查看完整版本 : 元朝帝系粗略整理

taikongbaby 2017-11-30 08:03 AM

元朝帝系粗略整理

以前睇元朝史 , 硬係覺得D皇帝變來變去 , 跳得好快好亂 ... 小弟今次的起心肝 ,
整理一下元朝帝系 :
忽必列>>>在真金一二三子系統轉換>>>武宗系的文明二宗相繼帝位>>>
最後兩位皇帝都是明宗之後

較詳細的解釋如下 :

1,元世祖忽必列

2,元成宗鐵木耳
眾所周知 , 鐵木耳是忽必列之孫 , 其長子真金之子 , 但其實真金的第三子 ...
元世祖轉位給元成宗 , 可以話係整個元朝唯一一次正常移交 ,
但鐵木耳本身無子 , 直接讓之後帝位系真金諸子系統轉換 ... 值得一提的是 ,
成宗時期被認為是繼世祖後 , 最好既時代

3,元武宗海山
海山是真金第二子所出 , 成宗死後其皇后卜魯罕 , 欲立忽必烈長孫安西王阿難答
而丞相哈剌哈孫就屬意海山 ... 他同時向海山 , 以及其弟愛育黎拔力八達通風 ,
但卜魯罕切斷了了到漠北的交通 , 所以其實是由愛育黎拔力八達 ,
打敗卜魯罕  阿難答

後來海山也持兵到來 , 再三考慮後 , 兩兄弟達成 "兄終弟及  叔侄相繼" 的協定
即海山登基後 , 以愛育黎拔力八達為皇太弟 , 愛育黎拔力八達登基後 ,
再立之子為皇太侄

順帶一提 , 海山是成宗時期打敗窩闊台系海都  察合台汗篤哇的主將 ,
登基前也出鎮漠北 , 軍功卓駐 ... 而競爭者阿難答 , 其實是一位伊斯蘭教徒 ,
所以有好事者認為 , 佢如果登左基可能中國就伊斯蘭化左

4,元仁宗愛育黎拔力八達
仁宗身份上面就講過 , 但佢就無遵守 "叔侄相繼" 之約 , 立了自己的兒子為太子
而且把武宗的兩子遠調外地 , 和世來出鎮雲南 , 圖帖睦爾南放至海南島 ...
其中和世來走至陝西就造反 , 失敗後逃至察合台汗國 , 以求保護

5,元英宗碩德八剌
英宗是仁宗之子 , 登基後政權由在太皇太后答己及右丞相鐵木迭兒掌管 ,
之後在 "南坡之變" 中遇刺身亡

6,元泰定帝也孫鐵木兒
泰定帝的父親是真金的長子 , 但卻在忽必烈死時沒法繼位 , 之後的武仁英時期 ,
都有晉升他 ... 他被視為 "南坡之變" 的幕後兇手 ,
而英宗死後仁宗一系己經絕後 , 武宗系的和世來  圖帖睦爾又遠在邊境 ,
所以就立了泰定帝為帝

7,元文宗圖帖睦爾
圖帖睦爾在泰定帝時期 , 己經召回京 , 再出居建康  江陵等地 ,
泰定帝死後丞相立了其子阿速吉八天順帝 , 而燕帖木兒就想立和世來為帝 ,
但同樣因為距離太遠 , 只好先立圖帖睦爾為帝 ... 圖帖睦爾也事先聲明是代任 ,
在打敗天順帝後 , 立即讓位予和世來

8,元明宗和世來
即位不足一個月就死去 , 燕帖木兒被認為是兇手

9,元文宗圖帖睦爾(第二任期)

10,元寧宗懿璘質班
他是明宗第二子 , 不足兩個月就死去

11,元順帝妥懽帖睦爾
他是明宗長子 , 元朝最後一位皇帝 , 我唸唔需要特別介紹

多明戈 2017-11-30 10:16 AM

由成吉思汗起計, 世系圖大致係咁...

[[i] 本帖最後由 多明戈 於 2017-12-1 09:32 AM 編輯 [/i]]

taikongbaby 2017-11-30 03:31 PM

[quote]原帖由 [i]多明戈[/i] 於 2017-11-30 10:16 AM 發表 [url=http://www.discuss.com.hk/redirect.php?goto=findpost&pid=471675166&ptid=27091655][img]http://www.discuss.com.hk/images/common/back.gif[/img][/url]
由成吉思汗起計, 世系圖大致係咁... [/quote]
多謝多兄 , 有了多兄這張圖 , 咁元朝帝系就可以 , 顯示得更清楚
不過可惜佢地無列到泰定帝之子--天順帝出來

不過講真 , 我都好奇幾 ... 我印象中蒙古都係血性男兒 , 估唔到
當中咁多皇帝係無仔(成宗鐵木耳)或者得一個仔
(仁宗愛育黎拔力八達 , 仁宗死後佢就絕嗣) ... 我仲以為佢地 ,
個個生育能力都好強TIM

abcnam01 2017-11-30 04:28 PM

謝謝樓主。

我對中國歷史頗有興趣,但就是對元朝的歷史總是搞不清。今日樓主對元朝各帝的簡述及另一位師兄的世系表,卻使我突然對元史清晰了很多。

taikongbaby 2017-11-30 09:39 PM

[quote]原帖由 [i]abcnam01[/i] 於 2017-11-30 04:28 PM 發表 [url=http://www.discuss.com.hk/redirect.php?goto=findpost&pid=471692723&ptid=27091655][img]http://www.discuss.com.hk/images/common/back.gif[/img][/url]
謝謝樓主。

我對中國歷史頗有興趣,但就是對元朝的歷史總是搞不清。今日樓主對元朝各帝的簡述及另一位師兄的世系表,卻使我突然對元史清晰了很多。 [/quote]
說真的 , 講元朝中期(就是扣除了忽必烈同元順帝)的書 ,
甚至比講五胡十六國  五代十國還少呢 ...

taikongbaby 2017-12-1 08:10 AM

是了 , 其實點解元朝帝系會轉換得咁勁???

如果無記錯 , 係忽必烈之後庫里台大會己經唔存在拉 ,
佢地應該都有立太子 , 點解都仲係會咁???

多明戈 2017-12-1 09:27 AM

[quote]原帖由 [i]taikongbaby[/i] 於 2017-12-1 08:10 AM 發表 [url=http://www.discuss.com.hk/redirect.php?goto=findpost&pid=471718397&ptid=27091655][img]http://www.discuss.com.hk/images/common/back.gif[/img][/url]
是了 , 其實點解元朝帝系會轉換得咁勁???

如果無記錯 , 係忽必烈之後庫里台大會己經唔存在拉 ,
佢地應該都有立太子 , 點解都仲係會咁??? [/quote]
成宗即位本身已經唔係計嫡長,一旦滲入人為主觀因素, 要拗"邊個好D"就永遠都有得拗,況且成宗無長大成人兒子, 帝位無可避免要落返入兩位兄長後人度,而之後仲講埋乜野"兄終弟及", 宋朝時已經證明左係唔會有好結果.

多明戈 2017-12-1 09:33 AM

[quote]原帖由 [i]taikongbaby[/i] 於 2017-11-30 03:31 PM 發表 [url=http://www.discuss.com.hk/redirect.php?goto=findpost&pid=471689960&ptid=27091655][img]http://www.discuss.com.hk/images/common/back.gif[/img][/url]

多謝多兄 , 有了多兄這張圖 , 咁元朝帝系就可以 , 顯示得更清楚
不過可惜佢地無列到泰定帝之子--天順帝出來

不過講真 , 我都好奇幾 ... 我印象中蒙古都係血性男兒 , 估唔到
當中咁多皇帝係無仔(成宗鐵木耳)或 ... [/quote]
漏左添, 改返好了...

taikongbaby 2017-12-1 03:27 PM

[quote]原帖由 [i]多明戈[/i] 於 2017-12-1 09:27 AM 發表 [url=http://www.discuss.com.hk/redirect.php?goto=findpost&pid=471721260&ptid=27091655][img]http://www.discuss.com.hk/images/common/back.gif[/img][/url]

成宗即位本身已經唔係計嫡長,一旦滲入人為主觀因素, 要拗"邊個好D"就永遠都有得拗,況且成宗無長大成人兒子, 帝位無可避免要落返入兩位兄長後人度,而之後仲講埋乜野"兄終弟及", 宋朝時已經證明左係唔會有好結果. [/quote]
其實 , 呢樣野會唔會同蒙古人既 "幼子承繼制" 有無關???

對於"幼子承繼制" , 我其實唔知有咩實例 , 但成吉思汗既汗位 ,
最終的確流入左拖雷系 ; 成吉思汗死死果陣 , 拖雷亦都監國左兩年
... 元朝承繼混亂 , 其實會唔會同中原長子承繼制相沖有關???

事實上 , 按我理解其實蒙古人都係行嫡子制 ,
好似成吉思汗有承繼的四子 , 其實全部都係嫡子 ... 佢仲有其他仔
所以我係度唸 , 成宗所謂既無子 , 仁宗所謂既絕嗣 ,
會唔會只係無嫡子 , 因為如果扶庶子上 , D叔伯既嫡子就會唔肯過佢

taikongbaby 2017-12-2 12:21 AM

仲有仲有 , 後來係皇帝死左後 , 係咪無左 "監國" 時期拉???

taikongbaby 2017-12-2 08:05 AM

其實唸唸下 , 元朝咁既承繼制度 , 竟然要去到文宗時 , 
先出現燕帖木兒呢種權臣 ... 

到元順帝時 , 小弟更加唔明 , 奇皇后點解可以架空到順帝???

taikongbaby 2017-12-2 02:10 PM

其實睇返個世系圖 , 自忽必烈之後既元朝皇帝 , 好似得武宗同明宗 ,
叫有武人色彩 ... 而且係文宗之前 , 都好似係實權皇帝(英宗都係母后干政)
有無人知道佢地不同時既政治派系???

我懷疑係仁宗  英宗時 , 泰定帝己經有自己既派系 , 唔係無可能咁快上到位
反而 , 泰定帝果陣應該都有個反泰定帝集團 ...

taikongbaby 2017-12-2 09:16 PM

。。。沒人對這有興趣嗎?(>﹏<")

taikongbaby 2017-12-3 08:41 AM

有時覺得元朝可以分為 :
世成時代(最安定) >>> 中前期(武宗~泰定帝) >>> 燕帖木兒專權時期 >>>元順帝時期

taikongbaby 2017-12-3 02:16 PM

睇多一次 , 元朝自海迷失之後 , 好似所有母后都失敗左咁 ...
成宗后想捧忽必烈長孫 ; 英宗時母后當政 , 但英宗得兩年貨仔 ;
泰定后想捧自己個仔--天順帝 ... 結果全部衰晒

taikongbaby 2017-12-3 09:06 PM

... 小弟自問自己提出既問題/見解 , 都有一定質素 ,
真係完全無人想問咩???:smile_35:

taikongbaby 2017-12-4 08:17 AM

最後順便一提 , 元順帝生母葛邏祿 ... 如果無找錯 , 元朝好似得佢既母系 ,
唔係蒙古人

多明戈 2017-12-4 10:06 AM

[quote]原帖由 [i]taikongbaby[/i] 於 2017-12-1 03:27 PM 發表 [url=http://www.discuss.com.hk/redirect.php?goto=findpost&pid=471739243&ptid=27091655][img]http://www.discuss.com.hk/images/common/back.gif[/img][/url]

其實 , 呢樣野會唔會同蒙古人既 "幼子承繼制" 有無關???

對於"幼子承繼制" , 我其實唔知有咩實例 , 但成吉思汗既汗位 ,
最終的確流入左拖雷系 ; 成吉思汗死死果陣 , 拖雷亦都監國左兩年
... 元朝承繼混亂 , 其 ... [/quote]
我都唔知"幼子承繼制"於佢地汗位傳承中實際係點實行,的確只有強烈跡象係嫡子優先於庶子,但嫡子之中就無定律係長定幼排先.

多明戈 2017-12-4 10:09 AM

[quote]原帖由 [i]taikongbaby[/i] 於 2017-12-3 09:06 PM 發表 [url=http://www.discuss.com.hk/redirect.php?goto=findpost&pid=471854405&ptid=27091655][img]http://www.discuss.com.hk/images/common/back.gif[/img][/url]
... 小弟自問自己提出既問題/見解 , 都有一定質素 ,
真係完全無人想問咩???:smile_35: [/quote]
我果D歷史知識純粹係網上睇返黎,
畢竟唔係第一手資料(起碼要睇下D歷史文憲先講得準D),
所以只能講一D個人想法.

多明戈 2017-12-4 10:12 AM

[quote]原帖由 [i]taikongbaby[/i] 於 2017-12-3 08:41 AM 發表 [url=http://www.discuss.com.hk/redirect.php?goto=findpost&pid=471821120&ptid=27091655][img]http://www.discuss.com.hk/images/common/back.gif[/img][/url]
有時覺得元朝可以分為 :
世成時代(最安定) >>> 中前期(武宗~泰定帝) >>> 燕帖木兒專權時期 >>>元順帝時期 [/quote]
其實我有一個古怪興趣係鐘意幫D中外王朝畫世系圖,得出一個經驗(中國王朝黎講), 傳承若果越簡單(曾祖->祖父->父親->兒子)的話,果個時期政局一般比較穩定, 反之枝節越多,單係由邊個繼位呢種爭議都會帶來大問題.

天竺滷味炒蝦 2017-12-5 12:38 AM

[quote]原帖由 [i]多明戈[/i] 於 2017-12-4 10:12 AM 發表 [url=http://www.discuss.com.hk/redirect.php?goto=findpost&pid=471876967&ptid=27091655][img]http://www.discuss.com.hk/images/common/back.gif[/img][/url]

其實我有一個古怪興趣係鐘意幫D中外王朝畫世系圖,得出一個經驗(中國王朝黎講), 傳承若果越簡單(曾祖->祖父->父親->兒子)的話,果個時期政局一般比較穩定, 反之枝節越多,單係由邊個繼位呢種爭議都會帶來大問題. [/quote]


都未必。唐朝帝系表小弟中二已經識畫,但政局一樣唔穩定,幾乎每位皇帝都得位不易。

天竺滷味炒蝦 2017-12-5 02:39 PM

記得舊年都有傾過元朝帝系,當時又係有位師兄話覺得元朝帝系好亂。

但小弟仍然堅持,元朝都唔算好亂。最亂我仍首推東漢。:smile_27:

多明戈 2017-12-5 05:11 PM

[quote]原帖由 [i]天竺滷味炒蝦[/i] 於 2017-12-5 02:39 PM 發表 [url=http://www.discuss.com.hk/redirect.php?goto=findpost&pid=471936737&ptid=27091655][img]http://www.discuss.com.hk/images/common/back.gif[/img][/url]
記得舊年都有傾過元朝帝系,當時又係有位師兄話覺得元朝帝系好亂。

但小弟仍然堅持,元朝都唔算好亂。最亂我仍首推東漢。:smile_27: [/quote]
其實中國一般係父系社會, 亂極都只係簡單一棵樹, 已經唔算複雜了, 好似英國咁男女都可繼位, 並且表親之間可通婚先係亂七八糟. (打比喻, 王夫菲臘親王其實都係維多利亞女王後人, 都有理論上繼承權的)

西西積叻 2017-12-16 01:01 PM

元順帝做了30年皇帝

same-same 2017-12-18 11:56 AM

[quote]原帖由 [i]天竺滷味炒蝦[/i] 於 2017-12-5 12:38 AM 發表 [url=http://www.discuss.com.hk/redirect.php?goto=findpost&pid=471915084&ptid=27091655][img]http://www.discuss.com.hk/images/common/back.gif[/img][/url]



都未必。唐朝帝系表小弟中二已經識畫,但政局一樣唔穩定,幾乎每位皇帝都得位不易。 [/quote]
帝系表的傳承線可以用單雙粗細顏色來代表背後不同的繼承方式

沙宏 2017-12-19 12:17 PM

[quote]原帖由 [i]taikongbaby[/i] 於 2017-12-2 08:05 AM 發表 [url=http://www.discuss.com.hk/redirect.php?goto=findpost&pid=471772664&ptid=27091655][img]http://www.discuss.com.hk/images/common/back.gif[/img][/url]
其實唸唸下 , 元朝咁既承繼制度 , 竟然要去到文宗時 ,
先出現燕帖木兒呢種權臣 ...

到元順帝時 , 小弟更加唔明 , 奇皇后點解可以架空到順帝??? [/quote]
奇皇后架空到順帝, 簡單原因都係出於, 順帝太愛佢...:smile_o10:
不過,韓劇都有唔少誇張失實。 但簡單睇返歷史, 又察覺到唔會離現實差太遠:smile_o07:

多明戈 2017-12-21 10:11 AM

[quote]原帖由 [i]same-same[/i] 於 2017-12-18 11:56 AM 發表 [url=http://www.discuss.com.hk/redirect.php?goto=findpost&pid=472549140&ptid=27091655][img]http://www.discuss.com.hk/images/common/back.gif[/img][/url]

帝系表的傳承線可以用單雙粗細顏色來代表背後不同的繼承方式 [/quote]
比較困難, 首先其中一種常見傳承係過繼,例如宋孝宗, 明嘉靖帝及清光緒/宣統帝,果種一般係畫兩種線(實/虛)分別連到兩位父親度,除此之外有唔少即使係同一皇朝與前任有親近血親,但就明顯係憑實力獲得的,例如唐太宗, 明成祖, 蒙古蒙哥汗, 而清雍正帝就有爭議, 但就有唔同程度分別,好難一概而論而劃界分成唔同顏色線.
頁: [1]
查看完整版本: 元朝帝系粗略整理