查看完整版本 : 想下淝水之戰後既北方局勢

taikongbaby 2018-1-15 08:02 AM

想下淝水之戰後既北方局勢

以前睇書就話淝水之戰後 , 前秦好快就崩潰 ,
取而代之既係後燕  後秦等等 ... 但E+就覺得無咁簡單
事實上 , 前秦係淝水之戰後 , 其實仲存在左11年 ,
而且好似同後秦  西燕等打得好甘 ...

以下係我既稍為整理 :
淝水之戰後 , 隴西鮮卑既乞伏國仁首先割據 , 建立西秦 ;
之後慕容垂係河北  慕容泓係河東分別建立後燕 ;
而苻堅派姚萇陪同氐軍平亂 , 但氐軍戰敗 ,
苻堅因此記恨姚萇 , 姚萇因此叛變 , 殺苻堅自立建立後秦
... 而呂光則借口回路被所阻 , 而就地自立為後涼

不過苻堅死後 , 其實前秦勢力唔算少 , 不過分在4地 :
鄴城的苻丕  苻登  苻纂  呂光 ...

其實如果4支氐軍結合在一起 , 即使不能重新統一北方 ,
要收復關西唔係無可能 ...
不過 , 苻丕好快就敗於慕容垂 ;
苻纂被下屬殺死 , 他們敗於姚萇後 , 就投降給後秦 ;
苻丕死後苻登登基 , 但廔敗於姚萇 , 其勢力最後亡於西秦

不過小弟有少少好奇 , 除左慕容垂係關東獨立發展 ,
關西既前秦  後秦  西燕都一直互撕 ... 有無大大可以 ,
講下大概既局勢係點???
同埋點解劉勃勃一家 , 又唔玩一份 , 要等到後秦強大完 ,
比北魏打巢後 , 先開始爭霸???
係前秦既敗亡過程中 , 東晉謝安北伐既重要性又有幾大???

taikongbaby 2018-1-15 01:18 PM

我覺得後秦既統治思維 , 同前秦其實都幾似 ...
前秦時羌族姚氏  河中劉氏   關東慕容氏都係自己有自己軍隊 ;
當然 , 後秦統一唔到北方 , 但河中劉氏依然自治 ,
西秦一度除國 , 但後秦一旦國弱 , 佢又重新獨立 ,
可見後秦對隴西鮮卑根本無控制能力~~

taikongbaby 2018-1-15 06:53 PM

另外想問下,我睇d歷史地圖,發現南涼同西秦  西涼同北涼既領土,
都係基本重疊。。。咁係咩既一回事?

taikongbaby 2018-1-16 08:27 AM

。。。點解永遠呢d十六國主題,尤其非前秦,都咁無人問津?(>﹏<")

taikongbaby 2018-1-16 02:52 PM

真係唔明點解咁重要既西燕 , 竟然無列入十六國之一 ...
係肥水之戰後既關西 , 就係佢同後秦  前秦遺軍三方既PK ,
佢既勢力肯定大於西秦同後四涼 , 但竟然被忽視 ,
真係唔明點解 !!!

西西積叻 2018-1-16 08:39 PM

對五胡十六國歷史零興趣。反而對東晉有少少興趣,因為東晉政權格局好似日本明治時代之前。東晉皇帝幾乎係冇用冇權力,政權基本上由士族控制。

taikongbaby 2018-1-17 07:59 AM

小弟岩岩詳細少少咁 , 睇左前秦後期  後秦  西燕三國歷史 ,
E+做一個正正少少既撮要 :



1,首先是慕容垂起事建立後燕 , 之後河東既幕容泓跟住起事 ,
建立西燕 ... 苻堅派姚萇同兒子平亂 ,
幕容泓大敗秦軍  殺苻堅兒子 , 亦因為咁苻堅記恨姚萇 ,
姚萇先起事建立後秦

2,慕容泓因內亂被殺 , 慕容沖繼位 , 之後一舉入長安 ,
苻堅等出逃 , 為後秦將領吳忠所捉 , 之後姚萇就殺了苻堅 ...

3,與此同時 , 苻丕係東面受慕容垂  東晉夾撃 ,
一度受緩於東晉 ... 之後和慕容垂競爭 , 又阻擋了西燕東歸
後被慕容永打敗 , 最終落難時死左晉將之手

4,慕容沖派高蓋攻打後秦大敗 , 統治集團起了東歸之心 ,
就殺左打算堅守既慕容沖 ... 一輪內亂後 , 慕容永繼位東歸 ,
西燕趨向穩定 , 卻出現和慕容垂之間的 "法統之爭"

5,打敗西燕後 , 姚萇便正式稱帝 ... 苻登也在苻丕死後登位 ,
而另一支前秦軍被西燕攻擊 , 但苻登不敢援手 ,
最終全軍投降姚萇

6,西燕後燕最後在392年開戰 , 最終以後燕吞併西燕結束

7,前後秦一直在關東對戰 ... 姚萇死後 , 姚興打敗了苻登 ,
苻登在出逃時 , 亡於西秦



這是十六國後半期(前秦分裂~北魏統一)的前段撮要 ... 睇得出
後秦前期並不強 , 所以先等西燕  前秦互隊 ,
西燕東歸後才變前後秦對隊 ... 後秦之後仲降服左西秦 ,
基本回到了苻堅之前的前秦領土

朱仔成.... 2018-1-18 07:30 PM

其實前秦既統治, 真係好唔穩定

如果前秦在 淝水之戰勝利, 征服東晉
可能東晉好快又可以復國......與後燕 西燕一樣
頁: [1]
查看完整版本: 想下淝水之戰後既北方局勢