查看完整版本 : 台中台北8天遊 (Day 4 completed)

得閑先寫返啲細節，大家睇住相先

行程重點

合歡山睇日出
遊青青農場及天空步道貼士
Kkday 台中團
台北迪化街老區


Day 1

Highlight #清境 #民宿 #夢幻山林 #訂唔到共乘車 #包車上清境好貴哦

出發前一晚先找車，找不到共乘車，最後包車 tw2500。

到咗民宿，有好多貓，一晚港幣1000左右，都算近瑞士花園，唔錯！

坐車途中先知有火把節，但完全無schedule 又無話有乜睇，最後6點去到會場，原來7點先開始，求其食咗啲嘢，又唔好食。以為無野睇啦，點知返到民宿先知道有煙花！

最後求其去咗民宿附近食雲南菜，都可以既，唔算貴，一般中菜甘！

之前一晚有少少落雨，本來唸住天氣唔好唔去睇日出，但行反去個時又見到個月亮，好似ok，反到民宿定左日出團，tw 400 pp, 抵！



[attach]7507395[/attach]




[attach]7507396[/attach]

[[i] 本帖最後由 iamyoung 於 2017-11-8 09:57 AM 編輯 [/i]]

Day 2

#台中台北的8日7夜

Highlight : #合歡山睇日出 #青青草原 #天空步道 #伊拿谷景觀餐飲店 #餐廳真係好好可以接送



四點鐘喺民宿出發，本來以為冇乜人去，點知原來有成四架小型旅遊巴，首先去到一個點星星，真係有好多星星睇到銀河。嗰導遊講得好好，一啲都唔會覺得眼瞓。 大約半個鐘之後再坐車上山，一路睇住個天，有全黑去到小小光，(黎明, 破曉)再去到一個位， 就係嗰度等日出。其實嗰度有個觀看台，但已經企滿人，司機車左我哋係條馬路嗰度落車，遠處可以見到雲海但就唔近我哋。但睇日落都好清楚！完左再到一個廁所位，就反去lu。

我哋着咗一件薄羽絨再加兩件風褸再加暖包，車入會提供羽絨但我哋冇着到。


睇完日出反去訓覺，個11點幾就打去伊拿谷，佢就會派司機來民宿接我哋去餐廳，價錢都唔算貴最重要係包接送，食完佢送我哋去青青農場，時間啱啱好！

個司機仲好好人，教我地要先到青青農場最高嗰個入口，再慢慢行啦你睇表演時間就會啱啱好。再出嚟可以順路慢慢行返去民宿，又或者可以行去天空步道行。

如果唔係我見好多人喺下邊行上，就會行得好辛苦！

返到瑞士花園，買咗杯嘢飲坐咗一陣，反民宿休息，夜晚因為好攰啊唔想行返出去食嘢，晚上先有火鍋。份量小又唔係太好食，最佳老公行左去瑞士間7-11買杯麵反來，再食先夠。

民宿想買個杯麵都無，而家唸反起，晏晝食間餐廳其實可以送外賣，早知叫隻雞食好過！



***Local tour 係咁既: 首先係民宿係可以訂，但佢又冇特別提，只係我問佢先講。另外，係瑞士花園個商場，我地經過個時，大約5點幾6點，係有架車係度，司機都係度，佢係度PROMOTE，可以即時同佢JOIN，佢會黎民宿PICK UP 的。
[attach]7507464[/attach]



[attach]7507402[/attach]

[[i] 本帖最後由 iamyoung 於 2017-11-7 09:01 AM 編輯 [/i]]

Day 3

#kkday 半天遊 #【全台最美夕陽】台中高美濕地・彩虹眷村・逢甲夜市半日遊#高美濕地 #彩虹眷村 #路思義教堂 #台中國家歌劇院 #逢甲夜市
#逢甲葉綠宿旅館

一早係民宿食早餐，趕住9點就要坐共乘車出台中酒店，共乘車原來好似小巴咁架喎。去到酒店放下行李，出去搵食，已經差不多11點幾。諗住逄甲附近中午都會旺啦，點知原來好多店真係唔開，食野唔多選擇，特別係未到12點，求其食D野，之後又未夠鍾，就周圍行下，點知行行下行左去紅秋谷公園... 之後坐返巴士返酒店等LOCAL TOUR。

LOCAL TOUR 重點係高美濕地睇日落，先去左彩虹村，台中國家歌劇院，最後去路思義教堂，點知最後佢預D時間有D蚊... 竟然去到個日落已經完左，我真係好失望，但都影到好多相，之但係又好大風好凍。係唔太開心囉，只可以下次再去啦﹗如果唔係睇唔到日落，我覺得個團其實唔差，去到幾個地方，真係比包車平D...

最後返到酒店CHECKIN上房，點知一入房就見到隻蟑螂﹗好在係細隻的，唔開心囉，但都唔理啦，要去食飯喇﹗

逢甲夜市真係幾好行，同埋可能係平日，反而唔太多人，好好行。但我地食完倨扒係再掃街，確係飽左小小... 但都行都幾開心﹗之後返酒店又真係幾近幾方便。

COMMENT ON 間房: [url=https://www.tripadvisor.com.hk/Hotel_Review-g297910-d7194085-Reviews-Taichung_Fengjia_Green_Hotel-Taichung.html]https://www.tripadvisor.com.hk/Hotel_Review-g297910-d7194085-Reviews-Taichung_Fengjia_Green_Hotel-Taichung.html[/url]

其實間 房白色都還算清潔，想像不到為什麼會有蟑螂！而且另一個問題係潮濕，非常潮濕，很大的氣味，因此訓得非常之差。隔音上還算可以不會太嘈吵。 主要是清潔度及潮濕的問題！>< 不過咁平，你想點丫﹗ HKD 400 咋，但下次我會選擇一間好D架囉... ...



[attach]7511268[/attach]




[attach]7511269[/attach]








[attach]7511272[/attach]

[attach]7514742[/attach]

[[i] 本帖最後由 iamyoung 於 2020-6-26 12:17 AM 編輯 [/i]]

c hing/c tse
民宿可以嗎?

cheers
chau

Day4

#審計368新創聚落 #綠光計劃 #傘甘甜點工坊 #台中機場坐巴士去台中火車站 #中欣商務精品飯店 #台中公園 #新香蕉樂園 #瞞着爹 #一中

由於老公2點半幾，諗住1230左右先坐的士走，一早出去食早餐之後諗住點都搵個景點去下，決定坐的士去綠道園行下。上到的士，個司機話咁早個邊冇野行，介紹我地去審計村，話最近好多人去，去完就可以繼續行上去綠道園。

個時大約10點左右，審計村都幾好行，都多位影相，但其實好細，D 店當然係未開門，如果開左有野行會更好。行完再過綠光計劃，都係類似既野，有點特別既店影下相。行都攰就係附近睇下有乜野，但其實未到12點原來都冇乜選擇，經過傘甘甜點工坊 食左個CAKE SET，又幾好食﹗

因為行到好攰，時間又唔係多，決定坐的士返酒店，早D去機場。DUM 低左老公係機場之後，我就出發去台中車站附近既中欣商務精品飯店，係機場等巴士，原來都有唔同既選擇，最後等左一陣，見邊架到就上邊架，坐左都有1個半到2個鍾，我都唔記得，去到酒店竟然岩岩好3點。入得房，正呀﹗房好驚喜地好唔錯，單人房 $300一晚，好過上一晚間酒店好多，唔會濕淋淋，又夠光，仲有窗睇到外面，仲要有早餐。

沖個涼HEA左陣，諗下去邊好，決定夜晚去食餐好野，打去問，得1730有位，OK啦，反正我冇野做。咁決定行過去，經過幾個地方，宮原眼科，公中公園，香蕉新樂園，影下相行下，準時1730就到左瞞着爹，入到去要等佢準備，點知原來2樓間房只有8個位，而BOOK 1730只有我一個人。同個師傅你眼望我眼，成程怪怪地，佢話都有人一個人黎食，但唔多，同埋多係香港人，唔知點解...


食完周圍行啦，行行去左一中夜市，似乎都幾多野行，早知都唔洗去逄甲啦，平平地作近車站，都可以去夜市啦。不過因為都係平日，都係冇逢甲咁旺。早D返去，聽日一早要出發去阿里山...

[attach]7514722[/attach]


[attach]7514723[/attach]




[attach]7514724[/attach]




[attach]7514725[/attach]



[attach]7514726[/attach]




[attach]7514727[/attach]



[attach]7514728[/attach]



[attach]7514729[/attach]

[[i] 本帖最後由 iamyoung 於 2017-11-8 09:46 AM 編輯 [/i]]

LM, thx sharing

Day 5

Highlight : #KKDAY #阿里山 #法國菜晚餐 #【阿里山茶園風光】阿里山森林鐵道．巨木群棧道森林之旅

七點半會有人來接出發，約七點鐘落去食早餐 ，早餐都幾多嘢食。

上咗車已經有兩個人，原來成個團有6人。因為我一個人，頭一段路我坐咗係車頭，坐得好唔舒服之後我就調返去後面。

朝早都唔算太辛苦，坐到半路有一個要飲茶嘅位，即係好似啲大陸團去買嘢嘅景點甘，好無聊囉！個司機唔識路行錯左路又要打電話去揾，所以我覺得個司機好差。

到咗阿里山賓館食中午飯，啲嘢又出奇地幾好食，食完飯就開始行去小火車站，其實行阿里山公園就係呢大半個鐘。最後就係坐小火車，好在天氣好，行下都幾靚嘅。之後坐完小火車就已經坐番車返台中。


返去果程就好辛苦，首先要送返去台中高鐵站，再送我返去台中火車站嘅酒店，最後嗰一對情侶就去逢甲夜市。差唔多錯左三個鐘先返到去台中，真係幾累。返到去差唔多七點幾。

沖過涼就去搵嘢食，上網搵到間法國餐廳，好似幾好食就去下。一個日本廚師開嘅法國餐廳，我覺得氣氛唔錯但係主菜就一般。

之後去誠品行下睇書，最後買多杯春水堂嘅珍珠奶茶就坐巴士返酒店。差唔多行到10一點幾先返到去酒店休息。

下次我都唔會去呢啲一日團，真係好鬼攰。
[attach]7528096[/attach]



[attach]7528097[/attach]


[attach]7528098[/attach]


[attach]7528099[/attach]


[attach]7528100[/attach]


[attach]7528101[/attach]

[[i] 本帖最後由 iamyoung 於 2017-11-14 07:43 PM 編輯 [/i]]

Day 6

#台中豬腳 #剪頭髮 #台中去台北 #高鐵 #西悠飯店 #雙連站 #寧夏夜市

前一晚買咗8折換高鐵飛，所以要去高鐵站轉去台北。夜晚約咗朋友食飯，朝早到下晝都冇計劃。

咁就周圍行吓，先係附近食個早餐，再行去食豬腳，今日一次過食咗兩間唔同嘅豬腳店。

唔知點解突然間好想按摩，經過見到間髮廊走咗入去洗頭剪頭髮，本來想染頭髮，但約左人係台北食飯怕趕唔切。

之後再去食左個甜品，最後食埋阿水獅豬腳，就趕去台中火車站，轉去新日烏，再轉高鐵。如果再有得揀，我會揀喺火車站直接坐台鐵。

7點幾終於到酒店，離捷運都幾遠，行左差唔多三四個字，中間仲要經過大馬路。不過間酒店都幾好，好清潔。我都幾滿意，同埋真係好近夜市，5分鐘都唔洗就到。寧夏夜市雖然係細條不過真係好多嘢食！正！


[attach]7535355[/attach]

[attach]7535356[/attach]

[attach]7535357[/attach]

[attach]7535358[/attach]

[[i] 本帖最後由 iamyoung 於 2017-11-17 08:41 PM 編輯 [/i]]

DAY 7

#阜杭豆漿 # 草本染頭髮 #中午乾杯燒肉 #101附近 #貓空 #天都夜哂一個坐纜車 #好恐怖 #VEGATABLE食素


[attach]7535364[/attach]

[attach]7535365[/attach]

[attach]7535366[/attach]

[attach]7535367[/attach]

[attach]7535368[/attach]

[attach]7535369[/attach]

Day 8

#返香港啦 #台北城隍廟 #迪化老區 #大稻埕碼頭 #STAYREAL CAFE #行天宮 #台北車站珠奶 #機場環亞侯機室 


[attach]7535391[/attach]

[attach]7535392[/attach]

[attach]7535393[/attach]

[attach]7535394[/attach]

[attach]7535395[/attach]

[attach]7535396[/attach]

[attach]7535397[/attach]

[attach]7535398[/attach]

[quote]原帖由 [i]chauluilui[/i] 於 2017-10-31 07:43 AM 發表 [url=http://www.discuss.com.hk/redirect.php?goto=findpost&pid=470166218&ptid=27024381][img]http://www.discuss.com.hk/images/common/back.gif[/img][/url]
c hing/c tse
民宿可以嗎?

cheers
chau [/quote]
可以！我覺得有啲似酒店

因為啲工作人員唔算好熱情

但配套算係幾好

最重要係近瑞士花園，算係幾方便

[quote]原帖由 [i]iamyoung[/i] 於 2017-10-30 11:55 PM 發表 [url=http://www.discuss.com.hk/redirect.php?goto=findpost&pid=470159825&ptid=27024381][img]http://www.discuss.com.hk/images/common/back.gif[/img][/url]
Day 3

#kkday 半天遊 #【全台最美夕陽】台中高美濕地・彩虹眷村・逢甲夜市半日遊#高美濕地 #彩虹眷村 #路思義教堂 #台中國家歌劇院 #逢甲夜市
#逢甲葉綠宿旅館


... [/quote]


[size=16px]請問樓主跟Kkday滿意嗎？好像要給小費，需要給多少呢？謝謝[/size]

[quote]原帖由 [i]unitemaki[/i] 於 2017-11-6 11:24 PM 發表 [url=http://www.discuss.com.hk/redirect.php?goto=findpost&pid=470491567&ptid=27024381][img]http://www.discuss.com.hk/images/common/back.gif[/img][/url]



請問樓主跟Kkday滿意嗎？好像要給小費，需要給多少呢？謝謝 [/quote]
半日遊我覺得OK，因為台中包車真係比較貴，可以比較一下價錢。

但個司機經驗不足，最後我哋睇唔到日落所以好失望。

但呢啲都係撞彩，之後嗰日我哋坐的士嗰時佢就話有經驗一定唔會咁遲先去到睇日落。

我冇俾小費！我都覺得佢唔好又點會俾小費

Day 3 completed

[quote]原帖由 [i]iamyoung[/i] 於 2017-11-7 08:19 AM 發表 [url=http://www.discuss.com.hk/redirect.php?goto=findpost&pid=470499974&ptid=27024381][img]http://www.discuss.com.hk/images/common/back.gif[/img][/url]

半日遊我覺得OK，因為台中包車真係比較貴，可以比較一下價錢。

但個司機經驗不足，最後我哋睇唔到日落所以好失望。

但呢啲都係撞彩，之後嗰日我哋坐的士嗰時佢就話有經驗一定唔會咁 ... [/quote]


謝回覆，咁我研究下先

之前住過葉綠宿又覺得幾好，諗住翻兜。但竟然有小強😱😱😱

眷村真係好靚:loveliness:

[quote]原帖由 [i]藍梅杯[/i] 於 2017-11-9 04:32 PM 發表 [url=http://www.discuss.com.hk/redirect.php?goto=findpost&pid=470623403&ptid=27024381][img]http://www.discuss.com.hk/images/common/back.gif[/img][/url]
之前住過葉綠宿又覺得幾好，諗住翻兜。但竟然有小強😱😱😱 [/quote]
其實我覺得係OK，但我老公好唔鍾意，因為好大噏味

Day 5 updated

樓主，請問你台中去台北係咪包車？幾錢？

[quote]原帖由 [i]平常心的小薯仔[/i] 於 2017-11-15 05:22 PM 發表 [url=http://www.discuss.com.hk/redirect.php?goto=findpost&pid=470925049&ptid=27024381][img]http://www.discuss.com.hk/images/common/back.gif[/img][/url]
樓主，請問你台中去台北係咪包車？幾錢？ [/quote]
不是呢，高鐵

正

謝分享!

我之前得去六日

由請境出台中共乘幾＄一位？
系邊樹book?
先謝

quote]原帖由 [i]iamyoung[/i] 於 2017-10-29 10:27 PM 發表 [url=http://www.discuss.com.hk/redirect.php?goto=findpost&pid=470109483&ptid=27024381][img]http://www.discuss.com.hk/images/common/back.gif[/img][/url]
得閑先寫返啲細節，大家睇住相先

行程重點

合歡山睇日出
遊青青農場及天空步道貼士
Kkday 台中團
台北迪化街老區


Day 1

Highlight #清境 #民宿 #夢幻山林 #訂唔到共乘車 #包車上清境好貴哦
... [/quote]

*** 作者被禁止或刪除 內容自動屏蔽 ***