查看完整版本 : 老婆我愛你(下集)#8,#25,#98,#272,#386,387,#526,#602,#652完,#909,#1203

不再輸錢 2015-9-22 05:15 AM

老婆我愛你(下集)#8,#25,#98,#272,#386,387,#526,#602,#652完,#909,#1203

唔知仲有冇人記得我,7月我寫左一大篇文,換來衆人猛烈批評,最後我del左個post. 其實當時只係故事既上部分,我當時關post唔係因為受唔住批評,而其實當時我心搵到答案,唔想再糾纏落佢,亦都冇精力打落去。今晚心血來潮,想完成埋佢。極度長篇,鍾意大家可以當睇小說,唔鍾意我都可以當將呢個短短3個月刻骨銘心嘅事搵個方法記錄好佢。

先將上次嘅post回憶一下。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

[[i] 本帖最後由 不再輸錢 於 2016-5-12 01:54 AM 編輯 [/i]]

不再輸錢 2015-9-22 05:17 AM

16年前(1999年)嘅5月份,當年我仲讀緊大學,玩ICQ識左我老婆。傾左2個月後,終於相約見面,當時佢只得17歲,我21,佢有個已經冇乜感情嘅男朋友,由於喺未見面果兩個月大家已經產生左感情,所以見面當晚大家就已經一齊左,兩個星期後就發生左關係。就係咁就開始左對於我老婆黎講一個長達15年嘅惡夢。其實識佢果陣,我已經係個超級爛賭仔,當年我21就已經欠落30幾萬賭債,見面之後嘅第3日我就主動提出分手,我將我欠債嘅情況講左比佢知,話一齊只會拖累佢,佢即時攬住我話會同我捱。諗返起佢實在太天真,如果當年佢唔係17歲而係25,我諗佢會好容易就肯接受我分手嘅提議。佢果份對愛情嘅執著就咁樣害左佢。

一齊之後,我地經歷左1至2年嘅熱戀,感情就開始慢慢轉為平淡。由於我係個嚴重嘅賭徒,我地嘅生活大家應該可想而知。佢20歲到就比我搞大左個肚,由於經濟拮据,雙方同意之下去左墮胎,一齊經歷左一次一世難忘嘅情景,我睇住我自己2~3個月大嘅bb由佢下體流左出黎,當時我老婆痛之餘,我地兩個攬住一齊咸。15年對於我老婆黎講太多唔開心經歷,就係因為佢嘅執著,佢陪我幫我捱過左人生嘅最低潮,2010年我地一面還錢之餘,終於都儲到2,30萬結婚,結束11年嘅長跑,喺好多人眼中,我地呢段關係係至死不喻,經得起太多嘅風浪,甚至我曾經懷疑我地係前世撈亂骨頭,如果唔係點可以經歷咁多慘痛都仍然可以捱過。大概講下我地喺今年3月前嘅情況,雖然我係個爛賭仔,但由於我做嘢都勤力,加上幸運,再加上對老婆對親人對朋友嘅算係一種報答,經過咁多年我終於還晒所有賭債。3年前我仲有左自己嘅公司,老婆都遲左之前份工幫我手,兩公婆月入基本穩定都有8~10萬,比上不足比下有餘,上年3月,幾經艱辛,老婆驗出有bb, 大家都好開心,殊不知天意弄人,最後有胎冇心,胎兒沒有發展到,做人工流產。之後大家都改變左少少心態,覺得我地兩個都忙,又開心鍾意旅行又要出差,所以覺得冇細佬都未必係壞事,正當大家憧憬未來終於會有安穩生活嘅時候,一個前所未有嘅巨浪喺我毫無防備之下被揭發去來。

講呢件事之前,要先概括喺過去15年,我老婆受盡嘅慘痛經歷同委屈。主要可以分為2個重點。

1. 賭 - 我係一個不折不扣超級病態賭徒。15年黎,冇輸1000萬,應該都有600。大概先講下老婆喺呢方面為我而受到嘅遭遇。20歲嘅時候,我地可以窮到想搭車出街都冇錢。當年佢為我落仔,其實佢一直都鍾意小朋友,但生活拮据,要佢咁細個就面對人生嘅無奈。佢又試過喺信德港澳碼頭企喺到等我4個鐘,都等唔到我返香港。又試過一個人去澳門續間賭場搵我。又試過喺驚恐嘅情況下,同我當年做保險嘅上司一齊去澳門搵我,去到知道我借左大耳隆,一齊返香港,第二朝仲因為我唔敢再問朋友借錢佢幫我打電話同我朋友借錢,解決左問題。佢一向朋友好少,卻因為我失去左一個由中學開始識嘅好朋友,因為我地問佢借錢最後冇能力還仲令個女仔欠下幾萬卡數。 後來,我都算有返啲人性,收入好左啲嘅時候,願意將所有收入比晒佢管,由佢安排還錢儲錢,同時佢由會間中受到我嘅煩功,逼佢比錢我攞去賭,唔比我就發脾氣,發到佢比為止。點都好,幾經辛苦終於儲到錢結婚。結婚後,收返20幾萬人情,第二朝就一齊去開聯名戶口,可惜唔使1個月,經過我威逼利誘下,20幾萬除左拎左5萬去渡密月,其他都比我輸晒。結婚後,我收入好左好多,當然佢開始逼我要好好儲錢還錢,因為以我收入唔賭,絕對可以提供唔錯嘅生活質素。過去5年,我多次承諾佢唔再賭要儲錢,雖然最後所有賭債還晒,又喺生活上提供好多比起以前舒適啲物質,但好可惜,而家儲錢嘅戶口都係只得10萬8萬,過去5年間我應該輸左超過300萬。直至今次呢件事喺6月被揭發嘅前幾日,我啱啱喺杜拜出完差,唔返屋企就直接過澳門賭錢,最後喺贏十幾萬唔走情況下又倒輸6萬蚊返來。

2. 不忠同冷漠 - 先講不忠,我一心認為係某程度上嘅不忠。由於五觀尚算端正,同始終有未玩夠嘅心態,所以多年來,都有喺唔同嘅途徑下識下女仔。多數係網上識,什麼skout, wechat, 遇見或者係早期啲嘅MSN呀都係我曾經試過玩, 不過一件事係真嘅,我從來冇因為呢啲途徑,投入過自己嘅感情落去,亦冇試過同啲女仔約出去發生關係。試過有個女仔直接叫我去佢屋企搞,但最後我都自動縮沙。咁多年黎,都有比老婆發現過我玩呢啲嘢識女仔,但佢都冇搵到實質証據我做過啲咩,所有嘢佢只可以憑佢嘅思考去決定相信或唔信,當然我明白佢當時嘅思想會好混亂,直覺我有做對唔住佢嘅嘢,但對我麻木嘅苦戀,令佢寧願選擇相信。由於同老婆一齊咁多年,難免感情轉淡,但其實我對玩呢啲嘢嘅心態係,一開始係有想約女仔出黎爆房呀得之類,但實際上我好早已經認定我老婆係終身伴侶,所以一早堅持唔會同任何女仔發生真感情,包二奶之類,而事實上真係冇發生過。

大概兩年半前,發生左一個好大嘅衝擊。當時老婆啱啱辭職幫我做嘢,由於各自有職務,所以分別去到中國兩個唔同嘅城市出差。佢一個女人去都一個北方叫濰坊嘅地方幫手試貨,而我就陪住一班鬼佬喺個叫義烏嘅地方做嘢。當日,有間工廠約好我地去KTV玩,我都有同老婆打定報告,話會去ktv, 當然佢唔會想,但我係陪啲鬼佬去,佢都冇辦法。當晚其實無事發生過,都係每人坐女,飲下酒咁。 臨走之前,有條女同一個鬼佬好投契,我就幫口問,要唔要聽日出黎陪個鬼佬食晚飯,大家都話好,所以我就做左中間人咁攞左佢電話。第二日,鬼佬(其實佢係我老細),就問有冇約個女仔,所以返到酒店之後打比個女仔,條女果陣整色整水,又話落雨有咩咁,最後佢建議叫我搵架車去接佢,我唔想鬼佬掃興,所以我就上左架的士坐左40分鐘車接佢去酒店見個鬼佬。喺車其間,我套佢會唔會陪個鬼佬上床(因為想順便問價比個鬼佬),佢話唔肯,最多食飯,仲話佢肯過黎,其實係為左見我。我心諗搞笑咩但都有少少受落,之後我地共識話佢同鬼佬食完飯我地見面。 到夜晚9點幾,佢打比我話喺酒店樓下同鬼佬分左手,敢我就落去諗住同佢食嘢。點知落到去見到佢唔夠5分鐘,老婆電話就到,問我去邊,我就話自己一個去食飯,講左幾句就收綫。跟住老婆即刻又打黎,我準備接電話嘅之際,就叫身邊條女"等一下", 但原來未講呢3個字之前就手快快接左個電話,所以老婆係好清楚聽到呢3個字。 老婆即時已經好大反應,因為我啱啱先話自己去食飯,點解會同第二個人講嘢。然後我就搬出一大堆唔合邏輯嘅理由去解釋,足足講左1個鐘電話,由喺街到行黎行去,再走入間咖啡廳到坐低飲左杯嘢,再返到酒店房,一直冇斷過個電話,而條女就一直都喺我身邊。最後傾左個幾鐘,我冇辦法,賤格啲唯有發脾氣,同老婆講信就信唔信就算,跟著就熄左個電話。我知道當時老婆個心肯定好痛,雖然我死口唔認,但佢直覺深信我隔離一定有條女。(諗返起,老婆當時真係好難過,一個女人喺咁遠,仲發生啲咁嘅嘢,我肯定佢喺我熄左機之後,再打過百次電話,打到攰打到訓著, 事後佢同我講佢咸左成晚~~)。最後我喺酒店同條女傾計飲左少少酒,就同佢上左床,佢喺我到過夜。第二朝一早7點幾,條女仲訓喺我隔離,老婆電話又到,又鬧,我繼續乜都唔認,有啲嘢一世都唔可以認。到我要出門口坐飛機去第二個城市做嘢,同條女交換左wechat, 我叫佢可以再訓多陣先走,然後就放低左1千比佢。講真,我真係當叫雞,條女只係比較好傾,同都算幾靚,所以先會諗住有機會再聯絡。 可能係我已經去到第二個城市,老婆個心都定啲,少左搵我,而我期間就仲有wechat同條女傾計。呢件事嘅關鍵喺度要發生喇,個鬼佬叫我問條女有冇email address, 條女話冇,所以我幫佢開左個hotmail, 然後我想佢試下收發email, 所以用自己公司郵箱send左封"I miss you"嘅email比佢。喺呢個城市逗留左2日,然後又返去義烏,今次老婆喺上面做完嘢,所以佢飛黎見我,其間佢又問起果晚嘅事,當然我繼續唔認,最後仲發好大脾氣掟嘢,差啲整爛酒店度門,又整爛左浴室廉,超大脾氣,為嘅就係逼我老婆唔好再問落去。然後我地就搭飛機返香港,返到屋企我箭步衝入厠所開大,突然外面老婆大力狂敲門(當時我老媽子都喺度),原來佢check我email, 喺sent box到睇到我果個I miss you..........即時崩潰,我都知道瀨嘢,亦即時反應唔到可以點解釋,所以亂作一通,而佢就一心認定我做左對唔住佢嘅嘢。第二朝訓醒,佢話要離婚猛咁咸,我老媽子都幫手勸佢,兩個一齊咸.....點都好,最後都平息左,佢喺唔願意情況下,相信左我果個唔合理嘅解釋。自此之後,佢好憎義烏,亦好憎果間酒店。亦都對我check得好緊,當時我自覺好似坐監咁,但冇辦法,我唔可以拋棄佢,所以佢要點check都由佢,當然間中我都會發下脾氣。之後嘅半年,我仍然間中有同果條女wechat聯絡,而佢都有同鬼佬email。半年之後,鬼佬再次踏足義烏,又叫我約條女食飯,同樣地,食完飯後又唔肯同鬼佬試床而去左我房同我上,但今次好奇怪,我搞佢我出唔到嘢,因為其間諗再好多次我老婆.....唔知點解。呢次之後,繼續都有wechat聯絡,但後來比老婆發現左,將佢黑名單之餘仲delete左個wechat. 自此之後,基本冇再聯絡佢更加冇見過,但到現在老婆對呢條女仍然係耿耿於懷(最近,我親口同老婆對上面所有經過,如實講晒出黎)

關於不忠,其次就係叫雞,不至於雞蟲,平均一年一次。

至於冷漠 - 大家應該估到咩嘢情況,加上我賭錢(基本日日都諗起賭錢),所以從來好少會花心思時間喺老婆身上。一齊嘅時間不至於冇嘢講,但近年都係工事多,一係就係9up話戒賭之類。行埋嘅頻繁亦好小,幾個月至一個月一次。

直至6月份,情況出現巨大變化。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

不再輸錢 2015-9-22 05:20 AM

2015年6月,我去杜拜出差,2號返香港,就直接過大海賭錢,賭到6月6號先返屋企,其間係有同老婆聯絡。一如以往,輸完錢返黎,老婆開門無奈,然後我又死狗2日,星期一開始勤力工作。

6月11日(四),朝早起身後我地都如常對住電腦工作,我喺廳做,佢喺房。突然間我走入房攞啲嘢,行入房唔小心睇到佢好似喺到whatsapp緊,但佢見到我就少少緊張熄左個apps, 所以好奇問佢同邊個傾計,佢話同兩個姊妹傾,我話咁神秘.....傾咩。我想攞佢電話睇,佢唔比,佢話同佢地籌備份特別禮物比我(可能係去澳門之旅之類),叫我唔好睇,睇左好掃興。但我覺得好奇怪,所以一定要睇,佢死都唔比,越唔比我就越覺得有問題。(因為3月初我無意中發現佢玩wechat, 仲睇晒佢同其他人嘅對話,有多少曖昧,但知道佢係悶玩下,後尾佢又delete左入面啲人同wechat, 所以當時我過左幾日都慢慢忘記件事。)。今次佢死都唔比我睇,我開始懷疑佢係咪又玩,所以我一定要睇,佢都係唔比,同我爭個電話,我開始發好大脾氣,佢冇辦法下,同我講咩事,但叫我一定要冷靜啲。佢話,佢識左個男人40歲,離左婚(其實未簽紙),有個5歲嘅小朋友,職業做裝修。佢話個男人對佢好好,好識關心佢,覺得佢俾到佢嚮往嘅生活,飲檸檬茶會先主動幫佢督檸檬,我老婆有病佢會好緊張(問使唔使入黎陪佢睇醫生,提佢食藥),老婆整到隻腳會問要唔要入黎陪睇鐵打........咁我就問老婆,咁你想跟佢? 佢即時話係.....(過去16年,我係100%信任我老婆,係絕對諗都冇諗過佢會做對唔住我嘅事,只有我做,佢冇可能會做,加上佢曾經肥到160磅,一直10幾年都係肥妹仔,而且佢對我咁多年嘅情義雖然我冷淡,但一切都有目其睹,所以潛意識下我覺得我地婚姻好安全,但最近半年,佢開始做運動減肥學化妝,靚左好多charm左好多,但我都冇多諗,只係覺得佢人有多份自信都幾好)。我聽完之後,反應好冷靜,冇發脾氣,跟住我問,個男人係咪真係咁好。既然你搵到幸福,你跟佢啦。第日你可以做我個妹,有唔開心可以搵我,跟著就攬住大家。跟著再講下公司將來點樣分利潤之類。雙方冷靜傾談完,已經下午4,5點,我覺得個人好攰冇力,唔想做嘢,所以喺廳直接開張梳化床就想訓覺。老婆問我,夜晚想同兩個姊妹食飯傾計,我懶洋洋一句話好我就訓左。訓醒已經夜晚8點幾,我send短訊問佢喺邊,我又問佢係咪要我搬走,佢冇答話就返,返黎先傾。返黎我地再傾,我再問佢係咪真係要離開我,佢話係....佢問我點解可以咁冷靜,我話人都變心啦我可以做咩,我話遲啲會出去租屋住,唔返老媽子到,呃住佢地先,跟著冇耐我又訓返。(後來我知道,老婆喺我訓著左之後,同個男人傾電話,話佢知我咩都知道晒,而且同意和平分手,佢可以光明正大同佢一齊,個男人好開心,話一定會珍惜我老婆)。我訓到4,5點醒左,每個人都訓晒連一齊養左15年嘅狗仔都訓著,孤獨一個人開始感覺到份失落感。我入厠所食煙,send左下一段whatsapp比我老婆。

<<我嘅冷靜,並唔係因為唔愛你,可是相比16年你嘅付出,容忍,受傷,經歷,今日我嘅成全,只係微不足道,似乎已經冇資格去挽留。只要你開心,我願意放手。希望你喺佢身上可以搵到你想要嘅嘢,祝福你。應承我,有唔如意嘅事,要同我講,我永遠喺度。>>



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

不再輸錢 2015-9-22 05:21 AM

聽日開始講下半部。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

Ucucucu 2015-9-22 07:23 AM

回覆 #4: 老婆我愛你.....

:smile_o03:



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

bemawif 2015-9-22 08:12 AM

無言 :smile_39:



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

fd2vsdc2 2015-9-22 09:27 AM

樓主擁有最好的沒珍惜過



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

不再輸錢 2015-9-22 11:35 AM

6月12日(五),好早起身,落街食完早餐就開始做嘢。心情悶悶不樂,開始聽歌起來,喺廚房(因可食煙)插住耳機一面聽一面做。聽到一首<<心如刀割>>, 以前覺得好好聽,但對歌詞冇咩感受。但今次聽,歌詞 <<我是真的為你哭了,你是真的隨他走了,在這一刻全世界傷心角色又多了我一個。我是為你愛了,你是真的跟他走了,能給的我都給了,我都捨得,除了讓你知道,我心如刀割>>, 昨日裝作大方,開始正式崩潰,眼淚不停落下....,由過去15年嘅冷漠,愚昧嘅以為理所當然,直到昨日發現呢件事,一切來得太突然。我終於明白昨日嘅冷靜只係我即時反應唔到,並唔係我唔在意老婆嘅離開。其間我有意無意想比老婆見到我嘅眼淚,終於佢見到,但我冇講啲咩,仍然裝作冇事。當時係朝早11點,突然好想飲酒,所以落街買左好多酒,返上黎老婆見到咁多酒都嚇一跳,開始一面飲一面聽一面做嘢,配合埋多少酒精,情緒完全崩塌,不斷喊。然後又聽到一首歌,許志安嘅<<你的男人>>,

<<年少放縱時常有藉口 太多嗜好與太多損友, 得七歲智慧胡亂闖未曾善後
歲月似神偷 你以雙倍耐性維持愛的寬厚
眼看你諒解的眼光 柔和但使我更內疚>>

<<能照顧你成為我理想 背得上重擔變得堅壯
參得透世故能為小事而著想
愛令我成長 我會克制令我迷途過的心癢>>

呢刻,我好想鼓起勇氣成為老婆嘅真正男人, 其實我以前都有間中覺得自己係賤男,但一直冇用理性去對抗從四方八面嘅誘惑。老婆睇見我又飲酒又喊得咁犀利,所以入黎睇下我點,我開始求佢唔好離開我,我終於醒悟,以前我以為一切都係理所當然,直到今日老婆真正要離我而去,渾噩十幾年,終於醒.....老婆亦開始明白,我並唔係佢琴晚想像中咁冇事咁冷靜.....琴晚佢好安心離開,但今日佢開始有啲心軟擔心我....佢離開我嘅堅持開始動搖。冇耐,我已經開始醉醉地,一面求佢唔好離開我,佢應承左,所以佢最後佢喺同情我嘅情況下,承諾返我身邊。喺我面前打比果個男人同佢講分手,跟著冇耐我就訓著左。大約晚上10點幾醒左,老婆突然有個特別要求,佢話果個男人好少朋友,講左分手之後,佢要生要死,而且老婆應承左佢個5歲仔,第二日陪佢去廸士尼,佢唔想小朋友唔開心,想應約。我同佢解釋,冇可能,如果你返我身邊,我接受唔到你再見佢。跟住佢又話佢要生要死,想出荃灣同佢傾最多一個鐘,同佢講清楚,只要肯定佢唔會做傻事,就會返黎,我一樣係話唔得,接受唔到。最後我比佢用電話再同佢傾多成個鐘電話。佢講完電話之後,佢就訓左,而我自己心情都好難平靜,所以落街買酒飲,最後我亦send左個信息比果個男人,叫佢唔好再聯絡我老婆,我會對佢好好,亦都提醒佢做男人唔好要生要死。

從果晚起,我就決定要改變自己,做一個真正有擔當嘅男人,好好學點去愛我老婆。第二朝,星期六我地約左外父飲茶,前一晚我地搞到4,5點先訓覺,我以前為人,咁早嘅約會我一般好少出席,但因為要改變所以幾眼訓都出席。下晝我仲陪老婆啲兒甥仔去元朗波波池玩,我平時點會肯花時間去呢啲地方,但因為老婆想去,所以我起碼行出第一步。果日其實都過得幾開心,當晚臨訓前大家沖完涼,望住老婆覺得佢好吸引,當晚黎左次好enjoy嘅房事,然後我就訓著左。好可惜,後來我發現(唔係當晚發現)老婆最後趁我訓左覺,主動打比個男人又開始聯絡,所以我話佢當日話返我身邊係同情我,其實佢冇諗過同個男人斷。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

lok.yoyo 2015-9-22 12:39 PM

樓主 你老婆同人咩關係先 only 朋友傾?



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

bemawif 2015-9-22 01:00 PM

有人爭才覺得老婆好~
老婆留耐一點, 你還是會打回原形~
何不放過她呢~

4105263 2015-9-22 01:07 PM

你放過她吧



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

不再輸錢 2015-9-22 01:28 PM

其實有少少嘢漏左,第一日發現,老婆已承認同個男人上過幾次床。所以我亦承認我以前有出軌,有叫過雞。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

lake8899 2015-9-22 01:31 PM

有嗰陣又唔珍惜



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

fd2vsdc2 2015-9-22 01:34 PM

佢地已經有左感情,好難話斷就斷,而家應承你都只係你老婆仲念住咁多年感情,樓主要好小心處理呢件事,太強硬既態度反而只推向佢去果個男人度,你太太其實都好痛苦,比D空間佢



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

isomerisomer 2015-9-22 01:36 PM

你六月都仲賭緊錢,死性不改,見有人爭自己老婆先發老皮,間公司遲早俾你輸埋,放生你老婆啦,根本改唔到!



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

mmkl666! 2015-9-22 01:46 PM

*** 作者被禁止或刪除 內容自動屏蔽 ***

暴蟲 2015-9-22 01:51 PM

其實你地各自都有背叛過對方,再走返埋一齊,大家都唔知會係點,呢個階段,你係咪應該忘記自己老公呢個身份,唔好干涉個老婆點處理外面果個呢,用行動令老婆感動,等佢人同心都真真正正留響你身邊,亦都響呢個過程,比你自己諗清楚,係咪真係可以為老婆痛改前非,以後好好對佢



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

新手蘭壽 2015-9-22 02:57 PM

珍惜眼前人........

Playboyplayball 2015-9-22 06:19 PM

回覆 #14: 老婆我愛你.....

女人大多要有感情基礎才上床,不同男人叫g



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

lok.yoyo 2015-9-22 08:25 PM

我覺得樓主好怕無左老婆 所以不停講自己不是 等人覺得個老婆好好 好鄧個老婆唔抵 我心水清 即問個老婆同個男人咩關係 原來都攪埋野 同人攪野咁大件事喎 你都忍到 勁



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

不再輸錢 2015-9-22 09:14 PM

咁而事實上,我叫雞都係同人搞左嘢。分別只係我冇放感情啫。所以冇得計咁清楚。講真,對於我黎講,精神出軌嚴重過同人上床。但女人覺得肉體出軌一樣死罪。

所以當我決定去接受,我唔會再諗上唔上床。亦都係事實,佢曾經係好好好好嘅老婆,而我係好衰好衰嘅男人。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

Astraea 2015-9-22 09:18 PM

回覆 #1 的帖子

你係民意普選最終結局還是live drama 每日直播?民意就整幾個方案嚟初步諮詢吓,真人show就爽手update 密啲啦


[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

tom.care 2015-9-22 09:29 PM

*** 作者被禁止或刪除 內容自動屏蔽 ***

不再輸錢 2015-9-22 09:56 PM

[quote]原帖由 [i]tom.care[/i] 於 2015-9-22 09:29 PM 發表 [url=http://www.discuss.com.hk/redirect.php?goto=findpost&pid=426321178&ptid=25119043][img]http://www.discuss.com.hk/images/common/back.gif[/img][/url]
屌,好長 ... [/quote]

長都要吊,真係服左啲傻西



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

不再輸錢 2015-9-22 09:58 PM

過左幾日,有一朝早,當日老婆知我鍾意佢整嘅咖哩魚蛋,所以佢話整比我食,但係佢夜晚約左外母出旺角食飯,仲問我去唔去,我話好多嘢要做,所以唔去。無意中我入房,又再次發現佢同個男人wechat(果陣未知你又聯絡), 今次我搶左黎睇,睇晒所有對話,個男人叫佢豬豬,老婆主動同佢講話整咖哩魚蛋,問佢夜晚得唔得閒,可以攞比佢食,甚至問佢一唔一齊食飯。我自己一個喺厠所睇完之後,乜嘢叫心如刀割,就係果刻嘅感受。但係我一啲嬲佢嘅感覺都冇,只係心痛。出黎再次問佢,係咪想走,佢話係,佢話太愛佢。我開始執行李,佢堅持要去果個人到,我開始控制唔到,發脾氣將佢電話掟左落牆到,電話mon爆左,牆壁上留下深深啲痕跡。我除左隻結婚介子,試過兩次想掟出街,但兩次到比窗框彈返轉頭,最後去左床下底執唔返。本來想離開,果一刻除左去澳門我再諗唔到邊個地方可以令我唔諗,但我真係放唔到手,所以冷靜落黎我再求佢,開始同佢講道理,又話我明白佢一時間愛上左呢個人係好難抽身,但我地可以用時間去將呢啲污點沖洗,只要佢同樣有呢個心,幾辛苦我都願意陪佢捱過去。經過幾個鐘,佢最後又決定返我身邊。喺我面前又打比果個人。同樣on9地,我之後又send message比果個人叫佢唔好再聯絡我老婆.

之後我真係冇再諗賭錢,亦想盡辦法點樣對佢好啲,整早餐比佢食,做家務等等。因為佢電話壞左,所以有幾日應該真係冇同佢聯絡,到星期日終於整好左電話。我夜晚10點就訓左,12點幾扎醒,見到佢對住部電腦我好奇起身睇下做咩,發現佢啱啱delete左個wechat, 即係佢又聯絡左或者係想聯絡佢。佢話只係想睇下佢點,因為條友之前要生要死,如果佢有online,起碼知道佢冇事。當然我再次失望,後來更知道原來前一晚就算未整好部電話,就已經打左比佢。今次我開始有少少嬲,因為係10日內嘅第3次,我都係人,接二連三咁樣受傷害,有少少恨老婆點解可以落到手,完全好難想像佢為左一個識左幾個月見唔夠十幾次嘅男人可以咁狠心對同床16年嘅人。第二朝我再問佢想點,佢仍然話鍾意佢,我又講一輪嘢,話佢唔理性,一心憧憬激情,佢話驚同我一齊,我會有條刺,我話因為愛,我可以包容晒所有嘢。我叫佢合埋眼,乜都唔好諗,淨係諗要同或者應該同邊個一齊,最後最後佢都係話我。

第二晚,我地落街飲少少酒再傾下,大家有共識明白之後一段時間大家會辛苦,我會好猜疑佢會check佢,而佢就會繼續掛住佢但又要迫自己慢慢忘記全程投入返我身邊,但係我地都應承大家,唔可以再呃對方,真係頂唔順攞出黎攤開講,去到呢個時候,有咩係接受唔到,我只想做夫妻嘅唔好將講大話變成一種習慣就好可悲。經過呢次,我以為慢慢會好返,但係一切都係奢望,更離譜嘅事慢慢再發生。



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]

新手蘭壽 2015-9-22 10:13 PM

知唔知點解,你同佢十六年都比唔上一個識左幾個月既男人…………因為十六年入面,你不段傷害佢,佢好犀利,受左十六既不安………



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

寶B菜 2015-9-22 10:23 PM

愛佢就比佢走啦,今日佢肯留低,只因對你仍然有情,係親情,由那一個男人出現,佢得到重生,你同佢之間既愛情已經灰飛煙滅。
佢要走,走了之後是好是壞已無所謂,因為最差應該係果16年。
放手吧。



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

大樹菠蘿 2015-9-22 10:35 PM

自作自受:smile_45:



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

KAKA.M 2015-9-22 10:40 PM

早知今曰。可必初尼。。
之前吾去珍惜。到知道會冇左先黎去珍惜。。:smile_39:

fd2vsdc2 2015-9-22 11:14 PM

樓主,呢十六年你所做既事,應該大把會鬧你,所以我亦吾去批評你啦,但請你要控制一下自己既脾氣,難頂就落街㷛支煙行個圈,你再係咁只會令佢更怕你,更討厭你



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]
頁: [1] 2 3 4 5 6 7 8 9 10
查看完整版本: 老婆我愛你(下集)#8,#25,#98,#272,#386,387,#526,#602,#652完,#909,#1203