查看完整版本 : 《完》人生若只如初見

圓碌碌的湯圓 2017-3-24 06:07 PM

第37章

跟HUGO爸媽見面之後,我們先去了旺角藥房幫HUGO爸爸買藥,打算等一下再到又一城行街,看電影.我們拍拖這2年時間內,最少每星期看一次電影,因為不看電影,我們2個都不知道有什麼可以做.到了又一城卻買不到最近的一埸電影,只好買3個小時後的那場了.那這3個小時可以怎麼打發呢?

“一係上我屋企坐啦?”我向HUGO提出,因為又一城距離我住的南山邨不遠

“會唔會唔方便架?”由於我父母一直很忙,每天一早上班,晚上很晚才回來,根本安排不了HUGO跟他們見面.他們亦知道我在拍拖,但只是問了幾句關於他的事情,見面的機會還沒有.

“怕就唔會咁同你講啦.”我一副恨鐵不成鋼的樣子看著他

“咁行啦…”


“你隨便坐啦,要唔要飲野?”進屋後,我招呼HUGO在梳化上坐,再將客廳的電視打開.

“唔洗喇,唔該.”HUGO第一次到我家,他進來以後便左看右看.

“望咩呀?”我問

“妳瞓邊?”

“呢~~~果度後面,下格床.”我抬抬下巴指向屋內一道廉子.

“咁妳哥呢?”他一臉奇怪問

“瞓上格囉.過嚟,帶你睇下我個小天地啦.”我牽著他走向我的床.

“你咪睇佢只係一寸之地,其實佢麻雀雖小,但5臟俱存架.”我將廉子一拉,我那小天地便出現在眼前.

HUGO由床尾開始看,靠牆位置有2隻像西瓜般大小的公仔.將原來已經不大的3呎床硬佔了半呎,幸好公仔也不算多,餘下的2呎半一個女生睡還是足夠的.待他的頭轉向了床頭的方向時,他突然瞪大了眼.

“嘩,依幾個咩人嚟架?妳貼到周圍都係佢地嘅?”

“嘻嘻,KINKI KIDS同埋ARASHI,你有冇聽過?我好中意佢地,好中意,好中意~~~早2年我去睇過佢地演唱會.哈哈.”我一臉陶醉.

“宜家都仲中意?”

“雖然冇以前咁狂熱,但都係中意嘅.”我點點頭回答.

“咁我呢?”他轉過身坐在我的床上

“你還你,佢地還佢地嘛,點同喎.況且你係真身,摸得到,錫得到呀.佢地只係一個偶像嘅身份啫,我未至於對住佢地D相KISS囉.”我彎下腰和他面對面,雙手捧著他的臉,在他的唇上親了一口.

“咁又係,我最大功勞就係可以比到妳升天嘅快感,係咪?”他咀角彎起,另一邊卻上下其手.

“呀哈哈…咪呀…哈哈...唔好掂果度呀…呀哈哈”我一邊大笑,一邊大叫

“嗯,唔好掂邊度?依度定依度呀??”他壞壞一笑,將原本搔我癢的手從腰間向上移,再經過腰間往下去.

“餵,餵,餵呀…夠喇~~~一陣唔洗睇戲咩?”我將他輕推開.

待續~~~~~

圓碌碌的湯圓 2017-3-24 06:08 PM

第38章

“仲有個幾2個鐘,大把時間啦.”剛剛那一場玩鬧,我們已經玩著玩著,雙雙倒在床上.

“你唔驚一陣有人返0黎,嚇到你細佬以後唔敢出0黎見人呀?”我嚇他.

“咁唯有算啦.”HUGO是一個很有分寸的人,不像那些年輕小伙子,只為一時之樂而做錯事或出糗,最重要是他會為我所想,為我考慮所有問題.他放開了我,坐起身.

“嘻嘻,講笑咋.我爸爸媽咪返左工,起碼都要7點先返到0黎,我亞哥依個星期入左CAMP.”由於我們都跟家人住,而且我才剛20歲,在外過夜始終不好.雖然我的家庭環境不是很優裕,但我爸爸媽咪對我跟哥哥都很嚴格的.所以自2-3個月前在他家中那一次之後,我們很久都沒有親密過了,要找一個私人的地方而又沒有一個人存在其實不容易,所以我亦會想念他的身體,想念他對自己的疼愛.

“哦~~~妳咁古惑?!睇0黎我要好好懲罰妳至得喇.”HUGO重新將我壓在床上,他那又熱又硬的地方正緊緊貼在我的小腹.

一場熱吻一發不可收拾,我被他牽引著,投進了那叫[情慾]的漩渦,感到一股暖流慢慢流出.他知道這是邀請的信號,沒有多一刻的等待,因為他已經蓄勢待發.他將褲鏈拉下,將我穿著的及膝裙推至腰上,再將最為貼身的內褲退下,一陣陣輕吟細語便在屋內響起,飄盪著,一室的春色旖旎.


時間過得飛快,不經意間我和HUGO已經拍拖3年了.最近他不時會提起與婚姻有關的事情.例如經過婚紗店,他會說[妳著起婚紗一定好靚].看到雜誌上的婚紗照片廣告,他會說[妳覺得去巴黎影婚紗相好吖,定去布拉格影好D?].又或是看到旅行社介紹,他會說[渡蜜月妳想去咩地方?]等等......全部話題都是和結婚有關的.

今天他和我一起出席同事生的BB滿月宴,宴會結束後.他送我回家,在巴士內問我.

"我地不如結婚囉?"

"下?!"我心想,沒聽錯吧?!

"我話,我地不如結婚囉..."他看著我再說一次.

"你講笑咋嘛?"

"我認真架.我想同妳結婚."他捉住我的手

"做咩突然間講依D野呀?"我將自己的手從他掌心抽出.他感覺到我的掙扎便放開手,沒有再勉強我.

"NINA,我地一齊左3年喇,唔通妳冇諗過嫁比我?"HUGO的表情有點傷心.

待續~~~~~

kakakachacha 2017-3-24 07:33 PM

[quote]原帖由 [i]圓碌碌的湯圓[/i] 於 2017-3-24 06:08 PM 發表 [url=http://www.discuss.com.hk/redirect.php?goto=findpost&pid=458543054&ptid=26502469][img]http://www.discuss.com.hk/images/common/back.gif[/img][/url]
第38章

“仲有個幾2個鐘,大把時間啦.”剛剛那一場玩鬧,我們已經玩著玩著,雙雙倒在床上.

“你唔驚一陣有人返0黎,嚇到你細佬以後唔敢出0黎見人呀?”我嚇他.

“咁唯有算啦.”HUGO是一個很有分寸的人,不像那些年 ... [/quote]


其實人生真係有好多芷忻這類的愛情,對象不是自己預計但半推半就下就成為愛侶!

圓碌碌的湯圓 2017-3-25 05:23 PM

[quote]原帖由 [i]kakakachacha[/i] 於 2017-3-24 07:33 PM 發表 [url=http://ladies.discuss.com.hk/redirect.php?goto=findpost&pid=458547318&ptid=26502469][img]http://ladies.discuss.com.hk/images/common/back.gif[/img][/url]



其實人生真係有好多芷忻這類的愛情,對象不是自己預計但半推半就下就成為愛侶! [/quote]


都係架,心中所想同現實好多時都唔一樣,而且係解釋唔到.

圓碌碌的湯圓 2017-3-25 05:24 PM

第39章
 
“唔係呀,我…我…”我想解釋,但說不出口.
 
“妳乜野?”他靜心的等待我的回答.
 
“HUGO,你唔覺得早左D咩?”
 
“我地已經喺埋一齊3年,同埋結婚都要時間準備,搞搞埋埋都要下年先擺到酒,到時我地就一齊4年架喇.”他一臉熱誠的向我解說.
 
“唔係呀,HUGO…就算出年我地一齊4年,但我都只係21-22歲,我冇諗過要咁早結婚.”說著說著我低下頭,不敢看到他略帶失望的眼神.
 
“NINA,下年之後我就30歲架喇,我身邊有D同我差唔多大嘅朋友都做左爸爸喇,我都想同自己心愛嘅人組織一個家庭.”他再次將我的頭抬起,看著我說.
 
“對唔住呀,HUGO,我真係唔想結婚住.”我真的很抱歉
 
他沒有再回答我,只是放下了手原本撫摸著我臉頰的手.之後整個車程,我們都沒有再說一句話.這樣拒絕他,我能理解他心中有多麼難受,但我真的做不到,也不想去做.
 
打後的日子,我們如常的約會,見面.但一起的時候大家不像以前那麼融洽,很多時間他都心不在焉.我們就這樣又過了2個月,今天吃過午飯後,HUGO說在外面走一走再回去.
 
我們在公園旁的長椅坐下.
 
“NINA,妳係咪真係唔會同我結婚?”坐著,2隻手肘撐在2邊膝蓋,2手掌扣在一起的HUGO,眼望著下地.
 
“我唔係唔想同你結婚,只不過唔想咁快啫.”
 
“但係如果我真係要急住結婚呢,妳會唔會改變主意?”他終於肯抬起頭看著我.
 
“HUGO,就算過多3年,你都只係33歲啫,點解你要急住結婚呢?”這是我怎麼想都想不明白的問題.過去那幾年,我們有討論過結婚這話題,但全都是點到即止,大家
說說而已,我想不通為什麼這幾個月HUGO會有這麼大的變化.
 
“我爺爺CHECK到有胃癌,佢好擔心自己睇唔到我結婚,抱唔到重孫,我亞爸亞媽都想我快D結婚,幫爺爺了左心事.”他說到中段便已經閉上眼了.
 
“咁你爺爺都唔係得你一個孫架啵,你其他堂兄妹呢?”原來是這個原因.
 
“我係長子嫡孫,所以全部壓力都落晒我度.”說完,他嘆了一口氣.
 
“SORRY,咁耐以嚟我都冇留意你面對緊依D壓力.”我將手搭在他肩上
 
“NINA,如果妳肯同我結婚嘅話,所有問題都解決晒架喇.”HUGO笑著望向我.
 
“HUGO,對唔住呀,我真係唔想咁快結婚.”看著他一雙原本帶著希冀光彩的眼睛,最後光一點點熄滅.
 
“唔通真係要行到分手依一步?”他一臉沮喪.
 
待續~~~~~

圓碌碌的湯圓 2017-3-25 05:25 PM

第40章
 
“NINA,妳唔好誤會,我唔係想威脅妳.只係我亞爸亞媽真係逼得我好緊,佢地明知我同妳仲拍緊拖,但已經開始介紹其他適婚年齡嘅女仔比我.如果我唔同妳分手但轉過頭又去見佢地,咁樣我算係乜?!我都過唔到自己果關,我點樣去要求妳接受一個咁樣嘅我?!”
 
看到這樣無助,眼中泛起點點水光的HUGO,我心裡是難過的.但我真的沒法因為成全別人的心願而這麼衝動就嫁人了.
 
“既然係咁,不如我地就和平分手啦,好冇?”我一句話也沒說出口,HUGO便已經說了.
 
“對…對唔…住…對唔住呀”真的說到分手,我很難過,真的很難過,沒法說出完整一句話語,這一句對不起除了有哽咽的聲音之外,更包含了,我對他的不捨和抱歉.
很想對他說[對唔住HUGO,係我太自私,唔能夠成全你.過去幾個月要你夾喺我同你父母之間做磨心,真係好對唔住.希望你可以聚到一個愛你,愛你家人嘅好老婆,你一定要活得比我幸福.]
 
看著哭泣的我,HUGO雙眼都通紅起來.他起身轉到還坐在椅子上的我的面前,單膝跪在地上將我抱緊,我將頭埋在他的頸窩,他也一樣.感覺到我的衣領濕了,我知道他在哭.男兒有淚不輕彈,只是未到傷心處.我回抱住他,手在他的背後一下,一下的輕拍,就像安撫嬰兒一樣.
 
隔了一會,HUGO將我鬆開,抬起頭用那雙紅得快要滴出血一般的眼睛看著我,這是他跟我說的最後一句說話“妳返去先,我再坐一陣先返上去.BYE BYE.”他捉著我2肩,將我轉過身,輕推出了2步.我順著他的推動繼續往前走,地上的倒影愈拉愈長.
 
在HUGO眼中,我那本來很清晰的背影變得愈來愈模糊,因為他的淚水在眼眶內愈聚愈多,最後盛裝不下,一滴一滴從眼眶滑下.
 
回到公司,我沒什麼心情工作,整個人渾渾噩噩到下班時間.下班前,我去了一次廁所,回來以後看到了桌面放著一封信,是HUGO的字跡,我打開來看.
 
待續~~~~~
 
***大家睇完依一章,有冇比HUGO觸動到你地嘅感情? 之後故事就係芷忻人生0既轉捩點喇.希望大家繼續支持我啦:smile_o15:

龍貓57 2017-3-25 06:58 PM

支持妳:smile_o11:,21 22結婚又真係太過早啦:smile_o15:,到未見識到這個世界:smile_o06:

kakakachacha 2017-3-25 09:37 PM

吓:smile_o14:咁就分手,Hugo 好似吾錯喎:smile_27:

龍貓57 2017-3-25 10:24 PM

但係女嘅太年輕啦,又真係唔想結婚住,唔分開大家都好難好似以前咁,因為大家嘅目標都表明咗,有分歧:smile_24:,再落去,都唔會開心:smile_13:

chunchunche 2017-3-26 05:14 AM

Nina令我想起我以前的初戀,我跟他相差八年,當時他已到適婚年齡,但我只是剛剛二十,結婚真是太早了,他不想等待,加上我們又分隔兩地,他只想定下來。我有我的理想,有想做的事情,有想交的朋友,我們經常爭吵,彼此漸漸失去信任,越行越遠,終於分手。我以為他只是人生的一段經歷,分手後幾年都交了男朋友,每交一個男朋友都總會拿他作比較,什至和現在的老公會開始交往都只是他跟我的初戀男友說了同一句說話,喜歡同一種顏色。説起來很可悲,到了有一定的人生歷練才發現自己一生最愛是他,跟他不是沒有緣份,只是時間不對。

chunchunche 2017-3-26 05:17 AM

多謝分享,繼續努力,支持你
今天天氣又轉冷,仔仔剛病癒要小心些

kakakachacha 2017-3-26 08:17 AM

[quote]原帖由 [i]chunchunche[/i] 於 2017-3-26 05:14 AM 發表 [url=http://www.discuss.com.hk/redirect.php?goto=findpost&pid=458619752&ptid=26502469][img]http://www.discuss.com.hk/images/common/back.gif[/img][/url]
Nina令我想起我以前的初戀,我跟他相差八年,當時他已到適婚年齡,但我只是剛剛二十,結婚真是太早了,他不想等待,加上我們又分隔兩地,他只想定下來。我有我的理想,有想做的事情,有想交的朋友,我們經常爭吵,彼 ... [/quote]


:smile_24:

圓碌碌的湯圓 2017-3-26 12:01 PM

[quote]原帖由 [i]龍貓57[/i] 於 2017-3-25 06:58 PM 發表 [url=http://www.discuss.com.hk/redirect.php?goto=findpost&pid=458596637&ptid=26502469][img]http://www.discuss.com.hk/images/common/back.gif[/img][/url]
支持妳:smile_o11:,21 22結婚又真係太過早啦:smile_o15:,到未見識到這個世界:smile_o06: [/quote]


我都係咁諗,趁後生要多睇,多試先知道自己最想要係咩野。

圓碌碌的湯圓 2017-3-26 12:08 PM

[quote]原帖由 [i]kakakachacha[/i] 於 2017-3-25 09:37 PM 發表 [url=http://www.discuss.com.hk/redirect.php?goto=findpost&pid=458603452&ptid=26502469][img]http://www.discuss.com.hk/images/common/back.gif[/img][/url]
吓:smile_o14:咁就分手,Hugo 好似吾錯喎:smile_27: [/quote]


Hugo係好好嘅一個男生,可惜佢唔係故事嘅男主角。:fst_008:

圓碌碌的湯圓 2017-3-26 12:11 PM

[quote]原帖由 [i]龍貓57[/i] 於 2017-3-25 10:24 PM 發表 [url=http://www.discuss.com.hk/redirect.php?goto=findpost&pid=458606033&ptid=26502469][img]http://www.discuss.com.hk/images/common/back.gif[/img][/url]
但係女嘅太年輕啦,又真係唔想結婚住,唔分開大家都好難好似以前咁,因為大家嘅目標都表明咗,有分歧:smile_24:,再落去,都唔會開心:smile_13: [/quote]


講得好中呀。
若果夾硬結婚,女方第時可能會後悔自己乜都未試過就嫁左人,往後會有好多磨擦。

圓碌碌的湯圓 2017-3-26 12:16 PM

[quote]原帖由 [i]chunchunche[/i] 於 2017-3-26 05:14 AM 發表 [url=http://www.discuss.com.hk/redirect.php?goto=findpost&pid=458619752&ptid=26502469][img]http://www.discuss.com.hk/images/common/back.gif[/img][/url]
Nina令我想起我以前的初戀,我跟他相差八年,當時他已到適婚年齡,但我只是剛剛二十,結婚真是太早了,他不想等待,加上我們又分隔兩地,他只想定下來。我有我的理想,有想做的事情,有想交的朋友,我們經常爭吵,彼 ... [/quote]


咁你初戀男友對你影響真係好大喎,一段美好初戀都唔係人人都有機會擁有,你有咁美好嘅回憶都幾好呀。
有時諗返起,嗒2下都覺得甜甜地:smile_o13:

圓碌碌的湯圓 2017-3-26 12:17 PM

[quote]原帖由 [i]chunchunche[/i] 於 2017-3-26 05:17 AM 發表 [url=http://www.discuss.com.hk/redirect.php?goto=findpost&pid=458619777&ptid=26502469][img]http://www.discuss.com.hk/images/common/back.gif[/img][/url]
多謝分享,繼續努力,支持你
今天天氣又轉冷,仔仔剛病癒要小心些 [/quote]


謝謝chunchunche:smile_o09:
大家都要保重身體

chunchunche 2017-3-26 02:02 PM

[quote]原帖由 [i]圓碌碌的湯圓[/i] 於 2017-3-26 12:16 PM 發表 [url=http://www.discuss.com.hk/redirect.php?goto=findpost&pid=458630366&ptid=26502469][img]http://www.discuss.com.hk/images/common/back.gif[/img][/url]



咁你初戀男友對你影響真係好大喎,一段美好初戀都唔係人人都有機會擁有,你有咁美好嘅回憶都幾好呀。
有時諗返起,嗒2下都覺得甜甜地:smile_o13: [/quote]
係呀!有時做些事情或去某些地方都會想起他,都會想起我們以前一起的日子,或他對我講過的話。我現在己有自己的家庭,其實不應亦沒有資格再想他,但就自自然想起,好像一切都已入了骨血裏。我和他沒有圓滿的結局,希望Nina會和自己的最愛有幸福的結局。

屎迪哥 2017-3-26 07:28 PM

*** 作者被禁止或刪除 內容自動屏蔽 ***

圓碌碌的湯圓 2017-3-27 11:38 AM

[quote]原帖由 [i]chunchunche[/i] 於 2017-3-26 02:02 PM 發表 [url=http://ladies.discuss.com.hk/redirect.php?goto=findpost&pid=458638455&ptid=26502469][img]http://ladies.discuss.com.hk/images/common/back.gif[/img][/url]

係呀!有時做些事情或去某些地方都會想起他,都會想起我們以前一起的日子,或他對我講過的話。我現在己有自己的家庭,其實不應亦沒有資格再想他,但就自自然想起,好像一切都已入了骨血裏。我和他沒有圓滿的結 ... [/quote]

只係回憶下0者,又唔係要做D乜,唔係罪過.
NINA經過一切患難以後會好0既結局,同你一樣都會得到幸福~~~~:loveliness:

圓碌碌的湯圓 2017-3-27 11:38 AM

[quote]原帖由 [i]屎迪哥[/i] 於 2017-3-26 07:28 PM 發表 [url=http://ladies.discuss.com.hk/redirect.php?goto=findpost&pid=458658032&ptid=26502469][img]http://ladies.discuss.com.hk/images/common/back.gif[/img][/url]
Support [/quote]

多謝呀.屎迪哥~~~~

圓碌碌的湯圓 2017-3-27 11:39 AM

第41章

********************************************************
NINA,
依封信其實我上星期已經寫好左,但唔到最後一刻我都唔想同妳分手,唔想將依封信交比妳.
雖然妳唔係我第一個女朋友,但妳係第一個令我覺得一齊時好輕鬆,好自在嘅女仔.或者因為妳年紀輕,所以妳唔會有咩心計.同妳一齊依3年時間,我真係好開心.
我今日已經遞左辭職信,今日亦都係LAST DAY.我知道妳嘅性格,分左手仲要日日對住,妳一定會覺得唔好意思,好尷尬.所以妳唔洗擔心,可以為妳考慮嘅,我都打點好晒.妳亦都唔好因為咁樣而內疚,我係男人承擔多D係好應該.
雖然我地要走到分手依一步,但都想好好咁同妳講一句**我愛妳**,希望妳要幸福快樂.
保重,再見~~~
********************************************************

3年情,敵不過家人的一個心願,我和HUGO最後也沒有走進婚姻的殿堂.我們就在一個陽光普照的下午,坐在公園長椅上和平分手了.

他對我真的很好,從我們認識開始,他一直都很照顧我.到我們相愛以後,他對我更可以說是無微不至,我們之間連一次吵架也沒有過.我很感激他這幾年對我的愛護,給我無限的歡樂,給我這麼長時間的關懷,也很慶幸自己的第一次交給了這個男人,即使我們沒辦法走下去,但我永遠也不會忘記這一個[他].

HUGO會一直在我心中佔著一蓆之位,與愛情無關,只是他值得被我記掛在心上一輩子.


分手大約3星期後,我打給了龜苓膏.

“得唔得閒出嚟飲杯野,陪我行下街呀?”

“麥芷忻咁好死打比我,妳唔洗拍拖咩?”

“分左手喇.”

“下?!分左手?妳講真定講假呀?”

“乜妳認為依D野都有得講假架咩?妳得唔得閒出嚟啫?”明明好皮氣的我,對著她都變得壞皮氣了.

“出,出…出…邊度得?”

“老地方啦,我15分鐘後出門口,妳自己爭取時間呀.BYE BYE”沒等她回答,我便掛了電話.

*****老地方-台式餐廳

“餵!”我坐在位置上舉起手叫龜苓膏.

“凍香芋珍珠,唔該.”她一坐下馬上就下單了,之後拿著餐牌當扇子.

“嘩,趕到我吖.WU~~~”

“邊有人叫妳趕成咁喎.”我取笑她.

“唔係因為擔心妳,我洗咁趕?!快D講,究竟發生咩事呀?”一眨眼,龜苓膏已經換上另一副認真樣.

“都差唔多成個月喇,況且我地係和平分手,我都已經冇咩事喇.”

“成個月?!妳死架,咁耐先搵我?!”龜苓膏很生氣,因為我沒在第一時間找她安慰,所以心理被傷害了,但我是清楚這個好朋友是擔心我.

待續~~~~~

圓碌碌的湯圓 2017-3-27 12:08 PM

第42章

“妳同HUGO好地地架,做咩事會分手得咁突然嘅?”

“分手唔係因為我地之間出現左問題,而係佢屋企人嘅關係.”

“下,宜家咩年代呀,仲關屋企人事?”龜苓膏覺得這是天大的笑話.

“佢亞爺CHECK到有CANCER,好擔心佢睇唔到HUGO結婚生仔,咁HUGO爸爸媽媽咪想佢快D結婚囉,但我唔想,我不下一次拒絕左佢.佢一個咁孝順嘅人,係一定會考慮佢屋企人感受架啦,依排佢地已經安排HUGO同其他女仔相體.”

“有冇搞錯,佢地知道個仔有女朋友架啵,仲安排相體?”龜苓膏氣得拍枱.

“HUGO就係推唔甩佢爸爸媽咪,但又唔想背住我同第2D女仔約見面,最後我地就和平分左手.其實唔怪得佢,最主要都係因為我唔想結婚先行到依一步.”

“咁妳今年先至得果21歲,唔想結婚住都好正常啫.又唔怪得妳架喎.我諗HUGO都會明白妳嘅.”

“嗯,佢到分手之前都安排好晒D野.分手果日我臨收到,收到佢一封信,原來我地分手之後,佢就即刻遞左信唔做,原因係怕我之後見到佢會尷尬,佢連依D野都幫我打點好晒,考慮埋,傷害左一個咁好嘅人,我真係好內疚.”

“咁HUGO真係好好仔,人品好,對妳又好,真係冇得挑剔.真係要講一樣嘅就係禺孝囉.佢唔諗下格硬聚一個拍拖冇耐又唔係好中意嘅人,將來結果未必會係好事.”

“我諗佢有自己考量啦.”

“咁妳宜家心情好返D未?”龜苓膏最擔心的就是我過得好嗎.

“好好多喇,雖然就咁樣分左手,我係難過,但起碼我知道佢到分手果刻都係愛我,而且又唔係佢做左D咩對我唔住嘅事,所以至少依個結果少左埋怨依一部分先囉.或者其實喺依後愛情入面,我付出嘅一直都唔夠HUGO多,所以我先可以咁快恢復,咁快企返起身.”

“咁妳有冇搵過佢呀仲?”

待續~~~~~

龍貓57 2017-3-27 12:32 PM

成長中,甜蜜嘅回憶:smile_24:

圓碌碌的湯圓 2017-3-27 06:34 PM

[quote]原帖由 [i]龍貓57[/i] 於 2017-3-27 12:32 PM 發表 [url=http://www.discuss.com.hk/redirect.php?goto=findpost&pid=458695126&ptid=26502469][img]http://www.discuss.com.hk/images/common/back.gif[/img][/url]
成長中,甜蜜嘅回憶:smile_24: [/quote]


龍貓57你又有冇同感先?:smile_o01:

龍貓57 2017-3-27 06:38 PM

:smile_o05:我都曾經年輕過㗎:smile_o11::smile_o11:,梗係有啦,留係腦海裡回味:smile_o13:

kakakachacha 2017-3-27 07:00 PM

吓!咁就分手:smile_24:

kakakachacha 2017-3-27 07:01 PM

[quote]原帖由 [i]圓碌碌的湯圓[/i] 於 2017-3-27 06:34 PM 發表 [url=http://www.discuss.com.hk/redirect.php?goto=findpost&pid=458713592&ptid=26502469][img]http://www.discuss.com.hk/images/common/back.gif[/img][/url]



龍貓57你又有冇同感先?:smile_o01: [/quote]


回憶總是美好:smile_o06:

圓碌碌的湯圓 2017-3-28 05:08 PM

第43章

“冇喇,既然都分左手咯,佢要放開我都唔容易,如果我再搵佢,咪盞勾起佢心情,盞佢更難忘記?”

“麥芷忻,點解妳可以咁輕易就做出決定,話要放低就放得低嘅?以前對蔣孝賢係,佢都仲可以只係話妳嘅暗戀,乜都冇發生過所以先容易D擺低.但宜家對HUGO依個真真正正嘅男朋友妳都可以咁灑脫,最少今日嘅妳唔係喊苦喊忽先啦.”

“我冇刻意要點做架,主要都係因為我覺得,中意一個人無論係明戀定暗戀,要做到放手,忘記對方唔係一件容易嘅事.我自己係過來人,好清楚.當初我對蔣孝賢咁決絕係因為中間多左一個亞婉,最後連蔣孝賢自己都疏遠我時,當時我係好難過,但事後我覺得,我應該要多謝蔣孝賢當初咁做,我先可以咁快放低再企返起身.我自己試過,所以我都用返相同態度對HUGO,目的只係想佢都可以快D企返起身囉.”

“哦~~原來係咁.希望HUGO先生,將來會好好啦.雖然我唔係識左佢好耐,但我都感覺到佢係一個好人.”龜苓膏對HUGO一向的評價都很好,不單止她,珈珈和嘉欣也一樣.

“好喇,講下妳啦.會考考成點呀?”我一改剛剛有點失落的態度,換上精神點的面孔.

“唉,睇嚟我都唔係果D料子.早知上年就同妳一齊出嚟做野啦,唔洗白白浪費左一年時間同埋屋企D錢.”

“咁妳起碼都叫盡左自己力呀嘛,咪咁啦.既然決定出嚟做野,妳有冇諗住搵D咩工呀?”我問龜苓膏

“冇架,邊度有人請,我就做邊度架喇.”龜苓膏手拿著飲管,不停的攪杯中的冰塊.

“如果妳有興趣做我依行,我問問公司請唔請人吖?”

“唔好喇,文員咁悶唔啱我,我自己再睇睇先.”

“咁妳如果要幫手就搵我喇啵.”

“知喇,知喇,21歲女就咁鬼婆媽架妳?!”龜苓膏矋我一眼.

“餵,麥芷忻…”靜了幾秒的時間,龜苓膏突然叫我.

“做咩呀?”我望向她.

“講D八卦野妳聽吖.”故作神秘的她.

“咩呀?咩呀?”我將頭伸前.

“我聽珈珈講話蔣孝賢同亞婉嘈大交呀”

“下!!!”

待續~~~~~

圓碌碌的湯圓 2017-3-28 05:08 PM

第44章

“好似前幾個星期,舊校籃球隊有個澳洲交流籃球比賽,有幾個以前同蔣孝賢好FD嘅人喺比賽完之後,約左蔣孝賢見面.本來蔣孝賢去左第2個地方比賽要遲一日先返嘅,但就因為幾個舊朋友嚟澳洲探佢,所以佢特登早一日返去,仲帶埋幾個朋友去佢同亞婉宜家同居果度.點知佢地搭LIFT上樓嘅時候,妳估下點?”龜苓膏問.

“唔估呀,咪鬼屌癮,快D講.”我拍打她的手.

“講喇,講喇…當LIFT門打開時,佢地見到亞婉同個鬼仔喺門外KISS呀,蔣孝賢即時面都黑晒.佢果幾個FD諗住走先嘅,但蔣孝賢叫佢地入屋先,佢自己同亞婉喺出面講數.果幾個八公點會放過任個一個八卦嘅機會呢,喺門後面聽到晒佢地出面講嘅野.”

“亞賢,你聽我解釋先吖.”亞婉手捉實蔣孝賢,像這一刻不捉緊,下一秒便會失去他一樣.

“好,妳講.”蔣孝賢用一種從來都沒有過的冷淡對她說,但他沒有抽出被亞婉拉著的手.

“頭先係佢錫我咋,我咩反應都冇比佢架.”

“咁點解妳唔推開佢?”

“我果一下都呆左,咩反應都做唔切,到我意識到要推開佢時,你地就到喇.”亞婉一刻也不敢鬆手.

“點解佢會出現喺依度?”他將本來遠眺的眼神轉回到眼前的她身上.

“因為今晚一大班同學食完野,佢話夜,費事我一個女仔危險,話要送我.你今日本來又去左第2度打比賽,我諗諗下冇人接咪答左佢OK囉.亞賢,我同佢真係冇野架,最多我以後唔同佢接觸吖,唔通我地一齊左咁耐,你都唔信我呀?”

平常只要亞婉撒嬌,蔣孝賢都會服軟,但今次他還是冷著一張臉.也是的,有幾個男人看到自己女朋友跟另一個男人接吻,自己還可以像沒事人一樣呢?!

“亞婉,既然妳講,我就信.但我真係唔想再見到有依D情況發生,宜家妳知道妳依個同學對妳有非分之想,咁妳就應該要疏遠佢喇.無謂引起任何誤會.入嚟啦,屋企仲有客人等緊我地.”說完蔣孝賢便轉身走入屋,亞婉緊緊跟著.

將整個事情演繹出來後,龜苓膏便問我“妳話亞婉喺出面係咪真係有第2個吖嗱?”

待續~~~~~
頁: 1 2 3 4 [5] 6 7 8 9 10 11 12 13 14
查看完整版本: 《完》人生若只如初見