查看完整版本 : 《衝鋒車》看後感

Medalmore 2015-6-20 10:45 PM

《衝鋒車》看後感

今日順便睇埋衝鋒車,又係華哥又有小黑...

首先而家既港產片,似乎係冇粗口唔得既,成套戲D粗口,仲勁過紅Van,雛妓更加係冇得比!

成套戲個故事就真係唔好講喇,唔係話佢冇故事,但卻係認真你便輸了果隻!

不過咁...其實成套戲個節奏算係輕快,加埋適當既配樂,都可以話係熱鬧而不胡鬧!

至於各演員方面,又係冇乜邊個好彈,戲份同表現都可以話好平均,都冇乜邊個特別特出或遜色,只可惜我仲未搵到有黃子華既版本!不過要講都可以講古巨基既...其實佢呢次做個差佬,雖然同各演員既互動唔多,但如果你睇番佢以前既戲,佢既演技算進步咗架喇!至少拉字幕果度,佢又再扮小巴佬,D粗口都算流暢啦呵!

仲有一個想講,就係入面果個小妹妹,我覺得佢都做得幾好喎!佢同華哥真係有交流架喎!

總之呢...合拍片嚟講,呢套算係合拍得幾順眼,至少合拍既演員唔算多(雖然入面既女角就係)...

之前都想入戲院睇,但最終都係上網搵...但如果要我俾錢去睇既話,我都願意既...如果有黃子華出現既版本!
頁: [1]
查看完整版本: 《衝鋒車》看後感