查看完整版本 : 你問左點解未?

ilovett2015 2015-8-23 01:20 PM

你問左點解未?

好多年前經常返深圳波會搵教練練波,練左一段時間,系好左少少,但系依然都有好多問題解決吾到。
教練會俾以下答案你(當你打吾到時):

1. 你折臂吾到夠多
2. 你隻腳走得好慢
3. 你要彎多啲腰
4. 你動作吾夠放鬆,吾夠自然
5. 你要踩實個地,登腿,轉腰,然后折臂
6. 你隻手要打到塊面既中間位置,即系十二點位置
......

其實仲有好多答案俾我,最初跟住做,唸住教練咁講一定可以幫到我,時間耐左,教練依然重覆上述答案,技術依然吾系好大改善,一時到枱,一時吾到枱。

到左今天依然有好多人會存在呢啲問題,上述問題幫吾幫到好多人,我吾知,但幫吾到我,呢個系我知。
今天我又會唸反轉頭:

1. 折臂多就打到嗎?要折幾多呢?
2. 點為之慢,要幾快呢?系吾系快就打到呢?
3. 要彎幾多呢?彎多點會點呢?
4. 要幾放鬆,幾自然呢?
5. 成個動作做晒,我吾覺打到囉。
6. 打到十一,十點位置又會點?
......

總結:

上述問題好,啲學生都會問我,我又會問佢,你一星期打幾個鐘波?打幾多球局?你可以好似專業隊咁,每日幾個鐘練波嗎?如果做吾到,打開心波就算啦!動作好吾好睇,見人見智。

本人只系分享個人經歷,並非針對某些人,如果你跟教練學左三個月,依然都上述既回應,咁就......

ttjazz 2015-8-23 11:40 PM

師兄,試講下愚見一二:
1.折臂一般指收前臂,對控制落點弧線非常重要,收嘅時間及幅度因打法、距離、枱內、近枱或中遠枱等有不同,基本是要求波落枱,再要求是能否發力打到足夠力量嘅擊球。
2.腳步要到位,多半步少半步,快咗慢咗都係唔得,腳步要令你手擊球動作在準確時間到達準確位罝。
3.大部份人都懶做上半身前傾,前傾幾多因打法不同會有差別,搜尋個人所心儀模仿高手的前傾姿態。
4.鬆緊真係要自已體會,有過緊又有過鬆,唯有講打得多就領悟到。
5.動作做咗都要每個動作在合適準確時間去做,動作協調之後先打到波,都係多打多練之後先做到。
6.打到12點位置係初學規範動作亦有必要,等掌握好基本動作和擊球感覺後可再有調節,國際高手賽前練習個個都唔係做哂,但唔好話踢波腳內檔傳球唔識要學細哨倒掛金勾。
技術始終同練波時間成正比,教練只係幫你少行冤枉路。

ilovett2015 2015-8-24 01:33 AM

[quote]原帖由 [i]ttjazz[/i] 於 2015-8-23 11:40 PM 發表 [url=http://www.discuss.com.hk/redirect.php?goto=findpost&pid=424204570&ptid=25023545][img]http://www.discuss.com.hk/images/common/back.gif[/img][/url]
師兄,試講下愚見一二:
1.折臂一般指收前臂,對控制落點弧線非常重要,收嘅時間及幅度因打法、距離、枱內、近枱或中遠枱等有不同,基本是要求波落枱,再要求是能否發力打到足夠力量 ... [/quote]
多謝你意見,你所講依家我都明白,系練基本功時確實有用,但去到實戰就...

ttjazz 2015-8-24 03:12 PM

明白又未做到就係自己掌握嘅問題,要掌握到可以係理解也可以係練習未夠、火候未到或練習方法未針對問題。
練同打係兩件事,前者規律後者不規律,定點定位定節奏打到識飛一條龍,計分打到一條蟲係常見,中間可以有好多未做好嘅技術細節,都係由自身查找不足,要問先問吓自己真係明白問題所在未?

ilovett2015 2015-8-24 06:13 PM

[quote]原帖由 [i]ttjazz[/i] 於 2015-8-24 03:12 PM 發表 [url=http://www.discuss.com.hk/redirect.php?goto=findpost&pid=424243913&ptid=25023545][img]http://www.discuss.com.hk/images/common/back.gif[/img][/url]
明白又未做到就係自己掌握嘅問題,要掌握到可以係理解也可以係練習未夠、火候未到或練習方法未針對問題。
練同打係兩件事,前者規律後者不規律,定點定位定節奏打到識飛一條龍,計分打到一條蟲係常見,中間可 ... [/quote]
:smile_39::smile_39::smile_39::smile_39::smile_39::smile_39:

vickyw288 2015-8-24 07:28 PM

1. 折臂多就打到嗎?要折幾多呢?
2. 點為之慢,要幾快呢?系吾系快就打到呢?
3. 要彎幾多呢?彎多點會點呢?
4. 要幾放鬆,幾自然呢?
5. 成個動作做晒,我吾覺打到囉。
6. 打到十一,十點位置又會點?
.
1. 折臂就會大機會打到 折幾多自己睇教學片
2. 快指係要到位 做到晒完整既動作 係到位就打到個波
3. 彎幾多?自己睇教學片 睇多唔同人就知 彎腰令轉腰更好發力更好
4. 打波係講求爆發力 先放鬆後發力 放鬆到一個地步你可以發力時唔會飛板同舒服就得
5. 成倨動作唔止要做晒仲要做得好 識發力 姐係接觸個波既時候 磨擦同撞擊到
6. 打到十一,十點位置會點 無咩點既 動作唔夠好 磨擦撞擊唔好 質量差易打失

睇完你打既野問題 我覺得係為嗌而嗌咁 唔係教練問題 跟教練3個月之後佢都有提你 都正常 而家咁多人動作錯 3個月想改好晒動作 難D 所以當然要提你 你係想玩玩下就唔洗執著於動作 但你想進步但又唔想理動作係無可能

動作唔好 永遠打唔上 你話比賽就散晒 一打比賽就做唔到 咁係因為你習慣左個錯既姿勢 加上可能你想勝波 急功近利 無意志力用返正確既動作去打 所以先一打比賽就做唔到 你做岩個動作打失好過你做錯個動作打嬴(如果你想打上去)

[[i] 本帖最後由 vickyw288 於 2015-8-24 07:30 PM 編輯 [/i]]

ilovett2015 2015-8-24 11:05 PM

[quote]原帖由 [i]vickyw288[/i] 於 2015-8-24 07:28 PM 發表 [url=http://www.discuss.com.hk/redirect.php?goto=findpost&pid=424260333&ptid=25023545][img]http://www.discuss.com.hk/images/common/back.gif[/img][/url]
1. 折臂多就打到嗎?要折幾多呢?
2. 點為之慢,要幾快呢?系吾系快就打到呢?
3. 要彎幾多呢?彎多點會點呢?
4. 要幾放鬆,幾自然呢?
5. 成個動作做晒,我吾覺打到囉。
6. 打到十一,十點位置又會點?
.
1 ... [/quote]
多謝你意見,可能系我想嬴波啦!我練波為左比賽,吾好話嬴,想將練波啲野系比賽中用到出來。

Frank_Tse 2015-8-27 09:37 AM

乒乓球係一種奇怪又特別既運動, 特別在佢速度超快, 動作反應要做到不加思考都做到o 這個正正就係點解你覺得有問題既地方o 練乒乓球最後要練到的程度叫 conditioned -- 不用思考身體都會自然做的動作 o 意指通過教練講, 你打一萬球, 二萬球, 再經球局, 將說話, 思想, 練到變自然既反應o 你未做到, 只係未去到果個 Stage, 你要知道一個國家隊成員一日練習大概是四萬球o 所以慢慢來吧, 想練好, 就要下苦功o

ilovett2015 2015-8-29 09:59 PM

[quote]原帖由 [i]Frank_Tse[/i] 於 2015-8-27 09:37 AM 發表 [url=http://www.discuss.com.hk/redirect.php?goto=findpost&pid=424447539&ptid=25023545][img]http://www.discuss.com.hk/images/common/back.gif[/img][/url]
乒乓球係一種奇怪又特別既運動, 特別在佢速度超快, 動作反應要做到不加思考都做到o 這個正正就係點解你覺得有問題既地方o 練乒乓球最後要練到的程度叫 conditioned -- 不用思考身體都會自然做的動作 o 意指通過教練講 ... [/quote]

:loveliness::loveliness::loveliness::loveliness:多謝你

tc9930 2015-9-8 11:50 PM

練與比賽是兩碼事。練得好和比賽好也是兩碼事。乒乓球是很講究天分的運動,因為旋轉、力量,弧線,線路,落點每粒波都唔同,要在極短時間內作出反應,同時比賽也與個人心理質素有很大關係。我有個朋友以前跟教練練,又不停打球局。練得幾好,打球局都幾好。但是到打正式比賽就成的的仔。當然練多啲反應快啲,動作敏捷啲、協調啲。總比不練好。

yuhokhim2002 2015-9-11 05:57 PM

有以上感覺有機會你打得太急,試下放慢節奏然後將教練同你講既動作做完整,慢慢體驗你自己既節奏先。感覺出來,記住感覺,打到失球少先加快返。個人覺得練波時動作做完整係十分重要。
唔同人身體形狀,素質都唔同,揾你自己最舒服,最有效發力既動作。
加油:smile_13:

[[i] 本帖最後由 yuhokhim2002 於 2015-9-11 06:00 PM 編輯 [/i]]

ilovett2015 2015-9-12 10:29 AM

[quote]原帖由 [i]yuhokhim2002[/i] 於 2015-9-11 05:57 PM 發表 [url=http://www.discuss.com.hk/redirect.php?goto=findpost&pid=425516424&ptid=25023545][img]http://www.discuss.com.hk/images/common/back.gif[/img][/url]
有以上感覺有機會你打得太急,試下放慢節奏然後將教練同你講既動作做完整,慢慢體驗你自己既節奏先。感覺出來,記住感覺,打到失球少先加快返。個人覺得練波時動作做完整係十分重要。
唔同人身體形狀,素質都唔同, ... [/quote]

多謝你啊!加油
頁: [1]
查看完整版本: 你問左點解未?