背晒floor plan,
而且要了解每個屋苑的所有出入口,
我師傳會說,如果你唔熟出入口,或者你明明可以帶個客行近少少的出入口,
但係你帶左佢去個遠一遠的出入口,比個客知道左實會覺得你呢個agent流流地,
之後你做所有野都唔會再比到信心個客,
所以做agent就等如做一個合格的外賣仔,一樣需要專業。

我呢區的師兄時不時就會來考我牌,考我熟唔熟樓宇實用面積,
兩房有幾大,三房有幾大,四房有幾大,如果個客想搵四百萬樓有咩介紹,
如果冇既話可以點算,首期點計,按揭借到幾多成,
師姐叫我要好像少林寺咁要練好武功,所以開頭初去真係冇咩做,
都係背盤多。

其實,入左地產,最impress我既係個地產系統,
呢個系統真係勁野,好多業主,租客,經紀資料都齊料,界面超多但其實簡單易用,
我以前係讀資訊科技,可惜大學讀書果陣都冇lecturer去lecture一d咁好用的界面系統,係直到我入左地產,先發現香港的it,其實仲有得救,
不過不是以個人層面,而是以一間公司的規模咁既size來講,
如果你有本事以公司名義去接到呢d大project,寫到咁樣的system,
一定可以實收幾百萬至幾千萬不等,我諗一間上市地產企業不會不願意花呢筆錢,因為一個優化的系統確實可以影響著不少agent的思維模式,也會幫助生意額。

我上一份工的老闆就係唔明呢樣野,所以她盤生意也不見得會做得大。

有了先進的系統,我地做agent先可以每日打出不少cold call,
打cold call係我主要的生活之一,因為你的生意來源,
係來自於電腦系統內的cold call/phone in客,或者是門口push in客,
又或者是網上自己放廣告。
如果當你做到有一定口啤,你可以行出去參加多點公開活動,
去結識社會上不同的人,派卡片比一些富豪,參加一個parties,
同富家子弟打交道,但大前提係你真係對房地產的投資好熟悉。

因為我以前做過金融,我似乎好知道金融也好, 地產也好,
都係給客人一個夢,做金融推銷基金計劃的會跟你說,
“小姐,先生,想唔想十年內創業,十年後上車,我可以助你達成你的理財目標”,
做地產也一樣,同樣都係讓你的客人有一個安居樂業的夢,
買樓可能對於大部份香港人來說是一次重大的決定,
所以來得睇樓多數都係有要求的,這亦是我們做經紀值錢的地方,
師傳常說,流啡啡的agent好快就會沒市場價值,好少就會被淘汰,
我們要做最有價值那一群。

這是我們區分的第一類上車客人。
而第二類就是職業炒家,佢地手上通常有幾層樓需要搵agent放盤,
我們的責任就係幫佢地登廣告,市好就放,市差就封盤,
多數業主都係純粹放盤而不賣盤,所以我地一定要時時打電話過去問他們,
係咪真係以呢口價成交,如果態度唔算好確實的業主,我地通常都會擱置一旁。
有人睇再寫落去。。。

:smile_13: :smile_13: :smile_13: :smile_13::smile_30: :smile_30: :smile_30:

hinhin015 2015-2-12 12:40 PM

c姐 我都係今年grad 既大學生  好想睇落去

淘金 2015-2-15 08:20 PM

新人做二手,做到都要同人分,分分種俾人食埋。
不如二手射一手,佣金和味。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

t0ng:) 2015-2-17 05:08 PM

想睇呀

想睇呀

ilovekaykay 2015-2-20 10:46 PM

好多人都會問入呢行有冇假放架, 對, 包括我自己由day 1入去,
已經問師傳, 問同事有關呢個問題,
呢行係冇得放星期六日, 而大時大節如新年聖誕復活節等其實都要返工,
當然是輪更制, 有同事頂更你才可以放假。

咁呢行又可以學到d咩呢,
我自己覺得學野黎講, 係大把機會,
一入職的時候, 間間地產行都係一樣, 廣告紙上會寫住,
中五學歷, 無須經驗, 專人培訓, 良好晉升機會,
其實又係真的, 我入既係中美利港四大地產代理行之一,
入到去, 總行會定時出電郵叫一班新人去上培訓班,
有專人教你電腦的知識, 教你考地產代理牌照的知識,
教你簽買賣合約的知識, 呢個時候, 終於可以有機會結識到外區新入來做的同事,
大家同一個level, 心理上同步一些, 起碼在溝通上都同聲同氣。

對比返之前我在金融界的辦工機構, 金融界的培訓, 就比呢度遜色得多,
起碼呢度會有人幫你貼晒題目去考好你需要的地產牌,
考得成績好, 之後上地產牌費1288元, 公司又會準貼返你一半。
而之前金融果份工那邊, 我前老闆只係扔晒所有筆記比我,
叫我自己應付個考試佢, 仲好不負責任咁同我講, 個試好易姐, 個試好易姐,
結果搞到我真係以為好易而掉以輕心, 考衰左要比多七百元重考,
真係冇蔭公!

考完牌之後的生活, 就當然係回歸你的辦公室。

做代理的責任是學晒所有的合約簽署,包括租約,臨時買賣合約,正約,睇樓紙(行內叫form 3,form 4),仲有物業資料表格,師傳教我,要在一分半鐘之內寫好晒所有合約,
然後在三分鐘之內解晒成份合約比你的客戶,唔好太遲,
如果唔係,客戶係會冇耐性。同埋,解合約的時候,要避重就輕,
唔好解到你果客問題多多,因為好多時個客都會針住你既point然後同你雕花,
我地做代理的責任係要令個客清楚合約細節,同時亦要避免好多將來惹起爭議的位置。

同次,就係要適應一下辦公室的政治氣候啦,
辦公室政治,度度都有架喇,又唔係只係某一兩個行業的遺傳症,
與其話係辦公室政治,不如話係舊人留落黎的規矩。
我呢區分行的同事算係直接,有咩唔妥,唔會放在個心度,直接同你明刀明槍開火,
有好有唔好啦,從好處諗係,有咩唔滿意的可以得到即時的解決,
唔會話留過夜,積埋積埋,先黎一次過同你數上幾次筆帳,
我初初般報到果陣,其實我個人就好隨和,
唔介意同事用我桌面的東西,也唔介意自己果位比人霸佔,
但係同事原來內心夭有把尺,相反,同事唔中意其他人碰佢地的任何東西,
如果你唔小心碰到人地的野唔道歉又唔錯,同事就會針住你唔比你走。

至於同老細的關係喇,就更加係一場新舊思維的角力賽。
點解我咁講,首先我算係好有福氣,跟著的呢個師傳,
呢一區係猛將如雲,個個都係跑數精英,佢地有佢地自己一套應對客的手法,
而我呢,我自問都做開見客的工作,見客對我來講唔係一件難事,
只係當我的行業知識唔夠的時候,我對住客才會顯得cool cool地,
好簡單一個道理,怕被人問一d我唔識答的問題。
我呢區的區董當初都係由新人做起做到而家二十年了,
佢教新人絕不手軟,我都見過佢鬧同事鬧到體無完膚,
所以好自然地我都驚左對區董直接對話。

初初頭我都試過比區董考我牌,考我大廈的知識,考到唔識就訓話訓到我淚流披面,
不過,後尾我再問返其他區的新人,我先知道原來其他區的經理真係唔教人野,
所以我有幸入到少林寺,先至會咁嚴苛。

咁講下我自己的功力啦,其實真係要打電話,
一日打百幾二百個,就會有十個八個有興趣聽你吹水,
初初打去果陣,真係唔知講咩好,
是有一日,我被區董罵我不看地產界新聞,
於是我自果日起發奮朝朝都睇住咁多份時事評論之後,
發現自己終於有些見解可以同客滔滔不絕了,
你要知道的野,係以下幾點,
第一,你要知識你主區的一手樓盤,黎緊推咩新盤,
新盤涉及的伙戶,主打幾多房,同埋地理位置,發展商係邊間,
呎價係幾多,幾時可以有樓花,開樓期又係幾時。

好喇,咁應付自己區的客口客喇,又係點應對既呢,
打電話既野,真係唔識都話可以拿住張貓紙或報紙剪貼對住讀啊,
但係門口客係考即時反應的時間,唔會有人飛紙仔比你話你知對白,
所以你要一早背好晒對白,見到客就present。
present都講技巧,首先就係同個客保持應有的距離啦,
客人通常唔中意代理行得太近,
如果個客肯問你野,咁即係你表演的時候,
呢個時候,你要做一個新聞從業員 ,即係識得只係present標題去吸引客人聽你講,
個客有興趣先再跳入細節。

apple12321 2015-2-22 01:06 AM

好睇呀!支持



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

primegate 2015-2-22 05:30 PM

回覆 1# 的帖子

Support.

龍學堂 2015-2-22 07:31 PM

大學生轉番行吧!



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

逐夢者 2015-2-22 11:00 PM

難得見到有咁有心機分享同有意義既文, 推!
我都係從事地產行業(外國),最近有興趣打入香港 /中國MARKET. 有機會交流合作.
呢個係新ACCOUNT所以PM唔到你, KEEP IN TOUCH!

ilovekaykay 2015-2-23 11:36 AM

回覆 #12: 地產界的苦與樂

Hi 逐夢者 你在外國邊度啊現在?:smile_o15:



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

ncw1095 2015-2-24 12:08 AM

做地產係辛苦ga~~~



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

shiumy 2015-2-24 12:08 PM

咁遲先update一次..等死人咩:smile_27:

ilovekaykay 2015-2-24 12:28 PM

冇計啦 平時有開工冇收工,不過再多d人上來睇既話我咪更新得快點喔



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

臨江仙 2015-2-25 12:04 AM

有心人!正!



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

ray838 2015-2-25 11:52 PM

樓主你好 !小弟正讀考牌課程,就快考試, 睇到你寫你的地產入行嘅日子 ,對我來講太好啦



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

ilovekaykay 2015-2-26 07:13 AM

先同大家講聲唔好意思, 知道大家久候我的消息了,
但係我一個星期先放得一日假, 真正可以靜下來打幾隻字,
就只係得呢一日, 所以大家唔好見怪,
我好想有幸可以keep住個個星期都放些見解上來,
或者若干日子之後, 就可以集結成書,
或者可以有幸好似膠登果篇<<男人唔可以窮>>咁寫到出晒名, 然後有電影商拍成電影就好了=)

:smile_o10::smile_o10::smile_o10::smile_o10::smile_o10:
好多人都關心呢行的搵錢模式係點架,
其實間間代理行能夠給予的底薪都係5000元到8000元不等,
中美利港四大代理行一般都是在考到正式牌照之後出7500元底薪,
而世紀21那些就高一點, 加多500元,
無他者, 都是因為地產係一場戰爭, 打人海戰術,
人多就自然勢眾, 而其實比幾千元月薪養一個代理,
通常成交一單兩三萬月租的租務, 所有成本就已經蓋完了。
因為代理係靠佣金生活, 師傳經常話,
如果靠底薪生活, 真係衰過做賓妹, 更比不上麥記的最低工資。
佣金制係咁玩, 大行有大行的規矩,
每一宗買賣的成交, 買家賣家都會各自比樓價的1%佣金你袋袋,
每一宗租務的成交, 業主和租客都要比返成交租金的一半金額你袋袋。
睇到呢度, 一定又會有好多人眼紅我地做代理踏水,
真係唔做過代理唔會明白, 我地每賺的一分一毫的背後,
承受左好多次被拒絕, 在電話被人用粗口問候, cut線,
比行家截足先登, 比業主反價, 比準買家臨陣no show的沮喪與失望畫面。
有時, 仲會遇到一些買家業主跟你講, 要回佣,
沒錯, 考地產試果陣, <<常規>>和<<地產代理操守守則>>都會話回佣係有損行業良性競爭的行為,
但去到現實生活, 如果業主買家話你知隔離中原利家閣回幾多比佢地,
問你又回幾多, 你真係要諗諗係生意行先, 交數比上頭行先, 而選擇回不回佣。
甚至有行家一蚊傭都唔收, 已經做壞晒規矩。

好啦, 呢筆傭你收到之後, 要再同你公司分成, 分成都有一個計分表,
做一手盤的佣金分成比例比二手盤多5個百分比左右。
而大致上, 公司收七成, 代理收三成,
假設你洽談成交一宗700萬的二手樓, 你在買家和賣家中各自收足1%的傭,
每邊7萬, 總共14萬就先上數到總行的會計部,
會計部會在兩個月之後, 將總數的三成過返數到代理的戶口。

:smile_o12::smile_o12::smile_o12::smile_o12::smile_o12:
咁在呢行捱幾耐先有你的第一宗買賣,
我會說各人的成長步伐都不同,
有人一入行14天就已經bingo, 有人需要三個月, 有人需要半年,
人人都不同。你做不做得成第一宗買賣, 當中有好多決定性的因素,
主要分為環境因素和你本人的質素。

先講環境因素, 你在什麼時勢入行, 你係咪正正在一手盤最旺貴時入行,
定還是在類似03沙士, 08金融海嘯呢d環, 2012年樓市雙辣招等的地區性, 環球性, 政治性的敏感時刻入行, 都會對你造成一定的優勢或劣勢。
另外, 你在邊區上班, 是豪宅部還是住宅部還是工商部, 你所處的店位置是在馬路旁邊大街上還是在商場內, 人流旺不旺都是一個因素。

此外, 就係你自己的質素, 你係一個點樣的人,
你的相對一個陌生人來講係唔係靠得住, 眼神係空洞鬼祟倦怠還是自信有神,
你一開口把聲夠唔夠說服力, 定係言之無物, 講來講去都係“大概, 或者, 應該, 可能”這些不肯定的字眼, 講極都講唔到重點,
呢一切一切, 都會決定你的第一次。

最後, 就係你的想像力, 邏輯思維, 分析力而構成你說故事的能力,
我在金融界返工時, 請我的那位老闆都係咁強調說故事的能力。
係架, 好像<<華爾街狼人>>其中一幕咁真實,
你係有料, 就算我比枝平平無奇, 無咩價值的原子筆你,
你都應該能夠講出佢既價值何在。
價值這回事, 真係由人把口堆砌出來,
香港以前都係一個漁港啦, 今時今日卻變成國際大都會,
所以, 戴卓爾夫人話過, mind your language, for they become your action.
你的言語最終變成你的行動力, 佔你一半的成果。
好在我由細到大都有一個生活習慣, 就係錄自己音再聽返自己把聲,
再加上我小學時就已經講故事講鬼故比一大班在屋邨識在街度識的街童朋友聽, 中學時期又係唱開歌, 參加開歌唱比賽, 五音健全,
所以說話方面會成為我入行的武器。

:smile_o13::smile_o13::smile_o13::smile_o13::smile_o13::smile_o13::smile_o13:
分析力, 又係分析d咩呢, 做地產真係好得意,
好似我小學時同班街童朋友玩21點玩鋤大D玩象棋咁,
你只要適應左地產界的步行模式,
基本上你每日返工根本就係一場捉一世的棋藝。
點解我咁講? 因為你每一日每一個鐘選擇做什麼事, 都係影響下一步的賽果,
我記得有次我在地鐵站剛剛睇完一手樓的樓盤書,
然後, 回到公司就剛剛收到一個phone in客的電話問那樓盤的資料,
所以你個心一定要做足預備, 客戶係會無時無刻悄悄間出現在你面前,
令你防不勝防。又有一次令我十分不開心的經歷,
有次在門口接到一台想租兩房的客戶,
我幫佢地介紹左一個一直無人問津的租盤,
但因為那天我接近下班有事不能給他們帶去睇樓, 想約翌日,
誰知翌日已經撥不通他們的電話, 而正正就是這一日,
我之前給他們的租盤成交了租務,
我有九成確定是這台租客跟了其他細agent租了。
事後, 我有問我自己, 如果我當時唔處理自己的私人事,
而係帶佢地立即睇我介紹的樓盤, 咁樣果單租務會唔會就係我既呢,
呢件事上, 我學識左一個道理, 就係要時不時需要在個腦度自製不同的畫面,
去諗點樣見局拆局, 在個腦度諗如果唔想咁我可以點樣做先至更好的牌章。

好喇, 又講講大家最關心的人際關係互相競爭的那回事,
入行前, 我自己一早就知道地產界係鬥多生意, 行跑數制,
提到“跑數”兩個字, 我覺得各人有各人的理解, 有人未參與過已經嚇唬左,
其實所謂的跑數, 對我的理解是, 同參與一場競技賽差無幾。
你一定係對你所做的事有熱情, 你才會覺得自己有嬴的決心,
所以, 與其話將個焦點放在跑數上, 我會說不如將個焦點放在你要賣的產品上,
因為對住你不喜歡的產品, 就算那產品幾賣錢, 你都唔會因而發達。
地產地產, 入行果日, 區董已經講, 我地係賣樓, 唔係賣肉,
我地係賣對樓盤的資訊, 所以你要在入行以後就建立起對樓市的分析力,
而呢d分析力係透過你每日抄得多成交樓盤, 抄到你對樓的價格建立一種敏銳度而獲得, 就說我自己, 我自己一定不是先對樓市就有認識才入行,
而是什麼都不識, 心口掛個勇字入去, 但係我個人基本上好奇心好重,
特別是對一宗買賣的成交, 我會留意係邊間代理做成,
本身業主幾多個月前用幾多錢買入, 賣出後扣晒所有律師費用所有印花稅等基本入場費淨賺幾多,
然後, 又因為我已經在總行的土地查冊班學了如何查冊,
所以我有時會打開個別的樓盤來睇睇呢層樓的樓宇情況,
之前經歷過幾多手業主, 做過幾多次按揭,
中間有冇因為危險建築令被人釘過契,
有沒有離婚令令到業權問題曾經受到影響等等。
正所謂功多藝熟, 睇得多自然熟盤熟樓市,
在地產界, 你只要自問你中意樓呢樣產品,
你自自然然會在幫人置業這件事上做得比人出色。

那同其他同事的關係又會唔會因為互相競爭而有所影響呢,
好, 我必須要客觀咁講, 行行都有競爭, 只係作為打工仔的你有冇自覺到而已,
因為在任何一個老闆的眼中, 自己就是跟其他同事被比較的一群,
但係做地產你係打個人生意, 你不是把心思放在招呼你老闆的臉色上,
而是把心思放在招呼你的客戶上,
而要給予什麼東西你的客戶,
或者要招呼哪類客戶, 不招呼哪類客戶, 都是由你去控制,
所以你在入行初期掌控的事基本上是比其他行業多。
由於我本人試過在一些架床疊屋的環境工作過,
適應老闆的脾氣已經大過自己本身的正務,
那才是真正的浪費生命, 虛度青春啊。
如果你自問是個主見性比較強, 有著你本身執著,
或者喜歡表演個人才華的人,
我認為由銷售做起會是大有發揮空間。

咁如果自己數好數差, 又會唔會令到身邊的人眼紅妒忌,
我會說一句, 首先自己要保持對自己的專注度,
專注好自己以後, 就是虛心去向人求教,
見到數好的同事, 我會採取一個觀察的態度,
聽佢的講辭有邊度係好過自己, 然後學習偷師, 成為我自己的養份,
然後, 遇到一些比自己更新的同事, 我會主動去教她如何幹去縮短犯錯的時間,
有時我更會主動與一班新人同事互相扮客,
練習打電話的技巧, 互相練習寫合約的速度,
如事者一邊去學習別人, 一邊也成為別人的同伴和老師,
分享多點自己的經驗出去,
這樣敢寫包單一定成長得超快, 而且沿途也賺了不少人際關係。
畢竟我們是做對人的服務, 今日你如何對人, 他日別人如何對你。:smile_o07:

[[i] 本帖最後由 ilovekaykay 於 2015-2-26 07:35 AM 編輯 [/i]]

人將就木 2015-2-26 08:45 AM

[quote]原帖由 [i]ilovekaykay[/i] 於 2015-2-26 07:13 AM 發表 [url=http://www.discuss.com.hk/redirect.php?goto=findpost&pid=410120615&ptid=24328971][img]http://www.discuss.com.hk/images/common/back.gif[/img][/url]
先同大家講聲唔好意思, 知道大家久候我的消息了,
但係我一個星期先放得一日假, 真正可以靜下來打幾隻字,
就只係得呢一日, 所以大家唔好見怪,
我好想有幸可以keep住個個星期都放些見解上來,
或者若干日子之後,  ... [/quote]
:smile_o12:, 遇有同TEAM的搶客, 如何處理?

ray838 2015-2-26 11:41 PM

其實好似奧海城做例子  ,一間鋪有十幾人 ,一個商場有七,八間地產 ,自己鋪已經爭崩頭 ,仲要甘多鋪 ,點搵到食?



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

大懵人 2015-2-27 01:50 PM

留名。。。很寫實



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

alcy93 2015-2-28 06:30 AM

Educated
Support!

ray838 2015-3-2 11:29 PM

��等update中



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

dwongts 2015-3-4 01:12 PM

支持!期待樓主繼續出文!

ilovekaykay 2015-3-5 09:02 AM

既然有人問起我關於同team爭飯食呢個問題,
咁我又解下話啦。
我入我而家呢隊team的時候,
我係最新果位,之後幾個月,公司就陸陸續續黎左幾個新人。
搶生意係當然事,因為地產界本身都係透過同事與同事之間的競爭去促進生意。
例如我地會搶電話call入黎的客,搶門口的客,
只可以話搶係一個公認的文化,禮讓其實只會令到自己業績唔好,
而重點係,搶人地盤會唔會導致同事之間口角繼而打交呢,
好好彩,我師傳定左一條最人性化的規條,
就係門口的客,或者phone in客,如果佢係同開你傾開先,
就係比你跟落下去架喇,之後其他同事都要讓開。
所以,一個辦公室如果有優良的管理文化,
基本上先至有良好的秩序。
亦都因為我地呢班做代理的慣左搶,一班同事一齊去茶樓食飯,
一上菜就會夾埋去,大家係互相有個共識, 執輸行頭慘過敗家。

又講下我自己的生活。
其實, 地產呢行真係好精彩, 賺錢可以話易, 亦都可以話難。
我師傳話, 我地的九龍區董事當年會考得幾分, 但係試過一天簽三張大單,
一日執三十萬, 呢一行精彩的地方, 係在於你可以幾個月冇單開,
但係一旦開單, 開到你手軟。
我入左行之後, 我發現自己已經唔會再好似一般打工仔咁思考,
而係應該以一個生意人去思考事情,
呢度唔會有老闆去指示你每日要做的事, 而事實上我地唔係做文職,
亦都唔係做後勤支援, 所以一些師傅交帶落要做的工作,
好似抄成交, 報成交等, 其實你可以連做都唔做,
因為呢D工作做出來唔係同你老闆交差, 而係深化你自己的功力。
但係, 有一點比較重要, 返工真係要腦袋,
對客就快思快想, 快人快語, 亦都要有領導客人的思維,
我師兄常常同我講, 你返工可以咩都唔洗做, 但係唔可以唔帶腦袋,
又的確好道出我地做代理的生活就係一場腦力激盪。
基本上, 你要好知道拿起個電話果陣, 要同你果客準備講乜,
例如我地每次準備同個客介紹一堆野之前, 其實都係預左比人拒絕,
比人拒絕一次, 你要講乜黎挽回, 一次唔得兩次, 兩次唔得三次, 直到個客主動CUT你線為止。
師傳成日話, 做代理, chur就梗架啦, 即係話我地一定係比一般人主動,
你要急個客所急, 想個客所想。

最近, 一手樓盤百花齊放, 長實啊, 會德豐開緊紅盤, 嘉華, 信和啊又就黎開盤, 所以我地去示範單位的機會多左好多。

而我最近的生活也有趣不少, 好似早幾日,
在門口接待一位年約六十的客人, 當時見他指著某個居屋單位,
老實說, 我真係唔知那個居屋單位的座向望邊,
於是我吹噓話望樓景, 後尾check返好彩冇講錯,
跟住問我呢個單位的樓高, 我話係高層, 後來先知原來係中高層,
都好彩唔算錯得太離譜, 根住講下講下客人就指左第二個係我拍照我上架的樓盤, 今次我答到佢所有問題, 但係好可惜呢個樓盤已經成交左,
於是我就話唔好意思成交左了, 此時才知道原來客人係呢座私樓其中一個單位的業主, 有意放盤, 不過佢補充唔係隨便比人放盤架,
只係見係同我好傾先放盤比我, 咁我見狀仲唔醒目點招呼對方入店傾傾,
呢個時候, 我同事見到就幫拖解答, 我見客人已經漸漸地由同我傾變左轉移去同同事傾, 心諗我應該可以淡出時, 客人突然同同事指住我講我係做新抱的人選,
我其實都眼突, 於是望著後面笑騎騎放毒蛇的同事, 希望佢地唔好亂諗野。
臨走時, 客人講得太興起, 唔捨得走, 捉住我和同事傾左好耐,
其實, 我地份工的性質內容某程度上都包同人傾計既,
只可以話呢個係一個建立親和力的過程。
最後, 客人道出佢仔仔讀完博士之後在某大學學院做教授,
為人很內斂, 學校裡面有好多不同國藉的同事,
但係自己唔識得交際應酬, 咁呢樣野, 我都明既,
我以前都在大學度辦過事, 又同一些本身話不多, 講句野都窒口窒舌的博士交過朋友, 我諗我某程度上get到佢仔仔係一個點樣樣的為人。

ray838 2015-3-6 04:18 PM

支持



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

shiumy 2015-3-8 07:58 PM

樓主當年係邊間U grad?:smile_41:

黑鬼小克 2015-3-10 09:55 PM

等樓主



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

KYE1108 2015-3-15 04:23 PM

支持!! 宜家等緊樓主分享寶貴經驗!!
頁: [1] 2 3 4
查看完整版本: 地產界的苦與樂