查看完整版本 : 《死侍:不死現身》看後感

Medalmore 2016-2-11 07:58 PM

《死侍:不死現身》看後感

其實新年流流睇部「死人」戲,初初我有點保留,但如果想新年睇戲,唔通真係睇冇星爺既美人魚?定係睇番廿幾年前既星爺做既家有喜事?睇個「晶」仲出位個眾「星」既賭城風雲3?定係睇牛魔王扮孫悟空既三打白骨精先?我又唔打算睇動畫...

雖然話新年流流打打殺殺係唔老黎,但我係初三睇呢套戲既,咁初二凌晨「直播」果套旺角黑夜2016我都睇埋咯,咁仲有乜野顧慮呢?

講真,我睇之前對死待呢個角色,我所知既係零!而且我更冇諗過,佢係X-man系列既角色...都係朋友叫我去睇啫!

不過我睇完呢套戲之後,講真...如果葉問3而家都仲有得睇既話,我仍然會睇死待!

其實套戲入面既演員,都好似以往果D英雄片咁,真係睇完都唔知佢係邊個...呢套都係!不過咁唔重要...

以往睇呢D英雄片,果個「英雄」通常都係有型有款既,呢套就...唔計佢毀容啦,我就覺得佢有點似韋小寶...無賴一名!但係...我鍾意佢夠無賴,夠真!

雖然佢地入面D英文,我都跟得好辛苦(其實大部份我都要睇字幕),但論動作特技,死待講野既語氣,其實都feel到佢果種抵死衰格既表現...

如果要彈呢套戲既地方唔係冇...似乎文戲多咗D,打就唔太多(但精彩既),以及...呢套戲似乎俾一般英雄片片長略短...有少少唔夠喉!

但老實講句:呢套戲我覺得唔錯,有第二集我都會睇既!
頁: [1]
查看完整版本: 《死侍:不死現身》看後感