查看完整版本 : 教你簡單輕鬆學「自由式」

coldlemon 2017-11-10 11:05 AM

教你簡單輕鬆學「自由式」

自由講解及分享棉棉心得
第一章,第一節
頗長篇,希望大家唔好頭暈

如果有任何challenge歡迎來插,也希望大家在自學過程遇上咩困難也歡迎大家在這個平台上交流。

「先學浮身」

浮身係眾多泳式中之母
唔識「浮身」但係識「游水」嘅人有冇呢?係有嘅,而且多數係啲細路。

據筆者所知,識「游」唔識「浮」係好危險嘅事,每年夏季好多人因為同屋企人出海渡假時就遇上遇溺嘅事,究竟點解攪成咁?就係大家太心急學游水。

假設你學水期間通常都會起深水學還是淺水學?可以思考一下🤔️。嗱,大多數人教人游水嗰陣,通常都係起淺水教架啦,就算你學游水都會揀起淺水學,我咁講正確嗎?冇理由個膽大到咁一學就起3米深水學,唔沉死就假☺️。學習游水呢種運動好得意,唔同學其他嘢,學得唔好或個教練教得唔好隨時會死人😖。

我再引用多個例子同大家講,大家唔識游水而想學游水會點呢?買本書嚟學?抑或報名跟游泳老師學?嗱,巿面上有兩類派別,一種係自學派,另一種係學院派。筆者希望借用這個討論平台了解你係屬哪一個派別?其實兩派你屬邊一派對筆者來說都唔重要,因為你嚟得我呢個po大家就係「討論派」。

從討論中大家互勵互勉,發揮討論區精神,就算出到去唔識...!都唔會比人笑到面黃,正所謂「輸人唔輸勢」☺️。

由於「緣份」帶我哋嚟到呢一度,大家唔洗出街見面也可以做到互動學習,就算你係未打算學游水、又話你正打算學游水、又或你冇諗住學游水,但你一嚟到呢個po覺得學游水係好玩、好笑、學到嘢,隨時隨地歡迎加入,幾時撘下咀都冇壞,就算係想插下我都可以(我講技術上,基佬請免)。

第一節我提過下「浮身」係四式游泳之母,(咩話?我唔係咁講?!)(係,我係講過「眾多泳式中之母」才對),咁樣講法我係過之餘無不及,如果你話比人聽你識「游水」但唔識「浮水」你唔浸死都比人笑死(小朋友除外),小朋友學游水學識速度快係不需雄辯的事實。(咁但係我哋大人係唔係唔及小朋友學嘢快就咩都唔洗學呀?)你可以想像下你咁嘅講法同條鹹魚有咩分別😤(引用周星弛講嗰句)。

「浮身」重點係識得放鬆,餵你可能會問我開頭講咁多嘢做乜,而家先同大家講重點係「放鬆!!」係唔係覺得我玩嘢?又唔係嘅,Sorry呀如果你連「放鬆」都唔識,以下落嚟我點同大家分享「控制呼吸」可令「浮身」事半功倍,得心應手呀?

馬上談談「浮身」小技巧小動作,一於教識你一日內撐握「浮身」要訣,你先搵一個地方可以沉到自己「心口」高度嘅水位,然後「雙手」抓緊池邊,當然要識「放鬆」所有大小關節,「深吸一口氣」把頭放入水中。

講到呢點有個題外話,大家要確保做以上動作時必需帶上泳鏡,最好有埋泳帽,點解要有泳帽呢,這個看似非必要的工具但其實對游水好有作用,你細心諗下嗰啲游泳比賽嘅高手泳術肯定係了得啦,點解佢哋都會帶泳帽比賽呢?唔通佢毛啦啦話比你聽帶泳帽有橋妙有咩好處嗎?冇可能。容後我再講比大家聽「泳帽」的作用及好處,先賣個關子。

接上一段,你個頭放入水之後,雙手千祈唔好鬆開池邊,因為這個其實就係你嘅「支點」大家仲記唔記得在中學時讀過PHYSIC時的「槓桿力學」?所有物質都有「力點」、「支點」、「重點」(讀音重量個*重”),三種點支持下才可以為物質創造「動力」。游水不離這三點,「浮身」更是,不過你又可能問我講咁多呢啲嘢做乜?當然如果你係細路我就唔洗講咁多,叫你游就游洗乜話比你知點解!但由於兒童學習及汲收好似海棉吸水咁,一般跟成人會有極大嘅差異。就係點解我哋大人學語言時會著重併音先識個發音,而細路只係靠聽已經知個發音就係咁解 (當然富貴啲嘅細路會去學Phonic) 但係細路佢哋嘅大腦及四肢在學習時講求感覺的接收會比大人容易就係咁解喇。

「支點」在於手抓著池邊,「重點」即「重力」在水裡面轉化成「浮力」,所以你不必著意你本身「浮力」的多與少,因為每個人體質不一樣,有些人會較容易「浮」,有些人會比較冇「浮力」即係我哋所講「好沉」。借勢講解一下人並不會直沉於深水裡面,除非你暈倒或昏厥狀態下就會直沉深水,所以你有「意識」之下(即清醒狀態下)並不會沉的 (當然講在無拘無束的狀態下)。

前幾段講過「深呼吸一口」你做咗了嗎?你識得「閉氣」嗎,記得落咗水之後要把你深吸了一口氣「儲起」來,我們所講「閉氣」就是這樣煉成的,唔好笑我啦,認真講的😠!記得我講過「支點」與「重點」嗎?你可能心諗「記得,但你好似冇講過力點喎」醒目!冇錯因為我留返「力點」在下一段大力咁講嘛。

「力點」在於你本身有幾多力就使出幾多,觀乎「力」是睇唔到嘅東西,譬如「力」可分「隨意」及「不隨意」。一般嚟講,在你身體浸入水中時而水感即係你嘅「水性」不夠熟,身體「力點」就會受到「不隨意肌」控制,所以多數人遇溺時會拼命掙扎係由身體的「不隨意肌」所控,然而被「不隨意肌」導致遇溺甚至死亡,返魂乏術🤢,我唔係嚇鬼,所以要好好學好!!!

唔想被「不隨意肌」所控就要學識「水感」或人們所講「水性」經過正確渠道學習是對水性的「混熟」。勿忘記或怨自己在水裡面所花的時間,是很有用而且在學習其它泳式的效益很好啊,你就從恆常練習中把「水性」學熟、認熟,就好似跟一位初相識的朋友一樣,摸熟對方並學熟對方的優缺兩點,推動自己進步,能夠在水裡得心應手地用到「力點」這就是「隨意肌」所給你的回報,有賺架!

我希望大家睇得容易明白,所以會寫得詳細少少,只是花你幾分鐘你就賺我台下廿年功,我游水唔叻因爲我蠢,蠢唔係我想,好勝心強係我性格,凡蠢嘅事我會想盡辦法克服,所以口水會長啲,今日同大家分享「浮身」就係因為我曾經蠢過,先可以識得諗咁多嘢同大家分析下,只要你有充足的初步構思,你好快就會學識「自由式」。

題外話,有好多人把浮身學不好,就馬上跟人出海玩,嫌命長嘅一時衝動沒有事前好好練習一下,結果斷送生命,咩天妒英才、英年早逝呢啲廢話唔好多講,其實在悲劇發生前你可以做足很多東西去避免的,你有冇諗過令到屋企人擔心呢?或者令到心愛你嘅人傷心呢?

唔洗再諗咁多,馬上從我這個po跟住學習,我將會慢慢地跟大家分享,記住有咩唔明再睇多次呢個po,學到佢識為止。由於小弟唔係咩專業,因要打工關係寫一遍咁嘅嘢用咗一個星期時間,只因本住一個信念「幫到人自己開心,救到人少啲人浸襯我更開心」。

我嘅技術唔係天生擁有的,廿年來跟唔同嘅教練學習他們無私地教導,所以我都想從不同渠道把心得輸送,借呢個機會多謝曾經教過我嘅師傅同教練,雖然有啲都退哂休仲有啲歸埋天,起我心目中你哋永遠係出色的:smile_34:。

識游嘅ChingC打唔洗嘥時間睇啦,睇完笑我材疏學淺有乜為?不如留返啲力氣指點下有心人好過啦。

[[i] 本帖最後由 coldlemon 於 2017-11-10 05:15 PM 編輯 [/i]]

一起出走 2017-11-10 03:27 PM

sorry 睇到有d暈

captainA1 2017-11-10 04:13 PM

*** 作者被禁止或刪除 內容自動屏蔽 ***

abcd1901 2017-11-10 04:19 PM

[quote]原帖由 [i]一起出走[/i] 於 2017-11-10 03:27 PM 發表 [url=http://www.discuss.com.hk/redirect.php?goto=findpost&pid=470670484&ptid=27048890][img]http://www.discuss.com.hk/images/common/back.gif[/img][/url]
sorry 睇到有d暈 [/quote]


咁炸嫁,我睇左幾段咁多;P

一起出走 2017-11-10 04:21 PM

[quote]原帖由 [i]abcd1901[/i] 於 2017-11-10 04:19 PM 發表 [url=http://www.discuss.com.hk/redirect.php?goto=findpost&pid=470673085&ptid=27048890][img]http://www.discuss.com.hk/images/common/back.gif[/img][/url]



咁炸嫁,我睇左幾段咁多;P [/quote]


我真係睇曬嘛!kaka,sorry我錯

abcd1901 2017-11-10 04:22 PM

[quote]原帖由 [i]一起出走[/i] 於 2017-11-10 04:21 PM 發表 [url=http://www.discuss.com.hk/redirect.php?goto=findpost&pid=470673187&ptid=27048890][img]http://www.discuss.com.hk/images/common/back.gif[/img][/url]



我真係睇曬嘛!kaka,sorry我錯 [/quote]


只能說你太得閒;P

johnsize 2017-11-10 04:49 PM

其實樓主好用心寫,部份理論亦正確。有受過正統游泳教練訓練會知學自由式第一步唔係浮水,係呼吸。未懂水中呼吸,好難可以把頭放入水,亦好難水中放鬆關節。

定期檢查 2017-11-10 05:13 PM

樓主,請繼續寫,難得你咁有心機,我地應該支持你的!:smile_o12:

有批評、意見和建議,是正常的,希望你明白。

一起出走 2017-11-10 05:52 PM

[quote]原帖由 [i]定期檢查[/i] 於 2017-11-10 05:13 PM 發表 [url=http://www.discuss.com.hk/redirect.php?goto=findpost&pid=470675954&ptid=27048890][img]http://www.discuss.com.hk/images/common/back.gif[/img][/url]
樓主,請繼續寫,難得你咁有心機,我地應該支持你的!:smile_o12:

有批評、意見和建議,是正常的,希望你明白。 [/quote]
我係支持有心人ga 但最好就係正確野同埋簡單易明~唔係就真係睇到暈呀.
(我有時間都冇咁ga心機打咁多字, 搵我捉你游好過)

東涌水友 2017-11-11 11:07 AM

[quote]原帖由 [i]coldlemon[/i] 於 2017-11-10 11:05 AM 發表 [url=http://www.discuss.com.hk/redirect.php?goto=findpost&pid=470657838&ptid=27048890][img]http://www.discuss.com.hk/images/common/back.gif[/img][/url]
自由講解及分享棉棉心得
第一章,第一節
頗長篇,希望大家唔好頭暈

如果有任何challenge歡迎來插,也希望大家在自學過程遇上咩困難也歡迎大家在這個平台上交流。

「先學浮身」

浮身係眾多泳式中之母
唔識「浮身」 ... [/quote]


心中有個好大既疑問,樓主真係識游水?定係只識玩吓水?

東涌水友 2017-11-11 11:10 AM

連教練同游泳老手都睇到一舊雲,D新手會睇得明嗎?

東涌水友 2017-11-11 06:27 PM

學游水,點可以輕鬆簡單,太兒嬉了

~狐獅虎~ 2017-11-11 08:14 PM

始終落到水都好難避免緊張:fst_008:

一起出走 2017-11-13 09:19 AM

[quote]原帖由 [i]~狐獅虎~[/i] 於 2017-11-11 08:14 PM 發表 [url=http://www.discuss.com.hk/redirect.php?goto=findpost&pid=470730126&ptid=27048890][img]http://www.discuss.com.hk/images/common/back.gif[/img][/url]
始終落到水都好難避免緊張:fst_008: [/quote]


你算把啦!你搵肥龍慢慢玩啦!

一起出走 2017-11-13 09:20 AM

[quote]原帖由 [i]東涌水友[/i] 於 2017-11-11 11:10 AM 發表 [url=http://www.discuss.com.hk/redirect.php?goto=findpost&pid=470707186&ptid=27048890][img]http://www.discuss.com.hk/images/common/back.gif[/img][/url]
連教練同游泳老手都睇到一舊雲,D新手會睇得明嗎? [/quote]


教人最緊要簡單易明,太複習會有相反效果。

定期檢查 2017-11-13 10:37 AM

[quote]原帖由 [i]~狐獅虎~[/i] 於 2017-11-11 08:14 PM 發表 [url=http://www.discuss.com.hk/redirect.php?goto=findpost&pid=470730126&ptid=27048890][img]http://www.discuss.com.hk/images/common/back.gif[/img][/url]
始終落到水都好難避免緊張:fst_008: [/quote]

你緊乜鬼張丫:smile_45:

你唔好扮游得慢呀,你當年游得快過我:smile_45:
雖然你而家少練,但爛船都有斤釘,你如果參加區賽,應該仲可以有獎既...:smile_o10:

有D游得好慢都有獎...(200背游8分幾鐘)

billytsoi1243 2017-11-17 10:40 PM

ching有無教開水 如有telegram kct5991傾
頁: [1]
查看完整版本: 教你簡單輕鬆學「自由式」