查看完整版本 : 《完》人生若只如初見

圓碌碌的湯圓 2017-3-20 05:58 PM

第29章

在我們正式拍拖半年後的某一個周末,我們相約去深圳按摩,本來我們打算當天來回的,但後來按摩的時間加長了,晚飯等位時間又久了,最後大家都不想怱忙就決定在深圳住一晚再走.

我們沒有帶任何更換衣物,所以入住酒店前就去了一次超市買些需要用的衣物.這是我跟HUGO第一次一起過夜,平常最大尺度只是接吻,摟抱.我知道在性那方面他是有經驗的,因為在我之前,他有過2個女朋友,一起的時間也不短.我問過他的愛情史,他也很坦白的跟我說,那2個女朋友都曾發生過關係.在我們一起4個月的時候我就問過他.

“我地一齊都幾個月喇,點解你冇要求過發展進一步嘅關係嘅?”

“咁我唔係因為上床先追妳架嘛.”

“咁唔通你冇需要架咩?”

“需要就緊係有架啦,我宜家正值壯年時期,我話冇,妳都唔會信啦.係咪?”

“咁點解你冇向我提出過依個要求?我以為我對你一D吸引力都冇.”

“傻妹,點會呢?!我唔問,唔講唔代表妳對我冇影響力,只係我忍耐到.最主要嘅原因係,妳仲細,我唔想嚇親妳.到妳身心都準備好嘅時候,我地再行下一步都未遲.做咩呀,妳好心急呀?”解釋完,他還不忘取笑我.我一手推開他的頭,繼續向前走.

今天我主動提出在深圳留一晚,而他又答應時,其實我已經有心理準備,接下來會發生什麼樣的事情.

當我們手挽著購物袋回到房屋時,說真的,我有點緊張.之後到我洗完澡出來的時候,我更緊張了.由於留夜這個決定很突然,我並沒有像其他女生一樣,事先穿上性感內衣,加上我這個女漢子,如果穿上那樣的衣物,我怕反而將他嚇死.

我所穿的就只是平常穿的普通黑色內衣褲,雖然我還沒到[不能一手掌握的女人]這個級數,但還是有一點點的.外面我穿了剛剛從超市買的連衣睡裙,就是很普通的那種.而HUGO他則穿上剛買的短褲,上身什麼都沒穿,因為他不太運動的原因,他的皮膚是徧向白徹的,而且不算很壯的那種,反而有點文弱書生的感覺.

待續~~~~~

kakakachacha 2017-3-20 10:23 PM

Hugo:lDD_003::lDD_003:

kakakachacha 2017-3-20 10:23 PM

過夜了

龍貓57 2017-3-20 11:30 PM

:lol好睇吖,:smile_o11:,有時間再放多幾章啦…我女人仔好貪心㗎:smile_47:

kakakachacha 2017-3-21 01:59 AM

:smile_38:正

圓碌碌的湯圓 2017-3-21 09:20 AM

[quote]原帖由 [i]kakakachacha[/i] 於 2017-3-20 10:23 PM 發表 [url=http://ladies.discuss.com.hk/redirect.php?goto=findpost&pid=458328252&ptid=26502469][img]http://ladies.discuss.com.hk/images/common/back.gif[/img][/url]
Hugo:lDD_003::lDD_003: [/quote]

HUGO係一個好好好男人~~~~:smile_o12:
過夜啦,期唔期待呀??

圓碌碌的湯圓 2017-3-21 09:22 AM

[quote]原帖由 [i]龍貓57[/i] 於 2017-3-20 11:30 PM 發表 [url=http://ladies.discuss.com.hk/redirect.php?goto=findpost&pid=458332212&ptid=26502469][img]http://ladies.discuss.com.hk/images/common/back.gif[/img][/url]
:lol好睇吖,:smile_o11:,有時間再放多幾章啦…我女人仔好貪心㗎:smile_47: [/quote]

原來係同道中人,大家都係女人仔.
OK OK,我會努力D作,盡量放多D同你地分享~~~:smile_o13:

圓碌碌的湯圓 2017-3-21 01:51 PM

第30章

大家都洗澡後,時間已經快半夜1點鐘,關了燈,我們就準備休息.上床後,我緊張得將被子緊握在胸前,看到我的樣子,HUGO忍不住笑.

“傻妹,妳唔緊洗咁緊張喎,我又唔係禽獸,只要妳唔想,我唔會逼妳.唔好亂諗野,早D瞓啦.”他在我的唇上落下一吻便躺回床上.

“我唔係唔想,我只不過係太緊張,話晒都係第一次,又唔似得你咁有經驗.”我將頭轉向他那邊,不想他誤會,最後說起他那些經驗,口氣都變得酸溜溜.

“咁我係咪可以將妳頭先嘅說話當成[妳想做]?”他覆上來將我壓在身下.

“嚟咪嚟囉,難得有你依個經驗老手帶下我,反而聽朝我請你飲早茶多謝返你呀.”我亳不示弱的反駁他.

“真係想試?”他在我耳垂接近腮骨的地方落下一吻,這個吻讓我一身的汗毛都豎起來了.

心中有無限個緊張在飄盪,我將整個人縮起,躲進他的懷裡,他知道這代表我已經同意的意思,只是還有點放不開.他彎起咀角,再一次在我頸項落下一吻,這次吻沒有停下來,一直從頸項往下…鎖骨…胸口…最後停留在我的肩膊.我感覺到他那溫熱的舌頭在上面輕輕打轉.

“真係可以?”他抬起頭從上而下的看著我問.

我沒有說話,只是回望著他,輕輕點頭.

他再次低下頭,這次的目標是我的咀,我們忘情的熱吻,接吻的聲音不斷響起,他將我的睡裙脫掉,再將其他礙事的衣物都掉在地上.他擁著我親吻的時候,同時我也回抱著他.一輪親吻及輕撫後,我無論心靈或是身體上都已經準備就緒.

那擎天一柱慢慢擠進來的時候,我只感覺到痛,從未感受過的一種痛.因為顧慮我是第一次,他一直都慢慢來,而且抱著我輕吻,在我耳邊細聲說[放鬆D,放鬆D,一陣就唔痛架喇,乖.]

後來真的如他所說,慢慢我沒那麼難受,我開始去享受這個過程,而他亦開始奔馳.是這一個他,帶給了我從未嘗過的痛,也給了我從未有過的歡愉.是他將我由一個女孩子變成一個女人,雖然這一晚來我有點突然,並沒有什麼浪漫的安排,但我會一直記住這一個晚上.

待續~~~~~

圓碌碌的湯圓 2017-3-21 05:13 PM

第31章

自從我跟HUGO在深圳的那一夜之後,我和他的感情比以前更加好,更加甜蜜.公司內部很多同事都說我比之前容光煥發了,我沒發覺自己有什麼不同,但有一點是真的,我比以前更愛美了,學會了化妝,會看時尚雜誌學習穿衣學問,可能真的是女為悅己者容吧.哈哈~~~

今天是我離開校園後的390天,我約了龜苓膏,嘉欣及珈珈見面,由於我要工作,她們也在為自己的學習生涯作最後努力,所以我們幾個見面的時間不是太多,一般都是2-3個月才見一次,今次距離上一次更遠,已經有快4個月沒見面了.

當到達了我們的老地方,那是一間台式餐廳時,她們幾個已經到了.

“餵,頭先等唔到小巴,遲左,SORRY.”我走到她們那桌,在唯一一張空椅子上坐下.

“嘩…咩事靚左咁多呀妳?整容嚟呀?”龜苓膏取笑我道.

“整妳個死人頭呀整.”我忍不住在她的頭上拍了一下.

“哎呀~~~”龜苓膏瞪了我一眼.

“哈哈哈哈…”嘉欣和珈珈在一邊跟著笑.

“唔係喎,芷欣.妳真係靚女左喎,宜家出街會有仔望果D呀.”珈珈說.

“咪又係咁,我發誓真係冇整過容架.”我舉起3隻手指.

“我都係講笑啫,妳咁鬼死怕痛,妳話妳整左容我都唔信啦.不過講堅嘅,咩事妳靚左咁多呀?”龜苓膏說.

“其實呢……”我突然將音量降低.看到我這樣她們幾個馬上將頭伸前.

“我不嬲都係靚女一個嚟架啦.哈哈~~~~~”在她們的頭到我跟前,我突然大聲說.

“妖……”異口同聲的一個字.

“哈哈,講真架.我冇乜做過D咩.可能係我瘦左DD,同埋化左妝咁啦.”

“妳以前唔中意化妝架,幾時開始有依方面嘅研究架?”嘉欣問我.

“係咪為左氹男朋友呀?”龜苓膏看著我壞壞的笑.

“我話冇就呃妳嘅,唔多唔少實有D啦.”露出一臉害羞的我.

“哼,計我話唔止咁簡單就真.除左化妝,靚左之外,妳唔知自己仲有一服女人味出左嚟咩?如果唔係有男人滋潤唔會咁架啵.”龜苓膏看著我時的眼神真的令人有打她一拳的衝動.

珈珈和嘉欣聽到龜苓膏的話,一齊將頭轉向我.

待續~~~~~

圓碌碌的湯圓 2017-3-21 05:14 PM

第32章

“做咩咁望住我呀?”我一臉疑惑.

“係咪真架?”嘉欣問

“咩係咪真呀?”真的聽不懂她們在說什麼

“係咪真係比人開左苞呀?”龜苓膏用一種很不屑的眼神瞪了我一眼

“……”有必要說得那麼白嗎??多令人無語啊

“餵,係咪啫?”珈珈繼續追問.

我逃避她們的眼光,但卻很誠實的點了點頭.

“下?!真係架???”珈珈表現出很驚訝的樣子

“咁我地都拍左拖咁耐啦,佢又7老80,依D野都好正常啫.”

“幾時嘅事呀?之前冇聽妳講過嘅?”珈珈仇視我的眼神就好像我做了天大的事情卻沒有跟她們分享的樣子.

“小姐呀,妳地2個忙住考A LEVEL D野,龜苓膏又忙住重考會考,我地幾個都差唔多4個月冇見喇.況且依D又唔係咩急事,留返嚟見面先講都得嘛.”

“咁妳快D講係幾時嘅事啦…”

我將我和HUGO在深圳發生的事情都跟這班好姊妹說了.

“好想見下妳個HUGO呀.幾時帶出嚟比我地幫下眼呀?”珈珈問

“我一陣約左佢睇戲,我叫佢早D過嚟依度搵我,咁妳地咪見到囉.”

“就咁話啦.”珈珈拍了下手掌,之後小聲問“芷欣,第一次係咪好痛架?”

“妳咪同亞豪試咩?”我以為珈珈和亞豪一起這麼久,應該已經發展到親密關係了吧?
“試鬼試馬咩.亞豪話佢地基督徒唔可以有婚前性行為喎,明明次次都已經箭在弦上架喇,都唔做落去.”

“咁妳又唔好怪佢,妳都話佢箭在弦上啦,即係妳對佢係有吸引力嘅,只係佢自忍耐住啫.其實佢咁好仔,妳應該開心至啱呀,起碼佢唔會沙沙滾果D嘛.”

“嗯嗯…”嘉欣和龜苓膏都點頭和應.

“咁女人都會有好奇心架嘛.”

“唔諗就自然冇咁多好奇心架啦,唔好諗咁多.”

“妳滿足下我好奇心,講D嚟聽下啦.”珈珈真的是一個好奇寶寶.

“妳想知道D咩呀?”我問她.

“第一次痛唔痛架?”

“開頭會痛囉,但之後慢慢就好D喇.”

“咁…”珈珈還想問.

“咪住先,妳有冇做安全措施呀?”龜苓膏突然出聲.

“冇呀,因為冇預計會過夜,乜都冇準備,但佢冇整喺裡面,除左果次之外,其他佢都有用袋.”

“咁都算佢唔會只顧自己HAPPY唔為妳設想.

之後好奇寶寶繼續增加那方面的知識.

待續~~~~~

龍貓57 2017-3-21 05:27 PM

:smile_47:盡在不言中:smile_o12:

圓碌碌的湯圓 2017-3-21 06:10 PM

第33章

“唉…..妳地1個2個都拍拖,得返我一個.”龜苓膏在嘆息.

“嘉欣,妳都拍緊拖呀?”我望向她開心的問.

“嗯,啱啱開始左冇幾耐.”羞紅了臉的嘉欣回望我微微一笑.

“嘻嘻,咩人嚟架,點識架?”

“佢宜家讀緊果間學校D同學仔,識得蔣孝賢架,話之前籃球比賽見過我地.”珈珈幫嘉欣回答.

“哦~~妳同埋龜苓膏都見過啦?”我問珈珈

“何止呀,連亞婉都見過喇.”

“餵!”龜苓膏想阻止珈珈,但遲了一步,她轉望向我“我冇同佢地提過妳嘅事,所以佢先會一時口快.”

“唔緊要,我冇野呀,都過左咁耐啦,仲放唔低咩.”我望向龜苓膏,衝她一笑.

“妳地講緊咩呀?”珈珈一臉疑惑的向著我們.

我將關於我,蔣孝賢和亞婉之間的事情告訴了除了龜苓膏以外的2個姊妹.

“原來係咁呀,唔怪之得,喺亞婉佢地離開香港前果幾次聚會妳都話唔得閒,唔嚟啦.”嘉欣現在才明白整個事情.

“乜亞婉咁架?!同妳講埋晒依D說話.”珈珈為我覺得不值.

“咁佢身為女朋友,要捍衛佢嘅愛情,阻止我接觸蔣孝賢都好正常嘅啫.妳唔好為左我咁勞氣,更唔好因為我同亞婉有咩問題.”

“妳又唔係要插足佢地,佢為左條仔咁樣對妳,我真係有D嬲囉.講真,雖然宿營果單野,我地叫做和好,但我始終係介意架.我覺得亞婉依個人完全就係重色輕友,佢為左自己嘅私慾就搞到亞豪要瞓梳化.無論佢有幾咁想嗒蔣孝賢都唔應該喺依D情況下囉,佢一D都冇諗到對其他人有冇影響.”說開了,珈珈將自己心中想法說了出來.

“……”我,嘉欣和龜苓膏也沒有出聲,珈珈是我們幾個當中比較火爆的,但只要給她點時間讓她發洩了便很快沒事.

“呀~~~真係唔講果句都要講埋出嚟呀.”珈珈大叫一聲“妳地呀,知唔知道佢上個月返嚟根本冇諗住搵我地幾個架?”

“咁又唔知啵.佢唔係搵妳叫妳約埋我地出嚟咩?”龜苓膏問珈珈.

“佢有咁鬼好死?!佢返左嚟成個禮拜都冇搵過我地,係亞豪話蔣孝賢放假返左嚟香港,諗住約籃球隊班人食飯.點知佢喺飯聚見到亞婉,傾左幾句.亞婉話返到嚟好忙,未有時間約我地喎.我問妳地喇,識左佢咁多年,佢香港有幾多個FD,FD到咩程度,我地一清2楚啦.計我話,如果唔係比亞豪知道左佢跟埋蔣孝賢返嚟,我估佢今次唔諗住約我地見面囉.”說起這件事,珈珈還有點生氣.

待續~~~~~

圓碌碌的湯圓 2017-3-21 06:12 PM

KAKAKACHACHA &龍貓57,

你地咁捧場,我今日加多章.

龍貓57 2017-3-21 06:17 PM

:smile_24:多謝吖:smile_o09:

kakakachacha 2017-3-22 01:29 AM

[quote]原帖由 [i]圓碌碌的湯圓[/i] 於 2017-3-21 06:12 PM 發表 [url=http://www.discuss.com.hk/redirect.php?goto=findpost&pid=458371774&ptid=26502469][img]http://www.discuss.com.hk/images/common/back.gif[/img][/url]
KAKAKACHACHA &龍貓57,

你地咁捧場,我今日加多章. [/quote]


一連幾篇,爽夾正。
辛苦晒妳了湯圓,今日工作很忙,
回家嘆下沒法預知結果的劇節,
非常享受;P:smile_o06:

圓碌碌的湯圓 2017-3-22 01:51 PM

[quote]原帖由 [i]kakakachacha[/i] 於 2017-3-22 01:29 AM 發表 [url=http://www.discuss.com.hk/redirect.php?goto=findpost&pid=458392689&ptid=26502469][img]http://www.discuss.com.hk/images/common/back.gif[/img][/url]



一連幾篇,爽夾正。
辛苦晒妳了湯圓,今日工作很忙,
回家嘆下沒法預知結果的劇節,
非常享受;P:smile_o06: [/quote]


最緊要你地中意呀:smile_o13:
但我病左,食完藥大昏迷:smile_o16:,所以今日update唔到啦,聽朝一定盡早更新。

依d古怪天氣,各位都要保重身體呀

龍貓57 2017-3-22 01:52 PM

咁妳要快d好番啦,我等妳:smile_o09:

kakakachacha 2017-3-22 01:56 PM

[quote]原帖由 [i]圓碌碌的湯圓[/i] 於 2017-3-22 01:51 PM 發表 [url=http://www.discuss.com.hk/redirect.php?goto=findpost&pid=458415643&ptid=26502469][img]http://www.discuss.com.hk/images/common/back.gif[/img][/url]



最緊要你地中意呀:smile_o13:
但我病左,食完藥大昏迷:smile_o16:,所以今日update唔到啦,聽朝一定盡早更新。

依d古怪天氣,各位都要保重身體呀 [/quote]


保重,多休息

圓碌碌的湯圓 2017-3-23 01:54 PM

第34章

“我唔知道有依件事,不過啱啱依次見返亞婉,我都覺得佢變左.”龜苓膏聽完珈珈的話,也說出了她的想法.

“芷忻妳咁好,都唔明蔣孝賢點解唔要妳反而要佢架.妳唔好話我衰,連自己FD都咁講.我真係不吐不快.1樣2樣加加埋埋,我真係對陳婉兒依個人愈來愈唔中意呀.”即使吐糟一番後,珈珈心情還沒暢快.

“感情依D野邊有得勉強架,中意就中意,唔中意就唔中意.同埋唔係妳中意人,人地就一定要比反對等嘅回報妳架嘛,係咪?始終朋友一埸,亞婉搵到個咁愛錫佢嘅男朋友都好嘅.”或者是我已經放下了對蔣孝賢的感情,我反而轉過來去開導她.

“陳婉兒佢又可能前世做左善事呀,比佢搵到個蔣孝賢.雖然唔係好靚仔,但都唔叫差吖,身材又好,屋企又有錢,對佢又好.今次見佢大隻左,型左,好似話喺澳洲讀書冇咁辛苦,多左好多時間,一得閒就會開車載亞婉去海灘玩喎.妳地話佢係咪死好命喇.”

“點解妳知道咁多野嘅?”嘉欣忍不住問珈珈.

“亞豪上次去完佢地籃球隊聚會之後同我講嘅.”

“哦~~”我們幾個點點頭,表示明白.

之後大部份都是珈珈在說,我們在聽.從她口中,我知道了這一年來蔣孝賢在澳洲的生活.

蔣孝賢到了澳洲以後並沒有跟他媽媽一起住,因為她是和男朋友同居,所以一起住不太方便.他租住了悉尼某一公寓式住宅,對於他一個單身男子來說,地方已經足夠的大.亞婉和他是一起去澳洲的,但因為亞婉的爸媽不知道女兒是陪著男朋友過去,所以他們幫她安排好寄宿家庭.

住了差不多2個月,亞婉跟家人說與寄宿家庭的成員合不來,很多磨擦出現,她想與另外新認識的2個女同學一起合租房子,她爸媽同意了,最後她便用了這個藉口搬去跟蔣孝賢同居.

聽珈珈的話,他們2個人相處得不錯,亞婉比以前更美了,或許在外國生活的關係吧,她現在的衣著打扮有點洋化,籃球隊聚會那天便身穿白色吊帶低胸小背心,超短牛仔褲,腰部繫上了一件格仔外套.珈珈說當天有些籃球員看到這麼火辣的一個美女,眼睛都不捨得合上.男的俊,女的俏,他們2個真的很配.現在我聽到蔣孝賢的消息已經沒什麼難過,只是一個舊朋友而已.

待續~~~~~

圓碌碌的湯圓 2017-3-23 01:55 PM

第35章

這天的聚會也接近尾聲了,我跟她們幾個一出門口就看到倚著欄杆的HUGO.

“佢地係我好姊妹,龜苓膏,珈珈同埋嘉欣.依個我男朋友HUGO.”我向他介紹幾個好朋友.

“HELLO.”戴著眼鏡,身穿白色恤衫牛仔褲的HUGO向她們揮了揮手.

“HI~~~”她們亦很有禮貌地回應他.

“佢地話想見下你,所以我叫你早D過嚟依度接我囉.”

“哦~~~我地去睇戲呀,妳地一唔一齊?”HUGO問

“唔喇,費事做電燈膽呀,下次再一齊玩啦.”龜苓膏代表她們2個回答.

“咁我地走先啦?”我望著她們幾個.

“嗯,BYE BYE……”

“BYE BYE”

“芷忻男朋友同蔣孝賢完全2個TYPE嚟架啵,佢又會中意嘅?”珈珈問

“邊有得咁講架,有時感覺到,唔會睇果個人係咪自己中意嘅類型架嘛.”嘉欣答.

“都係啫,唔會差咁遠呀嘛?!妳睇佢大我地咁多,有冇代溝架?”

“咁妳睇流星花園果時舊中意道明寺啦,妳唔叫亞豪去電返個髮先?”龜苓膏出口了.

“妖,唔同妳講.哼.”

“其實咩類型都冇所謂,最緊要佢對芷忻好,芷忻開心就乜都夠啦.”嘉欣再補充一句.

“我都係咁話.”龜苓膏附和.


“妳果幾個好朋友係同學嚟架?”HUGO在我們走進戲院,等待開場時問我.

“嗯,係呀.佢地都係我好朋友,有2個讀緊F.6,1個REPEAT重讀F.5.仲有另一個過左澳洲讀書.幾個入面係得我一個讀唔成書,出左嚟做野咋.”

“讀萬卷不如行萬里路,妳冇聽過?”

“嘻嘻,唔洗安慰我,我又冇唔開心.”

“我唔安慰妳呀,反而要妳安慰返我弱小嘅心靈就真.”一邊說一邊用手按著他的心臟位置.

“做咩事要我安慰?”

“第一次見到妳D朋友,個個都同妳一樣咁後生,我怕佢地覺得我老牛食嫰草呀.擔心妳會唔要我.”雖然看似說笑,但我從他的眼中看到了幾分擔憂.

“傻架咩,好好地做咩事唔要你?!你對我又好又體貼,我點會唔要你喎.”

“嗱,咁我記住架喇,妳唔好反悔呀.”HUGO用手緊緊的摟住我肩膀.

“係喇,係喇…快D入埸喇.”我輕推開他,便先行入埸了.

待續~~~~~

龍貓57 2017-3-23 02:05 PM

:smile_o05:好溫馨嘅拍拖感覺吖,你好番d啦:smile_o09:,我好掛住妳吖:smile_47:

kakakachacha 2017-3-23 06:00 PM

[quote]原帖由 [i]龍貓57[/i] 於 2017-3-23 02:05 PM 發表 [url=http://www.discuss.com.hk/redirect.php?goto=findpost&pid=458473736&ptid=26502469][img]http://www.discuss.com.hk/images/common/back.gif[/img][/url]
:smile_o05:好溫馨嘅拍拖感覺吖,你好番d啦:smile_o09:,我好掛住妳吖:smile_47: [/quote]


好番便好了:lDD_003:

圓碌碌的湯圓 2017-3-23 09:39 PM

[quote]原帖由 [i]龍貓57[/i] 於 2017-3-23 02:05 PM 發表 [url=http://www.discuss.com.hk/redirect.php?goto=findpost&pid=458473736&ptid=26502469][img]http://www.discuss.com.hk/images/common/back.gif[/img][/url]
:smile_o05:好溫馨嘅拍拖感覺吖,你好番d啦:smile_o09:,我好掛住妳吖:smile_47: [/quote]


有心喇,多謝:smile_o06:
但我仔仔發燒,今日趕住帶佢睇醫生。
唉,寧願自己病都唔想見到佢咁辛苦:lDD_010:

圓碌碌的湯圓 2017-3-23 09:40 PM

[quote]原帖由 [i]kakakachacha[/i] 於 2017-3-23 06:00 PM 發表 [url=http://www.discuss.com.hk/redirect.php?goto=findpost&pid=458484702&ptid=26502469][img]http://www.discuss.com.hk/images/common/back.gif[/img][/url]



好番便好了:lDD_003: [/quote]


有心,謝謝:smile_o09:

龍貓57 2017-3-23 10:55 PM

咁你全心全意照顧仔仔先啦!要加油,快d好番晒先得啦,保重吖:smile_38:,辛苦晒媽媽啦:lDD_003:

kakakachacha 2017-3-24 12:47 AM

[quote]原帖由 [i]圓碌碌的湯圓[/i] 於 2017-3-23 09:39 PM 發表 [url=http://www.discuss.com.hk/redirect.php?goto=findpost&pid=458495822&ptid=26502469][img]http://www.discuss.com.hk/images/common/back.gif[/img][/url]



有心喇,多謝:smile_o06:
但我仔仔發燒,今日趕住帶佢睇醫生。
唉,寧願自己病都唔想見到佢咁辛苦:lDD_010: [/quote]


阿仔病左照顧好先,快d 好番先再寫,來日方長:)

圓碌碌的湯圓 2017-3-24 10:40 AM

仔仔好D喇,多謝KAKAKACHACHA同埋龍貓57你地0既祝福,收到晒:smile_o06:

為你地更新一章先

圓碌碌的湯圓 2017-3-24 10:40 AM

第36章

不經不覺間,我跟HUGO拍拖已經快要2年了,今天他帶我和他的家人見面.我們提早到酒樓等位,我們剛拿了位,HUGO的家人便到了.

HUGO是獨生子,在普通家庭長大,他爸爸和媽媽都是公務員.由於他們只生了這一個兒子,只要能力以內可以給予HUGO的,他們都會盡最大努力去做到,所以即使生活不是太富裕,HUGO的幼年和童年還是過得很美滿.

“亞爸,亞媽,依個係NINA.”HUGO起身幫他爸媽拉開椅子.

“世伯,伯母.你地可以叫我芷忻架.”我也跟著起身向他們打招呼.

“坐啦,坐啦…”HUGO爸爸望向我點點頭.

“係咪等左好耐先有位呀?”HUGO媽媽笑著問我們

“冇呀,等左一陣就有喇.”

“真係唔好意思,放假仲要妳地一早起身嚟飲茶.”HUGO媽媽說了一句客氣話.

“媽,快D點野食先啦,一陣再傾.”HUGO將點心紙遞給他媽媽.

“得啦,你地隨便叫,我食乜都得.你叫個魚片粥比你亞爸啦,佢胃唔舒服喎.”

“又唔舒服?成日都聽你話胃痛嘅?”HUGO一臉擔憂的看著他爸爸.

“之前睇過架啦,都冇事.都係後生飲酒飲得多,壞胃.”

“世伯,我知道有一隻胃藥好有效架.我有個朋友成日胃痛,佢介紹依隻藥話好好,我晏D同HUGO去買左,叫佢帶返去屋企比你試下吖?”我記得之前幫蔣孝賢買那隻外國胃藥.

“好吖.”HUGO爸爸雖然不算健談的人,但感覺還是不錯的.

這一間酒樓出食物很快,我們遞了點心紙後,10分鐘不到,點心便已經到了.差不多吃完的時候,HUGO媽媽開始問我一些家庭背景,例如:父母做什麼工作,有沒有兄弟姊妹,家住那裡等等…

“芷忻,妳同亞仔拍左拖有冇2年呀?

“差唔多2年喇.”聽到HUGO媽媽的問題,我放下剛拿起的茶杯.

“咁有冇諗過幾時結婚呀?”

“呀!下?!”我被她的問題嚇一跳.

“亞媽,2年時間又唔係長,結婚依D野急唔嚟.”HUGO也被他媽媽的說話嚇一跳.

“咩唔急呀,亞仔你都就嚟30歲喇,唔通你想做高齡爸爸呀?”

“哈哈~~~亞媽呀,高齡咪高齡囉,怕咩喎.”

“你就緊係唔怕等啦,但我同你亞爸唔等得呢.”HUGO媽媽用眼神瞪了他一眼.

這個時候我覺得不要出聲好,雖然HUGO人品很好,對我也很好,但要我20歲便結婚,接著生孩子,我還是有點抵觸的,始終我才20歲呀.

待續~~~~~

龍貓57 2017-3-24 10:48 AM

謝謝妳吖:smile_15:,高齡爸爸:smile_30::smile_30:,攪笑吖

圓碌碌的湯圓 2017-3-24 06:07 PM

[quote]原帖由 [i]龍貓57[/i] 於 2017-3-24 10:48 AM 發表 [url=http://ladies.discuss.com.hk/redirect.php?goto=findpost&pid=458520842&ptid=26502469][img]http://ladies.discuss.com.hk/images/common/back.gif[/img][/url]
謝謝妳吖:smile_15:,高齡爸爸:smile_30::smile_30:,攪笑吖 [/quote]

D亞媽就係中意諗埋D古怪野.:smile_o08:
頁: 1 2 3 [4] 5 6 7 8 9 10 11 12 13
查看完整版本: 《完》人生若只如初見