查看完整版本 : 《完》人生若只如初見

圓碌碌的湯圓 2017-3-28 05:09 PM

第45章

“應該唔會掛,之前亞婉咁中意蔣孝賢.”

“唉,人會變架嘛,妳以前舊中意佢啦,宜家咪…SORRY”

“真係好想中妳.”我舉起拳頭,扮作想打她.

“唔覺意之嘛.SORRY啦.”

“我估亞婉應該唔會做D對佢唔住嘅野卦,始終果時佢對蔣孝賢嘅心思係點,我地有眼睇,係咪?”我反問龜苓膏.

“係就係,但我始終覺得亞婉已經唔係以前嘅佢.又或者一開始我地都冇睇到最真實嘅佢係一個乜野人.”龜苓膏偵探上身似的摸著自己下巴.

“妳地宜家聯絡得密唔密架?”算一算,自從亞婉去澳洲前的那次卡拉OK見過以後,我們便沒有再見了,就連電話聯絡也沒有了.之前還在想,為了自己好朋友的心情而決絕的放下蔣孝賢這個藍顏知己,想不到最後竹籃打水一場空,什麼都沒有了,藍顏沒有了,好朋友也沒有了...唉~~~或許一切都是自己想得太簡單了吧.

“老實講,對上一次係幾時同佢通電話我都已經唔記得左喇.我話佢變左,其實唔單止得我一個咁講,就連嘉欣都係咁覺得.”

“……”

“佢自從去左澳洲之後已經冇乜搵我地喇,有時ICQ HI佢,佢都係講2句就話要OFF喇,但其實我地估佢係INVISIBLE.因為有一次佢可能唔記得自己隱形左,但就咁HI嘉欣問佢野,所以比嘉欣知道左.唉,總之人就會變架啦.宜家佢忘記晒我地幾個架喇.”龜苓膏有幾分埋怨.

“或者佢自己都好努力咁融入果邊嘅生活,所以先忽略左妳地呢.”

“或者啦,不過我都唔諗咁多喇,人地都唔CARE我,我CARE佢拓咩.”將最後一粒鹽酥雞放進口中,龜苓膏突然拍我.

“哽親呀?”

“哽…哽妳個頭呀.”龜苓膏快快將口中的雞塊咽下再開口“我想問妳呀,珈珈下個月生日搞船P,妳到時一唔一齊呀?”

“幾號嚟架?妳知我要夾星期6長短週.”

“好似係22號.”

“22號我SHORT WEEK,可以呀.如果係FIRM實咁我就MARK低喇?”我馬上找出記事簿一看.

“實架喇,船都BOOK左咯,仲邊有得唔實喎.妳到時唔好放飛機就真.”

“我喎??我有幾何會放妳地飛機先.”我手指著自己

“咁妳同珈珈比確實係蚊比同牛比嘅,嘻嘻~~~唔好嬲,LAST一粒炸魚旦比埋妳食.”她將最後一粒鹽酥魚旦叉起再遞向我咀邊,我便免為其難把它吃了.

待續~~~~~

龍貓57 2017-3-28 05:31 PM

:smile_47:好睇:smile_o09:

kakakachacha 2017-3-28 11:39 PM

最有共鳴係“不是讀書材料”:smile_35:

kakakachacha 2017-3-29 09:59 AM

男主角蔣孝賢終於……番黎了:smile_o12:

圓碌碌的湯圓 2017-3-29 11:30 AM

[quote]原帖由 [i]龍貓57[/i] 於 2017-3-28 05:31 PM 發表 [url=http://ladies.discuss.com.hk/redirect.php?goto=findpost&pid=458765412&ptid=26502469][img]http://ladies.discuss.com.hk/images/common/back.gif[/img][/url]
:smile_47:好睇:smile_o09: [/quote]

識貨:smile_o11:

圓碌碌的湯圓 2017-3-29 11:30 AM

[quote]原帖由 [i]kakakachacha[/i] 於 2017-3-29 09:59 AM 發表 [url=http://ladies.discuss.com.hk/redirect.php?goto=findpost&pid=458801621&ptid=26502469][img]http://ladies.discuss.com.hk/images/common/back.gif[/img][/url]
男主角蔣孝賢終於……番黎了:smile_o12: [/quote]

差唔多喇,再等等TIM.

圓碌碌的湯圓 2017-3-29 11:31 AM

第46章

不經不覺已經到了珈珈的生日船河,早上10點西貢碼頭已經聚集了很多準備出海玩樂的人,今天天氣特別好,男男女女的年輕人,每個都穿得很清爽.人實在太多了,我到達時一眼看過去,滿眼都是人頭,根本找不出珈珈她們在那裡.

“餵?妳地喺邊呀?”我只好拿出電話打給龜苓膏.

“我地就到喇,珈珈約左班FD喺7-11度等呀,不過妳過去先啦.”

“咁好啦,快D呀.”掛了電話我便行去7-11.

*****7-11門口

我在7-11內買了一包麥精和一本雜誌後再走回門等她們.

“餵!?撞到人喇.”有一男生說了這一句

“哎……”剛剛將飲了2口,突然被人從側面撞了一下,我那剛剛開封的麥精就這樣沒了.

“SORRY呀.”那個男生轉過頭跟我道歉.

我望向前方的幾個人,有男有女,站在我面前的這個大約24-25歲的男生跟他身旁那女生在玩,所以才會將我的麥精撞倒.我沒給什麼反應,只是將地上的飲品拾起掉.那男生看到我的舉動便跟我說.

“A,我賠返比妳吖?”

“由佢啦.”我將只剩下半包的飲品掉進垃圾桶內.

“真係唔洗?”他再問一次.

“唔洗.”我抬頭望著他再回答一次,這一次我才認真打量面前這個人.24-25歲,頭髮染成啡色,左耳戴著一個擴大耳垂的耳環,穿著寬鬆的背心,牛仔褲,波鞋,頭帶棒球帽,打表不太好相與的人.跟他在一起的幾個男女衣著扮扮和他差不多.

遠處有一把女聲高喊“麥芷忻”,我沒有再理會這幫人,便轉頭向聲音處走去了.背後傳來一把女聲說“餵呀,人地都話唔洗你賠咯,你咪理佢啦.”,之前的男生回了一句“都叫左妳唔好整架啦,搞到推到人喇.過去碼頭啦,就上船喇.”

跟龜苓膏她們會合之後,我也沒跟她們說起這個小插曲.

“芷忻,忘記之前D唔開心嘅事,今日識多D朋友仔.”珈珈和我說.

“妳唔洗擔心我啵,我好OK呀.”

“咁就GOOD啦.”

“芷忻同妳介紹,依個係我男朋友-朱仔.”嘉欣介紹她身邊那位個子不太高,但有點黑的男生.

“HELLO,我係麥芷忻.”我向他笑笑揮揮手.

“HI,我知呀,XX中學籃球隊經理呀嘛?我以前比賽時有見過你.”朱仔笑著回答.

“我仲以為你係為左追嘉欣先咁講架TIM.”我也笑著回答.

“追佢緊係主要原因啦,但開場白都唔係假架.以前學校比賽成日見妳同亞賢一齊,果時仲以為妳同佢拍拖.”

“咁你就搞錯晒啦.哈哈~~~”

“仲超錯TIM.哈哈~~~”

待續~~~~~

圓碌碌的湯圓 2017-3-29 11:32 AM

第47章

“喂喂,行過去碼頭果邊喇,等埋其他人就一齊上船.”珈珈集合大家準備上船.

當我們一行人走到集合地方才發現原來7-11遇到的那一班人是珈珈表姐的朋友,我看到了剛剛跟我撞在一起的那個男生,大家四目相投,我很快便轉開了視線.

珈珈表姐,珈珈和亞豪分別點好了自己的朋友人數以後,亞豪便通知船家將船開到碼頭邊,讓我們上船.

珈珈表姐那幫朋友第一班上船的,他們整體來說都比我們年長,大約25-26歲,當中有幾個女的好像年輕一點,約22-23歲,這當中包括珈珈的表姐.

我們尾隨他們上船,行至船邊我才發現那個撞了我的男生一直都站在碼頭的上船位置旁,幫忙扶其他女生上船.

“HI,乜原來妳係JOEY(珈珈表姐)表妹D朋友呀?”到我的時候,他笑著伸出手和我說.

“嗯…唔該.”對待陌生人我還是跟在學校時期一樣,還是很難熱情相待.將手放在他的手上,答謝了他的幫忙,上船後,我便收回自己的手走進船艙了.

***船艙內

我們這邊有6人,另外亞豪也叫了他的朋友來參加珈珈的生日會,當中有幾個是以為籃球隊的隊員,所以我也認識的.由於大家太耐沒見,今天巧合一起玩,他們對我都很熱情.

“芷忻,好耐冇見喇.妳靚女左呀.”其中一個籃球隊員-柏然走過來很熱情的擁著我肩膀.

“係咪真架先?”我笑著問他一次.

“緊係真啦.”柏然舉高3隻手指向天,作勢要發誓.

“餵,芷忻,唔係講笑,妳真係靚左好多呀.”另一個籃球隊員-健仔也走到我們身旁.

“HELLO,健仔”能夠在離開了校園這麼久時間還可以跟他們聚在一起,我都感到很高興.
“依2年我地時不時都會約埋亞豪出嚟食飯,我同柏然同珈珈啱傾D,咁亞豪今次咪叫埋我地JOIN佢生日船P囉,點知妳都有份.”健仔說.

柏然,健仔和蔣孝賢都是同一級,只是他們2個沒有留班,已蔣孝賢有.但這並不影響了他們2個跟蔣孝賢的友情,前陣子龜苓膏說有幾個籃球員去澳洲交流,陰差陽錯下撞到亞婉跟另一男生接吻,其中有2個人就是柏然和健仔.

待續~~~~~

kakakachacha 2017-3-29 12:09 PM

越來越精彩:smile_o12:

kakakachacha 2017-3-29 12:11 PM

[quote]原帖由 [i]圓碌碌的湯圓[/i] 於 2017-3-29 11:30 AM 發表 [url=http://www.discuss.com.hk/redirect.php?goto=findpost&pid=458806274&ptid=26502469][img]http://www.discuss.com.hk/images/common/back.gif[/img][/url]


差唔多喇,再等等TIM. [/quote]


掛住男主角

930414 2017-3-29 08:33 PM

好睇,一次過睇哂禁多章,期待

圓碌碌的湯圓 2017-3-29 11:11 PM

[quote]原帖由 [i]kakakachacha[/i] 於 2017-3-29 12:11 PM 發表 [url=http://www.discuss.com.hk/redirect.php?goto=findpost&pid=458808306&ptid=26502469][img]http://www.discuss.com.hk/images/common/back.gif[/img][/url]



掛住男主角 [/quote]


第57章會出現啦:smile_o13:

kakakachacha 2017-3-29 11:20 PM

[quote]原帖由 [i]圓碌碌的湯圓[/i] 於 2017-3-29 11:11 PM 發表 [url=http://www.discuss.com.hk/redirect.php?goto=findpost&pid=458840600&ptid=26502469][img]http://www.discuss.com.hk/images/common/back.gif[/img][/url]



第57章會出現啦:smile_o13: [/quote]


咩情形下出現呢?:smile_o10:

圓碌碌的湯圓 2017-3-29 11:24 PM

[quote]原帖由 [i]930414[/i] 於 2017-3-29 08:33 PM 發表 [url=http://www.discuss.com.hk/redirect.php?goto=findpost&pid=458831877&ptid=26502469][img]http://www.discuss.com.hk/images/common/back.gif[/img][/url]
好睇,一次過睇哂禁多章,期待 [/quote]


多謝你,亦非常感激你嘅留言呀:smile_o09:
咁你用左幾耐時間睇晒呀?

圓碌碌的湯圓 2017-3-29 11:25 PM

[quote]原帖由 [i]kakakachacha[/i] 於 2017-3-29 11:20 PM 發表 [url=http://www.discuss.com.hk/redirect.php?goto=findpost&pid=458841007&ptid=26502469][img]http://www.discuss.com.hk/images/common/back.gif[/img][/url]



咩情形下出現呢?:smile_o10: [/quote]


快d睇返序,你就會估到喇:smile_o01:

kakakachacha 2017-3-29 11:36 PM

[quote]原帖由 [i]圓碌碌的湯圓[/i] 於 2017-3-29 11:25 PM 發表 [url=http://www.discuss.com.hk/redirect.php?goto=findpost&pid=458841266&ptid=26502469][img]http://www.discuss.com.hk/images/common/back.gif[/img][/url]



快d睇返序,你就會估到喇:smile_o01: [/quote]


:smile_o12:

chunchunche 2017-3-30 09:27 AM

很期待

圓碌碌的湯圓 2017-3-30 11:15 AM

[quote]原帖由 [i]chunchunche[/i] 於 2017-3-30 09:27 AM 發表 [url=http://ladies.discuss.com.hk/redirect.php?goto=findpost&pid=458853526&ptid=26502469][img]http://ladies.discuss.com.hk/images/common/back.gif[/img][/url]
很期待 [/quote]

多謝你0既支持呀....:smile_o09:

圓碌碌的湯圓 2017-3-30 11:16 AM

第48章

“珈珈係我好姊妹嚟架,佢生日我點可以唔出席呀?”我回答他們.

“畢業之後出嚟幾次唔見妳,之前亞賢同女朋友返HK飯聚又唔見妳,我以為妳咩事.”亞健說.

“喂喂,亞健…幫我入去攞罐汽水吖,唔該.”柏然叫住他

“睇唔到人地傾緊計架咩?”

“你幫我啦,唔該吖…”柏然向亞健打眼色,雖然他不太明白柏然的意思,但還是去拿汽水了.

“唔好意思呀…”柏然向我說了一聲抱歉

“咩事要唔好意思呀?”

“我知道妳同亞賢佢地之間有D問題,所以先冇一齊玩.”

“蔣孝賢話你知嘅?”我問他

“嗯,前排我地去澳洲,佢向我地問起妳近況,跟住我地話都好耐冇見妳喇,反問返佢點解會問我地而唔係自己搵妳,因為妳地以前好FD架嘛,之後佢先講妳地發生嘅事.”柏然向我解釋.

“佢幾好嘛?”這是這麼久以來,我第一次問起蔣孝賢.

“佢喺澳洲嘅生活識應得幾好呀,係同女朋友好似有D問題囉.”柏然答話時看了看我.

“芷忻,柏然,你地過嚟食D野先啦,食完換衫游水喇.”珈珈的說話阻止了柏然剛想開口的機會.

“哦~~~嚟喇.餵,食野先.”我拍了他一下,便先行過去了.

簡單的吃了一些點心,我便換上了BIKINI泳衣,外面套上一件勾花的米白色透視背心.我的身材不是很突出那種,但也算是平均吧.拿著太陽油和大毛巾,我便走向也換好泳衣的龜苓膏她們.

“被男人疼愛過嘅女人睇嚟真係唔同D架啵.”龜苓膏說.

“妳講咩呀?”我不太理解她的意思.

“我話妳呀,脫離左小女生行列之後,連外表都充滿晒女人味呀,妳睇下妳,以前個胸邊有咁好肉架?!”說還不特止,龜苓膏還用手督了一下.

“妖,妳個死野吖.”我也反手督了她一下.

“哈哈~~~哈哈~~~”2個人就這樣玩鬧了一會.

“妳都快D搵返個男朋友,加入女人行列囉.”我建議她

“好,我今年聖誕節要破處.”

看著龜苓膏像宣誓一樣,我忍不住笑了出聲.

待續~~~~~

圓碌碌的湯圓 2017-3-30 11:19 AM

第49章

我在船的舺板上鋪上毛巾,坐在上面倒出太陽油,先將雙手和雙腳搽好.可是,背後怎麼都搽不了.

“要唔要幫手呀?”突然有一把男聲響起,之後一個黑影出現在我上方.

“下?!”我抬起頭看向出聲處,原來是撞掉我麥精的那個男生.

“要唔要幫手?”他再問一次.

“唔洗喇,唔該.我等一陣搵我朋友就得喇.”我連他的名字都不知道便讓他幫忙搽太陽油好像過不去吧?!

“OK.咁我陪妳等朋友出嚟吖.我聽到JOEY表妹叫妳芷忻?”

“嗯.”這個男生眼大大,鼻高高,不論外表或樣子都算是中上的,如果放在學校的話,會是很受女生歡迎的人.但不要怪我先入為主,他給我一點不良少年的感覺,可能衣著打扮都有影響吧,而且現在他這樣搭訕,很難令人有好感的.

“HELLO,芷忻.我叫亞傑”他在我身邊坐下,伸出手.

“HI.”人家都已經伸出手了,我也只好伸出手打聲招呼啦.

“以前我都有同珈珈見過幾次,但妳都只係第一次咋啵.係佢D同學?”

“嗯,中學同學.”

“唔怪之得,咁後生又靚女啦.”

“嘻嘻…”我有點強顏歡笑,因為這樣輕挑的男生,我真的不太喜歡,感覺太情場老手了.我左望右望,只希望龜苓膏快點回來.

“妳係咪好驚我呀,好似唔係咁想同我講野咁嘅?”他扮作一副傷心樣.

“……”正當我想說一些話解釋時,正好他的朋友過來找他.

“亞傑,你過嚟幫我搽太陽油吖.”前方走來的是今早跟他一起玩耍已撞到我的那個女生,年紀比他後生一點,大約22-23歲吧.

“你朋友搵你幫手呀.”我對他說.

“我過去先,一陣再搵妳傾計.”他站起身,離開前跟我說.

“BYE BYE”我沒有說好或是不好.不管這個亞傑跟這個女生是什麼關係,但從她的眼神看得出來,她是喜歡著他的,這樣麻煩的事情,我還是不要牽涉在內為妙.

他離開以後龜苓膏便出來了,我將太陽油遞給她再指指自己的背,她便知道我要她做什麼.

“頭先果個咩人嚟架?”

“珈珈表姐D FD,走過嚟搭訕.”

“想追妳呀?”

“點知佢,但我對佢冇乜好感.”

“睇佢個款咁花FIT,依D人唔啱妳.”

“知我者,莫若龜苓膏也~~~哈哈.”我起身摟著她,作勢要親吻她.

待續~~~~~

龍貓57 2017-3-30 11:32 AM

令我回憶著年輕的友情:smile_o06:,最單純,最開心:smile_o13:,友誼萬歲:df24::smile_o12:

930414 2017-3-30 02:24 PM

[quote]原帖由 [i]圓碌碌的湯圓[/i] 於 2017-3-29 11:24 PM 發表 [url=http://www.discuss.com.hk/redirect.php?goto=findpost&pid=458841186&ptid=26502469][img]http://www.discuss.com.hk/images/common/back.gif[/img][/url]



多謝你,亦非常感激你嘅留言呀:smile_o09:
咁你用左幾耐時間睇晒呀? [/quote]

唔洗一個鐘

圓碌碌的湯圓 2017-3-30 05:42 PM

[quote]原帖由 [i]930414[/i] 於 2017-3-30 02:24 PM 發表 [url=http://ladies.discuss.com.hk/redirect.php?goto=findpost&pid=458867861&ptid=26502469][img]http://ladies.discuss.com.hk/images/common/back.gif[/img][/url]


唔洗一個鐘 [/quote]

咁你要繼續支持,唔好放棄呀:smile_o06:

圓碌碌的湯圓 2017-3-30 05:44 PM

[quote]原帖由 [i]龍貓57[/i] 於 2017-3-30 11:32 AM 發表 [url=http://ladies.discuss.com.hk/redirect.php?goto=findpost&pid=458859571&ptid=26502469][img]http://ladies.discuss.com.hk/images/common/back.gif[/img][/url]
令我回憶著年輕的友情:smile_o06:,最單純,最開心:smile_o13:,友誼萬歲:df24::smile_o12: [/quote]

令你連回憶過去都感到開心,你所認識0既都一定係好人喇.
但人身邊始終都會遇到D害群之馬,芷忻都唔例外.
:smile_o08:

龍貓57 2017-3-30 05:45 PM

支持:smile_o11:支持:smile_47:

圓碌碌的湯圓 2017-3-30 05:45 PM

第50章

船在駛至某個海灘附近停下,大家各自拿上浮床,水泡等等工具跳進海中.雖然我的游泳技術不是太高,但要從這裡游去海灘問題不大.

“芷忻,過唔過去海灘?”柏然問

“好呀.嘉欣,妳地過唔過去海灘呀?”我問其他人.

“好呀…”

我沒拿工具便跳進海中,慢慢向著海灘方向游去.10多分鐘後,終於上岸了.

“嘩,咪睇唔係好遠,原來咁辛苦架.”我喘著氣說.

“邊個叫妳唔用水泡啫.”亞健取笑我道.

“要怪只怪我想得太簡單了.”我點點頭回答.

其他人不上海灘,浸在水中,我走上岸,繼續曬太陽.柏然在我身邊趴下.

“你係咪有野想同我講呀?”柏然從今早開始便跟在我身邊,這讓我感覺他像有事想跟我說.

“咁都比妳知道.”

“做咩事?”我問他

“其實妳同亞賢2個都咁在乎對方,以前仲咁FD,宜家變到互不相干,妳唔覺得咁樣好可惜嘅咩?”

“但我同佢之間仲有我另一個好朋友亞婉,你唔記得左喇咩?”

“我知,妳依個FD呀,唉…..為左佢而放棄互相在乎嘅知己真係唔抵囉我覺得.”

“依個決定唔單單係我自己一個人嘅諗法,蔣孝賢佢為自己女朋友著想都係好應該.”

“我淨係覺得亞賢佢依個女朋友唔係咁好囉,宜家佢地嘅關係都好似麻麻地,而且我諗妳同佢女朋友係咪關係都大不如前?”

“嗯,自從佢知道我中意蔣孝賢之後,佢就冇乜再搵我喇,最後果次同亞婉傾計係佢要求我唔好再單獨見蔣孝賢,跟住連蔣孝賢都疏遠我,我就冇再搵過佢地喇.”

“咁咪係囉,既然妳地2個都係因為亞婉疏遠對方,就算宜家妳地聯絡返,影響都唔大呀?我可以比亞賢喺澳洲嘅電話妳架.”

“唔喇,大家都咁冇耐聯絡咯,有D野都唔同以前喇.就算你宜家打比佢,我揸住個電話都唔知同佢講咩好.”

“……”

“做咩事你咁想我搵返佢?”我忍不住向柏然問出這個問題.

“因為我覺得妳比果個亞婉好,如果我知道妳以前就中意亞賢,我一定會幫手撮合妳地2個.”柏然一副大義澟然的樣子.

“哈哈~~~你依個雞仔媒人.一開始佢嘅愛情線上面就冇我位置,唔係話搵人幫手拉下線就可以拉埋一齊.傻佬,你咪再亂搭線喇.”

“唉,妳…”看到我這個反應,他也沒再說什麼.

2個人沒有再說話,靜靜的趴在沙灘上曬太陽,與其他在玩樂的人那一片歡笑聲大不相同.

隔了一段時間,聽到人有在呼喚回船上,我們也起身.柏然先行下水游回船去,我緊接著他下水,遊了一段距離,我突然小腿抽筋.

“呀…柏然.”我大叫一聲,小腿的痛令我在水中浮浮沉沉.

柏然聽到我呼叫想往回遊,但已經見我沉入水中.

待續~~~~~

圓碌碌的湯圓 2017-3-30 05:46 PM

第51章

小腿抽筋令我一點力氣都用不上,人開始往下沉,我看著海面上的太陽光愈來愈微弱,以為自己就這樣離開這個世界,突然有一隻手圈住我的腰將我拉上水面.

“咳咳…咳咳…”重新浮上水面的我,不停的咳,快要連肺都咳出來似的.

“餵,點呀妳,妳冇事呀?”救起我的人原來是那個叫亞傑的男生.

“咳咳,多謝.”一直被圈住腰的我沒有忘記向救命恩人答謝.

“我地返上船先啦.”他將我帶回船上,其他人都圍了上來.

“芷忻妳點呀?”龜苓膏她們馬上找到我身邊.

“冇咩事,腳抽筋,飲左幾啖海水,好彩佢救左我.”我手指向亞傑.

“唔該晒你呀,亞傑…”珈珈向他答謝.

“唔洗客氣,比D水佢沖沖個口先啦.”

其他人見我沒什麼事,便繼續他們之前的玩樂.

“芷忻,對唔住呀.如果我等埋妳,妳就唔會浸親啦.”柏然突然說

“傻啦,關你咩事喎.況且我宜家又冇事.”可能被剛剛的事情嚇到,所以我說起話來都有點力不從心.

“但我都係有責任嘛,我唔阻妳休息先喇.”他看到我這麼累便沒有再多說.

“嗯,一陣再傾.”我靠在椅子邊上閉起眼睛,不知不覺地睡著了.矇矇矓矓間,我感覺有人幫我披上衣服,我想要睜開眼,但眼皮就像千斤鉛怎樣也睜不開,之後又再次進入夢鄉.不知道是否今天柏然說起了蔣孝賢,我夢見他了.

夢境是學校的操場,籃球比賽完了,我將水遞給他,他接過飲了一口水,低頭在我的臉上落下一吻,我向著他展開了一個燦爛的笑容.他一手拿起收拾好的背包,一手牽著我問等一下想要吃什麼,我很小鳥的將頭靠在他肩上說你想吃什麼我便陪你吃什麼,他說了句有妳這樣的女朋友真好.

畫面突然轉到巴士站外,我在後面追著蔣孝賢,一邊跑一邊叫他,但他像沒聽到一樣,一直向前走,前面出現了另一個人,是亞婉.她投進走近她的蔣孝賢懷裡,他終於回過頭來看我,他說我最中意果個係亞婉,我地以後都唔好再見喇.在他懷內的亞婉將目光看向我,說麥芷忻妳想同我鬥?妳永遠都係我手下敗將.我蹲在地上看著遠去的2人,大叫一聲.

“呀…..”醒了,原來發夢.

“妳冇事呀嘛?”

待續~~~~~

930414 2017-3-30 07:33 PM

[quote]原帖由 [i]圓碌碌的湯圓[/i] 於 2017-3-30 05:42 PM 發表 [url=http://www.discuss.com.hk/redirect.php?goto=findpost&pid=458876767&ptid=26502469][img]http://www.discuss.com.hk/images/common/back.gif[/img][/url]


咁你要繼續支持,唔好放棄呀:smile_o06: [/quote]

睇上引,想你快d出tim

kakakachacha 2017-3-30 08:38 PM

好正喎,估妳吾到又會多左個阿傑:smile_o12:

圓碌碌的湯圓 2017-3-30 11:41 PM

[quote]原帖由 [i]930414[/i] 於 2017-3-30 07:33 PM 發表 [url=http://www.discuss.com.hk/redirect.php?goto=findpost&pid=458881599&ptid=26502469][img]http://www.discuss.com.hk/images/common/back.gif[/img][/url]


睇上引,想你快d出tim [/quote]


依排cake住左,冇乜貨:smile_o16:
頁: 1 2 3 4 5 [6] 7 8 9 10 11 12 13 14 15
查看完整版本: 《完》人生若只如初見