查看完整版本 : 澳洲18日Vlog遊記 (布里斯班, 黃金海岸, 墨爾本, 荷伯特, 悉尼) (20/4更新 荷伯特)

hkstan 2018-1-3 09:39 AM

澳洲18日Vlog遊記 (布里斯班, 黃金海岸, 墨爾本, 荷伯特, 悉尼) (20/4更新 荷伯特)

[align=left]大家好 :loveliness: 首次係discuss上面出POST分享遊記, 希望大家留言支持. 我自己比較鐘意拍片多過影相, 所以會以文字同Vlog型式分享[/align]
[align=left]2017年12月中, 同太太兩個出發去澳洲longhaul假期, 可以話係婚後既HoneyMoon上半Part (嚟緊既2月北海道, 就是PART 2):smile_46:[/align]
[align=left]自從畢業後, 都未試過去一個咁長既旅行. 為咗唔想請咁多AL假, 只好選擇聖誕紅日加新年去. 因此, 我地張Qantas機票連三程內陸, 要成萬二蚊一個... 坦白講, 真係有D肉赤. :L[/align]
[align=left]----------------------分隔線----------------------[/align]
[align=left]第一站 . 布里斯班[/align]
[align=left]早上六點咗右落機, 本以為澳洲12月好熱, 但一出機場, 又唔係wor... 感覺似香港既秋天咁, 可能仲早, 太陽唔算太猛.[/align]
[align=left]由機場鐡路去市中心, 大約20分鐘就到, 火車最遠可以去到黃金海岸. 所以 Brisbane 同 Gold Coast 可以話係鄰近城市, 渣車都只係45分鐘. 由於時間仲早, 我地只可以放行李係酒店, 要等到下午才Check-in. [/align]
[align=left]市中心內十分寧靜, 除咗雀仔同交通燈聲之外, 就只得我同太太既腳步聲... 當刻, 我覺得有少少恐怖... 諗起"紅VAN"既情境:smile_44:[/align]
[align=left]我地行咗去Brisbane River, 開始見到人影, 有人跑步, 有人等緊River Taxi, 有餐廳. 食完早餐後, 就想試下坐船仔過對面河. 去到碼頭, 見到有一隻叫 Cityhopper 既兩層船仔, 原來係唔駛錢, 免費遊Brisbane River. 我地坐咗上層, 吹下海風, 由Eagle Street Pier去到North Quay, 由於係循環來回, 我地又坐錯方向, 所以我地八個pier站都去晒先到目的地, 差唔多坐成個鐘. 雖然耐咗D, 但係免費, 又可以遊船河, 睇晒河邊兩岸極靚既風景. 你會發覺佢地既城市規劃做得好好. 唔係一味住宅, 商業大廈, 又好多公園, 有河邊單車徑.[/align]
[align=left]City Hopper Brisbane Website[/align]
[align=left][url=https://www.brisbane.qld.gov.au/traffic-transport/public-transport/citycat-ferry-services/cityhopper]https://www.brisbane.qld.gov.au/traffic-transport/public-transport/citycat-ferry-services/cityhopper[/url][/align]
[align=left]去到North Quay後, 我地慢慢行返酒店, 中途見到市內好多古舊式建築, 最正係個APPLE STORE, 好型:smile_34:[/align]
[align=left]小休兩小時後, 就出去全市最旺既購物街, Queen Street. 呢到同廣東道一樣, 咩都齊, H&M, Uniqlo, David Jones, 藥房等等. 唯一唔同係人少, 同店舖大多數6點左右就閉門, 連FOOD COURT都收5點... 係澳洲打工真係爽. 最後, 我地係D半露天既餐廳食晚飯, 行埋COLES Supermarket就返酒店囉~ (PS: Coles 同 Woolworths 係澳洲既百佳惠康)[/align]
[align=left][b][b]Vlog分享[/b][/b][/align]
[align=left][url=https://www.youtube.com/watch?v=CwHvPXrrHw8&t]https://www.youtube.com/watch?v=CwHvPXrrHw8&t[/url][/align]
[align=left]----------------------分隔線----------------------[/align]
[align=left]持續更新... 大家俾少少時間我剪片[/align]
[align=left]1. 布里斯班 ([url=http://www.discuss.com.hk/viewthread.php?tid=27158507&page=1#pid473219882]1樓[/url])[/align]
[align=left]2. Moreton Island 摩頓島 ([url=http://www.discuss.com.hk/viewthread.php?tid=27158507&page=1#pid473503491]4樓[/url])[/align]
[align=left]3. 黃金海岸 (Currumbin Wildlife Sanctuary) ([url=http://www.discuss.com.hk/viewthread.php?tid=27158507&page=1#pid473864067]6樓[/url])[/align]
[align=left]4. 墨爾本 (市集、Brighton Beach) ([url=http://www.discuss.com.hk/viewthread.php?tid=27158507&page=1#pid474336627]12樓[/url])[/align]
[align=left]5. 墨爾本 (Great Ocean Road 門徒石) ([url=http://www.discuss.com.hk/viewthread.php?tid=27158507&page=1#pid475658064]13樓[/url])[/align]
[align=left]6. 塔斯. 荷伯特 & 布魯尼島 (Tasmania Hobart, Bruny Island) ([url=http://www.discuss.com.hk/viewthread.php?tid=27158507&page=1#pid478859111]14樓[/url])[/align]

[align=left][b]預告[/b][/align]
[align=left]7. 悉尼 (Hunter valley, Manly Beach, Bondi Beach)[/align]

[[i] 本帖最後由 hkstan 於 2018-4-20 11:00 AM 編輯 [/i]]

huan1112 2018-1-3 07:44 PM

*** 作者被禁止或刪除 內容自動屏蔽 ***

hkstan 2018-1-4 09:08 AM

[quote]原帖由 [i]huan1112[/i] 於 2018-1-3 07:44 PM 發表 [url=http://www.discuss.com.hk/redirect.php?goto=findpost&pid=473247360&ptid=27158507][img]http://www.discuss.com.hk/images/common/back.gif[/img][/url]
很想去Cradle Mountain! [/quote]

果到好遠下wor....
坦白講, 我去完18日, 睇風景睇到有少少悶...

hkstan 2018-1-8 10:37 PM

第二站 . 摩頓島 Moreton Island

坦白講,Brisbane留咗兩日有少少悶,所以一定要JOIN下D Local Tour去外島玩下。今次我就係KKDAY參加咗個Moreton Island一日團。呢個團可以由GoldCoast或Brisbane出發,不過GoldCoast出發要早一個鐘起身,當然我地係Brisbane上車啦。

一早去到指定既巴士站,等架燈紅色旅遊大巴。原來KK Day係同我地報咗Sunset Safaris呢間公司。同行有鬼佬,有中國人,又有日本人(靚女)。由市中心坐半個鐘到碼頭,再坐75分鐘船就到Moreton Island。

個島真係好靚,無污染,水質好好。岸上本身都有好多澳洲人,佢地個個都渣車上島玩。不過,要注意,島上全部都係沙路,如果你果架唔係True 4WD off Road,真係唔去諗住渣車嚟玩。

上岸後,領隊分開兩GROUP,我地就先去玩第一個活動,滑沙! 再坐多大約十五分鐘山路,就到咗一個萬里無雲既沙漠。領隊先生教我地點樣控制塊沙板,跟住就行入個四十幾度既沙漠。真係唔好講笑,呢個沙漠熱到痴咗線,雙腳好熱,又晒,又乾。好辛苦地行咗十分鐘,終於上到沙漠斜坡頂。一個一個排隊咁,準備滑沙! 好高,好快,好過癮。不過,我就掛住大叫,唔記得個口會入沙,結果攪到成口沙。當我要玩第二次時,行返上個斜坡頂,心跳勁快,勁流汗。行咗十分鐘,終於上到頂可以再滑多次。當係下面等其他人滑落嚟時,我覺得我要少少中暑,好辛苦。我諗我人生唔會再玩第三次,夠晒皮。

回到海邊後,開始食午餐,都係果D food wrap,簡簡單單,但又幾好食,可能太肚餓。

食完中午,就去浮潛同玩透明獨木舟。呢度水質雖然唔錯,但太多人,浮潛唔算太理想,同埋時間得半個鐘。透明獨木舟就反而好玩,睇到好多魚仔。最衰我部GoPro係浮潛時壞咗,影唔到片。

話咁快,係個島上面玩到四點幾,就要坐船返去Brisbane~ 約HKD800一個人,去外島,包晒交通,午餐,同埋岸上三個活動,算平lu~
如果大家未試過滑沙,值得推介!

Vlog:-
[url]https://youtu.be/9-iHG_S574I[/url]

大家樂茶飯 2018-1-9 05:37 PM

[quote]原帖由 [i]hkstan[/i] 於 2018-1-4 09:08 AM 發表 [url=http://www.discuss.com.hk/redirect.php?goto=findpost&pid=473268979&ptid=27158507][img]http://www.discuss.com.hk/images/common/back.gif[/img][/url]

果到好遠下wor....
坦白講, 我去完18日, 睇風景睇到有少少悶... [/quote]

Cradle Mountain我上年去過
去左唔後悔好靚呀!

hkstan 2018-1-16 12:02 PM

第三站 . 黃金海岸 & Currumbin Wildlife Sanctuary

我地離開Brisbane渣車去Goldcoast, 車程大約45分鐘, 全部高速公路, 好易渣。

進入黃金海岸市中心時,留意到馬路兩旁有好多市政公園,好多小朋友係到玩。我地泊埋一邊,拎塊滑板係公園到停留咗一個鐘。澳洲成市規劃真係一流,公園上既設施絕對唔hea。望住小朋友既笑容,真係覺得呢D先叫快樂童年。對比香港,唔係俾部iPAD佢玩,帶佢出國坐飛機就叫俾開心佢。

中午,我地去 "Peter's Fish Market" 食飯, 雖然個名叫Fish Market, 但其實係細細間既舖頭仔。外觀唔算好靚,但佢地既炸魚,係我去澳洲18日內,食過最好,最鮮,最平既炸魚薯條! 不過裏面D蝦同生蠔就麻麻地,可以買少少試一試。

隨後, 我地去咗 "Harbour Town Outlet Shopping Centre",呢個outlet不值一行。貨品款式唔新,價錢又唔係平。我地留咗一陣,就去supermarket買餸返apartment煮飯囉~ Goldcoast第一日就咁完咗。

第二朝一早,我地渣車去Currumbin Wildlife Sanctuary。呢個動物園都幾大,可以留大半日。澳洲代表既樹熊同袋鼠都可以一次過睇晒。我地今次買咗比較貴少少既 Segway Tour 門票。我之前從未玩過Segway,最初怕會平衡唔到,但玩上手5分鐘,就完全掌握。教練會先用十分鐘教你控制,同埋做少少簡單既測試。之後,佢就會帶你用Segway參觀動物園。佢一路行,一路介紹D動物。坦白講,死肥仔既我,好Enjoy呢個Tour。又唔駛用力行,又可以玩,又可以參觀晒所有動物。值得推介!!!大約30分鐘,我地返回起點,之後就要用返"雙腳"參觀動物園。係入口,你會見到有個抱抱樹熊既counter,大家可以抱住樹熊同佢影相。見住D樹熊咁懶,真係有少少治癒既感覺。

離開動物園,渣車到黃金海岸沙灘最南既部份,Rainbow Bay。呢到比較平靜,少D遊客。沙灘旁有酒BAR同小型shopping mall。我地兩個除咗坐鞋,行下沙灘,望住個海,睇人滑浪,盡情放空。


Vlog:-
[url]https://www.youtube.com/watch?v=PIxLMox9GXo[/url]

c6005408 2018-1-19 08:23 AM

Wah,成18日,檐定楑仔先

半空粗野的貓奴 2018-1-20 06:45 PM

十卜十卜 我都好懷念之前去澳洲玩既日子,繼續等樓主更新:fst_002:

big820038 2018-1-20 10:19 PM

坦白講,你張機票唔貴了,話晒澳航,
我坐維記只是兩程內陸都成八千幾九千。

hkstan 2018-1-24 05:01 PM

[quote]原帖由 [i]big820038[/i] 於 2018-1-20 10:19 PM 發表 [url=http://www.discuss.com.hk/redirect.php?goto=findpost&pid=474098540&ptid=27158507][img]http://www.discuss.com.hk/images/common/back.gif[/img][/url]
坦白講,你張機票唔貴了,話晒澳航,
我坐維記只是兩程內陸都成八千幾九千。 [/quote]

兩程內陸都成八千幾九千 ??? 由西去東?

jennydickism 2018-1-25 10:14 AM

多謝分享

hkstan 2018-1-25 11:18 AM

第四站 - 墨爾本 (市集、Brighton Beach)

由渡假區回到大都會城市 墨爾本。家中兩老由香港飛到澳洲會合我地一齊繼續旅程!

墨爾本俾我既感覺係有少少似New York。人多,車多,單車多,中文多,塗鴉多。
我地呢幾日都住係市中心,附近舖頭比起前兩站開得夜少少,唔怕餓親冇野買。

第一個景點,就係好出名既Victoria Queen Market市集。地方唔算大,舖頭又唔算多,賣既東西都唔太吸引。坦白講,曼谷翟道翟市場貨色,但就澳紙價錢,一句講晒,買唔落。反而,佢既小食區就比較吸引,有不少特色美食,但就搵唔到我最愛既生蠔。

市內主要交通工具係地面電車,主要既景點都可以覆蓋到。重點係,市中心區域叫GREEN ZONE,係唔駛錢坐,自由上落,唔駛入閘,唔駛泊咭。再一次覺得澳洲政府既城市規劃太好了。

第二日,我地再去市集,位於墨爾本南部既South Melbourne Market。呢個市集主要對像係本土居民,有乾貨,有生果,又有濕貨,重點係裏面有蠔BAR!$20澳紙一打Sydney Rock,價錢唔算好平,但就新鮮,海水味重。愛蠔之人,一定唔可以錯過。市集外圍,仲有不少餐廳茶座,有小食又有正餐。大家可以花一個上午嚟呢到。如果同Victoria比較,South Mel就好行好多。

中午過後,我地渣車去名信片常見既彩虹小屋,Brighton Beach。
呢個沙灘唔算大,亦都冇咩人游水(因為沙灘沙質唔靚,同埋有不少垃圾),主要係嚟呢到參觀下沙灘上既彩虹小屋。開頭我以為係裝飾景物,但原來係可以拍賣承租既存物屋仔。我見到有人放滑浪用品,又見到有人放張大床當渡假小屋,澳洲人...你地真係識享受!留影一陣,我地就離開去Chadstone shopping center行街食飯。當然,又係買唔落野,太貴,款色又唔新。都係早少少返酒店休息,準備聽日既墨爾本重點,大洋路。

Vlog分享
[url]https://www.youtube.com/watch?v=usYyODWHOXY[/url]

hkstan 2018-2-21 04:28 PM

第五站 - 墨爾本 (大洋路 Great Ocean Road)
[size=3]
呢一站, 可以話係今次澳洲旅行既主要目的, 我太太成日話要去既 12門徒石.
上網睇過好多人既遊記, 個個都有唔同玩法, 基於同家中兩老一齊同遊, 所以我選擇咗即日來回, 同埋以睇風景為重點.
早上八點, 由墨爾本開車, 上公路唔夠十分鐘, 所有乘客都瞓著晒, 司機們記住要自備娛樂~[/size]
[size=3]
大約渣 個半鐘 [/size]:smile_o16:
[size=3]就去到第一站 Bells Beach[/size]

[size=3]呢到係一個滑浪海灘, 由山上看台望落去, 會見到好多滑浪高手表演. [/size]
[size=3]佢仲有一條小木梯下落沙灘, 可以行下個沙灘.[/size]
[size=3][/size]
[size=3]跟住, 又再渣車出發, 到第二個景點 Memorial Arch, 其實係一個路牌同歷史展版... 坦白講, 不值得去, 又多旅客影相.[/size]
[size=3]
之後, 又再渣多 一個鐘 到[/size]Apollo Bay:smile_o16:
沿途係單線雙程既山路, 風景好靚, 有好多好多個靚個海灣. 大家可以泊埋一邊, 慢慢影相.
[size=3]Apollo Bay係一個迷你市鎮, 好多一日團都會係到食LUNCH, 呢到最出名係"帶子批", 大家一定要試喔~ [/size]
[size=3]要買水同零食, 都可以係呢到既超市補給.[/size]

[size=3]之後, 又再渣多 個半鐘 到Gibson Steps[/size]:smile_o16:
[size=3]泊好架車, 行到山邊, [/size]嘩嘩嘩, 好靚呀 ! 真係靚到叫咗出嚟 !
一望無際既水平線, 海上既白頭浪, 勁高既懸崖, 加上海水打上崖邊型成既水霧, 老討D講, 真係好壯觀 !
大家仲可以由山上沿住木梯落到海灘, 我強烈建議大家一定要落沙灘, 係有另一種感覺.
除咗有靚景之外, 你會多咗一種壓迫感, 會覺得自己好細小, 好似俾大自然吞食咗咁.

離開Gibson Steps後, 駛前五分鐘, 就到12門徒石中心 ([size=3]呢到有士多, 有廁所)[/size]
[size=3]由停車場行大約五分鐘, 就會到 [/size]12門徒石 步行徑入口, 沿著指示行多五分鐘就到第一個展望台.
第一眼望落去, 的確係好有氣勢同宏偉, 不過太多強國人, 梗係咩都會有少少失色.
再行多五分鐘, 到步行徑盡頭, 呢到有身處天涯盡頭既感覺, 左邊有 Gibson Steps, 右邊有12門徒石.
不過, 真係太多人, 相比之下, 我就鐘意Gibson Steps沙灘多D

之後, 又再渣多個十五分鐘到尾站, London Bridge
呢個倫敦橋又的確好得意, 成個拱門咁, 個氣勢我覺得仲勁過12門徒石.
嚟到呢到, 望下隻錶, 己經下午四點半. 跟住就回程返墨爾本

又再渣多三個鐘 :smile_o16:

講住咁多先, 大家睇片啦~
[url]https://youtu.be/kxW56LlZWqE[/url]

多多支持

hkstan 2018-4-20 10:55 AM

第六站 - 塔斯曼尼亞(Tasmania)荷伯特(Hobart)布魯尼島(Bruny Island)

由墨爾本出發到荷伯特, 坐大約一時咗右內陸機
落機後, 踏出機場, 人少車少, 又少民居
沿路渣車出發, 四週都係地大人少,
荷伯特市內出奇地寧靜

第一個地點, 就去到荷伯特碼頭
岸邊有幾隻漁船改建以成既小食店
我地去咗其中一間"mako seafood"食咗炸魚同生蠔
各位蠔迷要注意啦, 塔斯曼尼亞生蠔要一試再試, 海水味重, 鮮味十足.

酒店方面, 我地住Wrest Point Hotel, 係全荷伯特市唯一一間有賭場既酒店
房間望沙灘同海景, 仲要一入酒店就見到彩虹~ so lucky !
:smile_o06:

荷伯特呢個小市填, 大家唔好期望好多野買, 好多食市. 整體似香港既赤柱.
嚟到呢到就係要感受下寧靜同大自然.

[url=https://youtu.be/40iAp5DJveU]https://youtu.be/40iAp5DJveU[/url]

第二日, 我地出發去荷伯特既外島 布魯尼島 Bruny Island
由市中心大約揸四十分鐘到汽車渡輪碼頭, 即場買船飛, 再坐約四十分鐘船就到 Bruny Island
大家記住要上網留意船期表, 唔好錯失渡輪. 渡輪係有兩層, 好少會爆滿, 所以只要你準時, 就可以上船
上島後, 係路邊見到一間小屋賣車厘子, 係塔斯既車厘子. 大大粒, 核細細, 超爽甜, 正 !
Bruny Island主要係一個遊客島, 島上有多個景點, 大家可以先規劃好路線
我地去咗"The Neck"觀景台睇著名既海岸線, 之後揸車到最南既燈塔, 風景超靚 ! 呢個係5星推薦 !
下午時份就去埋 Cheese Company 試食同買島上出產既芝士.
最後, 係行程最點, Get Shucked Oyster Farm !
呢個蠔場, 雖然冇得俾你參觀, 但有Oyster Bar可以即開即食, 價錢 AUD 20 一打.
食蠔似乎成為到塔斯曼尼亞的指定動作. 呢到D蠔水準係全個旅程之中, 最高!
我地係島上留到四點就坐船返市中心囉~~~~

[url]https://youtu.be/17od4Lly0n4[/url]
頁: [1]
查看完整版本: 澳洲18日Vlog遊記 (布里斯班, 黃金海岸, 墨爾本, 荷伯特, 悉尼) (20/4更新 荷伯特)