查看完整版本 : 報德安 - 學神2個多月被誘騙上35堂的經歷

littlekk123789 2017-6-8 09:17 AM

報德安 - 學神2個多月被誘騙上35堂的經歷

無論合格定肥我都會講架喇!!!
唔比人問、Assume你乜都識、長期印住個Break、你幾時考學成點都無幫你安排
:funk:  
是咁的,由於想一圓自駕遊夢一家人去旅行
有諗過自己報同搵師傅,但因為工作繁忙,以為駕駛學校會較有交帶同有條理,點知噩夢就開始咗!

經朋友介紹約10月頭去左「德安駕駛學校」報名,21堂送2堂包所有野HK$8,108,11月頭幾經辛苦先拎到假去考筆試,pass咗後11月17號已經將考試資料報比學校,到2月3日再追問學校先知要補資料做學牌,3月3號通知我有得拎。

4月6號上第1堂,阿sir打黎2分鐘咳左分半鐘,同埋已經口齒不清,咁算啦身體健康呢d野控制唔到。咁我考油塘,頭一兩次阿sir剩係叫我兜圈九龍塘😮,算啦技巧培訓我識條鐵咩,由於第一堂我真係乜都唔識就要開車,過彎拎幾多,油門踏幾深,break點樣煞甚至打燈都無概念,但阿sir嘅指引亦都令我摸不著頭腦,左右講錯,甚至急忙起嚟打方向燈會擰到支燈開高低,當然又係佢無教而我又好似個嬰兒咁一路犯錯一路被屌。老老實實問多句都鬧呢種權威性村長人格對讀過會考文學師說嘅我果種不恥下問嘅style自然形成世代之爭。。。

第一個阿sir好好有責任感,通常每堂都會同您約定下堂時間。責任還責任,到第3次開始教調頭(3手駄),我心諗,都好嘅學下新野,咁去到咁上下就埋位做,阿sir就一氣過講晒3手嘅步驟,當然我連棧燈到邊個位停睇邊個鏡都未知而又唔比問,問左佢又唔太答,答又答得唔清晰嘅情況下開始啦,大家見到我講到乜都唔熟嘅情況下自然閪多過like,一路調頭一路屌,呢位阿sir有個問題係比指令好唔清晰好似係左右都講錯,另外就係一有不滿就煞停您,即鬧,能量完全轉移返係您身上,之後通常您就會比佢小到無地自容兼心裏不爽,咁當然係等佢指示啦,點知佢黎個敵不動我不動,大家就坐左係度on99生勾勾。(都知教車sir會鬧人,所以忍),結果第3次上堂3手駄無次成功收場。(但轉咗阿sir後3手駄未衰過)

學車通常2堂起標(即係個半鐘),頭3次我都係上2堂,第4次上堂,我心諗比阿sir鬧得咁甘,今堂都預咗啦,諗住繼續3手駄,點知佢又好盞鬼咁叫我試泊車😱,我心裏面即刻浮現咗黑人問號問號,咁唯有照做啦都無得我揀。

咁佢又一如既往地炮彈式說出整個步驟,但由於係夜晚加上地下d線大部份係用粉筆畫,只有110度近視的小弟根本望唔到條線嘅存在,為咗唔令佢老人家動氣,咁我今次就汲取教訓,recap一次比佢聽: 想問係邊個位去到邊條線呢?佢答完之後等如無答,極度1999,咁我就好客氣咁話: 咁。。。不如我地上車實戰下?唔明的話您再提點同指導小弟啦,佢當然係一貫村長mode上車,其實車上面好多鏡佢只係叫我望左邊果塊,望錯又鬧,好啦當我真係錯,咁我泊S位,之後去到咁上下扭盡右駄,呢個step做得啱,佢就叫我回駄啦,咁我回咗半個圈佢就出超必煞停部車然後又怒吼一句: 您扭咩左啊!!咁我又好無奈咁回答: 咁您叫我回,唔係扭返左咩?之後當然又係面對妙語連珠嘅問候啦

人都係有情緒嘅動物,當您咁虛心求教但對於呢d極不客氣同不禮貌的情況下,我回咗一句: 其實我都係第一次學,你assume我乜都識,真心我識就唔駛嚟學啦!我知我資質唔係高,但三句唔埋您就鬧,對件事有幫助咩?咁佢好激動咁喝我話: 我邊有鬧您啊?聽完呢句我心諗您條友仔仲無賴過民建聯,憤怒值同容忍度已經爆標下,上咗半堂就走咗去唔學

及後調整完情緒當晚就whatsapp返學校要求轉阿sir,第二朝見到未有覆就直接打去啦,咁職員都表示無問題可換,都有簡單同佢提及事件,佢就好似當事件習以為常所以都欣然處理

當時4月尾諗住轉完師傅後雨過天青嘅話,我呢位學神界嘅少年就真係太年輕吧,sir走sir還在,下個更可愛

減咗之前8堂,即係仲有15堂啦!4月28號收到第二個阿sir電話約我5月4號學,但就話搵佢同事試下我手車2堂先,當日7:15去到9:30,我以為補返上次早走d鐘比我咁好啦,結果佢以3堂為做單位,直到之後先知,咁就唯有算啦口同鼻拗真係無得拗而佢又真係做足個90分鐘(但又未到135分鐘),始終都不能計較這麼多(但由於果D幾多分鐘欠你幾多分鐘點點點,真係好難記得晒,詳見下面列表)

其實又係怪怪地, 一開始就有個代課阿Sir,感覺怪怪的,但無計都係要上啦,一開始我都有同代Sir講過我情況係點,代Sir都好放心咁叫我由九龍塘揸去油塘,佢亦都有教我點樣唔好大細邊咁行車,一D口訣我到而家都記憶猶新例如係天羅地網、望遠、射箭咁樣、有冇踩過單車、騎住三角嘜出、人慢你慢、望鏡擰頭等等都真係入晒骨

介紹返少少代課阿Sir(代蛇),代蛇以前喺一間大駕駛學校教,但因為身體原因退下來而家康復就偶爾做代課,已上岸,兒女已出有穩定職業,但估唔到都仲要咁搏去教,堂接堂咁上有陣時佢去下小便我都無乜所謂啦,甚至到後期我都會買定個包比佢。

講完代Sir又講返第二位阿Sir – 志明(堅要開名),基本上佢同PTGF無咩分別,我對佢嘅印象就係無人學就主動打比你叫你學,即晚都試過,另外佢同PTGF一樣只係會收錢唔會理用家感受,亦會叫你加鐘(我本身23堂都比佢加到35堂)

由於其實由5月16日後我已經不斷強調掉頭同泊位係必須必須要操,但今堂唔知下堂事,今堂唔知邊個上呢個兵不知將,將不知兵嘅宋朝情況不斷出現,我都盡咗本份Recap返上一堂學過D咩,但當然又係被忽略。。。期間小弟亦主動希望跟師傅了解進度惟師傅未有指導或作出安排,至於點解開名,我會總括以下幾點出嚟:

1.     志明完全沒有為小弟之學車情況作出妥善規劃,只是偶爾於沒有人上堂時間致電小弟
2.     志明亦沒有打算記下學生的資料,包括我發覺他沒有存儲小弟的電話,每次致電亦記不了小弟的資料
3.     志明於5月30日致電小弟就學習情況檢討並要求加鐘帶上10堂約HK$2,600學費,多除少補,及後又於6月3日要求小弟再補上HK$1,070的4堂學費(內含HK$50服務員費用)
4.     志明完全忽略小弟交待之日程,小弟已主動向志明要求夾夾往後學車日子,以便再調整工作上的假期安排,惟志明完全沒有理會直至6月3日才安排往後日程
5.     志明於教車期間長期印住Break,令小弟未能熟習使用Break的力度,嚴重影響對Break的控制
6.     志明亦要求小弟執行一些錯誤概念如在行車距離不足情況下切線,於行車線空間不足時強行右轉以致墮進黃色格網位置
7.     志明長期以右手控制駄盤,影響小弟學習進度(截6月3日前, 小弟已往油塘2次亦有超過17堂即765分鐘的行車經驗,其中9堂由他的代課老師教授)
8.     志明安排的上車及落車地點較為飄忽,由石門去大埔道再到九龍塘根本與考車路線無關,浪費學車時間
9.     志明拒絕與小弟溝通:「我講野果陣你唔好應唔好出聲唔明唔好問聽我講」嚴重影響學習情況
10.  6月6日考車日原先安排由代Sir帶領小弟考車,但因為安排失當由志明親身上陣,此時為志明見小弟的第2次,與他真身求學只得5點5小時
11.  志明於6月6日考車前帶小弟到九龍塘再操練唯途中亦冇交待清楚路線,亦只顧安排其他教車事宜而置小弟的考試於次要,但又單手控制小弟駄盤
12.  由於小弟只是學牌仔,而又要負責所有因行車途中發生的意外帶來的損失,故此對於一些切線、高速等情況可免則免亦於道路上盡量讓其他使用者優先通過,惟志明亦說道:「>><<1,你咁樣揸死撚得啦,比人過晒自己唔駛過,考乜撚呢?人地有撚排都未到啦」
13.  志明同代Sir缺乏溝通,完全沒有就小弟學習情況交流,以致過少操練泊車
14.  由於德安的套餐是21堂送了一張Coupon說上滿5堂送2堂,我就和盤托出的交予志明,惟志明不肯接收還說:「先給我2堂學費,我還給你Coupon,你可回到德安跟他們計數。」極不負責

其實成單嘢洗咗HK$8108+HK$2600+HK$570 = HK$11,278,錢財身外物真係收唔返我都預咗,但唔會想再有人受害囉

4月6日星期四1930-2100
旺角上車到九龍塘練兜圈,旺角落車 (共2堂累計2堂)
4月11日星期二1930-2100
旺角上車到九龍塘練兜圈,旺角落車 (共2堂累計4堂)
4月21日星期五1930-2100
旺角上車到九龍塘練三手駄但Keep住失敗,旺角落車 (共2堂累計6堂)
4月27日星期四2100-2230
旺角上車到九龍塘練泊位,一次未到同阿Sir口頭爭執後離去(2145) (共2堂累計8堂)

5月4日星期四1915-2130
轉師傅但代課師傅先上,九龍塘上車到油塘做掉頭1次, 九龍塘落車(共3堂累計11堂)
5月16日星期二1915-2110
代課師傅上油塘上車有做掉頭至少3次九龍塘落車(共3堂少20分鐘累計14堂)
5月24日星期三原先1915-2130
代課師傅上九龍塘上車但小弟抱恙已被扣鐘(扣2堂累計16堂欠20分鐘)
5月31日星期三1915-2130
代課師傅上九龍塘上車到藍田做3次掉頭3次泊位油塘落車(共3堂累計19堂)
6月3日星期六1200-1430
石門上車石門試左2次泊位,掉頭3次, 經大埔道落返九龍塘落車(共3堂多15分鐘累計22堂多15分鐘)
6月4日星期日1330-1630
代課師傅上石門上車經大埔道龍翔道到油塘,掉頭4次以上,油塘落車(共4堂多累計26堂多15分鐘)
6月5日星期一1130-1430
代課師傅上石門上車經大埔道龍翔道到油塘,掉頭4次以上,泊位2次,牛頭角落車(共4堂累計30堂多15分鐘)
6月6日1215-1515
九龍塘上車經大埔道龍翔道到油塘考試, 中途泊位2次掉頭2次, 1550完(共4堂外加考試1堂累計35堂多15分鐘)

泊位記錄:
4月27日0.5次
5月31日3次
6月3日2次
6月5日2次
6月5日2次
共9.5次
:funk:

[[i] 本帖最後由 littlekk123789 於 2017-6-8 01:53 PM 編輯 [/i]]

終國人 2017-6-8 10:10 AM

幾時考?合唔合格?如果係咁,建議你只攻乙部,路試交俾個天

rchow12 2017-6-8 10:22 AM

一般學十零個鐘即系廿零堂先考第一次,你有天份咪學小D囉,呃鈡度度都有多同小咁解

littlekk123789 2017-6-8 10:35 AM

6月6考, 肥
路試衰自己, 唔會賴阿SIR
泊車真係覺得唔夠,
同埋佢長期印住Break我覺得好影響路試(考官一定唔會印住)

littlekk123789 2017-6-8 10:39 AM

其實最有問題係, 第二個阿Sir 6月6帶我考果次, 先至係第2次見我....
未見我之前就一味叫我加鐘...會否有返少少職業道德?
黎得考梗係唔想肥, 鐘我都唔介意加如果真係幫到件事, 5月30果陣我已經提左話想練多D泊位, 但佢有聽過咩?事實做起上黎泊位又真係唔理想, 佢又有幫我跟進過咩?

Lalajarjar 2017-6-8 11:05 AM

純個人意見--

1)2個呀蛇交差走位--係駕校做得差。絕對認同
2)樓主唸住邊堂做咩野先好--我覺得有所保留。我認為樓主能力如何,應該操咩,師傳應該最清楚。當然唔排除有師傳搵笨。
3)一口氣講好多step--好正路無問題。而家係教大人揸車,唔係教細路仔食飯。係你消化唔到。
4)呀蛇表達差--100%呀蛇問題,咩都唔使講
5)夜晚學車睇唔到線等等--閣下都有一定責任,日頭學唔到的話,就要自己執生。
我都係夜晚學,我視力本身有問題,都睇唔到。但我靠距離感黎泊,可以彌補。
6)呀蛇脾氣差,講解又差--佢唔岩。我120%撐樓主。批明佢教人功力唔夠。
7)學車路線不同於孝牌路線--好合理,由易到難丫嘛。



再睇埋你學車記錄,其實...泊位調頭咩都夠啦。
今次個人感覺.....呀蛇好一般,而樓主亦好渣,真係好渣。甘多個鐘,就算自學都夠做啦。唔好同我講咩識就唔使學車,呢D廢話黎。個個都係唔識學到識。
而你有無唸下呀蛇點解要單手揸你軑?你估佢唔驚你撞架。

littlekk123789 2017-6-8 11:18 AM

1. 我6月3號先第一次見果位阿Sir, 佢交接得幾好大家心照
2. 我會同佢反映我覺得嘅情況係點, 就係因為知道佢地缺乏交流
3. 我會同佢Recap返D Step岩唔岩, 講真我做唔岩你又小, 我黎學都係想Pass姐, 唔識就發問呢樣野好正常, 消化唔到都唔比問?
4. 左同右佢都會搞錯
5. 臨考我都已經請左2日假去盡量配合學習進程, 大佬D粉筆線淺到HIHI, 點睇?
6. Honestly呢個就係Uber vs 的士嘅問題....
7. 但去到最尾我都講過我對泊車好無信心....所以要求操多D, 又被忽略, 咁叫正常>??

老實, 我唔覺得自己好強, 你一味話我渣, 渣都係學校教出黎姐
用返消費者同求學者嘅態度, 識嘅就唔駛你教啦, 就係因為渣同唔識先要學

再講返點解佢搞我堂駄就係因為佢都唔了解我嘅進程, 代Sir第二堂開始都無乜點搞我堂駄啦

WYJIMMY 2017-6-8 11:19 AM

樓主果然滿肚怒火,但這裡歡迎大家呻。
不過呻還呻,上面師兄都講咗你嘅問題,為咗合格,先注意自己問題。

三手軚去到咩位再提你點轉,以及一炮過話哂你聽,兩樣各有各好,但事實去到試場冇人會提你,都係要你自己記哂及執生,所以老實講成功率係後者較高,同埋有啲師傅係由你錯,你錯咗咪D 9 你,有時反而迫你記得個步驟。

講真,教車嘅多數都唔係高學歷,邊識咁多「言語偽術」或禮貎,佢地平常講嘢都係咁,你地咁斯文,真係唔好用自己角度去睇佢地態度。

學院師傅真係差唔多,真係「補習天王」啲師傅你搵平日 office hour 都full, 去學院教嘅即係冇客或唔多客,做完仲要同學院拆,大家都預咗係咁,你搵街師傅好處係佢收哂,也緊張一啲(你可以cut 佢),學院果啲,你cut 佢冇關係,學院又 assign 第二個比佢,劣幣驅逐良幣,做得好也冇獎,亦冇學生會介紹其他人比佢,所以咪咁囉。

學院冇follow up 提你拎學牌問題,呢個係佢做得差咗,但事實而家啲文員水平係好 19...

下次努力啦。建議樓主搵番街師傅算了。

littlekk123789 2017-6-8 11:26 AM

同意啊師兄, 所以一直都好虛心求教問師傅自己有咩位要加強, 希望再改進等等, 佢屌住落黎都順受地食,

劣幣驅逐良幣<<呢句好重點



下次努力啦。建議樓主搵番街師傅算了。<<<師兄, 明白了

老實教車呢門生意都係為Serve大眾, 所以我都係用第一身消費者所講,
而市場經濟下如果教果班係符合唔到主流嘅CS水平, 係咪佢地本身有問題呢?呢點我想帶出黎比所有黎緊會報嘅朋友仔思考
有邊個第一次學車會有經驗? 只希望唔好再有更多人受害

感謝你嘅鼓勵

catfish1539 2017-6-8 11:31 AM

駕駛學院師傅唔憂冇學生教, 邊有壓力畀佢哋會好俾心機好人吖,

littlekk123789 2017-6-8 11:34 AM

我以一個門外漢嘅身份去報, 諗住會有人去安排
點知一獲粥....今日邊個師傅上, 都可能係去到先知~

evilo.b 2017-6-8 11:38 AM

樓主
非常絕對身同感受😤

不過我係報X運

第一堂個老師傅其實教得幾細心,不過之後呢,約過幾次都約唔到佢上堂,打去唔聽留言唔覆,隔左成二個禮拜,我忍唔住走落鋪頭問,個阿姐用鋪頭電話打俾佢,又即刻聽喎,跟住佢仲答個阿姐話搵過我好多次都無覆佢,咁都得?佢搵左邊個人?

收線後跟手個阿姐又睇下電腦,同我講呢個師傅好啲堂爆,我要既上課時間俾唔到我,問幫我轉第二師傅好唔好?
咁我見都等左成二個禮拜都唔想再等,咪答ok

好喇終於到第二次堂,已經係三個禮拜後既事,一上堂已經同新師傅講我第一次上堂教果啲野已經唔係好記得,請佢重新教我,跟住叫我開車,

"diu"

佢無喇喇彈呢個字,一扭車匙果下就俾佢diu,話我又唔較倒後鏡又唔較好座位,好喇我聽佢講較好啲位,跟住扭匙撻車,對手想扭呔盤果陣佢又黎diu一聲,話我又唔望鏡就出車想害死人,你第一堂學左屎呀咁...

跟住打後到完晒啲堂都同樓主經歷一模一樣,堂堂系咁diu,問野又唔答,最後路試當然...😞

Lalajarjar 2017-6-8 11:43 AM

[quote]原帖由 [i]littlekk123789[/i] 於 2017-6-8 11:18 發表 [url=http://www.discuss.com.hk/redirect.php?goto=findpost&pid=462620401&ptid=26709229][img]http://www.discuss.com.hk/images/common/back.gif[/img][/url]
1. 我6月3號先第一次見果位阿Sir, 佢交接得幾好大家心照
2. 我會同佢反映我覺得�情況係點, 就係因為知道佢地缺乏交流
3. 我會同佢Recap返D Step岩唔岩, 講真我做唔岩你又小, 我黎學都係想Pass姐, 唔識就發問呢樣野 ... [/quote]

學車路線個度真係未必有問題,好多師兄都係九龍堂兜到熟先去考線。有人幾堂,有人十幾堂。
而泊位個度,你係消費者,有權選擇。師傳唔岩。我都明白樓主咩心情。如果師傳肯攻泊位,唔好彩肥左都打死無怨,但佢唔忍你要求谷泊位。又真你谷住啖氣。絕對明白

evilo.b 2017-6-8 11:46 AM

補充返,到路試果日佢地約我係平時去學車果個位等,有第二位師傅車我去試場(天光道), 我係到果日從車我去試場呢位師傅上先知,減慢車速係踩迫黎減,唔係放油門架!
我學左廿幾堂都無教過!😡

littlekk123789 2017-6-8 11:52 AM

同意九龍塘度兜兜的, 我唔介意兜多少少如果有幫助, 了解多D路面情況
代Sir當日帶我係觀塘道塞車, 我都覺得學到好多Break收放
泊車度我都有提過, 代Sir話今日係星期日去唔到XXX泊位/油塘考泊位度塞滿車
但星期一佢都盡力比我泊到2次....對代Sir安排心存感激
師兄深明大義啦, 如果我覺得路試OK(其實兜左20次以上), 掉頭黎講代Sir話我做到滿意我表現, 反而泊位唔穩定, 為合格係咪應該操多D, 所以路試我肥我都唔會賴D咩, 只係自己屎唔夠穩定表現唔好, 但佢無弱點改進呢樣我就好有保留 (當然仲有師傅的態度啦)
另外當代Sir同第二個阿Sir講嘅野有出入, 新手黎講都唔知信邊個好....

希望師兄明白第一次學車嘅小師弟係唔會有太多經驗識得同阿Sir討價還價

Lalajarjar 2017-6-8 11:54 AM

順手提下,
師傅有好有壞。有d師傳真係能力真係...你懂的。

我明學車係咩都唔識,但以合格為大前題。。自己做做多少少會更好。因為一個「唔好」既師傅,未必教到你甘多野。呢樣係真既。


例如--搵d有經驗朋友游下車河,搭車時又睇下司機點渣。雖然好似好柒,但可能有得著呢。袋得一蚊得一蚊。

另外少少泊位學車意見,以你講夜晚學車為例--
真係睇唔到地mark 唔出奇。唔好只留意個地mark。試下留意左右景物,後車距離。到差唔多就牛甘眼搵番個地mark出黎。會好d..夜晚黑麻麻一開波就搵mark,真係會眼花。
(我唔係講風涼話,我都試過夜晚學車,仲要壞燈。唯有唸多d方法,提升自己合格率)

littlekk123789 2017-6-8 11:55 AM

其實呢D真係對消費者(特別新手應該都唔會有經驗)極無保障
學校又由得阿Sir亂9咁黎, 阿Sir又唔多想理你
根本就係惡性循環, 肥左再考既得利益者又係佢地

littlekk123789 2017-6-8 12:00 PM

我路試果日本身佢話搵代Sir帶, 我心諗爽啦, 點知佢同代Sir夾交間時間有差馳, 由佢帶返仲要又屌過
同埋佢仲趕時間過我呢下先離罩....

Lalajarjar 2017-6-8 12:00 PM

講多句,漏左打。

練泊位,唔好100%靠粉筆線。
留意下扭軑個一刻,自己車尾同泊車位既距離。
要記住,要記住,要記住個大約距離。
點解要講3次呢。

試唸下考個時落大雨,d粉筆線會好似蛇仔甘。
個一野,唔好慌,俾d信心。
因為你已經記住左個距離,就算有誤差,都好大機會救到。

littlekk123789 2017-6-8 12:04 PM

多謝師兄提醒~
但佢地就一尾教我粉筆線, 其實我都有諗過第日真係自駕, 咁咪HIHI?
不過為求合格.....結果GG了

長貪難耐 2017-6-8 12:09 PM

我有牌三十幾年。我教過佬婆揸車,教人揸車真係會躁,一路教一路罵老婆。我不是教車的。但為何比錢學車要比你罵,個個教車人一樣

Lalajarjar 2017-6-8 12:14 PM

[quote]原帖由 [i]littlekk123789[/i] 於 2017-6-8 12:04 發表 [url=http://www.discuss.com.hk/redirect.php?goto=findpost&pid=462623049&ptid=26709229][img]http://www.discuss.com.hk/images/common/back.gif[/img][/url]
多謝師兄提醒~
但佢地就一尾教我粉筆線, 其實我都有諗過第日真係自駕, 咁咪HIHI?
不過為求合格.....結果GG了 [/quote]

一尾教你粉筆線既原因,係因為距離感呢樣野。真係好抽像。
所以唯一辦法就係將佢實體化,即係粉筆線。

所以,吹2句。我唔敢話自己揸車好,因為我態度差......
但考牌,睇往績。我算ok既。

我認為--
1)學車時記實個step同個堆粉筆線,係「基本」。
2)能夠拿捏到個「距離感」,係「保險」
3)熟習到後車時架車既走向(即係你點扭架車會點走),係「10拿9穩」

第3點,係人都識轉左走左轉右走右啦。但呢個只係識「操作」.. 要熟習既係,點樣扭,扭幾多,先做到你想既效果。甘先係好波

j013068c 2017-6-8 12:15 PM

我好好彩,教我嗰師傅好有交帶,講嘅嘢又盡可能清楚易明,我做得唔好都會省得我好甘,但係我接受到

師兄加油,希望你都可以好快考到牌

littlekk123789 2017-6-8 12:21 PM

明白, 所以一直都虛心學習, 只要唔太過份我都唔會還口~

littlekk123789 2017-6-8 12:23 PM

長知識! 多謝師兄
距離感呢D真係要時間培養
So far去到最後過彎果D我都拎到感覺點扭扭幾多, 唔會好似之前咁唔穩定~

littlekk123789 2017-6-8 12:24 PM

一個好師傅的重要性!!!
鬧唔緊要, 有Point教到野就OK

萬事得3 2017-6-8 12:30 PM

[quote]原帖由 [i]littlekk123789[/i] 於 2017-6-8 12:24 PM 發表 [url=http://www.discuss.com.hk/redirect.php?goto=findpost&pid=462624161&ptid=26709229][img]http://www.discuss.com.hk/images/common/back.gif[/img][/url]
一個好師傅的重要性!!!
鬧唔緊要, 有Point教到野就OK [/quote]


點解唔去香港駕駛學院呢?
唔使比人鬧。
我第一次都是幫襯呢啲學校, 都是比人鬧呀…仲肥咗。
第二次就去香港駕駛學院,
啲啊sir唔會鬧人, 仲好好,
我第二次就pass 咗啦…

hk_yotam 2017-6-8 12:43 PM

乜而家學車學泊位要用粉筆綫?我學貨VAN果時師傅冇劃綫,只是去到泊位就咁練泊。有教睇位,預距離。
另外我故意留返兩堂,路試果日再操同開去考場。

nguyenngochung 2017-6-8 12:45 PM

學埋簡單野都咁貴又呃上堂時間:smile_39:

2008Chak 2017-6-8 12:50 PM

樓主 學習成績當然可以說和教師有關!
但考車牌揸車是一樣個人化的!
因為旁人不能幫你!
自己多點睇啦!
頁: [1] 2 3 4 5 6 7 8 9
查看完整版本: 報德安 - 學神2個多月被誘騙上35堂的經歷