查看完整版本 : 【夠時間抖】英國冠軍錦標改期幫Enable食全餐

KFC朗 2017-8-10 02:34 PM

【夠時間抖】英國冠軍錦標改期幫Enable食全餐

由意大利名將戴圖理策騎,鴨都拿王仔名下嘅星級雌馬Enable,早前喺英皇錦標大炒兩匹年長雄馬「當代名著」同「愛達荷州」,演出技驚四座,成功奠定其歐洲一線地位。加上三歲馬女身份喺凱旋門大賽會有明顯讓磅優勢,所以佢已經被當地搏彩公司捧成凱旋門嘅大熱門。不過既然本身實力超班成咁,幕後雄心就梗係唔止瞄準凱旋門咁簡單啦。因為過往同凱旋門大賽舉行日期相差僅兩周嘅英國冠軍錦標,今年特意延後賽期,令到呢場賽事同凱旋門大賽嘅差距達到20日,比去年多出一周,目的希望吸引到更多明星馬匹參戰。而Enable嘅練馬師高仕登早前亦向傳媒放料話依家有充足時間回氣,有意兩場都會畀佢跑晒。

不過,Enable下半年到底可唔可以連下幾城,恐怕要先問過上年喺英國冠軍錦標擊敗凱旋門大賽冠軍「艷跡可尋」嘅「好戰王」。雖然「好戰王」今年因為練馬師盧傑馬房爆發馬匹流感,延至下周拜倫錦標先復出,不過依然無損搏彩公司對佢嘅信心。佢同廐侶法國打吡盟主「巴米托」被看好成為凱旋門大賽次熱及第三熱門。去年「好戰王」就選擇缺席凱旋門大賽,專心備戰英國冠軍錦標,今年就大有機會兩場都跑晒,從未對戰過嘅Enable同「好戰王」兩場惡鬥,到時真係要睇吓鹿死誰手!
頁: [1]
查看完整版本: 【夠時間抖】英國冠軍錦標改期幫Enable食全餐