查看完整版本 : 點解想做社工都咁困難

海邊浪漫的神 2017-11-14 12:52 AM

點解想做社工都咁困難

正如標題所打, 點解想做社工都咁困難?

細佬修畢社會工作高級文憑, 畢業左都兩三個月啦, 都係搵唔到社福界既工作, 冇錯, 係社福界既工作.

細佬細個個陣得過社工姐姐既協助, 令到我一直已投身社福界為目標, 希望將呢樣野承傳出去社會. 細佬明白初初畢業既新仔係搵工方面未必咁順利, 機構都會對畢業生有所思疑. 所以無論係社工又好, PW都好, 我都有寄(send)過信求職.

至今大大話話都寄出左50封信出街, 只係得PW既回音, 一個社工既offer都冇. 不停咁充滿決心去做一件事, 最後得到既係灰心. 當身邊既畢業生一個一個都搵到社工既工作, 自己仍然等待, 呢種感覺好空虛. 社工都係人, 都會有唔開心既時候. 我唔明白, 你地就要等人用, 但你地又要簡人, 到底想請咩人? 點解連見我既機會都唔比我? 假如你地肯比機會我見, 但我表現差, 我服, 但從來都冇.

或者當自己灰心都一個點既時候, 其實發現自己只係會怨天尤人, 但是, 其實我最想知道既係, 為什麼? 可唔可以比我知道死因. 或者學人地講, 可以失望, 不可絕望. 或者我需要既係一D時間.
============================================================================
2017年11月21日 21:25
多謝四位朋友比細佬既意見, 多謝係地令我諗多左好多野.

細佬明白有時濟遇既野係好難講. 曾經有PW同功輔既機會, 兩者我都好有信心, 面試前做左好多工夫, 但都係空手而回, 次次既失敗, 都好似間接話比自己知道自己跟本唔適合社福界. 搵到而家既狀況好似為工作而搵工作, 開始冇左當初既心. 有時候真係冇動力去從好方面發展自己諗法, 由其係當自己屢敗屢戰的時候.

細佬當然明白做義工已可達到目的, 但我覺得淨係做義工並唔足夠,受眾並唔容易得到佢地既福利, 因為只有社工既權力, 先可以為服務使用者爭取更多. 細佬承認能力上自己都存異, 但作為初初出黎既畢業生, 又有幾多人可以肯肯定定對他人「講」自己既能力, 就算有實力, 沒有機會都係冇用, 因為有既實力都冇得被認同, 冇用武之地. 但係, 細佬好同意一句 "有抑鬱症的人都仲走去讀社工", 自己都未處理到自己既問題, 何以服務其他股務使用者呢.

另外, 其實細佬都問問大家, 其實社福界係咪有一定既「履歷表」要求? 細佬實係好想好想知道.問過A老師,佢話無問題,叫我放膽去試,但B老師卻話太簡單, 我再同朋友仔傾, 大家都冇唔同既標準, 到底點樣可以突出自己, 點樣可以靚啲..?

[[i] 本帖最後由 海邊浪漫的神 於 2017-11-21 09:39 PM 編輯 [/i]]

s7903 2017-11-14 01:12 PM

樓主唔好咁灰,有時濟遇0既野係好難講,
樓主試下IN不同服務的工作,有時係搵唔到自己想做0既field的工作,
最重要係堅持落去,你最終會成功的!:)

laughing_ling 2017-11-15 11:12 AM

[quote]原帖由 [i]海邊浪漫的神[/i] 於 2017-11-14 12:52 AM 發表 [url=http://www.discuss.com.hk/redirect.php?goto=findpost&pid=470838541&ptid=27056649][img]http://www.discuss.com.hk/images/common/back.gif[/img][/url]
正如標題所打, 點解想做社工都咁困難?

細佬修畢社會工作高級文憑, 畢業左都兩三個月啦, 都係搵唔到社福界既工作, 冇錯, 係社福界既工作.

細佬細個個陣得過社工姐姐既協助, 令到我一直已投身社福界為目標, 希望 ... [/quote]
[b]等小妹與你分享下,[/b]
[b]一,首先你細過受過社工幫助,想將呢樣野承傳出去社會,不代表一定要做社工,做義工已可達到你的目的[/b]
[b]二,好多DSE直升上HD的小學雞,個個上堂就只係識打機訓覺,根本就冇心在這行發展,同護士一樣,你有興趣做不代表你有能力做[/b]
[b]三,根本現在學院為了搵錢而亂收學生,變相令一些冇能力的人都可入到去讀,科科勉強拎個合格就拎個牌[/b]

[b]想說的是,你手中有個牌不代表你就是有能力的社工,可能只是你好運,識玩個遊戲,科科勉強拎個合格拎到牌而己[/b]
[b]而做社福界多年的高層亦深知太多DSE小學雞冇能社工,所以佢地搵 不到位是正常,[/b]
[b]俾班冇德冇能冇經驗的小學雞掛牌社工去服務班CLIENT只會害己害人,[/b]

[b]我在此勸告這些小學雞掛牌社工(樓主請不要對號入座),早點轉行吧~社福界不岩你~[/b]
PS. 最搞笑的是一些有抑鬱症的人都仲走去讀社工,仲要不止一個~小妹不是要歧視抑鬱症患者,但你自己都未處理好自己仲點幫CLIENT?自己都抑鬱緊仲點去輔導別人 ? 我勸這些人還是放過別人放過自己吧~。~

[[i] 本帖最後由 laughing_ling 於 2017-11-15 11:19 AM 編輯 [/i]]

michael_627 2017-11-15 12:27 PM

我係學位社工, 已經出左field 啦, 我想做返社工都係得20個面試左右, 而家好多人都有社工牌, 係好多人爭. 不如試下其他field 或者做住pw先, 做其他野先, 加油呀

killuavhs 2017-11-21 07:16 AM

有時間的話,讀下輔導課程做多啲義工,趁年輕充實下自己!CV 又可以靚啲,你仲有很多時間有目標就堅持落去,唔好理人點講不要太早下定論覺得自己唔得!

ngoppl 2017-11-23 12:32 AM

很理解樓主的心情。正如你所認知,今時今日在行頭入職並不容易。
很多人都等超過半年或更長時間才有機會入職,不論是學位或非學位社工。

因為不知道樓主的實際情況,很難對症下藥。
總括而言,如果未有面試機會,除了CV可能出問題外,另一個原因可能是在樓主身上。
並非指樓主不適合當社工,但有很多實際因素左右機構選擇面試人選,
例如︰學業成績、要求薪金、經驗和能力等。

現實一點來看,不妨和有社工面試機會/有offer的同學仔交流心得並總結成功要素,
既然大家份屬同門,整體表現應該相差不遠,參考價值理論上屬最高。

老套點還是贈一句︰加油!

西部奔放的青龍 2017-11-24 01:07 AM

樓主有心是很好的,不過做唔做得到社工亦好視乎際遇實況,宜家社工課程遠多於SW post,競爭好大,所以不妨考慮其他途徑加入社福行列儲下經驗,之後再慢慢進修補返社工牌,加油!
頁: [1]
查看完整版本: 點解想做社工都咁困難