查看完整版本 : 【強勢回歸】好戰王下周二復出跑G3

KFC朗 2017-8-10 02:33 PM

【強勢回歸】好戰王下周二復出跑G3

呢輪歐洲馬季高峰期,唔少好馬都響各項分級賽展開龍爭虎鬥,不過馬迷最期待嘅,就梗係期待緊去年歐洲最佳三歲馬「好戰王」重出江湖,原本練馬師盧傑事先張揚,會響上月底復出,結果又係無晒影踪,不過粉絲千祈唔好失望,因為王者將於下周二(15日)作季內首戰,響法國本土出戰一場2000米嘅G3拜倫錦。

由於四月分馬房爆發大規模流感,「好戰王」身受其害,盧傑穩陣計安排此駒作較長時間休養,隨着狀態循序漸進,先前諗過,安排上月底報爭約克馬場舉行的約克錦標,不過由於今夏英國雨水特別多,練者唔希望馬匹首仗響跑變化場地角逐,唯有將復出之期押後,結果選擇下星期一場本土舉行嘅G3復出。

據盧傑透露,「好戰王」將以十月分凱旋門大賽為終極目標,當然衛冕英國冠軍錦標亦會係另一個考慮目標,為要盡快提升狀態,因此鐵定下周二強勢回歸。
頁: [1]
查看完整版本: 【強勢回歸】好戰王下周二復出跑G3