查看完整版本 : 第一次台北旅遊, 行程求意見

黎緊第一次去台北自由行, 自己plan左個行程, 希望大家可以俾少少意見我, 同埋幫手解答少少問題, 感激:handshake

3/12 (Sun)       1900桃園機場 -> 酒店(台北捷運站) -> 士林夜市晚餐+台北地下街
4/12 (Mon)      早餐 -> 西門町行街&午餐-> 淡水老街 -> 漁人碼頭&情人橋日落-> 寧夏夜市
5/12 (Tue)       9點台鐵到瑞芳@0935轉客運到九份-> 九份金礦博物館 &藝術館-> (+/- 黃金瀑布, 黃金博物園區) -> 客運到瑞芳車站 -> 火車到菁桐 -> 平溪 -> 十份瀑布&天燈(黃昏) > 饒河街夜市
6/12 (Wed)      北投温泉博物館 -> 北投梅庭 -> 地熱谷 -> 泉園公園浸腳 -> 西門町 -> 師大夜市
7/12 (Thu)       隨心活動 -> 1530桃捷機場 (1800飛機)

Question:
1. 漁人碼頭到淡水捷運站, 巴士需要50分鍾嗎? 呢個係google map答案, 我眕旅遊書自己行都係50分鐘:smile_13:
2. 悠遊卡坐客運是需要上下車都拍卡嗎?
3. 瑞芳客運到九份可用悠遊卡嗎? 因此我見如果從台北到瑞芳係要買火車票，唔係用悠遊卡
4. 九份到黃金瀑布客運大慨要多久? 因為我很容易暈車浪... ...
5. 第3日菁桐, 十份, 平溪好亂, 請問咁樣排會太趕嗎? 來回菁桐,十份&平溪主要係坐的士嗎? 因為上網見支線火車時間都好疏。
6. 台北去桃園機場既火車站或者台北捷運站有LOCKER可以寄存行李嗎?

第一日1900先到桃園機場，最快都要2000攞完行李，出埋電話卡、兌台幣/提款，快則2030離開機場，2130前可以到台北車站，check in埋接近2200先可以出發去士林夜市，去到檔口都仲應該未閂晒嘅...台北地下街就唔駛諗啦~~
"台北捷運站"=捷運台北車站？台北有好多個捷運站的

第二日，西門啲舖頭無咁早開，早上無嘢行的...

1) Google Map行車時間通常唔準，台北市/新北市有公車動態查詢，搵下"紅26"就可以計下大約車程
2) 視乎路線，唔一定上落都要拍卡
3) 基隆客運可以用悠遊卡，火車都可以
4) 同問題1一樣，去公車動態查詢睇睇
5) 平溪要搵的士唔易，除非你包車由市區入去啦
p.s. 係"十分"，唔係"十份"，十份係另一個地方
6) 台北車站已經有大量收費Locker可以用，如果坐長榮/華航，仲可以用A1台北車站預先check in寄行李，連寄存行李都唔駛

[[i] 本帖最後由 sunnycsl 於 2017-11-26 01:25 AM 編輯 [/i]]

第3日太趕

第一日1900到桃機 去到台北車站恐怕應該2030以後 2100再去士林食飯唔係問題 但係講話再去地下街行街街 ... 應該收晒檔啦

12月5日 我覺得再早少少出發會好
十分瀑布 呢一度我想講下 因為係十分車站行去瀑布 要成25分鐘路程 來回淨行都冇左一個鐘 如果有小黃兜客真係唔好慳個一百台幣單程 況且你時間有限 平溪線班次又得一個鐘一班車 真係要抓緊時間
最後 行左一日後...我驚你冇力行饒河夜市 :P

我上次系淡水捷運行去碼頭坐船去漁人碼頭,船程20分鐘左右.

[quote]原帖由 [i]sunnycsl[/i] 於 2017-11-26 01:22 AM 發表 [url=http://www.discuss.com.hk/redirect.php?goto=findpost&pid=471460231&ptid=27082788][img]http://www.discuss.com.hk/images/common/back.gif[/img][/url]
第一日1900先到桃園機場，最快都要2000攞完行李，出埋電話卡、兌台幣/提款，快則2030離開機場，2130前可以到台北車站，check in埋接近2200先可以出發去士林夜市，去到檔口都仲應該未閂晒嘅...台北地下街 ... [/quote]
多謝師兄介紹既新北市有公車動態查詢系統，好方便:loveliness:
咁我打算第2日唔去西門町，直接出發去淡水
然後早點結束咁就夜晚返西門町行街，去寧夏夜市，咁可以嗎?:smile_13:
淡水玩一天會唔會太長時間?:smile_13:

[quote]原帖由 [i]冰神仔[/i] 於 2017-11-26 11:17 AM 發表 [url=http://www.discuss.com.hk/redirect.php?goto=findpost&pid=471469726&ptid=27082788][img]http://www.discuss.com.hk/images/common/back.gif[/img][/url]
第3日太趕 [/quote]
Thx 師兄, 我會諗諗佢:loveliness:
[quote]原帖由 [i]鳳凰豬豬豬[/i] 於 2017-11-26 11:32 AM 發表 [url=http://www.discuss.com.hk/redirect.php?goto=findpost&pid=471470334&ptid=27082788][img]http://www.discuss.com.hk/images/common/back.gif[/img][/url]
第一日1900到桃機 去到台北車站恐怕應該2030以後 2100再去士林食飯唔係問題 但係講話再去地下街行街街 ... 應該收晒檔啦

12月5日 我覺得再早少少出發會好
十分瀑布 呢一度我想講下 因為係十分車站行去瀑布 要成2 ... [/quote]
多戲師姐:loveliness:
咁我改0735火車, 0823到瑞芳, 應該9點伯到九份
但係咁早我驚無咩行:smile_13:
聽完你咁講, 我入去瀑布憑該會坐的士:smile_42:
另外菁桐 -> 平溪 -> 十份 三個點都一定要去嗎?
如果要取捨，點選好:smile_13:

[quote]原帖由 [i]粵X[/i] 於 2017-11-26 05:17 PM 發表 [url=http://www.discuss.com.hk/redirect.php?goto=findpost&pid=471486348&ptid=27082788][img]http://www.discuss.com.hk/images/common/back.gif[/img][/url]
我上次系淡水捷運行去碼頭坐船去漁人碼頭,船程20分鐘左右. [/quote]
多謝師兄
我都有諗住坐船, 黃昏時間由情人橋坐返去淡水碼頭, 咁就唔洗行咁耐:loveliness:
請問坐船會大浪嗎?

我二年前10月中16:45左右到情人橋，天氣、時間、氣氛、日落都係最美嘅……:smile_o13:

[quote]原帖由 [i]粵X[/i] 於 2017-11-26 05:17 PM 發表 [url=http://www.discuss.com.hk/redirect.php?goto=findpost&pid=471486348&ptid=27082788][img]http://www.discuss.com.hk/images/common/back.gif[/img][/url]
我上次系淡水捷運行去碼頭坐船去漁人碼頭,船程20分鐘左右. [/quote]


坐紅26都咁上下時間，用悠遊卡/一卡通等捷運轉公車仲有轉乘優惠，只要7元

其實北投淡水可以擺喺同一日去。
新北投行個圈個幾兩個鐘，如果食一餐再加泡湯都係玩半日度，仲夠時間搭捷運去埋淡水+漁人碼頭睇日落同掃街，咁樣呢邊景點順路一次過唔駛分兩日行。

去左九份金礦博物館 &藝術館-> (+/- 黃金瀑布, 黃金博物園區) 呢一度行晒先至返去九份山城 順便食個快飯 因為而家山城全部都係亞洲遊客 如果人太多又唔覺得有野好行 就及早離開趕去平溪線 盡量爭取時間

[quote]原帖由 [i]小笨友[/i] 於 2017-11-26 10:31 PM 發表 [url=http://www.discuss.com.hk/redirect.php?goto=findpost&pid=471501819&ptid=27082788][img]http://www.discuss.com.hk/images/common/back.gif[/img][/url]

多謝師兄介紹既新北市有公車動態查詢系統，好方便:loveliness:
咁我打算第2日唔去西門町，直接出發去淡水
然後早點結束咁就夜晚返西門町行街，去寧夏夜市，咁可以嗎?:smile_13:
淡水玩一天會唔會太長時間?:smil ... [/quote]

睇你對 菁桐 ,平溪,十分 有冇咩景點特別有興趣, 始終人人感受唔同。



去完九份,黃金博物館再去哂就無可能, 睇下抽某些景點下次去。

那你就安排十分瀑布/車站放天燈^^

[quote]原帖由 [i]圍頭佬[/i] 於 2017-11-27 01:18 PM 發表 [url=http://www.discuss.com.hk/redirect.php?goto=findpost&pid=471528233&ptid=27082788][img]http://www.discuss.com.hk/images/common/back.gif[/img][/url]
其實北投淡水可以擺喺同一日去。
新北投行個圈個幾兩個鐘，如果食一餐再加泡湯都係玩半日度，仲夠時間搭捷運去埋淡水+漁人碼頭睇日落同掃街，咁樣呢邊景點順路一次過唔駛分兩日行。 [/quote]


十分同意。如樓主淡水只去情人橋，碼頭，老街，一天北投+淡水絕對有足夠時間。

[quote]原帖由 [i]terdorfung[/i] 於 2017-11-28 08:31 AM 發表 [url=http://www.discuss.com.hk/redirect.php?goto=findpost&pid=471566323&ptid=27082788][img]http://www.discuss.com.hk/images/common/back.gif[/img][/url]



十分同意。如樓主淡水只去情人橋，碼頭，老街，一天北投+淡水絕對有足夠時間。 [/quote]
再加埋個士林夜市都得:smile_35:

我上一次係十份+放天燈, 再到九份行一轉再加鐃河街夜市已經用左一日時間, 不過我九份買左好多野所要返一返酒店放低再去夜市的:smile_35:

DAY 1 1900才到桃園機埸, 最快2030~2100才到台北車站, 只去寧夏夜市. BY THE WAY, 台北地下街不太值得去
DAY2 一早8點出發去北投温泉博物館 -> 北投梅庭 -> 地熱谷 -> 泉園公園浸腳 -> 來個快的午餐, 下午2點左右去淡水, 還有時間去小白宮, 紅毛城, 真理大學區之後去情人橋, 回程才去淡水碼頭+老街. BY THE WAY, 淡水老街都是夜市
DAY3 搭0752之火車去瑞芳, 再轉客運去九份都已經是9點半, 商店都陸續開門, 個人覺得欣賞山城, 早一點不是太多人比較好, 11點便很多人了. 由九份去菁桐, 客運+火車要1.5小時以上, 如樓主覺得時間太耐, 可以搭的士. 菁桐, 平溪, 十分要取捨的話, 平溪吧. 平溪線火車班次每小時一班不是很疏, 因為旅客可在火車軌行走. 菁桐 > 十分火車車程都只是十多分鐘,晚上可去饒河街夜市
DAY4 西門町,西門紅樓, 艋舺龍山文劊園區, 等等,
DAY 1800飛機, 就算是搭機捷, 都要搭1500~1530前的班次