查看完整版本 : 《小男人周記三之吾家有喜》看後感

Medalmore 2017-4-22 02:00 AM

《小男人周記三之吾家有喜》看後感

其實我以前係冇睇過上兩輯既小男人周記,反而電視版就有睇過...

不過其實都唔太緊要,講真套戲同以前上兩輯既連系,似乎都係阿Ann同阿寬果兩個損友,成套戲你當一個全新既故事睇都得...

其實成套戲基本上都係阿寬兩父女佔大部份故事,其他角色就唔算太多戲份...但咁套戲好睇嗎?

講真...以一套港產片嚟講係合格,起碼我寧願睇佢都唔會揀寒戰2...至少睇得舒服,最重要係成套戲真係港產片!

如果講故事既話,成套戲算幾流暢,驚喜係冇乜,但都唔係無厘頭,係唯一要彈就係後尾冇交代喜喜俾人告個結果、佢同Babyjohn即係點樣、同埋張繼聰既下場係點...

至於演員表現,阿旦就唔使講架喇,都係梁寬...但佢真係老咗好多!至於喜喜...新人嚟講佢唔係太突出,只屬僅僅合格,至於其他演員...請為佢地致敬!

基本上不論係衰老闆陳友、擦鞋仔張繼聰、兩位損友、TB阿Sam、仲有Babyjohn,甚至係蝦頭同埋欣宜...戲份唔係多,但其實佢地幾乎一出場都令人印象深刻,值得致敬!

呢度我好似冇提過娜姐喎...因為我最後先想讚佢!講真娜姐已經唔係賣身材同樣喇...呢套戲我覺得佢真係似番一個演員...俾D掌聲佢啦!佢同喜喜對戲,真係做到乜野叫做薑係越老越辣,形成強烈對比...好嘢!

總之呢套戲其實係唔錯既,叫我買飛入場睇係冇問題...點都好過去睇到我由頭「笑」到落尾既長城掛!
頁: [1]
查看完整版本: 《小男人周記三之吾家有喜》看後感