查看完整版本 : [新手請教]想請教一下Ching們

Parcov_v 2015-5-10 17:13

小弟岩岩開始玩假餌 有d想問問Ching們

我買左Minnow Virb Popper 都係玩硬餌我想問:
I)你地會將假餌綁係主線到?
II)定還是加子線 綁係子線到?
III)兩者分別又係咩呢?
[更新]
另外,想問問CHING們

1) 正確Minnow Virb 既操竿方式應該係點?
我既操法係:
Minnow拋出後 一直平拖 間中一下兩下 橫揪 直至收回假餌
Virb拋出後 等待完全沉底後 收緊虛線 然後向上揪 再收緊虛線 再向上揪 直至收回假餌

2) 咩既顏色應該配咩既場地?
係咪水濁用鮮色 水清用接近水既自然色?

3) 平拖既時候個速度應該係快定慢好?
(如果目標魚係星鱸, 紅由, 盲鰽)

[[i] 本帖最後由 Parcov_v 於 2015-5-11 05:48 PM 編輯 [/i]]

AlphasRED 2015-5-11 00:08

[quote]原帖由 [i]Parcov_v[/i] 於 2015-5-10 05:13 PM 發表 [url=http://www.discuss.com.hk/redirect.php?goto=findpost&pid=416451948&ptid=24667480][img]http://www.discuss.com.hk/images/common/back.gif[/img][/url]
小弟岩岩開始玩假餌 有d想問問Ching們

我買左Minnow Virb Popper 都係玩硬餌我想問:
I)你地會將假餌綁係主線到?
II)定還是加子線 綁係子線到?
III)兩者分別又係咩呢? [/quote]

師兄你好 !

玩普通硬餌一般會先綁 Snap ﹙即快扣或假餌扣﹚再加假餌,方便中途更換。

子綫所用既一般都係碳綫。
而加子綫既原因一般有2個︰
[list][*]需要其耐磨度︰ 響用尼龍綫或PE綫既時候一般會因為有磨斷既危機而加碳腳,所用既長度不等,只要響作拋投既時候綫結唔會收入Guide既程度都可以。[*]需要其高比重︰碳綫既比重接近 1.2~1.5。相比起尼龍﹙1.01~1.05﹚或PE﹙0.98﹚,碳綫於水中會自然下沉。使用某些慢沉假餌既時候一般唔想主綫既浮力減慢沉速而加碳綫。最佳例子係 Eging ﹙Fit魷﹚。餌木沉速係出廠既定。用PE既時候難免會減慢下沉速度。另一原因係碳子綫能夠將主綫壓入水中而免受到風既影響[/list]

有些情況係即使有磨石既危險仍大膽選擇唔綁子線--用 Popper/Pencil等等既浮水假餌。碳綫既高比重會將綫壓入水。響做 Dog Walk 動作既候Pencil或Popper既擺動幅度就會降低,所以用Popper/ Pencil之類假餌係例外情況。

而加唔加子綫要視乎師兄用邊種類既主綫︰
[list=1][*]Monofilament 、俗稱既尼龍或壓縮綫︰可加可唔加。原因係如上面所講,用得尼龍多數係要玩浮水,加碳子綫反而會壓低主綫,難以操控pencil、popper等等既浮水假餌。若果係因為需要尼龍既伸延度的話,加碳子綫亦會減低伸延既效果,所以多數都唔加。但假如釣點有障礙或有磨石既危機亦可以選擇駁碳子綫[*]Fluorocarbon 、碳綫︰唔加。主綫本身已經耐磨,無加子綫既理由[*]PE 、布線︰大部份時候都加。大多會覺得 PE 唔太耐磨所以會另綁子綫。但個人認為里個唔係主要原因。事實上視乎磨擦既方向、物質,近年既PE已經係可以達到碳綫既耐磨度。舉例,假餌既雷魚釣法﹙香港及台灣俗稱雷強釣法﹚對主綫既磨消耗甚大,但好多人仍只會PE主線直出綁雷蛙而未曾擔心斷綫問題。PE 會綁子綫既真正原因應該係 PE 既直結強度比其他綫低。使 PE 綫順滑既表面處理會令釣魚結比較容易鬆開,尤其係細號數既PE綫。雷強釣法所用既一般最少6號以上,所以直結強度不成問題。但睇師兄所講會用minnow、vibe、popper,應該都係用一般號數既PE綫,所以里個情況都係加碳子線比較好。[/list]
好似講得有少少複雜,非常抱歉m(_ _)m
簡單講,小弟相信師兄應該係用 PE 為主﹙因為香港人多數用PE…﹚
如果用PE既話一定加子綫,就算師兄係玩緊雷強都好,綁子綫一定無壞。
玩popper時用碳腳都唔會太大問題,因為popper某程度上都係撞水既動作,唔需要太講究。

最後,綁子綫之後一般會綁快扣,但如果係玩超輕火 ( 5g 以下) 唔加為妙。加左快扣既話會令假餌有不自然既動作。
相反如果係超重火30g以上可考慮綁 Split Ring ﹙鎖匙圈﹚,某些迴遊魚及紅鮋有足夠力量拉開快扣。

希望幫到你。

[[i] 本帖最後由 AlphasRED 於 2015-5-11 01:38 AM 編輯 [/i]]

Parcov_v 2015-5-11 09:30

好詳盡既答覆 唔該哂師兄:loveliness::loveliness:



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

Parcov_v 2015-5-11 15:15

另外,想問問CHING們

1) 正確Minnow Virb 既操竿方式應該係點?
我既操法係:
Minnow拋出後 一直平拖 間中一下兩下 橫揪 直至收回假餌
Virb拋出後 等待完全沉底後 收緊虛線 然後向上揪 再收緊虛線 再向上揪 直至收回假餌

2) 咩既顏色應該配咩既場地?
係咪水濁用鮮色 水清用接近水既自然色?

3) 平拖既時候個速度應該係快定慢好?
(如果目標魚係星鱸, 紅由, 盲鰽)

AlphasRED 2015-5-14 02:49

[quote]原帖由 [i]Parcov_v[/i] 於 2015-5-11 03:15 PM 發表 [url=http://www.discuss.com.hk/redirect.php?goto=findpost&pid=416529977&ptid=24667480][img]http://www.discuss.com.hk/images/common/back.gif[/img][/url]
另外,想問問CHING們

1) 正確Minnow Virb 既操竿方式應該係點?
我既操法係:
Minnow拋出後 一直平拖 間中一下兩下 橫揪 直至收回假餌
Virb拋出後 等待完全沉底後 收緊虛線 然後向上揪 再收緊虛線 再向上揪 直至 ... [/quote]

首先個人認為路亞入面唔存在所謂既「正確」或「不正確」拖法
只要騙得過魚既都可以係正確,否則邊得黎日本釣法發明咁多新拖法?

雖然係咁,基本既動作都係有既。
Minnow 最基本拖法一般可以分為:
[list][*]齋收綫 Retrteve[*]抽搐 Twitching 或震動 Shaking[*]Jerking (可以解作「抽動」「躍動」等等)[/list]

[u]Retrieve[/u]
收綫速度某程度上應該因應目標魚種而改變,但廣泛黎講一般有三個範圍既收綫速度
正常收綫速度其實同古時差唔多,可以追溯返路亞發展初期,將路亞拉響船或艇後面以慢速航行既 Trolling 釣法。
當時使用既航速多為 1.5 節前後,轉換返即 3 km/hr = 0.83 m/s = 每秒 83 厘米。
普通直絞的話大約每秒轉動手柄 1~1.2 圈
另一方面,慢收 Slow Retrieve 的話同用手拉絲既速度差唔多,1 秒 1 手黎計既話就係 40~50 厘米每秒,即每 2 秒 1 轉上下 (或 1 秒半轉)
相反,Fast Retrieve 大約就係 1 秒 2 轉以上。

事實上釣魚絞既轉速比設計某程度都係對應各種速度。(另一設計標準係對應所使用既路亞而調整收綫時所產生既扭力,響里度唔多講)
以橫絞黎講,Slow Gear 收綫速大約係 55~60cm,Normal Gear 大約係 70 cm,High至Super(Extra) High Gear 就係 80~100 cm


[u]Twitching [/u]
一般作出 Twitching 動作時會快而輕力地將竿先拉動,擺幅個人定義唔多於50cm
而由 Twitching 衍生出黎既 Shaking 就係輕微震動竿先。

[u]Jerking[/u]
Jerking 簡單講其實就係單純地抽一下,收回虛絲,不斷重覆。
但抽既速度無一個標準,各職業釣手提倡既都唔同。
一般可以分為拉(快速但暢順不間斷既拉動) 或抽(瞬間/即時既抽動)。


當然,各種方式可以混合使用。一般 Twitching 及 Jerking 都會同時收綫。
其中最常用既可以話係 Jerk & Retrieve ( Sorry 小弟唔清楚有無正式名稱 )
習慣的話可以做到抽一下既同時收一圈。

另外,Stop & Go 都係常用既拖法
基本上就係收線既途中有突然既停頓,大約 1~2 秒便可,然後繼續收綫
可以做到「游下停下」既演出 ( 細心觀察海魚既動態都會發現好多魚類都唔係不停游,而係游下停下 )
Floating Minnow、Diving 下潛式或 Suspend 懸浮式既假餌此時可以做出瞬間懸浮既動作,
而好多掠食魚,包括鱸魚都喜歡係里個時候攻擊假餌。


至於 Vibration ,以上既拖法都適用
但 Stop & Go 響 Vibration 入面可以變成 Lift & Fall
即係將竿拉起然後等 Vib 下沉到原來深度。
拉起既幅度因人亦因魚而異,甚至應該因應釣棚或釣深而調整。
小弟個人比較偏向拉起半米至一米左右。

講遠少少,Vibration 另一名稱係 Lipless Crank ,西方、美國方面較常用後者。
里個名稱所指出既係 Vibration 用法與 Crankbait 相差不大。
香港人可能比較少接觸 Crankbait,用法詳細就唔多講,
但其中一個用法係作為搜索 Area Search 既 Super Fast Retrieve,講緊既係超快速收線。
理論係以短時間找出高活性魚群既所在。
響香港夜釣效果都唔錯。



顏色方面又係另一爭議,各人既理論都唔同,就連鹹水淡水既顏色選擇都唔同
海釣多數者,水清光猛用自然色; 水濁用鮮色; 天暗用反光; 無光源用白色/夜光等等。
而香港最為人知既就當然係「紅頭白身」,紅頭白身既效果響水濁/夜晚/天暗都好顯著。

另一個大眾支持既,係 Match the Bait,而各牌子既假餌設計9 成都以此為基本
選色、甚至到選假餌,都因應響釣場當時所出現既餌魚 Baitfish 或獵物為準。
於是銀色、白色等等既顏色就比較常用。
例子黎講好多掠食魚都會以細黃尾矢為獵物,所以部分釣手選色都會用黃背黃尾白肚。

小弟都講唔到咩情況下咩顏色係最有效,畢竟知識技術經驗有限。
但個人經驗係大部份情況用自然色都得 (個人多用 Iwashi 「イワシ」 即反光藍身側線有一排黑點果種)
雖然未必係當時最有效既一隻,但多數都釣得到。
至於點解,小弟都答唔到。

選餌、操控係一門大學問,仲有大把大把野未講,而小弟自問都仍然才疏學淺
暫時講住咁多,稍後再作補充。

[[i] 本帖最後由 AlphasRED 於 2015-5-14 02:51 AM 編輯 [/i]]

Parcov_v 2015-5-14 14:16

THANK YOU 師兄既分享好詳盡

panadol456 2015-5-16 13:41

又學到野



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]
頁: [1]
查看完整版本: [新手請教]想請教一下Ching們