查看完整版本 : 《海底奇兵2》看後感

Medalmore 2016-7-16 08:30 PM

《海底奇兵2》看後感

我諗我今年所睇過既電影,最好睇既應該係海底奇兵2...冇錯!佢仲好睇過寒戰2同美國隊長3!

之前我都係入戲院睇海底奇兵1,呢次睇由多莉擔正既2,雖然呢...其實1係好睇過2(感覺上2好似冇咁熱鬧),但2都好睇!

講真呢次最突出既「角色」,唔係多莉,唔係馬倫,又唔係毛仔,而係條八爪魚...佢真係萬能既!我敢講佢既風頭,可以話蓋過咗馬倫父子!

咁多莉呢?其實今次個故事,都真係幾詳細咁描述佢既「特性」,以及佢尋親既過程...我覺得佢個故事,比起上輯馬倫搵毛仔更感人!

其實今次成個故事,佔大部份都係多莉尋親既過程,所以基本上佔戲一定佢係最重,至於其他角色,係馬倫毛仔父子,以及八爪魚都叫做有適當既份量,其他既包括鯨鯊同大頭魚,唔算太多戲...不過有部份都做得幾搞笑...

其實成個故事,唔係冇冷場,但後半部份都幾精采...但我唔劇透喇!

我就睇粵語版既,講真青雲同毛毛配番上一輯既角色,問題就冇喇,而小儀同坤哥配既角色,講真就冇乜特別,不過King Sir...果然寶刀未老!

總之呢...如果你肯花錢睇韓戰2既話,都考慮下俾錢入場睇埋海底奇兵2啦!
頁: [1]
查看完整版本: 《海底奇兵2》看後感