8->3跳左9同1, 而且偶爾於同時有強烈季候風出現時, 掛左黑球就唔會掛1號, 之後可能直接跳到3號.在此要睇返風球訊號法定及現實意義, 澳門呢套風球係回歸多年前參考香港設定, 香港有"1號戒備", "3號強風", ... 香港討論區 香討為全港5大最高瀏覽率的網站之一,每月單一訪客人數過千萬,擁有超過550萬位來自不同階層、背景的會員。主要討論涵蓋新聞、娛樂、地產、財經、汽車、婚姻等話題,廣為香港人熟悉,可說是香港社會的縮影。(純文字版本)"/>

查看完整版本 : 風球可唔可以跳級掛?

多明戈 2017-9-1 10:26 AM

風球可唔可以跳級掛?

(我係澳門人, 所以主要由澳門角度去睇, 但香港應該類似)

其實係可以的, 雖則於風力增強過程中, 一般都會係1->3->8->9->10咁"循序漸進", 但"回程"時就已經係10->8->3跳左9同1, 而且偶爾於同時有強烈季候風出現時, 掛左黑球就唔會掛1號, 之後可能直接跳到3號.

在此要睇返風球訊號法定及現實意義, 澳門呢套風球係回歸多年前參考香港設定, 香港有"1號戒備", "3號強風", "8號烈風或暴風", "9號烈風或暴風風力增強", "10號颶風", 澳門風力雖然無"暴風"等講法, 但法律賦予GE風力定義正好亦係相等於香港"強風", "颶風"等程度. 基本上3, 8及10號都係按風力區分, 三者之間無重疊, 但就無縫連接, 邏輯上唔應該由3號直接跳上10號.

換而言之1號及9號並非按風力定義, 1號大家最易理解到, 係純粹戒備作用, 唔會對社會造成乜野實際影響(3號先開始有停課), 所以幾時發就係氣象局(或香港天文台)主觀判斷, 一般係視乎預測路徑及強度而定, 並非一旦風暴進入800公里範圍就非要立即掛不可. 常見情況就係一D比較"弱"GE風, 例如熱帶風暴或低氣壓等級, 往往會等比較近距離先掛, 今次氣象局為一個700幾公里外熱帶低氣壓掛一號, 算係"隆重其事".

至於9號代表乜呢? 數字上得知佢係介乎8至10號之間, 而香港文字描述係"風力增強", 澳門法律就有"判斷澳門將受嚴重影響時"定義, 因為點樣為之"風力增強"及"嚴重影響"同時又係唔掛8號或10號呢點有疑問, 所以香港坊間多年來就有戲稱9號定義係"撲朔迷離", 但後來俗漸形成一個共識係作為"有機會掛10號的預警", 比如一個強烈熱帶風暴登陸, 預計極可能吹暴風, 但就"睇死"佢吹唔到颶風, 咁情況下亦只需掛"8號烈風或暴風"訊號而唔需要掛9號.

再講返跳級風球問題, 香港歷史上都試過跳過9號, 由8號直接跳上10號, 因為9號有"預警10號"意義, 所以最理想係真正掛10號前已掛左一段時間9號, 好等居民有足夠時間進一步防備, 但如果天文台確實因失誤或預測偏差而錯過左9號時間, 忽然間已經吹到颶風, 咁亡羊補牢做法唯有係直接按風力掛10號, 而非為自己面子而非要先掛9號不可了.

最後一個問題, 參考香港"烈風或暴風風力增強", 其實9號就算係等同8號風力之餘另加一個10號預警作用, 咁理論上由3號直上9號亦應該係無妨的, 代表係風力剛好係由強風程度增強至烈風, 但就判斷佢短時間內好可能進一步吹颶風, 睇返天鴿係2個半鐘內就"循序漸進"由3號升到上10號, 其實係可以開呢個先例的.

以馬忤斯 2017-9-2 07:13 AM

樓主,你篇野太長,無睇晒。
澳門的事,不評論,香港天文台掛風球是取決於港內幾個氣站數據的,試過有風急速形成,即掛3號都試過。

YTCLC 2017-9-2 10:49 AM

香港黎講,9號既風力增強指由暴風增強至颶風。但澳門9同10既定義同香港唔同。澳門就風眼一定要過澳門上空先有10。但香港就錄到颶風就有10。

fayuenst001 2017-9-2 12:09 PM

我記得十幾年前有一晚 突然間冇先兆下掛三號波橫風橫雨 跟住旺角d舖3號波都拉晒閘 之後天台話有個風係香港以南近岸急速形成咁講喎

有冇師兄記得係邊年月日呀 ? 我都想睇返下當時個資料

accheunghk 2017-9-2 12:11 PM

[quote]原帖由 [i]fayuenst001[/i] 於 2017-9-2 12:09 PM 發表 [url=http://www.discuss.com.hk/redirect.php?goto=findpost&pid=467141736&ptid=26896438][img]http://www.discuss.com.hk/images/common/back.gif[/img][/url]
我記得十幾年前有一晚 突然間冇先兆下掛三號波橫風橫雨 跟住旺角d舖3號波都拉晒閘 之後天台話有個風係香港以南近岸急速形成咁講喎

有冇師兄記得係邊年月日呀 ? 我都想睇返下當時個資料 [/quote]


係唔係2000/6/18

BigBB 2017-9-3 01:50 AM

我記當年幫朋友由柴灣搬野去嘉湖山莊,
在柴灣突然風起雲湧, 直接掛上3號波,
當時嘉湖山莊係衫建成, 應該係92/93年左右.

denniscwip 2017-9-7 04:30 PM

[quote]原帖由 [i]多明戈[/i] 於 2017-9-1 10:26 AM 發表 [url=http://www.discuss.com.hk/redirect.php?goto=findpost&pid=467087552&ptid=26896438][img]http://www.discuss.com.hk/images/common/back.gif[/img][/url]
(我係澳門人, 所以主要由澳門角度去睇, 但香港應該類似)

其實係可以的, 雖則於風力增強過程中, 一般都會係1->3->8->9->10咁"循序漸進", 但"回程"時就已經係10->8->3跳左9同1, 而且偶爾於同時有強烈季候風出現時,  ... [/quote]
樓主的「最後一個問題, 參考香港"烈風或暴風風力增強", 其實9號就算係等同8號風力之餘另加一個10號預警作用, 咁理論上由3號直上9號亦應該係無妨的, 代表係風力剛好係由強風程度增強至烈風, 但就判斷佢短時間內好可能進一步吹颶風, 睇返天鴿係2個半鐘內就"循序漸進"由3號升到上10號, 其實係可以開呢個先例的.」

如果天文台好似樓主咁樣掛波, 香港死得人多, 還有天鴿由八號轉十號係用了四個半小時. 不是兩個半小時

因為八號是當讓香港巿民, 各單位機構為颱風侵襲時作出準備而設 (因為颱風烈風範圍可以小至幾十, 大至二百幾三百公里半徑) 中心仍有距離, 可以有足夠時間作出應變,

而九號是指風力繼續增強, 而颱風的最危險範圍(風眼)已非常拉近香港. 到時才作出應變就已經太遲.

因為九號是指本港已經吹烈風或暴風, 而風力會繼續增強(有機會上颶風), 估計天文台會按風暴結構及本身位置去評估要不要發出

用韋森特同天鴿做例子, 常八個主要風站其中一個開始已經達颶風時, 天文台已經出九號作為預警風力會否繼續增強(韋森特時天文台當探測到長洲約晚上十一時風速上升至接近颶風時發出九號預警, 而同時韋森特又繼續接近本港及香港處於危半範圍, 所以天文台發九號作為預警. 而這情況天鴿亦同時出現, 當時八時左右橫欄開始錄得颶風另長洲風力亦達暴風時, 天文台發出九號, 而當長洲錄得持續颶風就發十號, 由此看出九號的確是作為十號預警的功用

[[i] 本帖最後由 denniscwip 於 2017-9-7 04:33 PM 編輯 [/i]]

denniscwip 2017-9-7 04:35 PM

[quote]原帖由 [i]fayuenst001[/i] 於 2017-9-2 12:09 PM 發表 [url=http://www.discuss.com.hk/redirect.php?goto=findpost&pid=467141736&ptid=26896438][img]http://www.discuss.com.hk/images/common/back.gif[/img][/url]
我記得十幾年前有一晚 突然間冇先兆下掛三號波橫風橫雨 跟住旺角d舖3號波都拉晒閘 之後天台話有個風係香港以南近岸急速形成咁講喎

有冇師兄記得係邊年月日呀 ? 我都想睇返下當時個資料 [/quote]
天文台熱帶氣旋年報有, 2000年6月18日[url=http://www.hko.gov.hk/publica/tc/tc2000.pdf]http://www.hko.gov.hk/publica/tc/tc2000.pdf[/url]

lhkwok 2017-9-8 04:34 PM

其實可以,但能冇掛風球上3和8上10。(因為1號和9號沒有實際代表的風力)冇掛風球上3例子:2000年6月18日的TD
8上10例子:1957 年gloria
但當時8上10的原因應該是因為當時風力增強的很快,導致天文台要在已經轉過信號後由8東南直上10號,颶風消退後改發8東南,非常罕見。

[[i] 本帖最後由 lhkwok 於 2017-9-8 04:46 PM 編輯 [/i]]
頁: [1]
查看完整版本: 風球可唔可以跳級掛?