查看完整版本 : 【退休唔好?】人氣芦毛怪物太寂寞玩復出 4/9/2017

KFC朗 2017-9-5 07:22 PM

【退休唔好?】人氣芦毛怪物太寂寞玩復出 4/9/2017

日本中央競馬會推廣賽馬經常都好有啅頭,唔少一線明星都做過JRA代言人,如果佢哋到場擔任頒獎嘉賓,通常都會搞到馬場萬民空巷嘅。不過,其實日本一向盛產明星馬,論人氣真係一啲都唔會輸蝕。好似6勝G1已退役嘅人氣灰馬「黃金船」咁,上週六因為JRA安排嘅特別活動,佢就有機會重返札幌競馬場同馬迷見面。雖然已引退多時,但作為日本近年最勁灰馬,叫座力當然冇插水,仍舊吸引大批馬迷入場支持。連JRA為佢特製嘅多種限量精品,都一甫開場已告受罄,真係非常之犀利。

而呢匹服役時以性格巨星見稱,慢閘、起擒乜都齊嘅芦毛怪物來場亦冇令馬迷失望,合照時仍舊唔肯合作,睇嚟變咗種馬後同以前都係冇乜分別。其實講開札幌競馬場,同「黃金船」都好有淵源,佢喺札幌紀念賽同「織女星」惡鬥固然經典,兩歲時亦喺呢度贏過公開組別賽事,可以話成名之路就係喺札幌開始。而同日「黃金船」全弟Gold Flag亦於札幌競馬場出戰以一場兩歲未勝利賽事,結果夥拍岩田康誠大熱倒灶只得第三,未能為哥哥贈慶,實在可惜。
頁: [1]
查看完整版本: 【退休唔好?】人氣芦毛怪物太寂寞玩復出 4/9/2017