隨風飄逝 2017-11-16 00:49
[size=5][b][color=#ff0000]此帖為收集各位參與高質球評留下的佳作，以便各位網友欣賞：[/color]
[color=#800080]首回合 - 三中堅陣式的優劣？[/color][/b][/size]
[size=5][color=#800080][/color][/size]
[size=3]連結:[url=http://www.discuss.com.hk/viewthread.php?tid=27032157&extra=page%3D1&page=1]http://www.discuss.com.hk/viewthread.php?tid=27032157&extra=page%3D1&page=1[/url][/size]
[size=3][/size][size=5][color=#800080][/color][/size][color=#8b0000][b]冠軍：lomond2017
三中堅係各大聯賽/國家隊不同時期各有不同演繹方式
首先德國當時興起清道夫如馬圖斯森馬等名將，有兩個常規中堅，搭個自由人清道夫助攻助守，3~5~2都係當年德甲球隊及國家隊常用陣式，取其機動性。後來有段時間德國青訓青黃不接，球員年紀漸大，所以漸漸3中堅沒落，改為傳統442，再由442 轉為今日常用433。
意大利三中堅源於十字聯防傳統防守藝術。當年意大利國家隊及意甲球隊後防線人才輩出： 費拉拿，蒙迪路，杜林，簡拿華路，尼斯達，馬達拉斯，馬甸尼，到今日基連尼，巴沙利，邦路斯等等。意大利三中堅賣點不在於中堅，而係左右二閘攻守效率。當年羅馬橫掃意甲，左閘係法國簡迪拿，右閘係巴西卡富。羅馬既成功可能大家只記得巴迪斯圖達，蒙迪拿，羅馬王子，中田英壽等等。但意甲三中堅陣式釋放左兩閘卡富簡迪拿放心助攻，配以當打攻擊能手，真正做到水銀瀉地，助守兼備，可觀度大增。意大利國家隊亦出左森保達比索圖，三中堅陣式下盡顯效率，發揮3~5~2威力。日本當年好欣賞意大利防守，所以請左沙哲朗尼做國家隊教練。三中堅陣式改善左日本後防防守高空波弱點，因多左一位中堅執漏，對日本足球脫亞入歐係一個重要里程。
相對而言，英超現時3中堅陣式興起，有點掛羊頭賣狗肉既味道。所謂三中堅總有一個出身打左右二閘： 車仔艾斯派列古達，阿記Monreal, 熱刺艾達維特及華湯根，曼聯白連特等等。當442 咁睇會合適啲，因其中一邊閘位長期助攻及另一邊閘位長期留守崗位而已。如大家記得當年華杜帶領英格蘭時用352 出征世界盃表現不俗。陣中有加利利維爾及拿索斯，加利仔打右中堅，拿索斯打哂成條左路，同現時車仔阿記運作同一道理。所謂352 只係442 變奏，本質上係無分別。
會員 武德鼎：
唔同意掛羊頭賣狗肉
英超式三中堅，防守時兩個翼衛會拉返落去，有五個人；但進攻先係主菜，因為個邊中堅會壓上去同個翼衛做疊瓦，反而係用盡個閘嘅防守同助攻能力
lomond2017：
英超球隊傳統442, 左右中場防守時一樣會退落閘幫手塞空位。進攻時左右中堅基本上唔會上去疊瓦, 防線企位拉闊cover 已上前助攻翼衛球員。此舉有效預防對手打反擊, 因當中預留足夠人數(3中堅及1防中)
會員 武德鼎：
蒙利爾同艾斯派有時都會壓到上去底線，就算唔壓到上底線都上到三閘線
因為進攻時留三個喺後面係浪費，進攻時會變返雙中堅；而防中呢個角色就會變得重要，因為防中要做 intercept 工作，所以點解車仔套三中堅成功係因為簡迪，而雲加套三中堅點解失敗係因為冇人做 intercept
至於防守時，個邊中堅同個翼衛又形成兩個人夾對方邊鋒嘅協同效應
lomond2017：
防守中場角色打英超係十分重要, 不論352, 442, 433及3421等等, 根本同是否三中堅陣式無關係。車仔艾斯派列古達打右中堅每次助攻時請留意吓左邊馬高斯阿朗素企位一般到好深, 有時中場見到咁情況企返後少少。要睇教材建議大家參考熱刺, 左右中堅企位, 幾時放開, 收緊防線及點樣同2隻翼衛互動。
車仔上季成功在於簡迪及馬迪, 贏在中場效率, 而唔係主題所講3中堅陣式[/b][/color]
[color=#006400][b]亞軍：所羅門的惡夢
三中堅建基於一個(信者叫)道理/(不信者叫)概念,
絕大部份0既入球最後一腳都係中路起腳(如果你對中路0既泛圍理解得好狹窄, 唔好浪費時間睇落去),
所以不論喺邊路點舞都好,
只要集中應付cut inside, 邊路出波及對住龍門範圍0既遠射。
好多人好理所當然地認為3後衛最重要係兩隻勁0既翼衛,
因為條邊路得佢一個(其實433都係邊路都係得一隻閘, 433又係最重要隻閘?532嗰啲更加唔好講),
但事實1個好防中比好翼衛更重要。
三中堅有兩個配置,
而其中沒有三個中堅都企定定等防守,
一個配置係中中堅凸前清道夫掃波, 進攻時推前做波,
另一個配置係中中堅墮後包底, 左中堅右中堅輪流或其中一個推前追波(雙中堅一個追一個包0既道理), 進攻時推前做波。
喺三中堅0既配置上,
需要一個好防中去做好前面第一道屏障, 追波俾後面中堅包, 補中堅位,
因為三中堅太容易俾人拉開,
尤其呢個3前鋒當道0既年代。
至於翼衛,
基本上有個可以跑上跑落0既邊路球員就最好,
否則睇球隊想點踢,
可以放個防中或閘落去跑上跑落,
可以放個邊鋒落去攻, 防守時MC補位。
到最後成隊波0既防守做得好唔好唔會單單取決於排3個定4個後衛,
係隊波0既防守戰術,
踢4後衛進攻時得一對中堅留喺後面,
踢3後衛進攻時都係得一對中堅留喺後面,
所以重點係防守戰術點set
講羅馬黃金時期,
又係講卡富, 簡迪拿,
冇人記得湯馬斯, 利馬,
佢哋保護後防做得好好。
意大利都係一班傳奇後衛掩蓋咗湯馬斯, 加度素。
十字聯防冇咗防中連唔到十字
SW
RB CB LB
DM
何況十字聯防同三中堅冇關聯性及演變性,
唔係意大利0既防守就係同十字聯防有關[/b][/color]
[color=#006400][/color]
[color=#4169e1][b]季軍：Raymond8800
[img]http://n2.hk/d/attachments/day_171102/20171102_fd20d05143088a463422Ys3IMUtI9I8U.jpg[/img]
3後衛陣容：加強中場轉換及運行力
增加了中場球員組織攻勢機會，幫前鋒製造供應。
防守時令中場製造第一道大屏障，減輕後衛負擔。
（足球界俗語都講：得中場者得天下）
3後衛 防守優勢
如果其中一個翼衛，假設右翼衛失位，球隊可以輕鬆地安置較右的中堅補位防守。
此外在防守時3-5-2亦可變做5-3-2，球隊分成三線作壓迫，翼衛此時便墜後，跟三中堅平排。
3後衛 進攻優勢（破對方密集最有效）
兩翼衛 可以分散對方防守球員，令到中場有機會製造更多盤扭入禁區或致命傳送給前鋒
踢3後衛必要材料（3-5-2陣式）
需要一個
良好box to box中場
（普巴，派路，簡迪，摩特歷）
出色翼衛
（丹尼爾，阿良素，阿拉巴，佐迪艾巴）
[img]http://n2.hk/d/attachments/day_171102/20171102_57ad932eb93fa63a6ccaAOeYnNkKw0qo.jpg[/img]
干地 （高壓迫防守）
在3-5-2陣式運用到爐火純青地步，用此陣帶領意大利國家隊+祖記+車路士 屢創住績:smile_o12:
[img]http://n2.hk/d/attachments/day_171102/20171102_8d0aa94f34ef2c99e070pR5sbLF7u5OJ.jpg[/img]
雲高爾
荷蘭3-5-2陣式，危急時變為5-3-2陣式。
將陣容平平無其 荷蘭 在 2014年世界盃拿下 世界盃季軍，令好多人大跌眼鏡。[/b][/color]
[color=#4169e1][/color]
[b][color=#696969]佳作：038886
其實3後衛要踢得成功除左大家所知兩隻翼衛要走上走落配合到之外。三中堅既奧妙之處就係有一個用波能力較好既中堅
例如：曼聯 （拜利）車仔（雷斯，魯迪加） 曼城（史東斯）熱刺（戴亞）
AC(邦路斯） 祖記（基亞連尼）
以上球員既特式就係當佢地一取得控球權既時候可以即時傳出精準既長傳作反擊，或者可以利用到自身既腳下功夫係後場控制節奏及保持控球權
角式上其實有少少似墮後中場，但位置再後一D，當然戰術要求會較高
因為用波後衛較少上前迫搶，主要靠中場及另外兩名中堅，故此位置感，包位要求比傳統中堅要求更高，因為龍門前佢就係最後防線，當然進攻時，好1多時都係進攻既1第一起點
因為現今足球愈見激烈，強強對碰由以往由中場安排陷入膠著兩敗俱傷，轉而利用埋後場既空間組織攻勢，亦令對手要再向前壓迫，後防線推高，製造更多既進攻空間，由持球中堅由後場放長傳突擊
但現今球壇可以出1色地完成以上工作既中堅唔多，除以上提及幾位外（比基，曉姆斯都係） 所以好多時當球隊轉打3中堅而又缺乏可用1之材既時候就用改造其他球員(曼城 舊將 高拉洛夫），阿仙奴(艾蘭尼）
但由於人材缺乏（因中堅，翼衛人材缺乏），好少球隊可以建立到套完整既3-5-2/3-4-3陣容
其實除左大家所講既中堅，防中同翼衛，踢得好既球隊大多有衝撞型既中鋒
車仔（哥斯達） 祖記（文迪蘇傑）
因為係拉開對手防線同二傳同支點比中場後上都重要
因為3中堅陣容會由後防長傳到前線或兩邊翼衛出波組織攻勢較多[/color][/b]
[b][color=#696969][/color][/b]
[b][color=#696969][/color][/b]
隨風飄逝 2017-12-18 12:35
[b][size=5][color=#ff0000]第二回 高質客觀球評次回合 - 試排出現役英超最佳陣容？[/color][/size][/b]
連結: [url=http://www.discuss.com.hk/viewthread.php?tid=27041834&extra=page%3D1&page=1]http://www.discuss.com.hk/viewthread.php?tid=27041834&extra=page%3D1&page=1[/url]
[b][color=#0000ff]冠軍: jasonsy
領隊: Pochettino
戰術出色，球隊穏定又攻守兼備，即場決策能力優秀。
陣式：4-3-2-1
GK： De Gea
冇乜好介紹
RB： Valencia
強勁身體質素，體力充沛，助攻力強，落腳凖極小失位
CB：Eric Bailly
有佢同冇佢真係差好遠，轉身快又夠硬淨，彈跳力出色，人叮人首選
CB： Christopher Schindler
冷門之選，Huddersifield定海神針，升班功臣，一個擁有出色防守嘅德國中堅，速度ok，防守落腳又狠又凖，企位好，唔輕出，包位出色，頂上功夫不俗，更有用波能力，同Bailly一個標一個包嘅最佳組合。
LB：Azp
本身如果打3CB佢一定係首選，但我又唔捨得放棄Schindler，咁放佢番左閘亦未嘗不可。沒有Kolasnic嘅力量，亦冇Danny Rose速度，但正正兩樣都有佢地嘅80%，防守企位同意識都比佢地優秀，一對一防守屈機，快翼嘅勊星。
CDM：Kante
用Kante等於係中後場任何一個角落都唔會失位，令對方懷疑究竟你係唔係打緊12，甚至13個人，就係咁簡單。
CM：迪布尼
最全面嘅中前場，左右腳，速度快，扭波勁，比ball靚，有遠射，有組織力，有一定防守意識，周身刀張張利
CM: Dembele
雖然冇迪布尼咁攻得，但扭波甚至比迪布尼重勁，可以憑一己之力殺出重圍，身體質素更出色，防守能力更遠勝迪布尼。定位就係Kante同迪布尼之間嘅萬金油。
RW: Salah
呢個不解䆁
LW: Richarlison （Watford）
又一冷門之選，甚至係我認為英超最佳收購。Richardlison真係一個打曬，突破，助攻，入波乜都靠佢，多次拯救球隊，打陣地反撃都有作用。
ST：Harry Kane
季季20幾球，唔似Lukaku大戰隱形，Complete Forward，唔解釋咁多。
後備： Mane，維頓漢（揀佢因為比Alderweid打多一個左閘位），Aguero，Lloris，Fernandinho，Giroud，Kyle Walker[/color][/b]
[b][color=#0000ff][/color][/b]
[b][color=#0000ff][/color][/b]
[b][color=#2e8b57]亞軍: Raymond8800[/color][/b]
[b][color=#0000ff][/color][/b]
[color=#2e8b57][b]領隊：雲格（短傳入滲 悅目踢法 大師）
陣式：4-4-2 （攻守比較平穩 陣式）
……………………………………………………………………
哈利卡尼 文尼
夏薩特 普巴 簡迪 阿歷士山齊士
文迪 拜利 戴雲遜山齊士 比拿連
迪基亞
……………………………………………………………………
迪基亞：
擁有神之手，只怕強勁世界波。
文迪：
強悍而出擊力極強 左閘。
拜利：
靈活快速，包抄路數準 中堅，實在難得。
戴雲遜山齊士：
年青有活力 潛質優厚 中堅，他的 頭槌 防高空轟炸能力超強。
比連拿
速度快過火箭 右閘，邊線助攻能力極強。
夏薩特：
世界最強勁 邊線中場，技術，盤扭，速度，頭腦 已經達到 球王級。
普巴：
能攻擅守 中場，踢法非常硬淨，入能能力超強，派牌技術 世界級。
簡迪：
簡直完美中場，攻守兼備，勤力及跑不完氣力，防守搶奪已達世界巔峰級。
阿歷士山齊士：
世界數一數二 右翼，爆破盤扭速度已經達到完美系數級，簡直老虎化身。
哈利簡尼：
頭頂腳踢世界級 全能中鋒，把握力已經去核彈級，入波能力猶如囊取物，射術已去到百發百中。
文尼：
速度及靈活性可以媲美獵豹，用騷亂敵方後防簡直一流，而射術高超前鋒。
後備陣容名單：
GK: 高圖爾斯
DF: 雷斯，奧達文迪
MF: 古天奴，迪布尼，迪利艾里
FW: 阿古路[/b][/color]
[color=#2e8b57][/color]
[color=#2e8b57][/color]
[b][color=#800080]季軍: ziao333
艾達臣
基爾獲加 史東斯 艾達偉列特 艾斯派古達
簡迪
夏薩德 迪布尼 大衛施華 文尼
簡尼
陣式4141
K2同A28攻守兼備，S5進步，食位包抄都恰如其份，唔同以前慌亂，A4依舊穩健。
K4中場防守一柱擎天，覆蓋面大
H10，M19傷後都有貨交，底質厚，有能力起死回生
D17傳扭射皆一級，球商亦高，S21控製球賽節奏強，同K17互動好，攻守協防勤力。
K9可傳可射可頭可腳及身體質素俱佳，而且唔獨食，難得。
仲有E23，後防定海神針，勇猛，準繩，唔怯場，初嚟步到而且唔係英人同隊友都可以有咁好防守能力，難得。
後備
辛尼唔夠老練
迪基亞無驚喜，恰如其分而已，艾達臣幾次轉守為攻，落點準。
艾歷臣起落大，普巴都係
戴夫初登場打左閘算不錯，助攻嫌差少少
阿古路起落大但底質好，間有靈光一閃
華倫西亞轉打右閘，估佢唔到越打越好，可惜球商低兼魯網，易火。
最佳領隊 哥迪奧拿[/color][/b]
[b][color=#800080][/color][/b]
[b][color=#800080][/color][/b]
[b][color=#696969]雙季軍: destinyX
陣式: 4141
哈利簡尼
文尼 迪布尼 大衛施華 沙拿
簡迪
高拉仙歷 拜利 艾達韋列特 獲加
迪基亞
迪基亞: 向來穩定性高,亦有大量神救(e.g雙紅會中神救馬迪普)
高拉仙歷: 身體十分強壯,特別的是速度亦唔低, 作為左閘/翼衛助攻助守好有用
拜利: 夠硬淨反應亦快, 傷癒復出為曼聯一夫當關
艾達韋列特: 守得穩之餘亦有一定助攻能力(有D腳頭)
獲加: 攻守兼備,靈活
簡迪: 覆蓋全場咁滯, 不論由守轉攻, 定攻轉守都極重要
文尼: 復出後已見到佢同沙拿雙翼齊飛的威力, 不但屈速, 助攻能力亦不錯
沙拿: 雖然把握力為人所詬病, 但憑速度加上隊友合作亦創造了不少入球, 期望把握力繼續進步
迪布尼+大衛施華: 兩位創造力爆燈,不論助攻/分波/轉邊,準繩度都極高,亦有一定入球能力(e.g 迪布尼對阿仙奴左腳收死施治)
哈利簡尼: 雖然季初入球荒, 但把握力極高的佢已經重拾射門鞋, 更進佔射手榜第一位
後備: 古圖斯 奧達文迪 艾斯派古達 馬迪 古天奴 辛尼 阿古路
領隊: 哥迪奧拿[/color][/b]
隨風飄逝 2017-12-18 12:46
[b][size=5][color=#ff0000]第三回合 - 如何改善曼聯的進攻節奏？[/color][/size][/b]
[b][size=5][color=#ff0000][/color][/size][/b]
[size=3]連結: [url=http://www.discuss.com.hk/viewthread.php?tid=27061413&extra=page%3D1&page=1]http://www.discuss.com.hk/viewthread.php?tid=27061413&extra=page%3D1&page=1[/url][/size]
[size=3][/size]
[color=#800080][b][size=3]冠軍: 038886[/size]
[size=3][/size]
其實有普巴在場既時候,進攻防守兩邊都冇問題
最大問題係冇人替代到普巴做既野
首先要講下普巴在陣既時候,點解曼聯攻防兩端會相對踢得輕鬆呢?
第一:進攻既時候普巴進攻手段非常多,可以自行突破,佢帶球突破既自信,技術同埋時機都把握得好好,長短傳都非常有威脅
第二:佢係球場覆蓋範圍大,進攻時可以吸引對手拉開空位,再傳出致命一擊或者強行突破,令其他球員可以有多d空間
防守既時候,功底唔差,佢既長傳功夫亦都可以由後場斷球即時放長波打快速反擊
所以見到有普巴在陣既比賽,即使輸控球都好,簡單幾下反擊已經贏到波,同埋比數唔細
如果要改善現時曼聯既表現,要買多一個中場同翼鋒,因為球壇上你都搵唔到有第二個普巴
奧燒可以係一個選擇,因為佢既有能力作致命傳送,同埋以往跟過犘佬,摩佬有佢說明書,應該唔會有水肚不服問題
翼方面要即食可以再試下比列鍚,因為曼聯陣中冇一個正宗既翼鋒拉邊出波而且有射門能力,冇錯,馬仔,拉福,馬達,MK仲有連加特等等係踢得唔錯,但佢地都唔係正宗翼鋒,好多時去到k角位就要回傳,或者要擺返大位先出波或者攻門
打法太過單一,導致老鼠拉龜既情況時有發生,中路經常塞車
有普巴係度既時候會好d,因為拉多好多空位比佢地,但係普巴一唔在場,問題又會出現返[/b][/color]
[color=#800080][/color]
[color=#0000ff][b]亞軍: wingy_2251[/b]
[b]野性的廁紙: 當日老費既曼聯係一支人見人怕既魔鬼球隊，人見人怕。最強之處係條中場。中間一個怪獸級防中加一個攻守兼備分波控制節奏組織攻守既全能中中。兩翼加兩閘有超強側擊超強傳中能力。2位肯配合組肯走位既高效前鋒，對強隊唔怕鬥攻，對弱隊都唔怕大巴。更重要由青訓上黎既魔性同老費既管治。正所謂得中場得天下，但近代領隊都唔似做到。而家摩佬既曼聯心態似唔想輸多過想贏，重金買星但冇魔性，亦打消極足球。兩翼既必殺技都失傳。冇乜複雜戰術既大巴之下，靠中前場屈個人質素。已經唔再係班霸級別。[/b][/color]
[color=#0000ff]
[b]wingy_2251回覆: 版主師兄同廁紙師兄, 都十分著眼於4-4-2的雙翼齊飛, 當然這也是曼聯的一代標誌, 但不限於此另外的一代標誌分別是4-4-1-1及4-3-3, 其中4-4-1-1的年代是主要用史高斯打輔鋒(即那個後1), 但其餘的我已經印象模糊, 有點抱歉自己提出來但又說不下去
至於4-3-3, 高效的全面中場加上配合前面三叉戟的簡單直接效率極高的快速反擊, 曾經幫助曼聯殺退一個又一個強敵, 中場首推朴智星, 別小看了他, 他不只是個氣袋工兵, 他還十分融入在反擊體系當中, 把握最適當的時機現位、接應、盤球、直斜傳、再奔跑到適合的位置以便輔助, 前面以泰維斯及C朗為首的三叉戟, 還有星爺的全面輔助, 真的令人相當頭痕, 速度、技術、把握力、走位傳球的能力、對於戰術理解及執行的意識, 真的是一絕
說得遠一點, 這就是我個人十分欣賞費查的原因, 雖不是最突出的一個, 但都是相當全面, 速度、技術、把握力、走位傳球的能力、對於戰術理解及執行的意識, 態度一流, 意識一流, 執行力一流, 體力充沛可滿場飛去幫隊友, 如同打多一人, 可以破壞對方組織進攻(都是對對方戰術的意識的表現), 防守到組織再到協助邊路傳中, 還可以把握機會入楔禁區扣關得分, 這球員一流, 這些因素就是為何有時費sir的曼聯陣容看似不是最頂尖, 但偏偏能夠打出頂尖的表現(打高左一班波)[/b][/color]
[color=#0000ff][/color]
[color=#0000ff][/color]
[b][color=#006400]季軍: thunderpig
當年費爵爺有球隊嘅絕對統治力，通常係佢話放走主力球員，而唔係球員主動話唔續約。簡單嚟講，球員嘅歸屬感係一大問題。呢個亦係大家所謂嘅魔性。錢可以買到好球員，不過未必留得住好球員。少一分歸屬感，會少一分執著，少咗執著就少咗力量。呢一點係要時間建立，青訓係不能忽視。小弟愚見，球隊應該微調1隊青訓及外聘球星嘅比例，以同化核心球員嘅心態。
即食嘅話，球隊必須改變戰術心態。以曼聯現在嘅能力，絕對可以用求3分嘅慾望去踢每一場國內聯賽。要俾對手認識到，「你」不得不防。對手要作出攻防之間嘅取捨，要深深令對手認為拼命去防可能得1分，哪怕對曼城都一樣，咁樣就好踢好多了。
最後，我認為曼聯缺少一個場內指揮官，即係壓到場嘅大大佬。就好似以前嘅堅尼，舊車仔嘅泰利咁。行軍一定要有熱血領袖，要有凝聚力嘅人物，穩定球員嘅發揮。華隊長？普巴？伊巴？似乎未有一位能勝任。[/color][/b]
隨風飄逝 2018-5-22 21:27
[size=4][color=#ff0000][b]高質客觀球評第四回合 - 曼城本賽季起飛的原因？[/b][/color][/size]
連結:[url=http://www.discuss.com.hk/viewthread.php?tid=27129292&extra=page%3D1]http://www.discuss.com.hk/viewthread.php?tid=27129292&extra=page%3D1[/url]
[b][color=#0000ff]冠軍: likahokeith[/color][/b]
[b][color=#0000ff]曼城的領隊、戰術、球員都講過,咁我就講下外來因素.
1.轉會市場
每年的轉會市場都為各隊名次奠定基礎,但很多隊都敗在這兩個月.
●非常明顯的是衛冕的車路士,在轉會市場放走不少人,但買入的人並不能補回上季的實力,而買入Drinkwater相信只是維持英籍球員的數目,然而他不能融入干地的風格,效果亦跟Matić差太遠.
●修咸頓近年成為英超列強的「淘金地」,每年都有主力和領隊離隊,幸好購人眼光不俗而維持在前10,但今季的眼光有點糟糕,漸漸成為護級分子.
●愛華頓利用賣走Lukaku的錢補了數名球員,但此舉未能維持愛華頓的成績,反而成為Ronald Koeman被辭退的原因.
2.領隊
縱然購入一埋好牌,但領隊對球員的用法亦左右比賽結果.
●水晶宮陣中不乏Townsend、Sakho、Benteke之類的國家隊球員,但開季初期不僅連敗四場,還一球不入,直至轉為鶴臣執教之後才逐漸好轉.
●李斯特城補強了中後場,但中場竟依賴King,導致中場漏洞百出,最終跌至第18名時辭退Shakespeare
●曼聯在轉會市場花了不少錢,但回報率遲遲未達到費格遜時期的水平,主要是花太多心機在Pogba和Ibrahimović身上,加上Mourinho的「泊大巴」戰術,導致攻力因戰術而大打折扣,亦是眾人批評的主要原因.
3.傷患
打好基礎後,球員的傷患成為第三個因素.
●熱刺的Alderweireld和Wanyama受傷後,後防沒有之前這麼穩固,失球亦變多,Trippier和Winks實力雖然不俗,但與前兩者比,仍然有一段距離
●曼聯的球員出了名在上半季先傷一批,Pogba的受傷亦令曼聯的打法轉為保守,但個人認為沒有Plan B才是致命傷.[/color][/b]
[b][color=#0000ff][/color][/b]
[color=#556b2f][b]亞軍:lomond2017
曼城今季爆發，與前中後三線實力平均有關。
前線史達寧及Leroy Sane 表現大幅進步，走位入楔配合純熟，令箭頭無論係阿古路或Jesus獲造就唔少機會入波，所以見到曼城今季攻勢水銀瀉地，列強難擋
中場更加係無堅不摧， 穩陣硬淨費蘭甸奴，配埋中場發電機迪布尼，又加上經驗及技術一流既大衛施華控制中場節奏，有活力，有創造力，有技術，有經驗，有控球，有深度，最重要係有默契。即使Ikay係曼城夾過一段時間，隊友間默契比前更進一步。仲未計Yaya 等後備，呢條中場線需要眼光先可以夾到出來。
後防方面，曼城將兩閘換血，換上獲加及Danilo, 又將原本已發霉Fabian Delph改造成攻守兼備左閘，哥迪奧拿呢著確實好妙。兩閘改善攻守效率及平衡，令後防壓力減少。門將Moraes 更顯得領隊眼光獨到，將表現平平愛將Bravo貶為後備，球隊表現理所當然更上一層樓。
曼城球主有錢，亦肯投資，但睇下刻下陣容，今季新加盟新兵只係後防門將補強而已。有錢，亦需要懂得去花錢，更需要如哥迪奧拿主帥領導球隊。除左英超冠軍如囊中物，如好好控制傷兵問題，歐聯錦標亦有實力挑戰[/b][/color]
[color=#556b2f][/color]
[b][color=#a0522d]精品文章: 038886[/color][/b]
[color=#a0522d][b]我覺得曼城今年既大爆發,係有兩個原因既
第一點:收購出色,而且具針對性
第二點:哥迪奧拿既執教功力
第一點:其實每一年英超big6都好肯大手投入資金去轉會市場去增強實力,但可以見到曼城既收購係最為成功而且具針對性,
當然係因為班主肯大手投入買到哥帥想要既球員,基本上只要哥帥認為適合既球員,球會都會盡力去完成收購
轉會既自由度係其他球隊做唔到既,所以點解哥帥可以係短時間內完成自己心目中既理想陣容係有原因既
相反地講,好似曼聯咁,今季球員收購都係摩佬想要既,但因為投入資金問題,佢都冇辦法買齊佢想要既球員去完善陣容
(如果摩佬可以買到比列鍚等佢認為合適既球員,相信今季曼聯變陣同埋進攻手段會豐富好多,亦會踢得比較輕鬆)
所以係此消彼長既情況下,曼城已經擁有一套完整而又可以配合領隊戰術既陣容
需知道big6其實正選陣容都唔弱,但聯賽係長期作戰,陣容深度係好重要,曼城最近兩三季既收購已經令板凳深度強於對手
(例如大偉施華受傷,有個根度簡,阿古路受傷,都仲有個捷西斯)板凳深度亦令變陣本錢大增,簡直係令其他領隊十分羨慕
其他球隊例如:(曼聯,車仔)是但傷一個主力,對陣容已經有好大影響,只能被迫變陣去應付比賽,影響發揮
當然以上既球隊領隊功力不容置疑,因為係咁既情況下,其實已經算係發揮得非常好
只係今年曼城到左收成期,加上陣容已經完善,所以先比人感覺咁大差距
2.第二點:好多人都會講,擁有好似曼城咁既陣容,其實搵邊個教都一樣
但其實哥帥既執教功力係好多人都忽視左,雖然哥帥以往執教既球隊都擁有強勁既陣容
但要明白比個好多既陣容比你,都要個領隊識運用同安排戰術先可以成功
同埋我覺得佢經歷過三大聯賽後,其實比以往係進步左好多,將佢既戰術思想更清晰地下達到比球員
其實見到今季史達玲既進步之大,好老實都已經知道哥帥既球員調教方面落左好多功夫
仲有戴夫等成功改造既例子,就知道哥帥比以往進步左。老實說,哥帥令球員開竅既功夫真係十分出色,
同埋今年見到哥帥臨場應變比以往快,好似對熱刺一役上半場依舊以控球打法為主,但比熱刺迫到十分狼狽
下半場即時應變,放棄控球,減少球員被迫搶消耗體力,轉而改打防反戰術,引熱剌推前進攻,後場迫搶成功後快速反擊
所以有好領隊,加上球會既資金支持以及球員踏入收成期，狀態大勇
係今季大爆發既原因。謝謝[/b][/color]
[color=#a0522d][/color]
[color=#4b0082][b]food133
哥迪奧拿既成長
當初哥帥既執教生涯由巴塞開始, 係執教巴塞期間傳控戰術令佢贏盡一切,
到佢要離開巴塞個陣, 佢話因為佢無辧法再激勵班球員,
佢亦知道佢係巴塞好成功個套亦開始俾人睇穿, 戰術亦到左樽頸位...........
佢求變, 不過唔成功, 言談間佢亦透露巴塞高層對佢唔係百份百支持!
期間再到拜仁, 佢嘗試將一套完全唔同既戰術套用係其他球隊身上,
在拜仁期間, 都可以話係半成功,
不過在拜仁一樣受多方限制...........
打造適合曼城既體系
直到曼城, 哥帥選擇左一間有心有財力去攪足球既球會,
無太多歷史包袱, 無特別鮮明風格, 而老細絕對相信同全力支持佢,
呢個係哥帥首要既條件!
經過第一個四大皆空既賽季, 哥帥好清楚知道自己想打造一隊點樣既球隊,
曼城有迪布尼, 有施華,
絕對適合佢體系既核心人選已有, 佢再買入一d年青年材俊,
而唔係咩特別大牌既球星, 佢係巴塞已深明大牌球星未必聽佢個套,
哥帥係一個極度注重細節既人, 例如佢唔鐘意佢班球員渣名車去訓練,
要大家講埋同一種語言等等...........
曼城有錢, 哥帥有吸引力, 基本上買人上面曼城唔會遇到太大阻力,
曼城組軍相對其他隊都順利.............
多元化戰術
施華同迪布尼一個主攻強, 一個反擊勁, 加上有辛尼史達寧等,
曼城可以話主攻又得反擊又得,
死球, 遠射樣樣有, 基本上對手係防不勝防,
前場幾個球員唔入波都識得助攻,
防守方面哥帥教迫搶亦有一手,
連施華呢類細細類既都可以咁搶得!
今季曼城一班球員個人技術亦顯著提升, 當然呢個亦係哥帥強頂
總括黎講, 哥帥經歷幾個唔同聯賽既成長, 曼城老細全力支持,
曼城一眾年青球員有激情, 連耶耶都唔掘金想留低為曼城打拼,
呢d都係曼城今季起飛原因[/b][/color]
[color=#4b0082][/color]
[b][color=#006400]wingy_2251
我尋晚睇完卡迪夫城對曼城, 就知道點解之前摩佬話曼城冇左阿古路仲難搞:smile_42:
曼城打個4-2-4-0/4-6-0
無鋒陣下幾乎全民皆兵, 走位十分靈活自由, 4個am 史端寧、迪布尼、b.silva、辛尼都可拉邊可居中攻門, 根度簡一如以往伺機出擊, 可傳可射可引球推進, 連兩閘的助攻都不限於出波, 不時壓入禁區或稍中路的位置, 根本令對手防不勝防, 難以佈防
呢隊曼城真係好難搞, 應該英超無敵, 可爭歐聯, 睇下哥帥有冇機會係曼城再爭6冠王
呢隊曼城真係好癲, 就算唔打無鋒陣, 換入阿古路或者係換入耶穌仔都係唔同既打法, 真係好惡搞:smile_42:[/color][/b]
[b][color=#006400][/color]
[color=#006400]exactly, 曼城真係成隊都好識走位, 好靈活, 就連中堅奧達文迪都有少少意識, 唔知係咪史東斯、高柏尼、文加拉都做唔到呢方面既要求, 所以哥帥用違約金形式都要強行簽入拿樸迪, 即管睇下拿樸迪會做咩工作:smile_40:[/color][/b]
[b][color=#8b0000]yclam
想補充一下Sane, Sterling唔係自動會大熟大勇，有睇曼城波就知Sterling差唔多場場都有敗家，但曼城進攻套form實在製造到太多小禁區輕鬆射門嘅機會，Sterling什至Aguero一場敗兩三球都仲有chance入波。
換轉其他球隊，尤其面對弱隊鐵桶陣，往往一場波只製造到3、4個機會/半機會，前鋒把握力差少少就0-0和波。
我敢肯定如果曼城正前唔係Aguero而係Kane，聯賽入35-40球不是夢。
非常認同哥帥買Ederson真係好有眼光！當日用高價喺二線聯賽買巴西國家隊後備門將，相信好多人都質疑呢單交易。
英超對龍門嚟講係最難適應嘅聯賽，好多出色門將包括Loris、DDG、古圖初到英超都有蝦碌場面，但Ederson嘅完美演出（撲救、出迎以外仲要有控球、長傳能力）令我諗起十幾年前嘅Cech。
哥帥強調快速反搶、加快傳球轉移速度，有效利用攻守轉換時對手嘅空檔製造入球機會。
同時，哥帥俾前場球員嘅任務非常清晰：雙核透過傳球拉扯對方防守尋找空檔或透過快速轉移尋求局部人數優勢；突出左路Sane 1對1優勢，給予其帶球突破嘅自由；右路Sterling強調與中路球員嘅one two配合，發揮其走位靈活嘅優勢撞牆殺入禁區；減少中路阿古路背身拿球與中堅對抗，較多一腳傳球再發揮其面向龍門入鍥搶點嘅能力；加上迪布尼嘅遠射能力，即使對鐵桶防守都能夠取得入球。
防守時兩閘回收中路幫忙爭搶第二落點（哥帥今季進步之處），費甸做掃把、技術犯規嘅角色，有效應付高Q大棍搏亂嘅球隊。
今季使大錢買後防，減少低級犯錯之餘亦大大提升死球攻防嘅能力。
哥帥今季喺英超成功，另一個原因係英超好少球隊能夠利用曼城兩邊嘅空檔製造有威脅嘅反擊，又或者應該話無邊隊打得出早4、5年皇馬、拜仁果種快速反擊！
包括big 6在內，只有利記能夠喺成功迫搶後打出超快配合，用極短時間打入禁區射門。其他如曼聯、車仔、熱刺喺反擊速度及精確度方面都唔係頂級水平。反而前季中下遊球隊如水晶宮、屈福特偶然都打到一流嘅快速反擊。
所以期待曼城喺歐聯碰上皇馬、拜仁（雖然比幾年前差咗），等曼城可以面對旗鼓相當嘅對手發揮100%實力。[/color][/b]