查看完整版本 : 閒談幾個老鬼意見恩怨、及激進派&本土派互毆

william.c 2015-12-24 09:57 PM

閒談幾個老鬼意見恩怨、及激進派&本土派互毆

我一直有跟開激進派發展,自從(泛)本土派興起、自問敝鄉、跟唔切。亦自本版撤出,政改不通過後、少談港政。

幾個反對派老家伙連續意見恩怨發酵,令人搲哂頭,不知為了那一樁。其中最令人唏噓的是On8(王岸然)和Q仔(黎則奮),此二人文章俱是我七十年代就追捧者,後來不在香港、斷纜。

後來香港撕裂,我為保守派、對二人文章是以羅果子鹽。On8近來更成港獨友,令我大吃一驚。Q仔寫經濟文章時,我基本上係一個經濟白痴,估唔到今日我認為Q仔係一個中國經濟白痴。

[[i] 本帖最後由 william.c 於 2015-12-25 10:19 AM 編輯 [/i]]

william.c 2015-12-24 10:07 PM

開場白講完。

On8和Q仔不是政客,不是幚主(比如大班) ,二人俱極反共,反梁英。On8搖身一變成港獨友+pro勇武本土派(含炸垃圾桶友)+pro熱血+pro錯亂雲,但極反黃郁人(含梁祥)+極反長毛+反老消+(大班---不詳)。稍為少聽少看網絡者,真係跟唔切條友D思想。

Q仔節目無聽(僅看fb文章),唔知為什麼會和On8互毆。其一可能係跟隨老細大班反對勇武本土派。近日Q仔專欄被信報撤下,On8幸災樂禍﹕



[img]http://www.c4ckin.com/logs/1224-2.png[/img]

[[i] 本帖最後由 william.c 於 2015-12-25 10:18 AM 編輯 [/i]]

william.c 2015-12-24 11:00 PM

我認為,On8太得戚。撐佔中似不是主因(蘋果太渣),撐佔中是common factor,尤如反共是common factor一樣。On8賣乖得過份。目測Q仔被炒,似乎源於文章太渣,昔日清流變妄友,比如有一篇話中國經濟是一個龐氏騙局,令人搲哂頭。Q仔䆓竟知唔知道乜嘢叫做龐氏騙局?

我認為,老一輩論中國經濟,林行止(我早年偶像) 早己不掂﹔練乙錚(狀若學者)又差過林氏十倍﹔老消是半吊子、又顛過練乙錚﹔而Q仔則傻過老消,大概和蕭少滔同級。

Q仔的〈中國政經不穩 香港更加動盪!〉(15-12-11)一文觀點取材自﹕
大紀元〈鐘聲:中國經濟龐氏騙局即將現形〉,竟然只是䴍鵡學舌,只有口號,沒有說明。

[[i] 本帖最後由 william.c 於 2015-12-25 06:54 PM 編輯 [/i]]

william.c 2015-12-24 11:01 PM

目測,Q仔是以下這篇文章出事。大佬呀,反對政策可隨便插、唔好下下話人set騙局,佛都有火。(利申,我對民生議題從來不月旦,無資格、無時間,無興趣。但政治化的,可以講一下)

[color=blue]兩個千億騙局 市民不能啞忍  2015-12-23

一日之內,兩宗涉及數以千億元計的新聞同時見報,表面上南轅北轍,互不相干,實質上卻是同出一轍,都是689政權弄虛作假,虛幌一招,旨在欺騙公眾和向特權階級輸送利益而已。

其一是政務司司長林鄭月娥煞有介事公佈所謂退休保障諮詢文件,特意將一心為政府和社會獻策的周永新教授的所謂「不論貧富」模擬方案,與政府研究的「有經濟需要」模擬方案對立起來,引導社會爭議,尤其是挑動世代矛盾,讓生活處於水深火熱和被壓在社會低層的新世代,將矛頭指向已屆退休年齡的長者;加上滲入中港矛盾的元素,肯定令左右雙方劍拔弩張,爭拗個不亦樂乎。殊不知,特意將諮詢期拉長至半年和表明今屆任內連政府研究方案也不會實行的689政權,根本從未打算推行任何退保方案,左右雙方吵得越兇,社會分歧越大,達成共識的機會便越渺茫,屆時密謀連任的梁振英已經當作兌現了三年前的競選承諾,交差了事。

周永新的憤怒不難明白,因為他是另一個善良的知識分子慘被689政權利用和愚弄後棄如敝履的例子,而即使沒有作過任何退保研究的普通人,亦可一眼看出,林鄭月娥惺惺作態護航的政府方案,其實根本不是退休保障計劃,極其量只是綜援及老人金扶貧混合版而已。花費那麼多時間和動員那麼多人力物力搞場大龍鳳,到頭來也不比三年前唐英年提出老人金一律加至三千元好得多,意欲何為,不是清楚明白得很嗎?可憐左膠也好,右膠亦罷,一眾青年竟認真看待,爭辯不休,愚昧至此,難怪不知所謂的林鄭月娥亦自以為「好打得」了。

但天網恢恢,689政權貌似精明、運籌帷幄,卻不知其實也是聰明笨伯。他們可以愚弄公眾於一時,卻冷不防百密也可一疏。我雖然不支持小圈子選舉,卻樂意相助任何推倒689政權的政治力量。今次假大空的退保諮詢,正好為意欲競逐下屆特首的潛在候選人提供了一個良機。他們應該當機立斷,針鋒相對,提出一個遠比政府為優又可行的退保方案,爭取民意,籠絡人心,變相當作政綱,提前進行競選宣傳,殺梁振英一個措手不及。

港式國企 綁架全民

至於另一個假大空的計謀,當然就是獨行獨斷的機管局公佈的所謂機場第三條跑道系統財務安排研究報告。將三跑項目的預期內部回報率由3%大幅提升至8%,目的明顯不過,就是作大預期收益,製造經濟效益假象,旨在增加融資規模,為必然出現的超支及早籌謀。機管局這類港式國企,產權本屬全民擁有,卻由一小撮技術官僚長期把持,自把自為,儼然獨立王國。他們不僅意欲鞏固及不斷增加官僚系統的既得利益,還可向特定的建造集團輸送利益。所謂「自資」興建三跑,由頭到尾都是精心公關包裝的騙局,機管局所有收入一分一毫都是公帑,更不消說巧立名目向公眾徵收的機場建設稅。如果容許機管局為三跑擴大融資規模,勢必讓他們有機延長徵收機場建設稅和延遲向政府繳交利息,最終蒙受更大損失的,其實就是納稅的廣大市民。

朱門酒肉臭,路有凍死骨。這邊廂689政權為退保方案錙銖必計,那邊廂卻為機管局斂財大開方便之門,香港人倘若還可以容忍不怒吼,就注定自作孽,必吃苦果。

黎則奮
時事評論員[/color]

[[i] 本帖最後由 william.c 於 2015-12-25 10:21 AM 編輯 [/i]]

william.c 2015-12-24 11:29 PM

[font=新細明體][/font]
[font=新細明體]本土民主前線[/font][font=Times New Roman] [/font][font=新細明體]第一集[/font][font=Times New Roman] 22-12-2015 Part A : [/font][font=新細明體]本土民主前線官方節目啟播[/font]
[font=新細明體][/font][url=https://www.youtube.com/watch?v=Do5y58lXLgg]https://www.youtube.com/watch?v=Do5y58lXLgg[/url]

呢條片仲火爆(無聽哂,只聽了前面),原來是黃x仰向熱血達開火。証實了郁人幫下靚仔內訌。對前一排梁祥夾住兩條四眼仔文革式自隊因由,半信半疑(我們局外人知鬼咩),而家正式叫陣了。然則兩條四眼仔是否脫離了郁人幫?

[[i] 本帖最後由 william.c 於 2015-12-24 11:31 PM 編輯 [/i]]

蕭弱元 2015-12-25 12:34 PM

回覆 5# 的帖子

資料補充, 熱血達幾個月前有屌個輔警係鬼, 但個輔警在fb上向熱血達解釋,
今次爆炸事件, 熱血達亦有為輔警辯護, 而原本同黃台仰friend0既四眼, 而家跟左熱血

william.c 2015-12-25 03:26 PM

多謝補充。而家捉到路,觀察諸種激進派及本土派的分野,不是觀其路線或見解,也不是睇人。而係跟人,跟邊個邊個隊過(或窒邊過),才能分得成堆,邊堆打邊堆。

上㳄梁台祥迫兩個四眼仔自摑,其中黃台仰和鄭錦富似己分開(尚不是分裂),而鄭錦富剛和新進健筆盧斯達&米曹(號稱或貌似xx本土派---xx表示不知屬性)剛上了〈郁人踩場〉。

鄭錦富則是上周反版權條例集會中、被長毛搶咪者,盛傳為熱血幫。。同一場面,被熱血指篤灰(後來)的楊逸郎則追罵長毛。召集會議的〈鍵盤戰士〉不知屬於那一堆。

同場社記友昌昌,無力救君狀、幾日成立民進黨(香港) ,要導正本土云。無可否認,激進派呢個舞台,時尚的還是本土,老消普世派&靡下一班公子哥兒人力幫有D黯然先色。

[img]http://www.c4ckin.com/logs/1225-1.png[/img]

[img]http://www.c4ckin.com/logs/1225-2.png[/img]

[[i] 本帖最後由 william.c 於 2015-12-25 07:20 PM 編輯 [/i]]

william.c 2015-12-25 03:30 PM

>>今次爆炸事件, 熱血達亦有為輔警辯護<<

咁點解黃台抑仲係自製節目中(22/12)插熱血達on輔警楊?

[[i] 本帖最後由 william.c 於 2015-12-25 03:33 PM 編輯 [/i]]

william.c 2015-12-25 11:27 PM

呢個表未掂,拋磚引玉、有那位網友可以整個詳細D的?

[img]http://www.c4ckin.com/logs/1225-3.png[/img]

[[i] 本帖最後由 william.c 於 2015-12-25 11:47 PM 編輯 [/i]]

asken01 2015-12-25 11:28 PM

[quote]原帖由 [i]william.c[/i] 於 2015-12-24 11:29 PM 發表 [url=http://www.discuss.com.hk/redirect.php?goto=findpost&pid=432623587&ptid=25396305][img]http://www.discuss.com.hk/images/common/back.gif[/img][/url]

本土民主前線 第一集 22-12-2015 Part A : 本土民主前線官方節目啟播
https://www.youtube.com/watch?v=Do5y58lXLgg

呢條片仲火爆(無聽哂,只聽了前面),原來是黃x仰向熱血達開火。証實了郁人幫下靚仔內訌。對 ... [/quote]
就住件事去鬧既我又覺得冇乜所謂
每個人都會錯 唔好當左啲意見領袖係聖人
最重要係唔好沫黑人
好似廢陶 大舊 個類人係衰到貼地
百分百政棍



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

william.c 2015-12-25 11:32 PM

港究竟有幾多堆本土派?有邊個可以提供?

索貝 2015-12-26 05:39 PM

回覆 9# 的帖子

浪費咁多心力喺呢堆人度...:smile_42:

william.c 2015-12-28 08:45 PM

[紀錄]
此本土力量似反黃郁人的。

[b]本土力量 ep16 - 「影子先生」評論雙黃狂屌鄭經翰 / 黃洋達的舒服與安全[/b]
[url]https://www.youtube.com/watch?v=3JULCz0hjTs&spfreload=10[/url]

william.c 2015-12-28 08:59 PM

[紀錄]
[color=blue]「本台主持阿Bi,亦即「鍵盤戰線」發言人鄺頌⋯⋯晴發言時表示....」----「[/color]鍵盤戰線」算不算是本土派?

當日鄭xx(四眼哥)和「鍵盤戰線」聯手質長毛on 網絡23條,背後是熱血堆?


[img]http://www.c4ckin.com/logs/1228-1.png[/img]

[[i] 本帖最後由 william.c 於 2015-12-28 10:51 PM 編輯 [/i]]

william.c 2015-12-28 10:57 PM

維基所列﹕

[img]http://www.c4ckin.com/logs/1228-2.png[/img]

[[i] 本帖最後由 william.c 於 2015-12-28 10:59 PM 編輯 [/i]]

william.c 2015-12-28 11:11 PM

2016年元旦遊行團體。
目測,激進派和少數部份本土派聯合遊行。
似將郁達雲幫、開名港獨幫、傘後素人幫排除在外。
(「鍵盤戰線」除外?)
社民連似揸大旗。好那好笑,社記和四五行動有乜分別?剛脫黨昌昌的香港民進黨去了那裏?

[img]http://www.c4ckin.com/logs/1228-3.png[/img]

[[i] 本帖最後由 william.c 於 2015-12-28 11:40 PM 編輯 [/i]]

william.c 2015-12-28 11:26 PM

睇片,社記發圍。
韓老師屬於邊一堆?
咦,人力代表去了那?
所有明星人物都沒有出席。
黃村長太矮、太靚。吳x遠又太高﹔阿牛太老。影帝失蹤。


[b]1500 旺角 2016年30團體元旦大遊行記者會[/b]
[url=https://www.youtube.com/watch?v=QitWUAvDW7s]https://www.youtube.com/watch?v=QitWUAvDW7s[/url]

[[i] 本帖最後由 william.c 於 2015-12-28 11:43 PM 編輯 [/i]]

霧飛隱 2015-12-29 12:44 AM

「觀察諸種激進派及本土派的分野,不是觀其路線或見解,也不是睇人。而係跟人,跟邊個邊個隊過(或窒邊過),才能分得成堆,邊堆打邊堆。」

呢個係事實,尤其支持者當中,好多人都唔係睇政治立場或者理念,純粹係明星偶像嗰種「佢鬧我偶像,我就要插死佢」,例如某網台,本身班主持都對黃洋達禮貌有加,後來2012年黃洋達參選,同陶君行撞區,兩大陣營有互相叫罵,其中幾位主持係社民連死忠Fans,就突然憎黃洋達入骨,集集响節目抽黃洋達水,其中幾位主持係黃洋達Fans,就頂唔順離開該網台,走去跟黃洋達開網台。

老蕭嗰邊都係,有啲主持曾經响節目話過老蕭幾句,跟住就畀班老蕭Fans瘋狂圍插,又出逃走去其他陣營。

要分類激進派及本土派係愈來愈困難,甚至個名已經好怪,激進派,一般指社民連、人力,立場愈來愈唔激進,路線反而愈來愈偏向傳統泛民,講到尾,社民連、人力都係想借助傳統泛民勢力,幫佢咃消滅共同仇人黃毓民,其他野佢哋都可以先放埋一邊,集中所有資源先消滅黃毓民優先。

本土派仲搞笑,城邦、建國、歸英、獨立、溫和本土,仲有班「大中華本土」(同神第二個獨生子一樣咁有趣),都可以泛稱本土,但立場係可以南轅北轍,單係對華夏文化睇法,班支持港獨嘅大學生,同陳雲城邦一派都已經鬧個你死我活,溫和本土如新民盟,會攻擊其他本土派驅趕走私犯嘅行動,想做出「政策排中,但表面上要包容大中華」嘅形象,「大中華本土」直情宣揚健康本土,話本土唔等於排外,用左翼大愛思想混淆本土,攻擊晒其他本土勢力,論述九唔搭八。

睇下睇下,真係搞到人精神分裂。

william.c 2015-12-29 02:09 AM

#18
講得好。(我非圈內人,具體情況無從插咀)

我是保守派(相對上),自2012年就鋤錯亂雲是港獨(分離主義)。對本土派的冒起,一直跟唔切(而家猶甚),一直下唔到筆。目前get 到幾個apporach和想法﹕

(1)如前述、跟人。

(2)所有存在都是有理由的(前述「存在就是合理的」宜修正)。眾多非理性加在一起,就產生理性(股市語) ,故此不宜忽視香港本土派的存在。

(3) 激進派&本土派的互毆,撇開本身追求理想不論,內訌部份有點像太平天囯&文革時紅衛兵。

(4) 政改不通過後,香港反對派完全失去「抗爭」有效方向,而(反對派)內部為爭豬頭骨(議席) ,互相傾軋不已。

(5) 本土派思潮&行動對香港政壇/政局的影響。

[[i] 本帖最後由 william.c 於 2015-12-29 01:10 PM 編輯 [/i]]

霧飛隱 2015-12-29 09:51 AM

[quote]原帖由 [i]william.c[/i] 於 2015-12-29 02:09 AM 發表 [url=http://www.discuss.com.hk/redirect.php?goto=findpost&pid=432855803&ptid=25396305][img]http://www.discuss.com.hk/images/common/back.gif[/img][/url]
#18
講得好。(我非圈內人,具體情況無從插咀)

我是保守派(相對上),自2012年就鋤錯亂雲是港獨(分離主義)。對本土派的冒起,一直跟唔切(而家猶甚),一直下唔到筆。目前get 到幾個apporach和想法﹕

(1)如前述、 ... [/quote]
本土題目太闊,但究其根源,係有一班人好驚,香港一啲以往留傳落嚟嘅野會遭受消滅,例如語言(粵語)、文化(正體字)、環境(效外環境、具歷史保育價值建築、社區環境等)、價值觀(爭取個人自由,表面上珍惜法治等等)、制度(相信三權分立、用港幣、有關口分隔港中等等),而呢班人都以後生仔居多,反而上幾輩都抱住「香港從來都係變色龍,畀英國管就親英學英文,畀中國管就親中學普通話,邊有咩本唔本土文化」,加上大中華主義,認為自己嘅根唔喺香港,根係喺中國,自己理應服膺、融化於大中華思維當中,所以唔太了解本土思潮講緊乜,反正有乜事移民就得,香港只係一個搵錢地方,消失咗都無咩值得可惜,反正深圳、上海隨時可以取代,今日做香港人,聽日可以做深圳人、上海人,搵到錢就OK。

點樣睇香港呢個地方同文化,重視與否,係一個重點,就算係激進派,都失落於呢種思潮,長毛就曾經表示輕蔑香港文化,認為香港文化就只係「唯利是圖」,無咩值得守護,某程度上佢講得無錯,只係忽略咗新一代有班人(尤其係互聯網時期成長,受過通識教育長大一輩),係反抗緊上幾代香港人流落嚟嘅價值觀,希望重新為香港人定位,港大《香港民族論》都係呢種思維嘅產物,而且,只係開始。

[[i] 本帖最後由 霧飛隱 於 2015-12-29 10:00 AM 編輯 [/i]]

霧飛隱 2015-12-29 10:33 AM

想提提「鍵盤戰線」,其實唔係新組織,幾年前網路23條一提出,已經有班網友關注呢件事,之後呢幾年都有Follow,有唔同人出出入入(但係來來去去得幾丁友),組織出面人阿Bi,係親熱血公民(當時係中學生,而家已經係港大學生),但據知其他成員唔係個個親熱血,個組織最初成立都係想引起大眾關心網路23條,並非親某一黨先入得 (組織2011年成立,好多本土組織都未出現)。

[[i] 本帖最後由 霧飛隱 於 2015-12-29 10:36 AM 編輯 [/i]]

william.c 2015-12-29 12:54 PM

(以下是我2015-12-21在他站的貼文,部份觀點和霧飛隱網友的相同)

[color=blue]閒談本土派
---香港新一輪反共及新一代因素[/color]
[color=#0000ff][/color]
大家對本土/本土主義/本土派定義不同。我是保守的,認為,目前散修修千奇百怪的所謂香港本土派,唯一common factor是排他性,拒共拒中於羅湖橋外。根源是大陸統一香港的前提下,對一國兩制式合併過程的恐懼的反應。這和合併過渡期長短(18年)是㳇有關係的,這個argument不好。

搞錯哂,港英年代沒有今天本土派的思潮。97前後,香港人雖然不情不願,但基本上是順從於回歸的。甚至於幾年後,大陸無咁強大時,香港人是無咁憎阿爺的。我記得,2003年七一一役,香港人還盼望中央炒老懵憧的。但那一伇「準投降派」民主黨開始失勢,大中華觀念開始俾人抗拒。之後,2007年左右反共原教主義者黃郁民冒起(但他從來不是本土派、現在也不是,他是投機),帶動了香港激進派。2009年皇后碼頭、反高鐵等事件引起香港本土主義思潮的崛起,後轉為城邦論+反大陸的政治性本土派思潮及行動。

另一個factor是六四維園一代已成長(黃洋達當年八九歳左右),是為新反共的一代。2003年七一那一批青少年則是第二代(黃之鋒為首),共同組成新一代反回歸大軍---儘管香港已回歸---本土派要放在這個context看。

wowo扯到港英年代的社會發展,似不確。研究香港本地化(當時學台灣,叫㝷根) ,小弟多年前嘗試過,tend to 身份認同研究,但context完全不同。創造過「異地雜種」一詞,和現在的錯亂雲的城邦論剛相反。媽的,在港英統治下長大的我們,明明是假洋鬼子(不用shame of) ,倒話我們(香港人)should be 是華夏佬,狗屁不通之至。假如我地不懐有假洋鬼子的價值觀,點會咁反共呀?但反共唔會反大陸人,錯亂雲用今天兩邊不是人的香港人(新一代沒有了假洋鬼子的touch),㚒硬話係華夏人去反大陸人,居然有聽眾,令人匪夷所思。
------------------------------------------------------------------------------------------------------------------
[附錄]
wowo
[i]發表於 2015-12-21 12:08:29[/i] |

[color=blue]我認為本土的理念還是太短, 殖民地時代英政府手段較高, 香港人普遍接受, 到北京外來政權接手,
意識形態相差, 透過高壓手段威迫港人接受, 又大量大陸人入境, 令本地人感到不安,
相對台灣有三四十年抗爭歷史, 香港的太短, 而且台灣那是是軍閥政府, 外省人有著數, 又用槍來鎮壓,
相對香港都只係透過行政手段較迂迴既手法, 反抗程度低得多

我認為香港本土既概念仍偏向狹義既本地人利益, 而不是蕭生所強調係捍衞核心價值既捍衞, 較為抽象較少人理會但係唔會令群眾走向右派既族群撕裂, 呢個係我點解唔支持本土派既原因, 就算換左唔係熱狗城邦, 係昌昌既香港民進黨, 只係手法不同, 理念並無分別, 其實只要政府政策嚴重偏離民生, 自有民怨, 唔多覺本土派可以有任何能力影響政府決策, 尤其是呢個打橫行既政府[/color]

[[i] 本帖最後由 william.c 於 2015-12-29 01:08 PM 編輯 [/i]]

william.c 2015-12-29 07:58 PM

2015-12-21

錯亂雲在Fb上話本土派並無定義。

警方拘捕了炸垃圾筒的疑犯,正式定名為本土派所為。繼大公文匯將本土派等同港獨之後,香港政府(起碼是警方)將本土派等同暴徒,值得一記。
-----------------------------------------------------------------------------------------
熱血達話,亦不喜歡稱自己為本土派,但不得不用云。黃郁人強調本土價值,但似被激進本土派邊緣化。

霧飛隱 2015-12-29 08:04 PM

[quote]原帖由 [i]william.c[/i] 於 2015-12-29 12:54 PM 發表 [url=http://www.discuss.com.hk/redirect.php?goto=findpost&pid=432877009&ptid=25396305][img]http://www.discuss.com.hk/images/common/back.gif[/img][/url]
(以下是我2015-12-21在他站的貼文,部份觀點和霧飛隱網友的相同)

閒談本土派
---香港新一輪反共及新一代因素

大家對本土/本土主義/本土派定義不同。我是保守的,認為,目前散修修千奇百怪的所謂香港本土派,唯 ... [/quote]
雨傘革命係分歧點,當中唔單只講緊街頭抗爭,而係民間都亦發生劇變,好多隱藏已久嘅問題同諗法,都一次過掘晒出嚟,包括本土思維,時間上當然好短,好多人喺呢件事發生之前,係連立法會功能係做乜都唔知,政治無知得可怕。


本土理念唔只短,仲好散好薄弱,而家係處於磨合同成長期,有唔少人已經做緊相關文化工作,探討緊本土問題,最近上映,場場爆滿嘅電影《十年》,就係滲透濃厚本土思潮嘅電影,當中提出部份香港人關心嘅問題(其中三個故事有極強本土意識),但無提出答案,只係想引發觀眾自己思考,希望十年後香港變成點。


另外,網路名人鄭立策劃嘅手提遊戲《光輝歲月》近月上架,隻Game用咗大量80,90年代港產片元素,同97前好多香港情懷意象,保留兼重塑返香港文化強盛時期所遺留嘅嘢,潛移默化灌輸啲本土概念畀後生一輩,除咗檯面爭選票班人,另外仲有好多人做緊論述、文化創作、娛樂等工作,完善本土思維(我自己識嘅人當中,都有好幾個組織搞緊相關創作)。


蕭生成日搬龍門,自相矛盾,無聽好耐,難以評價佢對本土嘅睇法,不過如果係講咩和平理性,普世價值,捍衛法治,同時包容弱勢之類bilibala(跟手拋一大堆書包,講右翼有咩禍害,有人因為種族仇恨突然殺死隔離屋全家云云,佢好鍾意講),大包圍講完一大堆道德上一定無錯嘅講法,然後覺得本土要向呢啲方向行先正確,咁就真係無謂提,同「希望世界和平,大家唔好打仗」之類嘅講法一樣,唔會話佢錯,但無咩值得討論,呢個人而家唯一令我覺得有價值嘅地方,就係反面教材,話我知人老咗一定要學識睇化、放下,執著於個人私仇,仲扮晒為大眾為人類,最後只會害人害己。

霧飛隱 2015-12-29 08:13 PM

[quote]原帖由 [i]william.c[/i] 於 2015-12-29 07:58 PM 發表 [url=http://www.discuss.com.hk/redirect.php?goto=findpost&pid=432902011&ptid=25396305][img]http://www.discuss.com.hk/images/common/back.gif[/img][/url]
2015-12-21

錯亂雲在Fb上話本土派並無定義。

警方拘捕了炸垃圾筒的疑犯,正式定名為本土派所為。繼大公文匯將本土派等同港獨之後,香港政府(起碼是警方)將本土派等同暴徒,值得一記。
-------------------- ... [/quote]
大公文匯都算厚道,你上中國論壇、微博睇下,香港人而家無論講民主也好、鬧共產黨也好,都一概畀人歸類為港獨,港獨已經變成「唔聽中國大陸話嘅代名詞」,總知你係香港人,佢睇你唔順眼,或者你言詞上對佢咃有不滿,你就等於係搞港獨,相比之下,大公文匯係心慈手軟。


黃洋達嚮雨傘革命結束後無耐,已經公開講過,預測本土派會畀人騎劫,大中華主義者會自稱「本土」,各大組織會各自為「本土」落定義,甚至建制派都會自稱「本土」,愈變愈騎呢,因為唔想打泥漿摔角爭拗咩真本土假本土,所以唔想以本土派自居,只係外間都當正佢哋一脈係本土派,所以就算唔鍾意個名,佢而家都要硬食,而家睇返(尤其連曾俊華都用「本土」做文章),可見佢最初無估錯。

william.c 2015-12-29 10:12 PM

咦,霧飛隱幾跟得貼政治形勢(相對上),並有分析。舊網名係who?

william.c 2015-12-29 10:16 PM

(轉貼)

[color=blue][b]內地學者:港本土派或有西方支援[/b]
2015年12月29日 星期二

【明報專訊】本土問題近年興起,甚至引起社會矛盾,內地《環球時報》昨日刊出由全國港澳研究會會員、中國社科院政治學研究所副研究員樊鵬的文章,強調要警惕香港「新本土主義」,他形容新本土主義最終是要實現「香港完全自治」的政治目的,又質疑有西方勢力支援。倡議本土優先的立法會議員范國威形容這類「打手」文章罔顧政治現實,政治抹黑「低檔次到無倫」。

財政司長曾俊華前日於網誌提到港人的「本土意識」可團結起來,轉化成正面建設力量,推動香港變得更好,而不止於封閉、消極,甚至具破壞性的保護主義。樊鵬的文章開首則指出,香港近年出現少數訴諸本土意識和香港人族群身分的運動,即使大眾對此冷漠,亦不能對此掉以輕心。

文章形容新本土主義是少數民主派意見領袖「假手學術的產物」,概念源自美國,近兩年香港學界陸續出版《香港城邦論》等書籍,「雜糅和利用流行的『新本土主義』辭彙和理論,嚴重扭曲了香港歷史和港人意識」;又指「新本土主義」不是單純學術研究和文化論述,其真正目的是誘發香港本土意識,構造香港本土論述,最終實現「香港完全自治」的政治目的。

[b]范國威:低檔政治抹黑[/b]

文章質疑新本土主義有「西方勢力」支援,認為目前雖沒廣泛民意基礎,但要提防其通過「民間外交」與澳門、台灣等地建立「華南公民社會」,為香港爭取國際社會支援,與「拒中抗共」力量合流。

范國威稱,本土派「行好多步都未去到港獨」,但只要批評政權,便被扣連港獨,他強調絕大部分本土派都是在一國兩制框架下爭取高度自治,捍衛本土價值,據他理解亦無西方勢力支持,批評文章說法偏頗,並非建基於事實,只是低檔次的「打手文章」。[/color]

[[i] 本帖最後由 william.c 於 2015-12-29 10:17 PM 編輯 [/i]]

william.c 2015-12-29 10:20 PM

首㳄聽到「新本土主義」這個詞,不過大陸名詞內涵,住往和海外/境外的不同。

閒話一句 2015-12-29 11:42 PM

個名都幾搞笑, 什麼全民止蝕大遊行?  乜佢地最近炒股票蝕左好多咩, 搞到要整個止蝕大遊行咁巴屎閉 :smile_30::smile_30:

霧飛隱 2015-12-30 12:19 AM

[quote]原帖由 [i]william.c[/i] 於 2015-12-29 10:12 PM 發表 [url=http://www.discuss.com.hk/redirect.php?goto=findpost&pid=432909492&ptid=25396305][img]http://www.discuss.com.hk/images/common/back.gif[/img][/url]
咦,霧飛隱幾跟得貼政治形勢(相對上),並有分析。舊網名係who? [/quote]
無舊網名,其實好少上嚟呢邊討論區,太多五毛,偶爾見到得意題目先吹幾句。

我唔算跟得貼,真心講,對啲政治花生好煩嫌 (但諷刺係,好多時就係呢啲小事愈鬧愈大先分裂),有時見到,A組織有人鬧咗B組織成員家人一句,B組織就總動員反擊,A組織亦不甘不弱,跟住鬧鬧下就搵啲陳年舊事講,阿邊個邊個係反骨仔,出賣選民,邊個邊個鍾意叫雞,邊個嚮節目嘲笑金主,無聊到極,而家好多時一見到題目,大概估到咩事就Skip,睇都廢事睇。
頁: [1] 2
查看完整版本: 閒談幾個老鬼意見恩怨、及激進派&本土派互毆