查看完整版本 : 【試評古典CD】Zimerman plays Chopin piano concertos Nos.1&2 1999 DG

azfmhk 2017-3-6 10:01 PM

【試評古典CD】Zimerman plays Chopin piano concertos Nos.1&2 1999 DG

[img]https://scontent.fhkg4-1.fna.fbcdn.net/v/t31.0-8/p720x720/16992353_701581386687009_5872153346343744579_o.jpg?oh=99643dda73d982a737d3f7be499509c9&oe=596A502E[/img]

大家好,晚輩係 古音閣AZM 有好幾年聽古典音樂既經驗,近排開始嘗試寫CD評論。一向有起依個討論區睇大家既post,素知各位前輩都好猛料,所以想分享下自己既文字俾大家睇,聽下大家既睇法。因為晚輩中意歐洲歷史,所以會長氣少少,希望見諒。[color=blue]另外,晚輩亦起某社交網絡開左個page,會將古典音樂既評論同某的新聞share上去,只要search “古音閣 AZM”或者就會搵到。[/color]

好,講返正題。我想評論既,係上面依張好特別既錄音。



封面有相信係Krystian Zimerman起dress rehearsal既英姿、佢部Steinway、polish festival orchestra,同埋Deutsche Grammophon既鬱金香王冠label。Label入面難得恁用左pfo自己設計既logo(p、f、o係音樂記號)。右下角有Chopin Anniversary Tour CD既貼紙。
DG既產品設計可以話係行內最有氣派。佢悠長既歷史可以追溯到黑膠唱片既起源,當初起美國、英國同德國都有venture,但浮浮沉沉百年後,來到CD既世代,最終Gramophone得返德國該間(所以係Deutsche)既名保留落來,令人每次見到DG個名更加有歷史既滄桑感。

[img]https://scontent.fhkg4-1.fna.fbcdn.net/v/t31.0-8/17038771_701581473353667_5586694344439701222_o.jpg?oh=521ef7b1404f3daa2c3b00c5744c58e5&oe=592DF433[/img]本錄音分成兩隻唱片,CD1裝住No.1 in E minor,CD2裝住No.2 in F minor。由於一九九九年灌錄,所以印製唱片該時,DG已經由於Polygram賣盤重組而納入Universal Music Company旗下既label,碟面就有依家成日見既A Universal Music Company字樣,中軸上有地球公仔。中軸係半銀圈。CD2既中軸刻有Made IN GERMANY BY EDC字樣。由於EDC係二零零五年先幫Universal Music印唱片,所以推斷本閣手上依張唱片應該唔係一九九九年發行既首版。
[img]https://scontent.fhkg4-1.fna.fbcdn.net/v/t31.0-8/p720x720/17039099_701581566686991_4196109282473620514_o.jpg?oh=28225055508bbab5814b175ed6b10370&oe=59313CAE[/img]
今次評論只會集中講CD1入面既No.1 in E minor,因為老實講,兩首concertos創作既背景同動機都好類似,唯一,No.1理論上係No.2既改良版(個numbering調轉只係出版過程中擺既烏龍)。而睇個opus就知,佢地係蕭邦既早期作品,依段時間既experience,將影響佢既一生。


蕭邦係一八一零年起波蘭出世既。地方話就話係叫波蘭,但其實佢晨早起十八世紀末,就已經被普魯士、奧地利同俄羅斯三大勢力瓜分左,並唔係今日大家所認知既一個獨立國家。同好多音樂家一樣,蕭邦因為被家人發現有音樂天份,而屋企亦因為有個錢,所以就搵左老師教佢彈鋼琴,最後入埋Liceum Warszawskie讀音樂(值得留意係,同期既歐洲城市好多時都未必有學校教音樂,因為當時唔少人都認為玩音樂係僕人既技能。作為華沙一間為富家子弟提供教育既學校,將音樂成科顯示佢既管理層相當開明)。自此,蕭邦就以鋼琴為本命。

起半世紀前莫札特既wunderkind風潮影響下,蕭邦既鋼琴天份透過父親教職關係而得到華沙既上流圈子注目。除左時時出席如Radziwiłł等政治世家既沙龍外,佢大個之後依然印象深刻既,據聞就係十五歲時起俄羅斯沙皇Александр I御前表演鋼琴,獲賜金錶該一次了。雖然係恁,蕭邦父親無乜野心,所以無試下趁佢年紀細有gimmick帶佢巡迴歐洲,亦無諗住細細個送佢去維也納或者巴黎拜師學藝,所以蕭邦既成長期主要都係留起華沙依個音樂氛圍較內向既城市——直至一八三零年佢先正式進行歐洲巡演,恰恰該陣波蘭爆發抗俄革命而失敗,佢就孤身滯留外地,畢生無再返過波蘭了。


蕭邦起自己既音樂仕途上,有唔少先天既優勢,當中都有唔少父蔭既影響。包括得以進出上流場合演奏一曲,曝光機會充足,天才得以被波蘭媒體廣泛報導。出席文化沙龍多,對佢日後起法國既networking都有裨益(即使起十九世紀,音樂人要上位依然時時係靠貴族同富商);又包括得到正規既學院教育同品味培養,從而為佢創作路線既清高、貴氣奠下基石;另外一點都好獨特就係,由於十八世紀後期係波蘭王國崩潰既年代,目睹國土被列強瓜分既恥辱同無奈,令波蘭知識階層既民族意識同德、法兩地有本質上既唔同。進一步恁講,波蘭本來係實行選舉君主制(而且唔係被某大家族壟斷既偽選舉),某程度似一個republic,受過教育既波蘭人唔係對帝制反感,更似係因為國族面臨存亡而對「何謂波蘭」產生一種深刻既反思。雖然到蕭邦出世該陣,波蘭既政治弱勢已成定局,唔少人甚至都樂於享受後來被俄羅斯控制所得到既政局穩定、文藝繁榮既景象,但當時盛行既romantic literature,始終不斷煽起當地文人既悲情感覺。浸淫起依種思潮之中,縱使蕭邦唔係一個熱衷政治既人(準確來講,佢對音樂以外既話題其實都相當冷淡),都令佢反射性恁不斷引用、昇華波蘭既民俗舞曲如mazurka、polonaise等,成為佢既符號。
然而另一邊廂,依種天賦亦為佢蒙上一層陰霾。包括因為自幼慣左上流既生活(甚至熱愛物質)而作繭自縛,甚至加強左佢人格既偏執;亦令佢唔太經得起挫折,幼稚、敏感、小器,從佢十幾年後同George Sand既姐弟戀終日飽受妒忌心折磨可見;又令佢趨於保守,縈繞起private composition既範疇無再跳出框框,難免導致日後乾塘而無法突破。如果公主病係刁蠻任性,恁用王子病來形容蕭邦,大概都有七分準。如果藝術創作既能量有個慣性源頭,恁蕭邦性格慢熱、思想偏執、多愁善感、體弱多病,依的點點滴滴既抑壓,似乎都有助佢養成獨特既音樂觸覺。


蕭邦只寫左兩首piano concertos,創作時間為一八二九至三零年,約二十歲,地點起華沙。據說移居巴黎後曾構思第三部,但未能成事。故此,世間流傳既依兩首曲目,有兩重意義:其一,係蕭邦於波蘭既最後一年、幾乎係最後幾部既作品(正正起革命前夕);其二,係蕭邦傳統定義上既最後幾首public genre。當時佢已經考慮緊邁向國際舞台,可以想像,佢對於前途感到不安又期待,起親友既護蔭同殘酷既世界之間爭持,相較日後,依一刻或者係佢人生中最勇敢同直率既時候。


作為全知既後世,對佢創作既初衷同結局,可從幾個角度去揣摩:


一,年少既蕭邦正嘗試起波蘭觀眾眼前,展現其成為主流演奏家既意志同能力


Concerto依種音樂既特點,係佢用一隊ensemble去襯托soloist,一來可造成一種「個體vs世界」既戲劇效果,二來可以拼湊virtuoso showcase (performing skills)同symphonic showcase(composing skills),係非常搶眼既曲種。由於容易贏得掌聲,今時今日公演piano concerto係唔少鋼琴家出道既必經之路。依股風氣,可以話特別係起十九世紀初掀起既。鋼琴生產商為符合音樂家越來越高既技術要求,推出一代又一代既新model;音樂家為左滿足對表演要求越來越高既觀眾,寫出越來越艱難既piece,三個parties互相催谷,成為一個螺旋式上升既趨勢,而當中piano concerto就可以話係食住個勢上既genre。因此,蕭邦以concerto作為事業起步既台階亦係順應市場。當年觀眾既反應熱烈過後,其中一的評論實質潑左佢一面冷水:蕭邦技巧雖然好,但係音色過於薄弱。對於講求炫技來換取掌聲既public genre,起concert hall用grand piano但出唔到十分既音響,說服力略嫌不足。Concerto既餡多以橫向既bravura passage為主,手指筋肉唔夠發達,係難以展現virtuosity。當然,蕭邦既彈奏理論嶄新,講求造句同音色變幻,而非典型恁只追求速度同力量,話唔定當時觀眾品味跟唔上至真。無論如何,公演既評價稍有負面,起蕭邦心入面留下一條刺,而且將來隱隱作痛,最終導致佢放棄行演奏家既路。


二,佢首次創作大型公演作品以作巡迴演出之用


十九世紀初鋼琴獨奏會並唔流行,相比起具娛樂性既音樂劇或者歌劇,純樂器對普通公眾既吸引力不足,所以為左擴大觀眾基數令條數禁計的,同場時時會安排其他演奏家或者歌唱家撐場,夾份砌個program,各自有solo piece,加一的合奏既duet同trio。如果十分有自信既,亦可能會僱用一隊樂團來表演concerto。選用前人既concerto固然有保證,但如果演奏者本身有創作天分,亦可能會自己彈奏自己既concerto,名副其實係Chopin plays Chopin。依種自作自彈、文武雙全既音樂家起歐洲十七至二十世紀初其實都多,但真正稱得上高質既好少。蕭邦依兩首曲目,以concerto既標準來講,本閣認為都唔係精品 ,因為雖然鋼琴部非常精彩(尤其蕭邦該種說愁既tone color,簡直發揮到淋灕盡致,in F minor最明顯)但樂團部非常乏味。而且完全係照搬Hummel該套concerto模式落來,可以話係舊瓶新酒。另外,第一樂章已經過分悲天憫人既感覺,起該個年代大眾亦未必立即受得住,所以當蕭邦帶住佢巡迴歐洲,除左少數別具慧眼既樂評人如舒曼外,一般大眾對作品本身既反應都一般般。佢知道自己既公演作品反響唔多,後來慢慢就專注創作適合入屋既private genre。


其實,作為全知既後世去睇,依兩首concertos都有好多地方值得細味,特別如果熟悉蕭邦既其他音樂。因為雖然佢創作年份早,但係不知不覺間已經透露左某的後期作品既特徵。尤其係in E minor,似乎好多蕭邦大個之後既創作概念,早已經被佢預言左一樣。例如,in E minor第一樂章既結尾,蕭邦並無俾位soloist彈段cadenza,反而作左一段情緒爆發、motif同所有主題都無關既agitato作結,頭幾節如下:

[img]https://scontent.fhkg4-1.fna.fbcdn.net/v/t1.0-9/17103429_701581876686960_8884893397672345317_n.png?oh=68739f2b1ae06ccc5af80c696734c602&oe=5966C77F[/img]


由於效果唐突似一段twist,唔少第一次既聽眾未必估到個movement就恁就完。而且用既係home key,依段agitato則有最後大佬原來起自己屋企既該種震撼。起蕭邦日後創作該四首風靡鋼琴界既ballades入面有三首,全部都用左依種twisting既agitato做結尾,去解放作品裡面無法釋懷既musical tension。


另外第一樂章既第三主題,由anacrusis開始,某程度上已經係一首nocturne:
[img]https://scontent.fhkg4-1.fna.fbcdn.net/v/t1.0-9/17098153_701586220019859_8863205565630049633_n.png?oh=b0b3755cdef8c33c040a0e244df84d6f&oe=5928559D[/img]

依種figuration,右手唱aria,左手做stretching既accompaniment,係nocturne既基本特徵。明顯比較既話,下面係佢幾個月後移居維也納,夜晚孤獨恁創作既nocturne op.9 no.1:

[img]https://scontent.fhkg4-1.fna.fbcdn.net/v/t1.0-9/17098458_701585726686575_1684668917273875004_n.png?oh=b17fc8b615439d031a0f3124d5b7fa8e&oe=5938BC6F[/img]

另外第一樂章bravura passages例子如下:

[img]https://scontent.fhkg4-1.fna.fbcdn.net/v/t1.0-9/17022338_701585490019932_1813278634230689866_n.png?oh=d5a7164e96b45618c68937bd612866f3&oe=59355CF3[/img]

如果對比同期前輩Kalkbrenner既piano concerto No.2 Op.85 1st movement中某的例子:

[img]https://scontent.fhkg4-1.fna.fbcdn.net/v/t31.0-8/17097875_701584583353356_3094096510255719570_o.png?oh=a7812ea0cd594a4967371a4526558c4b&oe=5926A5F2[/img]

難免會覺得,Kalkbrenner既雖然華麗,但指法略為僵硬同老派,演奏家只有死練爛練;蕭邦則非常重視造句同節奏,並非一味靠難。指法創新而且自然,主題清晰,令人練習時大開眼界、絕無悶場。觀乎種種,同etudes Op.10 都有異曲同工之妙。


其餘兩個樂章相對就無恁多事後既餘趣,但就鋼琴音樂而言,佢地都充滿天才既筆跡。



例如第二樂章進入結尾既coda之前,就用左一小段神神祕祕既broken chord來做modulation返去E major:
[img]https://scontent.fhkg4-1.fna.fbcdn.net/v/t1.0-9/17103585_701587513353063_6960114373805848410_n.png?oh=a710aff73bd3c2d128105b96834926ff&oe=592DCA86[/img]

依段短短三個bars,如果埋位試彈就知,蕭邦左右手輕輕恁一開一合,彈落好自然,令聽眾近乎親眼睇到蕭邦瘦弱既身影起琴邊improvise一樣。

[[i] 本帖最後由 azfmhk 於 2017-3-10 01:48 AM 編輯 [/i]]

azfmhk 2017-3-6 10:07 PM

第三樂章係常見既rondo構造,曲風就用左波蘭當地一種叫krakowiak、輕快既兩拍舞蹈。三個樂章當中,係佢最受歡迎。正如上面所講,十八世紀後期開始,波蘭(當地人稱Rzeczpospolita Obojga Narodow,或者又有英文版本Polish–Lithuanian Commonwealth)就被列強瓜分,所以波蘭文藝界對國體既想像,都被逼到「一日我地既傳統文化得以保存,一日波蘭都仲未玩完」恁既地步。如果睇睇波蘭今日既國歌Mazurek Dąbrowskiego,歌詞第一句既意思就係Poland has not yet perished as long as we still live。原著既背景就正正係十八世紀末,依首歌可以話概括左當時波蘭文藝界既心情。音樂人紛紛都嘗試延續傳統音樂去貫徹「波蘭仲未玩完」既信念,而舞蹈作為音樂既本位,則krakowiak、mazurka、polonaise,都隨十九世紀四散既波蘭政治犯,起歐洲各地贏得更大既人氣。由於波蘭素有驍勇善戰既英勇形象(例子如一六八三年既Battle of Vienna,波蘭國王Jan III Sobieski帶領騎兵起Kahlenberg附近擊退土耳其軍,救維也納於水深火熱,依個英雄事蹟自然傳遍Holy Roman Empire),波蘭音樂本來就俾人有種高尚既聯想,依家加上被人瓜分既悲情,更加有該個時代獨有既dramatic effect。蕭邦創作依首rondo時既初衷未必係宣揚政治訊息,但或者都傳達左依種精神。——又或者更大膽恁諗,蕭邦亦可能想透過krakowiak來滿足外地觀眾對佢波蘭人身分既好奇。



同好多一流藝術家一樣,蕭邦死後,先至聲名大噪。所以近一百年越來越多人攞返佢既piano concertos來表演,希望重現蕭邦當年既情懷。淨係睇蕭邦鋼琴大賽中,所有參賽者起決賽都要彈其中一首concerto,包括歷屆冠軍Martha Argerich、Maurizio Pollini(當然仲有Krystian Zimerman自己)等等上左神檯既鋼琴家,可見蕭邦concerto既演繹者簡直多到恆河沙數。當然起恁多演繹入面,只有部份有錄音可以回味。比較特別既,就如今次評論既Zimerman第二次錄音。


為左紀念蕭邦逝世一百五十週年,Zimerman起一九九八年底成立左Polish Festival Orchestra,作歐美巡迴演出。樂團於九九年八月至十一月進行巡演,曲目只有蕭邦兩首concertos。同年八月份,佢地起義大利北部Torino既Auditorium Giovanni Agnelli,同DG既工程師進行錄音。


依隻錄音音場準確而且簡單,弦樂起下前方,管樂起中後方,鋼琴清晰明亮,居正中間。鋼琴進場一刻尤其出眾。音色溫暖、柔順,殘響亦唔多,非常討好。作為當年出道既repertoire之一,Zimerman已經對Chopin concertos滾瓜爛熟,彈起來不費吹灰之力。佢冷靜同優雅既touching一向好襯蕭邦既style,而且毫不造作,直接到位。


關於演繹,唱片既booklet或者有更多資料。booklet總共十七頁,有Zimerman撰寫既英文致詞,後面分別譯成德文同法文。仲有幾張佢rehearsal時既靚仔相如下,同埋Polish Festival Orchestra既全體照。


起入面佢恁樣講:


…My interpretations of the Chopin concertos have been evolving continuously over the past 25 years…In 1978 I was only a few years older than Chopin himself when he wrote these works at the age of 19, and I regarded him almost as a colleague. Today I approach them with greater experience…


事實上,依張錄音之所以特別,原因有二:

一,佢係Zimerman自己主動企劃既project,裡面動用既演出者由Zimerman親自挑選,全為波蘭人(包括Zimerman自己)


二,Zimerman兼任鋼琴家同指揮(係,該種坐起部鋼琴度,打個眼神就同orchestra通電既姿態實在太型)


上述兩點,都對演繹有極大既好處。正如Zimerman於小冊繼續講話:


…I decide to select Polish musicians because they are trained in the appropriate tradition, and that makes it easier to mould the ensemble. It also meant there would be no language problem in rehearsals…


Polish school既音樂教育到底有乜唔同,依個值得再研究。但佢講左一個好重要既訊息,就係排練時候,溝通既問題。指揮起排練時最重要既工作之一,就係透過語言,令席間既音樂家明白佢想要既效果,而且可持續恁reproduce出來。溝通之後,人同人之間要達成共識,好多時仲同觀念同思考方法有關。語言、思想就係文化同歷史,比起一的國際知名既樂團,佢依隊Polish Festival Orchestra只有波蘭人,波蘭人既世界觀自然只有波蘭人先知道,起溝通既時候就變得坦誠同順心好多。


另外一點係,Zimerman自己擔任埋指揮。Piano concerto主角始終係piano,所以樂團最終任務係要迎合鋼琴家既演繹。指揮係他人既話,雖然都會盡力溝通,但來到好細微既位,或者種種個人既癖好,依度要tremolo多的,該度要特別出trumpet既四個音,由於自己唔係樂團指揮,又無直接權力,就可能難以啟齒。依個係soloist同conductor分拆既演繹盲點。Zimerman今次自己企劃,所以權利集中,好多獨特既演繹方式就得以聽得到。


依張唱片充滿驚喜,並唔係鋼琴部,而係樂團有好多唔尋常既表現手法,反而點綴起成首作品。敢講坊間大部分既演繹都千篇一律,惟獨Zimerman依隻充滿靈魂。


本閣用以下兩點作為benchmark:


一,tutti introduction 既phrasing


In E minor 樂團開首既tutti,後世通常標記為Allegro maestoso同Risoluto。但Zimerman精心量度既phrasing令依段開場表面risoluto,但內裡頻頻頓挫,成個演繹充滿悲鬱。而且時不時叫小提琴運用appoggiatura或者rubato,令樂隊都有一種唱緊aria既感覺。例如introduction由first violin拉既第一粒音符開始,已經好明顯與別不同:


[img]https://scontent.fhkg4-1.fna.fbcdn.net/v/t1.0-9/17022256_701589310019550_1590458914568079649_n.png?oh=adba543175e44754923df5c82ec91b0a&oe=59282580[/img]


二,section間既tutti接駁部分

Zimerman加入好多強烈既tempo change來潤色接駁位,明顯如第一樂章development前該段cadence,佢放到極慢,誇大左劇情既力度。弦樂縮譜如下:

[img]https://scontent.fhkg4-1.fna.fbcdn.net/v/t1.0-9/16939705_701589580019523_2957792718738176773_n.png?oh=32f27c9ca5213f099d1816864152ea6c&oe=5928E0D2[/img]



加入大量self-concious既articulation,某程度上係Zimerman代入埋蕭邦,對後世凝視作出回應。尤其係平鋪直敘既樂團部分一向受到詬病,故此佢透過超額完成既reading來幫佢雪恥。恁做其實相當危險,因為只要稍為過火,就會無晒說服力。但佢聰明恁保留左鋼琴既基本盤,唔對佢做太大既實驗,而專注調度ritornello部分,效果反而就係用蔗渣既價錢,奏出燒鵝既味道。


作為一個波蘭人,Zimerman輪廓鮮明。佢二零零九年時,曾經做美國巡迴演出,起洛杉磯既Disney Hall表演中途突然向觀眾宣佈自己唔會再來美國表演,原因似乎係當時奧巴馬政府想起波蘭建造一套導彈防衛系統(針對伊朗),變相要起波蘭駐軍。到底恁對波蘭來講係好事定壞事,本閣難以評價,但Zimerman明顯堅決反對。


根據在場既洛杉磯時報樂評人Mark Swed描述:


…Zimerman sat silently at the piano for a moment, almost began to play, but then turned to the audience. In a quiet but angry voice that did not project well…“Get your hands off my country,” he said…


觀眾似乎相當震驚:


…Others remained but booed or yelled for him to shut up and play the piano.  But many more cheered…


非常大膽。無論最終對錯,依種稜角分明既表現始終吸引,尤其佢堅係世界一流既鋼琴家,受到各界尊敬,恁樣做其實好罕見。


Zimerman仲有帶賣自己部鋼琴去巡迴演出既習慣,皆因佢對鋼琴音色同觸感要求極高。有依種敏銳既感知能力,或者係因為佢仲識得維修同改裝鋼琴。學生時期為左賺零用錢,佢起波蘭做過鋼琴維修技工,所以對鋼琴入面機械既調校相當熟悉。


...I started to wind strings, to repair parts of the mechanism. Poland at this time was closed off from the rest of Europe. It was the time of the cold war. You couldn’t dream of getting spare parts for a Steinway. But we had plenty of Steinway pianos from the prewar era. They just needed to be repaired. So from a very early time, a piano is not just an instrument for me. I know its problems, I know what can be done to change something, and I’m not afraid to do it...
依段故事來自Financial Time既記者Shirley Apthorp既一篇訪問。


聽古音,係一場對時空既想像、對歷史既反思。一個作曲家、幾個演奏家、一張唱片、一個聽眾,四者得以連繫起來,係宇宙既一次偶然。蕭邦離開華沙之後,遭逢種種不幸,走向相當黯淡既結局。兩首concertos反而記載左佢當初單純直率既一面。佢未必估到,二百年後世界地圖上真係重新出現一個叫波蘭既獨立政體,該度誕生左新一代鋼琴家。佢地有的事業晨早已經起左飛,但依然對依兩首作品念念不忘。作為遙遠既香港人,僅僅明白到依一點,或者已經非常珍貴。

ozozoz 2017-3-6 10:37 PM

1. 標題Zimerman 誤打成Zimmerman,而且沒有談到Chopin PC2,宜修改
2. 身邊沒有Zimerman, Polish Festival Orchestra CD,不能多談,但你指出“敢講坊間大部分既演繹都千篇一律,惟獨Zimerman依隻充滿靈魂”,敢問你聽了多少?背景資料多,但談到Zimerman詮譯者少,說服力不足。其實,你可比較[Zimerman, Polish Festival Orchestra]和[Zimerman, Chopin, Giulini, Los Angeles Philharmonic Orchestra],說明前後有何不同(印象兩者迥然不同,但記憶比較模糊)再者,各花入各眼,入主出奴,大是不必。
3. 評論宜用書面語。用“本閣”自稱頗怪,用我、本人、在下、敝人、鄙人似乎更好

[[i] 本帖最後由 ozozoz 於 2017-3-6 10:40 PM 編輯 [/i]]

ozozoz 2017-3-6 10:46 PM

此外,Zimerman帶琴演出已是往事,近年他主要帶鍵盤(詳參焦元溥《游藝黑白》)。

azfmhk 2017-3-6 11:10 PM

[quote]原帖由 [i]ozozoz[/i] 於 2017-3-6 10:37 PM 發表 [url=http://www.discuss.com.hk/redirect.php?goto=findpost&pid=457522561&ptid=26493909][img]http://www.discuss.com.hk/images/common/back.gif[/img][/url]
1. 標題Zimerman 誤打成Zimmerman,而且沒有談到Chopin PC2,宜修改
2. 身邊沒有Zimerman, Polish Festival Orchestra CD,不能多談,但你指出“敢講坊間大部分既演繹都千篇一律,惟獨Zimerman依隻充滿靈魂”,敢問 ... [/quote]

多謝你俾時間閱讀拙文。

標題既Zimerman串法已更正。其實我都諗過寫埋Chopin PC2,但佢既創作背景同動機同PC1非常類似,結構上兩者亦相似,考慮到篇幅本來已經過長,所以就決定省略,集中PC1。

"惟獨Zimerman依隻充滿靈魂"依句,其實都係我比較主觀既睇法。我屋企只有Rubinstein1961年既RCA錄音,Argerich1998年既EMI錄音,Zimerman同Giulini該隻同Pollini1960年既EMI錄音,佢地其實各有特色。但Zimerman既錄音特別之處,係佢兼任指揮,依個應該真係坊間少有既。所以佢piano同orhcestra既interpretation好一致亦都特別flexible。我話唯獨Zimerman依隻錄音充滿靈魂,係恁既意思。

如果比較Zimerman前後兩個錄音,我個人都絕對推介依隻:loveliness:

azfmhk 2017-3-6 11:15 PM

[quote]原帖由 [i]ozozoz[/i] 於 2017-3-6 10:46 PM 發表 [url=http://www.discuss.com.hk/redirect.php?goto=findpost&pid=457523069&ptid=26493909][img]http://www.discuss.com.hk/images/common/back.gif[/img][/url]
此外,Zimerman帶琴演出已是往事,近年他主要帶鍵盤(詳參焦元溥《游藝黑白》)。 [/quote]

係!依個我的確漏左寫,據聞佢之前去美國演出時,被海關扣查愛琴,搞到一鑊粥,所以後來就唔再帶私家琴出動。

多謝你推介既書,一定會讀讀!:loveliness:

ozozoz 2017-3-6 11:21 PM

[quote]原帖由 [i]azfmhk[/i] 於 2017-3-6 11:15 PM 發表 [url=http://www.discuss.com.hk/redirect.php?goto=findpost&pid=457524731&ptid=26493909][img]http://www.discuss.com.hk/images/common/back.gif[/img][/url]


係!依個我的確漏左寫,據聞佢之前去美國演出時,被海關扣查愛琴,搞到一鑊粥,所以後來就唔再帶私家琴出動。

多謝你推介既書,一定會讀讀!:loveliness: [/quote]扣查小事,2002年運丟了鋼琴:funk::funk::funk:;鍵盤又丟又砸爛:smile_27::smile_27::smile_27:

ozozoz 2017-3-6 11:31 PM

Krystian Zimerman; Carlo Maria Giulini, Los Angeles Philharmonic (1979) Chopin PC 1 & 2
[url=https://www.youtube.com/watch?v=CelJh0kRiro]https://www.youtube.com/watch?v=CelJh0kRiro[/url]


Krystian Zimerman; Kiril Kondrashin, Concertgebouw Orchestra of Amsterdam (1979 live) Chopin PC 1
[url]https://www.youtube.com/watch?v=oWPquRoEa9I[/url]

Krystian Zimerman, Polish Festival Orchestra (1999) Chopin PC 1
[url=https://www.youtube.com/watch?v=S1Iv2JJc-Qc&list=RDS1Iv2JJc-Qc#t=7]https://www.youtube.com/watch?v=S1Iv2JJc-Qc&list=RDS1Iv2JJc-Qc#t=7[/url]

[[i] 本帖最後由 ozozoz 於 2017-3-7 01:45 AM 編輯 [/i]]

symphonicdance 2017-3-6 11:48 PM

[quote]原帖由 [i]azfmhk[/i] 於 6-3-2017 22:01 發表 [url=http://www.discuss.com.hk/redirect.php?goto=findpost&pid=457520518&ptid=26493909][img]http://www.discuss.com.hk/images/common/back.gif[/img][/url]

大家好,晚輩有好幾年聽古典音樂既經驗,近 ... [/quote]



Please note 古典音樂版 - 版規.
[url]http://www.discuss.com.hk/viewthread.php?tid=4911657&extra=page%3D1[/url]

symphonicdance 2017-3-7 12:04 AM

Good try!  I would expect azfmhk to do a bit more comparison between Zimerman and other legendary pianists on these concertos.

symphonicdance 2017-3-7 12:10 AM

"Zimerman既錄音特別之處,係佢兼任指揮,依個應該真係坊間少有既。"

Very true.  As far as I could recall, Christian Zacharias had also directed Orchestre de Chambre de Lausanne at the keyboard.  Unfortunately I am yet to have a chance to listen to this CD, of which Penguin awarded a rosette rating.

ozozoz 2017-3-7 12:40 AM

[quote]原帖由 [i]symphonicdance[/i] 於 2017-3-7 12:10 AM 發表 [url=http://www.discuss.com.hk/redirect.php?goto=findpost&pid=457527278&ptid=26493909][img]http://www.discuss.com.hk/images/common/back.gif[/img][/url]
"Zimerman既錄音特別之處,係佢兼任指揮,依個應該真係坊間少有既。"

Very true.  As far as I could recall, Christian Zacharias had also directed Orchestre de Chambre de Lausanne at the keyboard.  Unfor ... [/quote]
“自導自演”
[url]https://www.youtube.com/watch?v=Ww4VWktdjyU[/url]

[url]https://www.youtube.com/watch?v=DZpcI6hmM0A[/url]

symphonicdance 2017-3-7 11:34 AM

Thanks for sharing youtube clips on Zacharias.  Unfortunately my lousy computer speakers could not bring out the music beautifully :smile_o03:

azfmhk 2017-3-7 08:30 PM

[quote]原帖由 [i]symphonicdance[/i] 於 2017-3-7 12:04 AM 發表 [url=http://www.discuss.com.hk/redirect.php?goto=findpost&pid=457527026&ptid=26493909][img]http://www.discuss.com.hk/images/common/back.gif[/img][/url]
Good try!  I would expect azfmhk to do a bit more comparison between Zimerman and other legendary pianists on these concertos. [/quote]

多謝指教!或者遲的有時間寫下版本比較,依一刻暫時太忙抽唔到身:loveliness:

azfmhk 2017-3-7 08:51 PM

[quote]原帖由 [i]ozozoz[/i] 於 2017-3-7 12:40 AM 發表 [url=http://www.discuss.com.hk/redirect.php?goto=findpost&pid=457528483&ptid=26493909][img]http://www.discuss.com.hk/images/common/back.gif[/img][/url]

“自導自演”
[url=https://www.youtube.com/watch?v=Ww4VWktdjyU]https://www.youtube.com/watch?v=Ww4VWktdjyU[/url]

[url=https://www.youtube.com/watch?v=DZpcI6hmM0A]https://www.youtube.com/watch?v=DZpcI6hmM0A[/url] [/quote]

多謝sharing!我之前未聽過依個鋼琴家既表演,聽左開頭既exposition,我覺得佢個rendition都幾有趣,感覺似Hummel或者Mozart彈Chopin恁,收斂節制、dynamics變化唔大、rubato亦唔多,唔似一般後世對Chopin作為romantic composer既演繹。依點起我睇的歷史既時候都留意到,Chopin既concertos比較早期,所以有好多似新手試作既感覺,而且佢第一次寫大型作品,所以個structure較僵硬。依個鋼琴家恁演繹,對好多聽開romantic style既人來講未必慣,但反而可能更貼近史實都未定。至於個人方面,我就唔太喜歡依種演繹:loveliness:

ozozoz 2017-3-7 11:35 PM

[font=新細明體][quote]原帖由 [i]azfmhk[/i] 於 2017-3-7 08:51 PM 發表 [url=http://www.discuss.com.hk/redirect.php?goto=findpost&pid=457571042&ptid=26493909][img]http://www.discuss.com.hk/images/common/back.gif[/img][/url]


多謝sharing!我之前未聽過依個鋼琴家既表演,聽左開頭既exposition,我覺得佢個rendition都幾有趣,感覺似Hummel或者Mozart彈Chopin恁,收斂節制、dynamics變化唔大、rubato亦唔多,唔似一般後世對Chopin作為ro ... [/quote][/font][font=新細明體][/font][font=新細明體][/font]
[b][font=新細明體]KrystianZimerman; Carlo Maria Giulini, Los Angeles Philharmonic(以下簡稱1979版)[/font][/b]
[font=新細明體][b]KrystianZimerman, Polish Festival Orchestra(以下簡稱1999版)[/b][/font]
[font=新細明體]  [/font][font=新細明體]我同意你所說,1999年版處理手法大膽、有趣,值得一聽--但我不太喜愛(口味因人而異)。原因如下(我不諳樂理,拋磚引玉耳):[/font]
[font=新細明體]  [/font]
[list][*][font=新細明體]1999版中,整體速度偏慢,Zimerman表現內斂而陰柔(當然有爆發點),很多地方別出心裁。Pianist在此有絕對主導權,Orchestra非常“貼”鋼琴,音色也比較陰柔,予人低語沈吟,蕭瑟落寞的感覺。[/font][*][font=新細明體] [/font][font=新細明體]1979版中,Giulini棒下的Orchestra明顯堅實有力很多,1999版絃樂處理雖可玩味,但Wind、Brass的運用及平衡感不及Giulini。Orchestra、Pianist之間更多“對話”,並非一面倒向Zimerman。Zimerman也彈得比較“青春”、“健康”(這不限於速度,於觸鍵亦然)。[/font][/list]
[font=新細明體] [/font][font=新細明體]我不喜愛1999版的Orchestra,Chopin PC1 的配器本已不出彩(聽聽前輩Mozart、Beethoven可知),1999版很“病懨懨”,Wind、Brass也表現得不夠出彩。1999版雖然值得推介,但於我並非最佳者。[/font]
[font=新細明體] [/font][font=新細明體]另外,Chopin PC1中Piano與Orchestra“截然分開”,或許與Chopin身體有關--他指力不足與Orchestra爭勝(Rachmaninov揚揚自得:smile_30:)[/font]

artsevergreen 2017-3-9 11:05 AM

[url=https://www.youtube.com/watch?v=CHJ_dl-ouTo]https://www.youtube.com/watch?v=CHJ_dl-ouTo[/url]
蕭邦  多愁善感  浪漫沉默  , 盡顕鋼琴能表現
的ー切情感 。

[[i] 本帖最後由 artsevergreen 於 2017-3-9 11:30 AM 編輯 [/i]]

artsevergreen 2017-3-9 02:56 PM

聽音樂 與 喝酒
兩者最大之別:
懂與不懂才會醉。
鋼琴 好比 紅酒,
而小提琴就是 威士幾 了 。
音樂 是無中生有的東西,
需要有 創造 與 藝術氣質,
才能 多句 去找尋它與解讀它。
學習音樂與演奏音樂,要從年幼
及由父母培育開始到長大,方有
所成。音樂是ー種文化,而並非
是個人嗜好。

20210358 2017-3-9 03:42 PM

[quote]原帖由 [i]ozozoz[/i] 於 2017-3-7 12:40 AM 發表 [url=http://www.discuss.com.hk/redirect.php?goto=findpost&pid=457528483&ptid=26493909][img]http://www.discuss.com.hk/images/common/back.gif[/img][/url]

“自導自演”
https://www.youtube.com/watch?v=Ww4VWktdjyU

https://www.youtube.com/watch?v=DZpcI6hmM0A [/quote]
呢種表演方式,Uchida同Barenboim經常使用,我覺得好特別,而且佢地駕馭到。

robertschumann 2017-3-9 04:18 PM

[quote]原帖由 [i]artsevergreen[/i] 於 2017-3-9 02:56 PM 發表 [url=http://www.discuss.com.hk/redirect.php?goto=findpost&pid=457670264&ptid=26493909][img]http://www.discuss.com.hk/images/common/back.gif[/img][/url]
聽音樂 與 喝酒
兩者最大之別:
懂與不懂才會醉。
鋼琴 好比 紅酒,
而小提琴就是 威士幾 了 。
音樂 是無中生有的東西,
需要有 創造 與 藝術氣質,
才能 多句 去找尋它與解讀它。
學習音樂與演奏音樂,要從年幼 ... [/quote]

恕我愚昧, 閣下的見解真看得我一頭霧水.

artsevergreen 2017-3-9 04:42 PM

聽音樂 , 懂才會陶醉

鋼琴 好比 紅酒, 易入口 ,容易接受。
學吓就識了。
而小提琴就是 威士幾 ,較烈,慢慢嚟 o
懂了喝就不想紅酒了。
但紅酒還是餐酒啊 !
音樂 是無中生有的東西,
需要有 創造 與 藝術氣質,
才能 多句 去找尋它(作曲)與解讀它(欣賞)。
音樂是ー種文化,而並非
是個人嗜好。
有文化修養的,必定喜愛音樂,問題是喜歡
何種音樂。

[url=https://www.youtube.com/watch?v=NnCiKg2wq-s]https://www.youtube.com/watch?v=NnCiKg2wq-s[/url]
[url=https://www.youtube.com/watch?v=xidC7TZRxkA]https://www.youtube.com/watch?v=xidC7TZRxkA[/url]
[url=https://www.youtube.com/watch?v=jBNEsNo9B28]https://www.youtube.com/watch?v=jBNEsNo9B28[/url]
[url=https://www.youtube.com/watch?v=_UzblyL4IvY]https://www.youtube.com/watch?v=_UzblyL4IvY[/url]

[[i] 本帖最後由 artsevergreen 於 2017-3-9 05:10 PM 編輯 [/i]]

ozozoz 2017-3-9 05:06 PM

[quote]原帖由 [i]artsevergreen[/i] 於 2017-3-9 04:42 PM 發表 [url=http://www.discuss.com.hk/redirect.php?goto=findpost&pid=457675403&ptid=26493909][img]http://www.discuss.com.hk/images/common/back.gif[/img][/url]
聽音樂 , 懂才會陶醉

鋼琴 好比 紅酒, 易入口 ,容易接受。
學吓就識了。
而小提琴就是 威士幾 ,較烈,慢慢嚟 o
懂了喝就不想紅酒了。
但紅酒還是餐酒啊 !
音樂 是無中生有的東西,
需要有 創造 與 藝術 ... [/quote]


你又“騎劫”別人Post,談回Zimerman & Chopin PC1好嗎

20210358 2017-3-9 05:12 PM

我最喜愛的Chopin E Minor Concerto 版本並不是Zimerman. 但Ballades肯定是他。

artsevergreen 2017-3-9 05:18 PM

弥擋我鳥忍形把 !
我見樓主好有心得敢用文字去表達對有關感受,
因此而不自禁地訴言。
香港人嘅死穴:
唔講自己好壞,只講人ロ地嘅壞,這已成當今之 毒文化 !
音樂並非來自 CD ,也並非來自物質。
那是來自人類的情感 ,
要討論音樂,就只有這些 。

[[i] 本帖最後由 artsevergreen 於 2017-3-9 05:24 PM 編輯 [/i]]

ozozoz 2017-3-9 05:26 PM

[quote]原帖由 [i]artsevergreen[/i] 於 2017-3-9 04:42 PM 發表 [url=http://www.discuss.com.hk/redirect.php?goto=findpost&pid=457675403&ptid=26493909][img]http://www.discuss.com.hk/images/common/back.gif[/img][/url]
聽音樂 , 懂才會陶醉

鋼琴 好比 紅酒, 易入口 ,容易接受。
學吓就識了。
而小提琴就是 威士幾 ,較烈,慢慢嚟 o
懂了喝就不想紅酒了。
但紅酒還是餐酒啊 !
音樂 是無中生有的東西,
需要有 創造 與 藝術 ... [/quote]

你的比喻不知所謂。你喜歡Violin,就要貶低其他樂器?
“Wind 樂器 , ー係响 ー係唔响 ,正如數字電子學  O 與 1”(你喜歡聽古典音樂嗎?660#)--無言以對
“鋼琴 好比 紅酒, 易入口 ,容易接受。學吓就識了。”--令人發嚎
“懂了喝就不想紅酒了。但紅酒還是餐酒啊 !”--貽笑大方

你聽了多少鋼琴曲?Beethoven Op110, 111何其深邃!

“音樂 是無中生有的東西”--作曲家多取材聖詠、民歌,並非無中生有。
“音樂是ー種文化,而並非是個人嗜好。”--奇論,音樂為何不是嗜好?不少演奏家視音樂是藝術,是嗜好,兩者有何衝突?

artsevergreen 2017-3-9 08:34 PM

You  are  quite  young  on  arts  and  music  !
Sorry  to  read  you !
Your  Comments  on  personal  ,  its  rubbish !
Music  and  Arts  ,  by  Creative  .
Not  as  you  can  pay  it  by  Money  .
Words  can  attack  someone ,  but  it  wont
gain  your  Knowledge !
You  have  your  own  words  to  say , why
you  bother  some  !  shit !

[[i] 本帖最後由 artsevergreen 於 2017-3-9 08:43 PM 編輯 [/i]]

vicky-chan 2017-3-9 08:58 PM

Chopin Piano concerto No 1&2好的版本不少
Zimerman就不是我杯茶:smile_42:

ozozoz 2017-3-9 09:42 PM

[quote]原帖由 [i]artsevergreen[/i] 於 2017-3-9 08:34 PM 發表 [url=http://www.discuss.com.hk/redirect.php?goto=findpost&pid=457686084&ptid=26493909][img]http://www.discuss.com.hk/images/common/back.gif[/img][/url]
You  are  quite  young  on  arts  and  music  !
Sorry  to  read  you !
Your  Comments  on  personal  ,  its  rubbish !
Music  and  Arts  ,  by  Creative  .
Not  as  you  can  pay  it  by  Money  . ... [/quote]
凡事以理服人,謾罵誰不懂?我以事論事,有沒有人身攻擊?
你只懂用“rubbish” 罵人?你又用“Shit”罵人,真有”文化修養”。;P;P;P
你又說鋼琴是紅酒是“餐酒”,是誰貶低文化、貶低藝術?
你說“學習音樂與演奏音樂,要從年幼及由父母培育開始到長大,方有所成”,又說鋼琴“學吓就識”,自相矛盾
你又說“Wind 樂器 , ー係响 ー係唔响”,你又多尊重Wind的演奏家?

真理愈辯愈明,你放棄以理服人,只懂用粗言罵人;P;P;P

[[i] 本帖最後由 ozozoz 於 2017-3-9 10:02 PM 編輯 [/i]]

azfmhk 2017-3-9 10:45 PM

[quote]原帖由 [i]20210358[/i] 於 2017-3-9 05:12 PM 發表 [url=http://www.discuss.com.hk/redirect.php?goto=findpost&pid=457676782&ptid=26493909][img]http://www.discuss.com.hk/images/common/back.gif[/img][/url]
我最喜愛的Chopin E Minor Concerto 版本並不是Zimerman. 但Ballades肯定是他。 [/quote]

你好!唔知師兄有乜版本推介呢?

azfmhk 2017-3-9 10:48 PM

[quote]原帖由 [i]vicky-chan[/i] 於 2017-3-9 08:58 PM 發表 [url=http://www.discuss.com.hk/redirect.php?goto=findpost&pid=457687159&ptid=26493909][img]http://www.discuss.com.hk/images/common/back.gif[/img][/url]
Chopin Piano concerto No 1&2好的版本不少
Zimerman就不是我杯茶:smile_42: [/quote]

Hello!如果唔介意不如share下自己聽開乜版本?
頁: [1] 2 3
查看完整版本: 【試評古典CD】Zimerman plays Chopin piano concertos Nos.1&2 1999 DG