查看完整版本 : 頸椎+腰椎(由嚴重至98%康復)病交流及分享區 [留意#736]

spine2017 2017-10-1 02:14 PM

頸椎+腰椎(由嚴重至98%康復)病交流及分享區 [留意#736]

兩年多前出現坐骨神經痛, 初時自已判斷是腰椎出問題, 冇睇醫生只是自己做一些運動去鬆腰, 曾經好轉過, 不過, 半年前開始, 對腳經常發興發麻, 右腳開始冇力及企唔穩, 漸漸雙手也發麻, 行路冇力

初頭諗住去游水可鬆番條腰, 點知越游越衰, 游左兩次水後, 個人行唔到, 漏夜入急症室, 分類第一級, e生初步判繼頸椎出問題, 即照X-ray 及CT都睇唔到乜問題, 留院觀察

[[i] 本帖最後由 spine2017 於 2019-12-12 11:39 AM 編輯 [/i]]

spine2017 2017-10-1 02:30 PM

入完後e生冇乜野做到, 只搵物理治療c做評估, 因只是手腳冇力及感覺力下降, 完全唔痛, 連藥都冇食, 因情況未判定為極度繄急, 照MRI要排期, 住左兩日e院, e生在冇野好做下就趕左出院

出院後兩日安排見物理治療c, 第一次見個高級的, 第一句已話, 據佢經驗, 這種嚴重情況, 物理治療幫唔到, 一定要做手術

第一次安排做一些測試, 及拉下繩, 跟住之後去多3次, 每次見唔到人, 做過一次拉腰, 完全冇用, 跟住只安排踩下單車及攪下手, 每次20分鐘, 次次都話物理治療幫唔到你, 四次後冇再去, 正苦物理治療廢到爆!

spine2017 2017-10-1 02:45 PM

第一次正苦物理治療後, 都已知靠特區人民正苦實死得, 當時MRI期未出, 朋友介紹去針灸, 去上環東Xe院搵個教授針, 都話左西e講是頸椎有事, 雖然未有MRI, 教授只針手腳, 初初幾次好似好d, 但數次後冇料到, 後期有MRI, 都只針一次脊椎及上半身, 十次後冇料到, 走得!

spine2017 2017-10-1 02:54 PM

講開MRI, 出院幾日後正苦MRI期要等接近四個月, 終於忍唔住自己比錢照, 搵左間最平, 照腰及頸5千有找, 個report出左, 真係極度嚴重, 頸腰有四個位出問題, 其中有兩個位量嚴重, C4/5, L4/L5椎間盤突出, 以C4/5影響最大。

一個月後西e覆診, 睇MRI後結論冇變, 一定要做手術, 排期要 2018年11月...:smile_27:

spine2017 2017-10-1 03:07 PM

針灸無效, 朋友又介紹左個中醫, 試針後發覺全身肌肉緊晒, 落針都冇用, 講開個病情, 因長期負重玩山澗浸得多澗水, 個人風寒入骨, 只開藥調理溫補番

同一時間, 自己都有上淘寶買一d頸部牽引器去試拉頸, 但完全冇用!

[[i] 本帖最後由 spine2017 於 2018-4-22 10:25 AM 編輯 [/i]]

spine2017 2017-10-1 03:28 PM

中醫只用藥, 效果不大, 同時朋友又介紹左間在油麻地的痛証治療中心, 話3次可醫好!

去試第一次, 已是出院後接近一個月, 個醫c在做復位前, 都出左好多招, 刮沙、拔罐, 最勁果招, 叫怕打, 痛到個人想死咁, Lock頸扭腰當然有做, 搞左超過一個鐘, 收$500, ok啦!

第一次做完, 個人冇鬆到, 係散晒! 點解仲有第二次? 因為個醫c講野好中肯, 佢冇睇MRI, 都知我其實問題不止在於腰頸, 而是條腰塌晒, 背部冇晒肌肉, 個人寒晒背, 扯住晒全身的肌肉, 首要是鬆番及練番肌肉, 仲教我地點熱敷, 舉水樽去練力, 以及唔好受風寒, 還有好多要注意的地方

spine2017 2017-10-1 03:36 PM

痛症中心去左三次, 加食緊中藥, 都有輕微改善, 同時, 亦上網搵料, 中醫教我要做八段錦, 亦有網友教朱氏拉筋法, 做左成個月都只鬆左d....

跟住, 就有朋友教我自己做艾灸

[[i] 本帖最後由 spine2017 於 2018-4-22 10:26 AM 編輯 [/i]]

spine2017 2017-10-1 03:45 PM

出事後, 同朋友講開, 原來好多都有過腰椎或頸椎問題, 但多數是有痛的, 原來, 唔痛仲大檸樂過痛, 因神經線已壓到冇感覺!

終於, 比我搵到一個病例, 係同我一樣, 只是手腳冇力不痛, 而且出事地方也是C4/5, 是醫得番好, 冇做手術!

醫的方法是有人幫佢慢慢用人手推番正個位+物理治療運動+針灸, 經一年時間, 。活動能力變番正常, 只是比以前行得慢一些, 即體能下降

spine2017 2017-10-1 10:41 PM

知道左唔洗聽西e老點, 決定唔做手術後, 就積極去搵其他方法去醫, 要想辦法放鬆番及練番d肌肉, 每日要早上起身晨運行番1~2k, 同時練番上落樓梯, 管這時也開始做艾灸, 做了十多日後, 再去痛症中心做第四次, 終於, 做完後已沒有散晒, 反而覺得個人鬆左

spine2017 2017-10-1 10:53 PM

自從做左艾灸後, 係一路有改善, 但變化輕微, 更加有時時好時壞, 到第5次再去痛症中心, 同個醫c吹開水, 佢問我地有冇睇中醫食緊中藥, 我答話有, 但功效不明顯, 佢一句就話, 中醫睇3次冇料到, 就要即換!

我反問佢有冇好的介紹? 佢諗左一下, 話有客睇開佐墩有位醫師, 好似幾得, 不過好多人睇要預約, 而且好寸, 只開4~7

見咁近, 當時2點幾, 即管打去問下, 又有位, 咁做完後, 即去馬

[[i] 本帖最後由 spine2017 於 2018-4-22 10:29 AM 編輯 [/i]]

spine2017 2017-10-1 11:21 PM

去到果然好多人, 間野唔細, 有幾個醫師在睇症, 而且有班人在做推拿

等左十幾分鐘就到我, 位馬醫c, 問乜事後, 2話不說就話我條頸歪晒, 本來話剛做完復位想他開藥, 佢話咁你復到位未? 未就落樓下照張X-ray, 先睇得清楚, MRI睇唔到錯位! 未復位開藥比你棧晒你錢!

一場黎到, 咁又信佢一次, 照完X-ray後, 佢一望就話第二節有問題錯左位, MRI就只講C4/5, C7有問題, 初頭都唔知佢有冇老點, 不過當佢按落去, 又真係痛, 佢堆幾野印後, 即話復左位, 咁快? 跟住乂幫我逐節頸骨推, 話推完後隻手應唔痺, 但次次, 都冇乜反應, 這時, 又開始懷疑佢係咪老點:smile_45:

另外, 佢話我脊骨歪左, 又岩喎, 加上, 佢又睇到我左邊臂歪左, 有次我玩攀爬拉傷左, 又岩喎, 佢叫個徒弟幫我慢慢推, 搞左半個鐘, 又話推番正, 叫我行下係咪鬆左, 又唔覺? 我話上背部仍是好緊, 佢叫我坐低幫我推一下, 又真係鬆左, 跟住走得, 初初以為唔平, 點知, 只收$200, 咁抵?

臨走時叫我明天再來, 因我是特別重症, 再來不用預約

spine2017 2017-10-1 11:36 PM

見個醫c好兒戲及神化., 回家後上網check下乜料, 原來這位醫c叫佐敦神醫, 一向都勁多人睇, SARS時連班醫護人員都去睇佢, 除痛症外, 出名幫人醫cancer及濕診

第二日再去睇, 本來期望不大, 見唔貴都只是即管再試多次, 今次, 個徒弟推左一陣, 就叫左位大ching黎接手, 後來先知, 佢係馬ec個大仔! 這位大ching, 開始出真功夫, 由頭到腳按晒全身, 也有做lock頸扭腰等, 連lock頸都逐節按住去lock, 搞足個多鐘, 真係一個大執位

做完之後有冇好d? 又係成個人散晒, 這次, 醫c話執完個脈像出番黎, 可以開藥

bmleung 2017-10-2 09:09 AM

[quote]原帖由 [i]spine2017[/i] 於 2017-10-1 11:36 PM 發表 [url=http://www.discuss.com.hk/redirect.php?goto=findpost&pid=468715283&ptid=26962978][img]http://www.discuss.com.hk/images/common/back.gif[/img][/url]
見個醫c好兒戲及神化., 回家後上網check下乜料, 原來這位醫c叫佐敦神醫, 一向都勁多人睇, SARS時連班醫護人員都去睇佢, 除痛症外, 出名幫人醫cancer及濕診

第二日再去睇, 本來期望不大, 見唔貴都只是即管再試多次 ... [/quote]


請pm 如何联絡這ec.我的坐骨好痛。

spine2017 2017-10-2 09:59 AM

[quote]原帖由 [i]bmleung[/i] 於 2017-10-2 09:09 AM 發表 [url=http://www.discuss.com.hk/redirect.php?goto=findpost&pid=468727252&ptid=26962978][img]http://www.discuss.com.hk/images/common/back.gif[/img][/url]
請pm 如何联絡這ec.我的坐骨好痛。 [/quote]

唔洗PM, 你google 佐敦神醫, 姓馬的, 佐敦MTR B出口對正果座大廈, 佢只開4~7pm, 星期一至五only, 星期六日休息, 另外現在國慶放長假, 10月8日先放完

要每日下午2點後先電話預約, 最好約5點後, 冇咁多人

spine2017 2017-10-2 10:42 AM

講番食完中藥後, 個人冇鬆到反而緊左, 而且條脊骨好似火燒咁, 唔通又中伏?

本來都期望不大, 不過見唔貴咪即管睇多次, 今次又係比徒弟慢慢推, 同個徒弟講開, 原本ec開的藥作用是散毒, 因骨脊長期受風寒入侵, 要用藥將風寒散番出黎, 骨痛正是散緊毒的結果, 所以, 食緊藥一定要介口, 由其是酸野如生果, 話會推番寒氣入去, 這位徒弟講野比較沉實, ec 講野就似sales佬多d, 所以我信徒弟多d。

spine2017 2017-10-2 10:49 AM

到目前, 總共睇左馬醫c 4次, 食左約十劑藥, 個人開始慢慢改善, 對腳有力左行得順左, 雖然, 手腳仍是痺, 上背及腰仍是扯住, 好唔好得番, 未知, 但預計都唔會咁快, 因由嚴重發病計, 只是三個月多些, 正式開始醫只是兩個月, 長期病, 未有咁快好得番

古樹 2017-10-2 10:49 AM

樓主加油。
:){ ∞
關節痛的確叫人極難受。。

[[i] 本帖最後由 古樹 於 2017-10-2 10:58 AM 編輯 [/i]]

mingting0227 2017-10-2 12:01 PM

[attach]7400047[/attach] [attach]7400048[/attach] [attach]7400049[/attach] 我都係頸椎間盤突出壓到神經線,已做手術,如果你都係一樣,冇復位嫁,唔好信,壓斷神經線就一世坐輪椅

spine2017 2017-10-2 04:14 PM

[quote]原帖由 [i]古樹[/i] 於 2017-10-2 10:49 AM 發表 [url=http://www.discuss.com.hk/redirect.php?goto=findpost&pid=468730304&ptid=26962978][img]http://www.discuss.com.hk/images/common/back.gif[/img][/url]
樓主加油。
:){ ∞
關節痛的確叫人極難受。。 [/quote]
thx, 正如痛症中心的醫c所講, 醫好這個病主要是要靠自己, 近兩星期除有練八段錦外, 也開始練平甩功及禪密功, 除步行外, 也有每天練上落樓梯, 之前每天十層樓都覺辛苦, 昨日15層, 今天加到20層都還可。

當然仍要搵人復位, 因有些錯位都要用外力去幫手突破先得, 之前爬文好多ching 搵唔同人醫都唔得, 但佢地自己又付出左幾多努力去改善身體狀況? 只靠人唔會長夠

古樹 2017-10-2 05:26 PM

[quote]原帖由 [i]spine2017[/i] 於 2017-10-2 16:14 發表 [url=http://www.discuss.com.hk/redirect.php?goto=findpost&pid=468742137&ptid=26962978][img]http://www.discuss.com.hk/images/common/back.gif[/img][/url]

thx, 正如痛症中心的醫c所講, 醫好這個病主要是要靠自己, 近兩星期除有練八段錦外, 也開始練平甩功及禪密功, 除步行外, 也有每天練上落樓梯, 之前每天十層樓都覺辛苦, 昨日15層, 今天加到20層都還可。

當然仍要 ... [/quote]


遇到個幫到手的醫師係你本人的福氣。
治療好後日後要靠自己練返好個身體,但也要量力為之啊!不要因拔苖助長而弄巧反拙,有些鍛煉可咨詢下醫師會否有壞影響,加油!希望你的經歷可幫到更多人,不致太多人無辜被做手術,我知手術只能治標,根本問題無解決到,但都理解痛苦帶比人的折磨,做手術也只想早日不再痛姐。

spine2017 2017-10-2 11:12 PM

[quote]原帖由 [i]古樹[/i] 於 2017-10-2 05:26 PM 發表 [url=http://www.discuss.com.hk/redirect.php?goto=findpost&pid=468744809&ptid=26962978][img]http://www.discuss.com.hk/images/common/back.gif[/img][/url]
遇到個幫到手的醫師係你本人的福氣。
治療好後日後要靠自己練返好個身體,但也要量力為之啊!不要因拔苖助長而弄巧反拙,有些鍛煉可咨詢下醫師會否有壞影響,加油!希望你的經歷可幫到更多人,不致太多人無辜被做 ... [/quote]

凡事都有一個因果關係, 西e及脊e用果套相近, 出事見到是椎間盤突出壓到神經線, 就認為這是發病的因, 但佢地唔會深究點解會有椎盤突出。

中醫的角度唔同, 會睇身體變化去研究病因, 自己知自己事, 我是長期負重行山澗及浸澗水, 所以寒背及風寒入骨, 頸出事只是寒背及肌肉收緊所引發, 因此做手師術只醫頸根治唔到個問題, 要先驅寒及執番正上身的錯位, 個頸位先有機會復原

之前爬文好多ching出問題都醫唔好, 可能是找不出原因, 醫錯左方向, 又或者是自己大安主義, 以為比錢靠人醫就得, 而唔去自醫

半夜硬硬的神童 2017-10-4 01:04 PM

佐敦神医,騙子所為,看你的治疗方法全都是亂來,浪費金錢時間

spine2017 2017-10-5 10:54 AM

[quote]原帖由 [i]半夜硬硬的神童[/i] 於 2017-10-4 01:04 PM 發表 [url=http://www.discuss.com.hk/redirect.php?goto=findpost&pid=468833265&ptid=26962978][img]http://www.discuss.com.hk/images/common/back.gif[/img][/url]
佐敦神医,騙子所為,看你的治疗方法全都是亂來,浪費金錢時間 [/quote]
亂來都可以醫到有好轉, c忽撞棍....:smile_41:;P

講番近幾日進展, 雖然仍是緩慢, 手腳仍在發麻, 行路仍是較慢, 但是....

朱氏拉筋法, 拉了個幾月, 初初只可以60~70度貼牆, 近幾日已可接近90度。

練腳力我用上落樓梯, 以住只夠力上10層樓, 近日15層, 今日20層, 而且, 以往一定要扶欄桿, 今日開始可以減少扶欄...

昨日另加試用撞牆功, 因上背部扯住好緊, 這種功類似拍打法, 又睇下有冇幫助?:smile_45:

mingting0227 2017-10-5 11:14 AM

[quote]原帖由 [i]spine2017[/i] 於 2017-10-5 10:54 AM 發表 [url=http://www.discuss.com.hk/redirect.php?goto=findpost&pid=468873117&ptid=26962978][img]http://www.discuss.com.hk/images/common/back.gif[/img][/url]

亂來都可以醫到有好轉, c忽撞棍....:smile_41:;P

講番近幾日進展, 雖然仍是緩慢, 手腳仍在發麻, 行路仍是較慢, 但是....

朱氏拉筋法, 拉了個幾月, 初初只可以60~70度貼牆, 近幾日已可接近90度。

練腳力我 ... [/quote]


成功緊係好啦!如果失敗時間越耐,不能逆轉,要坐輪椅就慘了,所以我之前都唔夠膽駁,我輪唔起,希望你成功!

spine2017 2017-10-5 01:30 PM

[quote]原帖由 [i]mingting0227[/i] 於 2017-10-5 11:14 AM 發表 [url=http://www.discuss.com.hk/redirect.php?goto=findpost&pid=468873803&ptid=26962978][img]http://www.discuss.com.hk/images/common/back.gif[/img][/url]
成功緊係好啦!如果失敗時間越耐,不能逆轉,要坐輪椅就慘了,所以我之前都唔夠膽駁,我輪唔起,希望你成功! [/quote]

正如馬ec個徒弟所講, 我這個是嚴重的大病, 就算是康復, 都唔好諗住能夠做到以前做過既野, e.g. 以前能夠輕鬆地四個幾個跑完一個全馬, 就算好番, 半馬都未必跑到。

因為有個朋友相同病況可以不需手術好番, 所收我先有信心可以走番同一條路。

mingting0227 2017-10-5 01:53 PM

禁祝你好運啦!總之神經線一旦壓斷,禁就一世,我就真係冇你禁大膽攞自己雙腳去試

spine2017 2017-10-5 01:54 PM

痛症中心果位梁醫師, 比左好多啟發性的意見我, 佢話人體結構是一環扣一環, 一度地方出問題會影響其他唔同地方, 做成連鎖反應。

我先是腰, 跟住是背及胸, 再觸發頸, 就好像是在身上打左數個結, d結會越拉越緊, 鬆左其中一個結, 可能會令其他結冇咁緊, 但問題始終解決唔到, 要每個結都一齊鬆, 一、二種方法未必有效, 所以我先咁多個方法一齊用, 看似亂咁黎, 其實就是希望唔同方法可針對身體上的唔同問題, 一齊解開所有的結。

現實d咁講, 我頭一個月做治療只針對頸去做, 時好時壞, 冇乜進展, 但第二個月開始想起腰都有問題, 做埋鬆腰的方法, 即時見效開始有進展, 所以看似混亂亂咁醫, 其實是亂中有序, 混沌理論黎架

spine2017 2017-10-5 01:58 PM

最搞笑是個正苦西醫, 我比MRI佢睇, 腰果part佢望都唔望一下, 佢話, 頸最大問題, 腰那些暫時唔死得人, 醫好左頸先再講點搞, 這種態度....:smile_19: :@

spine2017 2017-10-5 02:14 PM

[quote]原帖由 [i]mingting0227[/i] 於 2017-10-5 01:53 PM 發表 [url=http://www.discuss.com.hk/redirect.php?goto=findpost&pid=468879240&ptid=26962978][img]http://www.discuss.com.hk/images/common/back.gif[/img][/url]
禁祝你好運啦!總之神經線一旦壓斷,禁就一世,我就真係冇你禁大膽攞自己雙腳去試 [/quote]
有些人天生大膽唔怕嚇/死, 我應該是這種人, 以前鐘意玩高危活動, 成日比人嚇我, 話萬一失手就係咁先, 暫時都好運未出過事。

記得細個靚仔時有朋友sale我買保險, 一樣嚇我話萬一你有事你父母家人點生活, 結果, 幾十年後我父母走晒自己還健在。

要黎既野始終會黎, 點解只諗唔做手術會坐輪椅, 而唔諗做手術失誤做成更嚴重的死忙, 兩者同樣都是要搏一搏!

[[i] 本帖最後由 spine2017 於 2017-10-5 02:16 PM 編輯 [/i]]

mingting0227 2017-10-5 02:35 PM

記得細個靚仔時有朋友sale我買保險, 一樣嚇我話萬一你有事你父母家人點生活, 結果, 幾十年後我父母走晒自己還健在。你朋友話你早一步離開,你父母點算,佢講得冇錯,而家係你父母離開先,禁緊係冇你朋友既問題啦!
頁: [1] 2 3 4 5 6 7 8 9 10
查看完整版本: 頸椎+腰椎(由嚴重至98%康復)病交流及分享區 [留意#736]