查看完整版本 : 明天就放榜(傾訴)

巴敵熊 2015-7-14 03:38 PM

明天就放榜(傾訴)

我預計二字頭20-23,但英文可能唔到3。 預個分由最低至最高是17-24分。

現在我的感覺真的很特別,前幾日我都覺得無咩事,擔心都係無咩,但到最後一日,個心好似慢慢地收緊!

我都算準備好,達到成績以及達唔到成績既都算計劃定(但仍未決定),找了很多資料,放榜該日的東西都差不多準備好。

我家人冇當口當面咁同我講有咩期望(:讀唔讀到都好,有得讀就讀,讀完就出來做野),但對我來說我真的很想入大學,需然家人沒有給我壓力,但我自己感覺到有無形的壓力。

我jupas只擺了學位,沒留副學士/HD做後路(中六仍上學時打算考不到大學就重讀/自修/retake),但當時對重讀/自修的認識皮毛之極,至近排才有較深入的認識,這讓我有點後悔,沒留後路給自己,或是我潛意識已經是不留後路給自己,點都要入大學。

我知道自己想讀工程,興趣亦在工程方面,而理大工程收分大多數以best5來計算(對某些人來說,best5是十分好的!),我a1至b3都是理大和中大工程,如果英文達第三級的話都有機會入學士學位,但達不到的,我也真的不知怎麼算好了。我之前沒報hd/副學士,是因為擔心英文會卡住我大學的分數,如果是卡的話,倒不如給自己6-8個月時間,讓自己提升英文水平,以達日後讀書的要求,即使重讀/自修後仍不行,至少也提升一點英文水平(讀寫更流暢),減少英文水平差對日後發展的情況。

對我的情況來說,我真的可以說是2頭唔到岸,又不知自己成績能否達大學要求,即使達到又擔心會否取錄,又沒留後路給自己(應該說是我自己不留後路給自己...),如果知道自己不行,可以預先計劃及知道有甚麼可讀,如果知道自己入定大學,更不用擔心,只管keep going。

究竟我真的是把心一橫,選擇重讀/自修(我比較傾向自修,一來不用做sba,二來時間彈性,不用強逼讀回中六課程,但真的要出去補習了解16dse科目的課程轉變),還是明早放榜後立即沖去看ive的工程還有沒有位,抑或等jupas調位期間放回HD於a1至b2?,老實說,我真的想直入大學(不太想ive、hd、副學士),奈何我真的不爭氣,成績未能最好、jupas不太懂放位(a1和a2都放了較高分、沒一早放hd留後路,只有a3及b1-b3較有信心,如達預期成績)。

還有,如果明天放榜,我又真的不選擇讀ive、hd、副學士,只想重讀或r自修,即不用豢去報課程和面試'不用交留位費,那麼我是否取了成績單、等老師的輔導(如有)就可以回家,準備自修/重讀方面的申請等需要做的事?因為我之前睇人放榜,部分人急不及待離開學校,到各大地方面試、交留位費,隊伍[font=arial, helvetica, clean, sans-serif][size=4]水泄不通、打蛇餅。望可解答我的一些問題,或可給予意見。

不上香討心不死 2015-7-14 04:50 PM

人人都想直入大學,只係世事總有曲折
自修係一個極講求自我控制的一件事,如果你行RETAKE條路,你將會面對不同程度的心理挑戰,最明顯係你身邊會突然冇晒同路人,因為你的朋友會升學,去一個新環境,見住佢地好開心,而你只有自己一個行自修條路,有人會好唔慣哩種轉變,因為佢地會覺得好似突然冇人明白自己咁

另外,最常見就係家人GE唔理解,因為你衰左一次,有D家長會覺得點解你唔讀副學位點都行前一步,你重讀衰多次,就真係浪費青春, 所以同家人有角力都時有所聞

加之,自修最常碰到的問題就係意志力唔夠,因為去到10月11月時就係最難頂,因為冇人會管你, 你要問自己可唔可以KEEP到每日9至9咁樣自己讀書,好多人以為自己仲有好多時間,就走左去做PART TIME,最後反而令到自己冇進步過,浪費左一年

如果你認為你係一個夠定力同耐性的人,而你成績只係差一科的話, 而你又接受到可能會浪費哩一年的時光,就可以行自修路吧, 咁明天你其實就咩都唔洗做,取了成績單、等老師的輔導就可以回家

如果你想行副學位條路, 明天取了成績後就要立即走人去搵學校,唔好留在學校吹多陣水,因為個個都係第一時間去心儀學校報名,熱門科可以中午前就會FULL左

總的來說,你今日就應該同家人傾好你重讀的問題,因為得到家人支持你最重要

祝好運

P.S.小的係非理科,當年公開試入唔到U, RE左一年英文最後都唔得,走左副學位路升返U

巴敵熊 2015-7-14 09:36 PM

多謝師兄解答分享!  你當時re,係學校重讀定自修?

我現在都定了一點,已經吃完飯,家人像平時一樣,對我的放榜事情沒有提及,前幾天我都向他們說了放榜日不用和我回校。他們真的沒有給我壓力,只有我自己給自己壓力。

現在我都幾乎是想重讀/自修的,都應該要明天回校向老師尋求輔導。我jupas沒放hd/副學士,放榜後才放至band a或b,能獲取錄的機會十分低?(我自己也相信十分低,因為人家都已面試等),我現在真的沒太多路,可能自修/重讀是最後的出路。

我明白自修/重讀真的有定力,我中六時有重讀生的同學,他後期都輕鬆了點。而我認為自修有團火是要緊,但最要緊是沈著的態度。

多謝師兄的回應!
頁: [1]
查看完整版本: 明天就放榜(傾訴)