查看完整版本 : #轉載-幫朋友個表弟一問

jerjer484 2017-7-22 08:55 PM

#轉載-幫朋友個表弟一問

兩年前左右看到Facebook上一個中學的同學臉書化名-高地虛(現職於周x豪做代言人嗰間)上載一張有關基金回報的相片,我覺得回報吸引所以詢問有關基金內容,當時我希望兩三年後置業,所以斬釘截鐵問到兩三年後取回有關供款及紅利用作置業首期是否可行?對方回覆取回這基金內的供款條件有兩個:i)保費最少供款兩年 ii)拿回時需要收手續費
2年後想攞番用作投資置業首期是可行的。
佢答得好誠懇以及佢又成日post啲相放啲幫客claim到錢好開心既支票相,所以雖然同佢唔係熟但都認為佢值得信賴,所以冇太留意簽嗰幾份野既內容就幫佢買左,諗住可以局自己儲錢等兩年後儲到舊錢可以買樓幫比首期。
兩年期滿後,我透過呢位舊同學向間公司提出打算贖回基金計劃內的金錢十x萬左右,佢回答我講話我揀果個係中長期投資計劃,咩AB戶口...而家要拎番得萬幾蚊。我真係o哂嘴,一開始已經講明我既目的,如果係有所謂啲AB戶口同埋係佢所講既中長線投資計劃嘅咁點解當時話無問題照叫我買?問得呢條問題既人多數姓豬,有兩個阿哥叫阿東同阿南,細佬叫阿北。
依家個戶口我冇再供錢,入面既錢話要25年後先可以攞返,不論賺蝕,冇買無賣每個月都要扣緊$500手續費,一年大概$6000,10年大約$60,000 ,20年$120000,25年$150000,其實我覺得同冇左冇分別,所以先有呢段嘢嘅出現,係呢個時候發生真係雪上加霜,有心裝冇心,衷心希望妳會有報應。(完)

有幾個問題想問!
1)假設文中主角所言是事實,身為主角舊同學的是保險代理人有心隱瞞或誤導或欺騙事主,只要事主在他提供給事主的文件表格上簽了名,保險代理人就可免卻一切法律責任?

2)若文中事主戶口內結餘為140,000,若事主希望保留在戶口內的140000需要在23年內付出總數為140000(最低手續費)的支出,請問該如何取捨?

3)如果事主想作出投訴,程序方法及地方如何?

利申:幫人問

wahcli 2017-7-22 10:45 PM

1. 如果只是問及回答以下三點
i) 保費最少供款兩年
ii) 拿回時需要收手續費
iii) 2年後想攞番用作投資置業首期是可行的
看不到有任何隱瞞/誤導/欺騙事主的情況,其實這幾個問題太過表面,沒有觸及核心。為何事主不問保證可賺多少?2年後可否全數取回?手續費有多少?這才會顯示問題所在。
2. 情況就要看事主的投資本領,能利用這14萬賺到錢就可以繼續投資,甚至繼續供款,愈賺愈多,足以支付所有費用有餘。但如果不善於投資,就當發一場夢,一覺醒來,從頭來過。
3. 這些例子幾乎日日都見,但看不到投訴後可以有什麼得到,只是浪費時間。
頁: [1]
查看完整版本: #轉載-幫朋友個表弟一問