查看完整版本 : 《寒戰2》看後感

Medalmore 2016-7-9 04:45 AM

《寒戰2》看後感

終於都等到佢第二輯...真係等到連西營盤站都可以俾佢作為題材!

成套戲如果你講套戲既節奏同特技場面嚟講,其實佢係合格既,至少爆炸場面同槍戰都OK...

講完場面,我想講班演員...

老老實實喇,其實成套戲基本上係睇三大影帝大鬥戲,發哥同家輝哥絕對唔會令你失望!不過郭富城...老實講句,佢似乎都係得一個表情,內心戲講真...如果你將佢同梁嘉輝比較,真係根本高下立見,甚至我覺得佢內心戲比發哥更搶鏡!

至於其他演員...講真我幾乎可以咁講,成套戲似係成班有知名度既演員,去客串一套由郭富城同家輝哥幾乎玩晒既戲(發哥戲份太少喇),只不過佢地兩個不斷同不同既對手做對手戲,先至冇咁明顯啫,甚至片頭字幕打住楊采妮同Janice Man係「領銜主演」,根本可以話係一個笑話!

以一班「串星」嚟講,其實幕後大佬張國柱叫做比較搶鏡囉!

講個故事呢...其實我覺得佢有點衰收尾!

初初其實都做得幾好,甚至我係估唔到,原來果幫人係有咁多高官做成員!但一去到尾段要搵番上一輯架警車果度,我覺得似趕住收工草草了事,甚至太刻意話俾人知,套戲一定有第三輯!

另外我仲想講角色設計問題...其實最大既問題,就係李Sir兩父子!首先李Sir個仔上一輯已經中槍,果陣都夾硬話佢係鎖骨位低D地方中,都可以話唔致命。但今次呢?真係前面中幾槍喎...但又仲未攞得飯盒?佢係咪不死子珊上身先?仲有李Sir本身...我到而家都仲未摸清,其實佢係變咗節,定係做反臥底...唔係又係留下第三輯既伏線呀話?其實咁睇落去,如果下一輯再唔出番保安局局長既話,似乎會俾人插到反艇!

總括嚟講,如果以近期港產片大製作嚟計,呢套戲係不過不失,係冇上一輯咁好睇架喇,但又未係差得咁緊要...

OOMAN 2016-7-9 08:06 AM

作為續集 , 其實我係抱有期望入去睇 .
演員既演出, 我就吾評論 , 我只係想睇埋, 等左咁多年既故事 .
不過到睇完 , 就好似 [喜劇之王] , 星爺遭換角既對白 , 吓 ! 啊 !
** 獨立講 , 吾係差 ! 只係等一個故事, 等太耐 , 比對上集 , 同
預期出現好大落差 .
頁: [1]
查看完整版本: 《寒戰2》看後感