查看完整版本 : 談樂器練習中記憶樂曲的方法

wan9898 2018-1-5 10:19 PM

談樂器練習中記憶樂曲的方法

成日有人話練習怎樣練也練不好。如果你身為一個器樂老師,你不可能叫學生再加把勁,再堅持下去, 咬緊牙關繼續練習吧!實際上,老師應該主動教授學生如何練習。

練習是應該被嚴肅對待的主題。一個好的老師不會在教授新曲目時,只要求學生試彈一次(以鋼琴為例)。他們或許能夠分析樂曲既難點,也應該要教授良好的練習方法,重點解說以幫助學生克服。

不論任何(以下主要談及鋼琴,或許其他器樂也適用)的練習,都需要有腦部直接的記憶才能維持長久的效果。因為腦部的記憶不同於手部腳部身體的肌肉記憶。在腦部的記憶能建立關聯性,所以學習越久,我們技巧的發展才會越深入,從而幫助我們彈奏更困難的樂曲。相反,過度肌肉記憶會阻礙技巧的發展。

所以,練習必須包含記憶吸收和消化的過程。簡單來說,是用大腦的練習而不是盲目重複練習某些困難部份,既浪費時間又達不到效果。情形就好像吃飯,胃部也不可能一瞬間消化食物,但我們一生所吃所消化的,卻是多得不能想像。現在就來談談在練習時讓腦部吸收記憶的方法吧!

1. 分手練習 (鋼琴)

合手練習前應先完成分手練習,這樣做腦部能夠直接記憶動作和聲音等訊息。相反,合手時因為大腦要協調兩手,一切都會被打亂,無法更進一步地熟練樂曲所需的技巧,分手練習後才可使用較慢的速度合手練習。分手練習是獲得技巧所必須的,能幫助你在合手練習得到更好表現。

2. 樂譜記憶

當你拿到一首陌生的曲子時,先留意樂譜上既細節,如拍子,或調號之類,文字等記號。然後可以看著樂譜的音符等記號仔細讀譜,除了開始的部份外,其他部份也可以多注意,例如有些地方需要轉調之類的,段落與段落間的轉接。不同段落和句子間一些音型的出現,可以用筆記以左手右手分開記錄,如果忘記了樂譜,有時看一看或會勾起一點記憶。如果你正在練習某樂曲,你除了要在鋼琴上練習外,也應該多進行讀譜,回想起那首曲的音樂。

3. 記憶的維持

如果你只經過一次的練習,那是絕對無法記下來的。但如果你真是能夠這樣做,那你大腦內一定已經有了相關的記憶(可能你曾練習過類似的樂段組織或結構,如scale是其中一個好例子。)記憶被大腦遺忘是無法改變的過程。如果你想練習一個較困難的樂段,那複習便能鞏固記憶,在之後你便能更快提取記憶了。

不要試圖一次就記住它,練習一兩個小節,一次10-15分鐘已經是最大極限,甚至要更少。先放一會再複習可能你可能已經會發現有所進步。雖然起初你會忘記,但忘記也是進步的過程,你不可能阻止腦部忘記它,特別是在每天練習彈樂曲幾遍,以此試圖將樂曲全部記住是不可行的,樂曲一定要分段背記。

練習要每天都做,睡眠時腦部的記憶會被整理,在第二天再練習進步便更大了,你的記憶變得更穩固了。所以有一些書籍,寫到建議在睡前睡後溫習和複習。

4. 想像練習

進行想像練習是將記憶輸入至腦部的方法之一。(即使不是鋼琴,類似的方法也可能有效。)我經常會這樣做是為了防止盲目地過度使用肌肉記憶,而多用點腦部記憶。進行想像練習的方法是在腦海中重現練習時的彈奏的動作,聲音,或鍵盤中的位置。這個方式不只適合單手練習,雙手也可以。你要知道,維持快速的雙手練習並不能記憶樂曲也不能得到技巧,但如果你能做到在腦中結合兩手,甚至完全不看譜,那是很好的證明了你對該樂曲記憶很完整。


在練習中,你又可以嘗試,在第一次接觸的樂曲中,只看著樂譜模擬演奏音樂。
這方法對音感有較高要求。如果你此前完全沒有接受任何的音樂訓練,那你需要一定的時間來掌握它。掌握它之後,不論任何時間任何地點,也可進行練習。

5. 樂曲分析及整理

大部分樂曲都是有一定既規律。如能夠將它很好地整理, 記憶便更容易了。例如有一段12小節的樂段,在這裡有96個音。如果你仔細點看,這裡你可能只需要記住一個音。例如是C。 然後,這裡是一個下行大調音階。然後B如此類推直至低一個八度的C為止。
那如果要整理一整首樂曲。我假設這是一首鳴奏曲。那我便會知道開始時可能是第一主題,而之後再接入一個過渡樂段,然後是和第一主題有點強烈對比的第二主題。很快,進入了發展部,當中有重述主題的部份。。。。(以下省略)

通過整理和整合,樂曲會變得比你想像的簡單。你知道什麼時候進入進出,能對樂曲具有更清晰的印象,這會讓你更容易掌握樂曲。

總結

這是我平時會嘗試運用在自己的練習上的方法,但要實際運用也是需要一定時間作實踐。除了以上所說之外, 多聽聽你練習的曲目也能幫助你記憶新曲目或回憶起以往練習過的樂曲。現在這篇文章雖然經過一定修改,但可能還有一些字義上錯誤或解釋不明確的地方 ,我會繼續進行修正和補充。如大家有任何其他見解,疑問,質疑或有什麼能補充的,便再作討論。

如果有邊位師兄/姐知道相關研究資料/書籍or你自己用過既方法等等,希望可以分享一下,謝謝。

[[i] 本帖最後由 wan9898 於 2018-1-10 10:24 PM 編輯 [/i]]

wan9898 2018-1-6 11:40 AM

[u][b][size=5][color=#ff8c00]慢速練習與快速練習在樂曲記憶上的作用 (鋼琴)[/color][/size][/b][/u]

慢速練習是重要的。但是如果你沒有搞清楚慢速練習的意義,盲目地進行慢速練習是浪費時間的。如果你練習的部份要求速度較快,你的最終目標應該是彈得快,而不是慢。但如果你一開始不彈快而先彈慢,在每個音可以準確地彈下的情況下,對記憶樂曲是也有幫助的。不過,由於快和慢速在彈奏時動作會有很大區別,所以有些時候慢速練習是永遠也不能加速到演奏速度。

一開始進行快速練習,是可能的。不過如果你一開始進行的是合手練習,那就沒有可能了。因為合手練習對大腦而言複雜性太大,有協調的難度。除非你是有較高程度的鋼琴水平,大腦能讀取以往所累積的經驗和知識等記憶,才能一開始較快合手快速彈奏。情況就是,如果你已經學了幾年琴,我相信你可以不用練習就能合手彈小星星,而且輕易就能達到甚至超越演奏速度。而這對於一個完全初學,沒有接受任何音樂訓練的人來說,根本就無法想像。

所以,合手練習是以較慢的速度進行,而快速練習是建基於分手練習上的。在一開始,你能先捉著數個音來進行練習,通過簡化練習內容以達到更快速度,慢慢一組一組練好數個音才連接起來。當然,如果你又發現彈不起來,或者是你沒有適應那個動作和彈奏的順序位置等,那就應該開始回到慢速練習,尋找適合的動作並可順道記憶彈奏的順序和位置。

有一些情況下,快速練習是會有困難的。如一組音G F E F G 要用右手345指快速彈奏,一開始是很難的。因為345手指本身難以獨立地進行活動。原則上我並不認為手指具有獨立性,因為人的手部345指天生就有一些筋腱,這個結構本就不支持其獨立活動,抬起也有難度。你也不能強行進行一些不恰當的訓練把手指獨立出來,因為這可能會嚴重損害你的手部。但如果你一開始進行慢速練習,你可能不會發現這問題,直到你開始加快為止。這便浪費了時間和精神進行無效的慢速練習了。

慢速時345指還是能容易正常彈奏的,但加速就有阻礙,這時手腕能起來很大作用。如果你要彈5手指,先把1234手指拿起,拿起不是直接動手指,而是手腕傾斜向右,這也汲及手臂的活動,整隻手的轉向,然後自然地5手指就可以彈在鍵盤上。34手指也一樣,通過手腕的角度調整,便能夠很輕易彈奏好。只是開始慢速練習時你已經要習慣用這種動作,以幫助大腦記憶在快速彈奏下應如何用右手345指彈奏GFEFG這5個音。

現在知道慢速練習的意義了?就是讓大腦能進行記憶,幫助大腦知道如何在演奏速度彈奏。而一開始先在快速速度練習的好處在於,你能發現在快速彈奏上你不能達到的技巧和問題,然後才能在慢速練習中研究合適的動作,以幫助加快速度和提升手指的技巧。

[[i] 本帖最後由 wan9898 於 2018-1-11 06:11 AM 編輯 [/i]]

oboe_bassoon_hk 2018-1-6 11:59 AM

Did you write all these, or did you repost someone else’s work?

wan9898 2018-1-6 12:03 PM

[quote]原帖由 [i]oboe_bassoon_hk[/i] 於 2018-1-6 11:59 AM 發表 [url=http://www.discuss.com.hk/redirect.php?goto=findpost&pid=473373517&ptid=27164021][img]http://www.discuss.com.hk/images/common/back.gif[/img][/url]
Did you write all these, or did you repost someone else’s work? [/quote]
我睇過d書,再加上自己既一些實踐和經驗結合而寫出黎,不是轉載的。不過寫左我好耐。

jeffreylam98 2018-1-6 01:28 PM

你篇嘢好好,我彈左咁多年琴就是一直實驗一直建立屬於自己的 practice program, 目的是要在極短時間完成高難度樂曲而且要 technically 高質素。所以我一直實驗最佳的記億方法。而你篇嘢concept 同我思想有大部份相同

wan9898 2018-1-6 08:12 PM

[quote]原帖由 [i]jeffreylam98[/i] 於 2018-1-6 01:28 PM 發表 [url=http://www.discuss.com.hk/redirect.php?goto=findpost&pid=473377153&ptid=27164021][img]http://www.discuss.com.hk/images/common/back.gif[/img][/url]
你篇嘢好好,我彈左咁多年琴就是一直實驗一直建立屬於自己的 practice program, 目的是要在極短時間完成高難度樂曲而且要 technically 高質素。所以我一直實驗最佳的記億方法。而你篇嘢concept 同我思想 ... [/quote]

多謝。:smile_o05:我剛學鋼琴時一段時間老師都有講練習方法,但來來去去都係幾隻字,如「慢練」,分手練習,重複困難部份。這樣既說法不夠清晰,甚至令學生容易偏向完全直覺性的方法練習,結果很自然就浪費左大量時間都練唔完首曲,或只能練好少。
所以,一開始我練習練得好慢,老師又不明白我既困難,有段時間我開始沒有耐性,漸漸對鋼琴失去興趣。 後來,我偶然在youtube上聽到horowitz既彈奏,覺得幾吸引。於是使我開始聽不同鋼琴家,不同既古典作品,又令我重拾對鋼琴對音樂既興趣,有決心去學好佢。
我開始自發地睇書研究,對鋼琴的認識和學習更加深入,也有汲取音樂理論等知識,因為學習鋼琴是離不開音樂的。不能只專注練習鋼琴上,而需要全面性既音樂學習。
關於練習樂曲上,我又睇過好多網上文章。雖然當中也不乏有好內容,但大部分都內容空泛,或者甚至係有誤導性的垃圾文章。所以有感而發,想寫一篇比較有用既文章。

hitmantin 2018-1-7 10:11 AM

[quote]原帖由 [i]wan9898[/i] 於 2018-1-6 12:03 PM 發表 [url=http://www.discuss.com.hk/redirect.php?goto=findpost&pid=473373666&ptid=27164021][img]http://www.discuss.com.hk/images/common/back.gif[/img][/url]

我睇過d書,再加上自己既一些實踐和經驗結合而寫出黎,不是轉載的。不過寫左我好耐。 [/quote]
如果咁易背。就吾會咁多人睇住譜彈     沒咁易的

wan9898 2018-1-7 11:32 AM

[quote]原帖由 [i]hitmantin[/i] 於 2018-1-7 10:11 AM 發表 [url=http://www.discuss.com.hk/redirect.php?goto=findpost&pid=473416956&ptid=27164021][img]http://www.discuss.com.hk/images/common/back.gif[/img][/url]

如果咁易背。就吾會咁多人睇住譜彈     沒咁易的 [/quote]
你有學習樂器?如果有的話
那你認為要如何背譜?或者你有冇咩特別方法令自己容易背譜

[[i] 本帖最後由 wan9898 於 2018-1-7 11:38 AM 編輯 [/i]]

hitmantin 2018-1-7 12:07 PM

[quote]原帖由 [i]wan9898[/i] 於 2018-1-7 11:32 AM 發表 [url=http://www.discuss.com.hk/redirect.php?goto=findpost&pid=473420223&ptid=27164021][img]http://www.discuss.com.hk/images/common/back.gif[/img][/url]

你有學習樂器?如果有的話
那你認為要如何背譜?或者你有冇咩特別方法令自己容易背譜 [/quote]
咁易背。d 人就吾洗放份譜係面前。你篇論文上網找 資料都差不多。內容差不多

我有。不過吾會分享

hitmantin 2018-1-7 12:13 PM

之前YouTube 有一個人用耳朵抓譜。 靠耳朵背譜的。比用理論分析 更加準。一個音都沒錯。但人地腦入面吾記chord 吾記音名唱名

所以有d 人背幾百份 都背到 有d 人記十份左右  前者用耳朵。 所以分享方法一樣沒用。知又做吾到

hitmantin 2018-1-7 12:29 PM

你背小蜜蜂。老師教你so mi mi fa re re
或者5 3 3 4 2 2

但一個靠耳朵的人可能  第一個音絕對音感 彈5。之後聽到距離差3 個半音 先彈3

前者沒經音感 進入記憶

所以一般人幾咁靠分析力。一樣記吾到。樂理愈勁。反而阻礙你記住

一個沒學任何音樂訓練。都靠耳朵彈 連chord 音名都吾知。但佢地將d 音聽成一個又一個距離

你明白我打的字 就明白點解有d 人 半小時就背到譜 有d 半個月

kingme 2018-1-7 03:13 PM

[quote]原帖由 [i]hitmantin[/i] 於 2018-1-7 12:29 PM 發表 [url=http://www.discuss.com.hk/redirect.php?goto=findpost&pid=473422453&ptid=27164021][img]http://www.discuss.com.hk/images/common/back.gif[/img][/url]
你背小蜜蜂。老師教你so mi mi fa re re
或者5 3 3 4 2 2

但一個靠耳朵的人可能  第一個音絕對音感 彈5。之後聽到距離差3 個半音 先彈3

前者沒經音感 進入記憶

所以一般人幾咁靠分析力。一樣記吾到。樂理愈勁。反 ... [/quote]
幾樣嘢嚟...我似我咁:
1. 絶對音感限單音 (聽chord 可能聽最高個音) - 時得時唔得有時錯半音
2. 聽歌執譜 - 唔太複雜都ok, 複雜會慢啲
3. 記歌執譜/即興彈 - 多數只記到旋律, chord 記到主要chord 嘅flavor, 太複雜會記憶模糊
4. 睇譜記譜 - 我係記成個月嗰啲

以我宜家嚟講以上唔算可以互通...即係記到睇譜有咗肌肉記憶(但有少少唔記得)有時都唔可以用聽力記憶執返...

wan9898 2018-1-7 04:31 PM

[quote]原帖由 [i]kingme[/i] 於 2018-1-7 03:13 PM 發表 [url=http://www.discuss.com.hk/redirect.php?goto=findpost&pid=473429557&ptid=27164021][img]http://www.discuss.com.hk/images/common/back.gif[/img][/url]

幾樣嘢嚟...我似我咁:
1. 絶對音感限單音 (聽chord 可能聽最高個音) - 時得時唔得有時錯半音
2. 聽歌執譜 - 唔太複雜都ok, 複雜會慢啲
3. 記歌執譜/即興彈 - 多數只記到旋律, chord 記 ... [/quote]

根據以上兩位所講,似乎我忽略左音感既問題,但很不巧,我係細個開始接觸鋼琴並且發展出一定既音感水平。而且我能夠在腦中想像鋼琴既鍵盤,不需要鋼琴就能練習。所以,我並沒有刻意去查找相關既資料。
沒錯,呢種練習法係需要一定既音感能力。但由於我唔知道音感訓練既實際操作,如果有邊位師兄/師姐知道的話,希望能夠分享一下。

wan9898 2018-1-7 05:24 PM

[quote]原帖由 [i]hitmantin[/i] 於 2018-1-7 12:29 PM 發表 [url=http://www.discuss.com.hk/redirect.php?goto=findpost&pid=473422453&ptid=27164021][img]http://www.discuss.com.hk/images/common/back.gif[/img][/url]
你背小蜜蜂。老師教你so mi mi fa re re
或者5 3 3 4 2 2

但一個靠耳朵的人可能  第一個音絕對音感 彈5。之後聽到距離差3 個半音 先彈3

前者沒經音感 進入記憶

所以一般人幾咁靠分析力。一樣記吾到。樂理愈勁。反 ... [/quote]

我認為樂理是重要的,因為樂曲既創作好多時都存在規律。雖然呢方面我認識不算深,但基本既都需要知。如果你記一首幾分鐘既樂曲,咁就相對簡單。但如果係50分鐘呢咁就唔容易啦。如果對曲式同和聲相對有深入認識,能將曲目既規律分析出來,你就可以將樂曲好有條理地分成不同部分,遂部份記憶後根據其規律排好順序再彈出黎。
即使唔識樂理,我個人認為可以用聯想既方式幫助自己。如果樂曲好長,首先設定一個樂曲中既框架,然後係呢d框架中,聯想故事,呢個故事可以包含不同既人物同環境,充分利用樂曲既特性來創作故事,將故事情節聯繫在樂曲中不同既部份,咁會令記憶相對容易。如果你只係睇住d音符,對大腦而言沒有意義,咁大腦係唔會去記住,應該話會記得慢d

[[i] 本帖最後由 wan9898 於 2018-1-7 05:32 PM 編輯 [/i]]

oboe_bassoon_hk 2018-1-7 08:15 PM

I feel that memory and memorisation are highly individual, and there doesn’t exist an one-size-fits-all solution. Those blessed with an excellent memory doesn’t need to work on memorisation and can memorise a piece after playing through it once or twice, or by merely reading the score once.

[[i] 本帖最後由 oboe_bassoon_hk 於 2018-1-7 08:16 PM 編輯 [/i]]

wan9898 2018-1-7 09:34 PM

[quote]原帖由 [i]oboe_bassoon_hk[/i] 於 2018-1-7 08:15 PM 發表 [url=http://www.discuss.com.hk/redirect.php?goto=findpost&pid=473444214&ptid=27164021][img]http://www.discuss.com.hk/images/common/back.gif[/img][/url]
I feel that memory and memorisation are highly individual, and there doesn’t exist an one-size-fits-all solution. Those blessed with an excellent memory doesn’t need to work on memorisation and can  ... [/quote]

最重要係練習方法/訓練既有效性,通過正確既訓練就能達到睇起黎完全不可能既境界,如果大家相信有天才,那又認定自己唔係,咁就咩都唔會做得到啦。我想研究更多,想盡可能接近呢種境界。
每個人需要不同既訓練,因為每個人在樂器彈奏既技巧上互有長短。在訓練既細節上或會不同。但想像練習理論上係通用,因為肌肉記憶同大腦直接進行記憶之間差距太大,肌肉記億要花費極長時間記憶,不太適用於樂曲記憶。所以唯有直接用大腦練習,盡管係好難做到,但當我發現自己能利用自己既音感能力做呢種練習時,我既練習進度的確加快左,練習效果亦有提升。

hitmantin 2018-1-7 09:36 PM

[quote]原帖由 [i]wan9898[/i] 於 2018-1-7 05:24 PM 發表 [url=http://www.discuss.com.hk/redirect.php?goto=findpost&pid=473435815&ptid=27164021][img]http://www.discuss.com.hk/images/common/back.gif[/img][/url]


我認為樂理是重要的,因為樂曲既創作好多時都存在規律。雖然呢方面我認識不算深,但基本既都需要知。如果你記一首幾分鐘既樂曲,咁就相對簡單。但如果係50分鐘呢咁就唔容易啦。如果對曲式同和聲相對有深入認識, ... [/quote]
事實上。好多譜不一定跟足樂理行進。幾百萬果組合

你玩落去就知。樂理幫極有限。不如你練到彈幾個音 都聽出全部組成音好過

[[i] 本帖最後由 hitmantin 於 2018-1-7 09:38 PM 編輯 [/i]]

hitmantin 2018-1-7 09:44 PM

當你彈緊c 大調。份譜咪一樣有非c 大調音出現。c chord 去 am 又得。去em 又得

去g 又得 去 am 再g. 或 f 再g chord

你讀到再勁樂理 一樣推算吾到成首歌。反而你絕對 相對音感幫到你

因為你聽到 cohort progress

hitmantin 2018-1-7 09:54 PM

如果古典音樂。更加沒所謂的key. 因為全部音都是自由。反而d 人係用固定調 因為好多sharp flat

kingme 2018-1-8 02:02 AM

[quote]原帖由 [i]hitmantin[/i] 於 2018-1-7 09:44 PM 發表 [url=http://www.discuss.com.hk/redirect.php?goto=findpost&pid=473448995&ptid=27164021][img]http://www.discuss.com.hk/images/common/back.gif[/img][/url]
當你彈緊c 大調。份譜咪一樣有非c 大調音出現。c chord 去 am 又得。去em 又得

去g 又得 去 am 再g. 或 f 再g chord

你讀到再勁樂理 一樣推算吾到成首歌。反而你絕對 相對音感幫到你

因為你聽到 cohort progress [/quote]
咁即係點可以靠聽嚟記到一首歌?

好似我咁...如果靠聽就唔會諗係咩chord 又轉咩chord...係會諗chord 個「味」加配melody 嘅指型(鋼琴)...即有點「聽」chord 裡幾個「單音」或單音中互相嘅interval 配該interval 嘅指型...但係複雜啲嘅chord 個味會模糊...同埋對我嚟講高音易記低音(bass line) 難記中間就唔駛講...其他(好似passing chord 之類)時有時冇...總之係好多嘢會漏咗或自己老作...

hitmantin 2018-1-8 04:31 AM

[quote]原帖由 [i]kingme[/i] 於 2018-1-8 02:02 AM 發表 [url=http://www.discuss.com.hk/redirect.php?goto=findpost&pid=473461175&ptid=27164021][img]http://www.discuss.com.hk/images/common/back.gif[/img][/url]

咁即係點可以靠聽嚟記到一首歌?

好似我咁...如果靠聽就唔會諗係咩chord 又轉咩chord...係會諗chord 個「味」加配melody 嘅指型(鋼琴)...即有點「聽」chord 裡幾個「單音」或單音中互相嘅interval 配該int ... [/quote]
我未完全可以做到。不過摸到少少

例如大調代表開心。小調代表吾開心

[attach]7765315[/attach]
好似My heart will go on. 第一段 因為要表達一個好sad 的感覺 於是落一個am

之後第二個版本d 又是用am 開始



每一個音程 和聲都有一個不同的感覺。

因為有d 人天生就分到。所以佢地易背到譜。佢地用感覺將所有音符之間的距離串起

[[i] 本帖最後由 hitmantin 於 2018-1-8 04:55 AM 編輯 [/i]]

hitmantin 2018-1-8 05:08 AM

我覺得先吾好係腦海中浮現 你按住譜上面琴鍵 的音。因為如果你腦案住鍵 去數距離 其實即是靠視覺記憶同肌肉記憶

完全沒浮現 任何按鍵動作之下。你腦入面哼一下果音。知不知道係咩音?之後哼下一個 會不會知道距離多少

做吾到 即是平時全部都是肌肉記憶。沒音感記憶

做得到的人。你只彈開鋼琴。俾支吉他 你 同你講上面d 空弦的音  之後你可以用鋼琴記得的歌 用吉他慢慢彈番出來

相反地 一樣。玩吉他  俾部鋼琴你。你可以彈番吉他學的出來

做吾到係因為平時用開肌肉記憶。我吉他彈canon 沒記到音距離 沒記音
之前去到鋼琴面前 彈吾到

[[i] 本帖最後由 hitmantin 於 2018-1-8 05:14 AM 編輯 [/i]]

kingme 2018-1-8 06:23 AM

[quote]原帖由 [i]hitmantin[/i] 於 2018-1-8 05:08 AM 發表 [url=http://www.discuss.com.hk/redirect.php?goto=findpost&pid=473463319&ptid=27164021][img]http://www.discuss.com.hk/images/common/back.gif[/img][/url]
我覺得先吾好係腦海中浮現 你按住譜上面琴鍵 的音。因為如果你腦案住鍵 去數距離 其實即是靠視覺記憶同肌肉記憶

完全沒浮現 任何按鍵動作之下。你腦入面哼一下果音。知不知道係咩音?之後哼下一個 會不會知道距離多 ... [/quote]
你講嘅好似只係聽歌執譜聽彈...而唔係背歌背譜...

wan9898 2018-1-8 07:14 AM

[quote]原帖由 [i]hitmantin[/i] 於 2018-1-7 09:54 PM 發表 [url=http://www.discuss.com.hk/redirect.php?goto=findpost&pid=473449643&ptid=27164021][img]http://www.discuss.com.hk/images/common/back.gif[/img][/url]
如果古典音樂。更加沒所謂的key. 因為全部音都是自由。反而d 人係用固定調 因為好多sharp flat [/quote]
事實上講左咁耐 我都唔明樓上師兄你講緊咩:smile_27: 古典音樂d音係自由,你既意思係作曲家都係隨意作曲或只靠感覺作曲?樂理都係靠人既感覺研究出黎,透過不斷整理資料,實驗令音樂更好聽。所以音樂家們創造左一套規律,樂曲表現形式。我話樂理幫助記譜其實都唔係記全部音,遂個遂個音記係冇可能,只係記大概既模式。算吧。。 咁樣好難作討論,相關資料我都冇搵過冇研究過,講空話都冇用。

wan9898 2018-1-8 07:17 AM

[quote]原帖由 [i]hitmantin[/i] 於 2018-1-8 05:08 AM 發表 [url=http://www.discuss.com.hk/redirect.php?goto=findpost&pid=473463319&ptid=27164021][img]http://www.discuss.com.hk/images/common/back.gif[/img][/url]
我覺得先吾好係腦海中浮現 你按住譜上面琴鍵 的音。因為如果你腦案住鍵 去數距離 其實即是靠視覺記憶同肌肉記憶

完全沒浮現 任何按鍵動作之下。你腦入面哼一下果音。知不知道係咩音?之後哼下一個 會不會知道距離多 ... [/quote]
如何腦案住鍵 去數距離,這不涉及手指活動,點解係肌肉記憶?

wan9898 2018-1-8 07:22 AM

[quote]原帖由 [i]kingme[/i] 於 2018-1-8 06:23 AM 發表 [url=http://www.discuss.com.hk/redirect.php?goto=findpost&pid=473463784&ptid=27164021][img]http://www.discuss.com.hk/images/common/back.gif[/img][/url]

你講嘅好似只係聽歌執譜聽彈...而唔係背歌背譜... [/quote]
事實上,背歌背譜係記住如何彈。如果所有部份不能在大腦內透過想像演奏出黎,原則上都係肌肉記憶,呢個就係點解大部分人背譜慢既原因,因為係靠肌肉記憶。而肌肉記憶既記憶速度極慢又唔可靠。

[[i] 本帖最後由 wan9898 於 2018-1-8 07:34 AM 編輯 [/i]]

hitmantin 2018-1-8 11:17 AM

[quote]原帖由 [i]wan9898[/i] 於 2018-1-8 07:17 AM 發表 [url=http://www.discuss.com.hk/redirect.php?goto=findpost&pid=473464208&ptid=27164021][img]http://www.discuss.com.hk/images/common/back.gif[/img][/url]

如何腦案住鍵 去數距離,這不涉及手指活動,點解係肌肉記憶? [/quote]
我一隻手禁c. 另一隻禁g. 跟著你話係七個半音

但你背著琴 彈c 另一隻彈g. 你聽到七個半音。係兩樣野

hitmantin 2018-1-8 11:26 AM

[quote]原帖由 [i]kingme[/i] 於 2018-1-8 06:23 AM 發表 [url=http://www.discuss.com.hk/redirect.php?goto=findpost&pid=473463784&ptid=27164021][img]http://www.discuss.com.hk/images/common/back.gif[/img][/url]

你講嘅好似只係聽歌執譜聽彈...而唔係背歌背譜... [/quote]
如果繼續用後者 要每次都loop 幾千次。一個月背一份譜。之後因為手感 禁錯位

前者  係演奏家都有的技能。人地有沒禁錯?因為人地耳朵準過肌肉記憶。肌肉記憶太久吾彈就錯。耳朵係跟一世

kingme 2018-1-8 12:20 PM

[quote]原帖由 [i]hitmantin[/i] 於 2018-1-8 11:26 AM 發表 [url=http://www.discuss.com.hk/redirect.php?goto=findpost&pid=473472760&ptid=27164021][img]http://www.discuss.com.hk/images/common/back.gif[/img][/url]

如果繼續用後者 要每次都loop 幾千次。一個月背一份譜。之後因為手感 禁錯位

前者  係演奏家都有的技能。人地有沒禁錯?因為人地耳朵準過肌肉記憶。肌肉記憶太久吾彈就錯。耳朵係跟一世 [/quote]
但係點先可以用耳記到好複雜嘅音樂?

你講嗰啲歌...老實講...咁簡單用耳定用眼定用手係人有少少經驗都記到...

宜家係講緊記譜...即係冇任何音樂只用個腦嘅記憶就可以彈返出嚟...
你聽歌執譜(用耳聽譜)同睇譜(用眼睇譜)咪又係記唔到...

wan9898 2018-1-8 12:41 PM

[quote]原帖由 [i]kingme[/i] 於 2018-1-8 12:20 PM 發表 [url=http://www.discuss.com.hk/redirect.php?goto=findpost&pid=473475089&ptid=27164021][img]http://www.discuss.com.hk/images/common/back.gif[/img][/url]

但係點先可以用耳記到好複雜嘅音樂?

你講嗰啲歌...老實講...咁簡單用耳定用眼定用手係人有少少經驗都記到...

宜家係講緊記譜...即係冇任何音樂只用個腦嘅記憶就可以彈返出嚟...
你聽歌執 ... [/quote]
即係冇任何音樂只用個腦嘅記憶就可以彈返出嚟.????? 你係想講音感既問題? 如果你要記極度複雜既曲,那完全唔睇譜係好難既事,你需要有強大既音感能力,1秒就要能識別出大量既音,仲要記得住。即使係演奏家都係少數人做到既事。那你便需要優質既音感訓練方法,但事關我都唔知道實際上如何做,我係自然地領悟到呢種能力。
你可以試下去圖書館搵下相關書籍/研究等,如果我得閒我都打算去。如果真係搵到相關有用既資料,我會再放出黎。

[[i] 本帖最後由 wan9898 於 2018-1-8 12:45 PM 編輯 [/i]]
頁: [1] 2
查看完整版本: 談樂器練習中記憶樂曲的方法