查看完整版本 : 學唱歌實用tips

ngonshingtse 2016-8-20 12:35 PM

學唱歌實用tips

近排答開學生/網友d學習問題,係呢區post埋俾大家 - 以下係以學生角度俾嘅tips (自身都經歷過(睇書+網上)自學 > 正式跟導師受訓 嘅階段,確實走過極多灣路):

1) 諗清楚自己個學習目標
就係你想學到咩程度,以達致「畢業」。同學琴類似,唔係個個人去學都想達到李雲迪嘅程度; 好大部分只係考到某個級cert,甚至只學流行chord彈法,務求識睇chord譜彈到歌仔就心滿意足。學唱歌/聲樂多數都係想改善自己嘅聲線(音質)、擴闊自己音域、學演繹技巧鋪陳等等。學習目標愈諗得清晰,你就愈學得有效 (快),識得揀最適合自己嘅導師同學習年期。

2) 收費價格嘅含義
導師所標收費價格「唔等於」佢功力同教學能力之高低,更多係顯示佢想主打個market係邊類。一般嚟講,600/hr 以下係主打普羅大眾 (以自娛/玩下小型比賽為主); 600/hr 以上係主打專業/高收入人士 (即以歌唱為專業嘅人 / 中產以上高負擔力嘅人)。而較高收費嘅導師多數係名氣大d嘅 (教左好耐、有d明星學生跟過); 但以學生角度嚟講,「名氣只for參考only」,適合你自己需要 (學習目標) 先係最重要。

3) 學習期間要自己思考
切忌盲信導師所有嘅教學解釋同描述,要自己用腦思考、「理順」個訓練套路同聲線變化因果。尤其係如果你跟緊嘅導師係偏向「抽象派」,而咁啱你又好鐘意個位導師嘅教學成效嘅話,你唯有自己多用邏輯思考推論返佢個教學套路,以讓自己更快達至自己嘅學習目標。即使係好似SLS學派咁會偏向現代科學 (因果假說配合臨床驗證),但每個導師自身表達能力有別,聲音審美觀亦有差異,令到佢地幫學生tune出嚟嘅聲線可以有好大出入 (最明顯就係chest > mixed voice嘅音質圓潤穿透度); 你係學生就要諗下個位導師嘅tune法 (教學果效) 是否「your cup of tea」
頁: [1]
查看完整版本: 學唱歌實用tips