查看完整版本 : 《浮華宴》看後感

Medalmore 2015-2-26 06:40 PM

《浮華宴》看後感

睇呢套戲之前,我已經睇見好多人喪插呢套戲,但我因為有贈,所以睇埋佢…我睇完之後,講真…雖然唔係真係咁好睇,但我寧願睇佢都唔睇衝上雲宵!

其實睇套戲嘅造型,你真係咪當佢係現實片咁睇,但成套戲又不至於一無是處,至少佢都講到人性嘅醜惡面,只係佢用咗胡鬧嘅方式去表達啫!

論各人嘅演技就冇嘢講喇,反而角色設計,我幾欣賞娜姐…個角色!

講真雖然佢出場大部分時間,都係刻意失敗地故意掩飾但又露少少餡咁隱藏佢個樣,但去到最後,卻專登搵唔同人做番佢果幾個身份,其實幾得意,不過就嫌佢冇完全做晒咁多個身份就有點可惜!

仲有係百鳴哥,佢幾廿歲人分飾咁多個角色,扮完punk仔又扮女人,確係誠意可嘉值得尊敬…

雖然整體上套戲係胡鬧兼最後算係爛尾,但作為賀歲片,入去睇下應下節都好嘅,至少百鳴哥年年一套,都叫做陪我地長大吖!好過入去睇衝上雲宵之後,怒氣沖沖離開戲院吖!



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]
頁: [1]
查看完整版本: 《浮華宴》看後感