查看完整版本 : 【識價盃】郭能李寶利一齊有得玩

KFC朗 2017-8-9 02:32 PM

【識價盃】郭能李寶利一齊有得玩

本周末於英國雅士谷馬場舉行的識價盃盛事,出賽騎師陣容繼續有變動,繼莫雅與戴圖理兩大高手因為有聘約在身,無暇出席外,另一女將哥黛妍,亦未獲波士Hugo Palmer放人,結果佢響女騎師組別嘅席位,就由杜希利取代。

杜希利響2015年一度掛靴,不過近期又再出山,響啲表演賽或大型賽事披甲,七月分瑞典舉行嘅國際女騎師邀請賽,佢都有分參加,而佢亦宣布,響稍後英國馬季歇冬,佢將會轉戰法國,全面復出。

至於識價盃今年陣容,少咗莫雅與戴圖理兩位頂級高手在陣,的確略為失色,而佢哋兩個席位,將會由李寶利同貝利填補,另一位今夏響英國度假嘅郭能,亦會有分參與盛事,成為英愛隊代表。

今屆識會盃四隊陣容:
女騎師隊:杜希利、佩妮(澳洲)、韋羡妮(加拿大);

英愛騎師隊;史賓沙、貝利、郭能;

世界騎師隊:麥維凱(澳洲)、杜鵬志(南非)、戶崎圭太(日本);

歐洲隊:范以誠(荷蘭)、比卓(德國)、李寶利(意大利)。
頁: [1]
查看完整版本: 【識價盃】郭能李寶利一齊有得玩