查看完整版本 : 靠樂瞳寫真撐住 旺角漫畫店侷轉營

giohk2012 2018-1-23 11:25 AM

靠樂瞳寫真撐住 旺角漫畫店侷轉營

[url=https://hk.lifestyle.appledaily.com/lifestyle/realtime/article/20180123/57740639]https://hk.lifestyle.appledaily.com/lifestyle/realtime/article/20180123/57740639[/url]

如果你是三十多四十歲甚至更年長,你一定蒲過漫畫店,以前未有互聯網,漫畫店有租有賣,最新漫畫消息就是靠書內或書背廣告,跟着出版日期,走去漫畫店買最新一期漫畫。現在,漫畫小店逐間結業,旺角信和亦由全盛時期幾十間漫畫店變成幾間。其中上三樓樓梯的「至Goal Club」,捱到今時今日,原來周秀娜都有出一分力?
小時候家住土瓜灣,天光道附近的德信商場有漫畫店,斜對面地舖又有租書店,另一邊九龍城龍珠商場也有,現在想找一間也很難。沙田「龍城」、灣仔188「天朗」等等「地區代表」亦於早年結業,今個月香港仔的「海洋」也退下來。再過多幾年,香港還會有漫畫店嗎?漫畫每本賺10% 交租都唔夠
在信和開業十多年的「至Goal Club」,當年食正港漫兵器潮而起,之後近年生意每況愈下。「無論日漫定港漫,都一直向下,數字不斷跌。近日最好賣嘅日本漫畫係《龍珠 超》,據說一期可以有約一萬銷量。但巔峯時期嘅《龍珠》,一期可以賣二十萬本!你可以想像個差別幾誇張。」這是大趨勢,「紙媒行業萎縮,唔只漫畫,全部書都跌嘅。」書賣得差是原因之一,不過令經營漫畫店更困難的原因,是毛利少。「業界本身制度都令漫畫店好難做,有啲嘢係改變唔到,出版社唔會突然咁好死,五折、六折批畀你書屋,呢家每本書嘅毛利只有20%,加上我哋要保持競爭力,又會減到約九折賣書,所以每本書只賺到約10%,點交租?香港報攤由以前最多二千幾檔,變成呢家幾百檔,報攤唔使交租都生存唔到,我哋漫畫店點搞?條數就係咁樣計。」其他同場書店相對比較容易,「其他好多都係出版社自己開嘅,咁佢哋啲書會快啲,成本又少咗,係好做好多。但你問我香港會唔會冇晒漫畫店?我覺得唔會,因為出版社都要有漫畫店散貨,除非冇書出啦。」樂瞳寫真賣斷市
新哥慨嘆了一句:「可能隔多一年半年,呢個書架都唔見埋,轉賣其他嘢喇,我都唔知。」其實可以經營到今時今日,也不只是靠滿腔熱誠。「都現實嘅,如果我每個月都蝕錢嘅時候,我會捱唔住,唔可能只講情意結。係有啲唔甘心,自己唔係做得比人差,所以都想做落去,唔想坐以待斃,否則我唔會試賣其他咁多書種。」當中包寫真。「其實唔係刻意賣寫真,純粹係市場引導我哋。我記得當年有漫畫迷問我哋有冇周秀娜本寫真賣,喂我哋賣漫畫喎,你都嚟問?而且之後每日有十幾二十個人問,於是我就試吓搵嚟賣。」說的那本周秀娜寫真,就是2009年的《Kissy Chrissie Saipan》。「之後返咗貨,佢哋又問有冇其他?有冇Angelababy?我又搵貨返嚟賣囉,之後就儲咗一群買寫真嘅客。」看到漫畫書店這個寫真集角落,現在不只香港,連台灣寫真也有,那近期最好賣又係邊位?「睇潮流,新聞越多越好賣。近期最好賣,樂瞳啦,到呢家都日日有人問,不過已經冇貨,出版社都話賣斷晒。」三十一歲樂瞳寫真賣斷貨!估不到吧?不過我想老實講句,其實我覺得影得幾靚。另類寫真客 不要露點不要硬皮
不要心邪,不露點是真的不露三點,不硬皮是真的不要硬皮包裝。「我話市場會引導我哋,就係因為有啲客源你係估唔到嘅。試過有一次有位中年女性嚟買寫真集,我好奇點解佢會買寫真啦,傾開先知原來佢係買俾個仔,佢個仔因為犯咗事入咗獄,而本寫真就係買畀佢。咁我又好奇喇,寫真集可以帶入去咩?原來佢話只要唔露點,而且唔係硬皮包裝就可以,因為怕硬皮包裝有攻擊性啩。」原來寫真集還有這個市場,那我忠告一下,各位準備拍寫真的囡囡,記得不要出硬皮包裝;另外各位年輕、血氣方剛的男性,千萬不要行差踏錯,否則你就只能看樂瞳寫真了。訪問中,新哥常說自己對漫畫已沒有愛,又說不是因為情意結,其實,如果沒有這兩種感覺,怎會千方百計捱到現在?說完寫真,說回漫畫,其實還有出路的,新哥愛之深感嘆:「港漫真係唔太爭氣,呢家真係得龍哥(邱福龍)、和仔(鄭健和)有心去做。不過又講番轉頭,我呢度就係佢哋嘅《山海》、《西遊》最好賣,但據我所知以全港計,係《新著龍虎門》賣得最好。」《龍虎門》?每期在網上也很多人鬧!「慣性收視嘛。」開餐廳好過開漫畫店
上網睇漫畫係罪魁禍首?答案出人意表,「未必。」漫畫質素高低,對漫畫店的影響,絕對比你想像中更大更深!「我講一個例子,大約七、八年前,嗰時有讀者喺網上睇漫畫,係《小魔神》,之後就嚟搵我買一套二手漫畫,全套買。佢同我講佢全部漫畫都喺網上睇嘅,但覺得好好睇,所以想買嚟儲。日漫都有,《一拳超人》最明顯,未出之前已經一直有人問,我話都未出書,你哋點知呢本嘢?佢哋話喺網上睇過好好睇,要買單行本。網上可以令佢哋接觸好多唔同漫畫,當佢哋遇到好睇嘅,係會願意畀錢買實體書。」所以說到尾,「我又唔係悲觀到極點,以前我覺得淨係得我哋呢一輩老餅先對實體書有情意結,但後來我發現有一班年輕人,二十幾歲,都會想買實體書。所以講到尾,有高質素嘅漫畫係最重要嘅。」「做到冇得做啦,其實我同同事都傾過,開間餐廳好過做一間書店啦,因為有人嚟食嘢,話個餐蛋麵唔熟喎,我哋可以煮過,但你投訴本書唔好睇,我哋真係冇辦法。好似早兩日有人投訴,話本書入面有一頁連字都睇唔清,其實只要嚴謹啲,出版前睇吓藍紙,都唔會咁,就係有啲人得過且過。所以寧願做一間食店,我控制到質素,令客人滿意。」「不過,我始終會想做一間以漫畫為主題嘅食店。我相信遲早都會走到呢一步。」至Goal Club
旺角彌敦道信和中心商場3樓231舖採訪:陳孝義
攝影:徐振國、鄭明川

藍媚月 2018-1-23 07:36 PM

龍虎門
畫功差,劇情垃圾
偏偏最好賣。
注定港漫壽終正寢。:smile_39:

根本無助 2018-1-24 03:07 AM

做蛇貓鬥班人其實唔差,祇係做監製嘅係呃飯食....
編劇嘅係智障,以為慣性可以永恆?:smile_45:
TBB都會收視大倒退,呢啲比比TBB更垃圾嘅"娛樂".....
真係可以永恆咩??
不過,我就唔係太想佢執,
因為會無咗恥笑嘅對象!:smile_30:
亦希望佢繼續做,繼續蝕到仆街!!:smile_30: :smile_30: :smile_30:

[[i] 本帖最後由 根本無助 於 2018-1-24 03:08 AM 編輯 [/i]]

許俊才 2018-1-29 02:11 AM

每次係報攤見到d大叔買舊著龍記
都覺得好amazing
舊書翻印$17都有人買

阿簫 2018-1-29 02:52 AM

[quote]原帖由 [i]許俊才[/i] 於 2018-1-29 02:11 AM 發表 [url=http://www.discuss.com.hk/redirect.php?goto=findpost&pid=474529790&ptid=27200657][img]http://www.discuss.com.hk/images/common/back.gif[/img][/url]
每次係報攤見到d大叔買舊著龍記
都覺得好amazing
舊書翻印$17都有人買 [/quote]


佢地買黎柯屎果陣睇。:smile_04::smile_04::smile_30:

smalleagle 2018-2-1 01:44 PM

[quote]原帖由 [i]根本無助[/i] 於 2018-1-24 03:07 AM 發表 [url=http://www.discuss.com.hk/redirect.php?goto=findpost&pid=474268153&ptid=27200657][img]http://www.discuss.com.hk/images/common/back.gif[/img][/url]
做蛇貓鬥班人其實唔差,祇係做監製嘅係呃飯食....
編劇嘅係智障,以為慣性可以永恆?:smile_45:
TBB都會收視大倒退,呢啲比比TBB更垃圾嘅"娛樂".....
真係可以永恆咩??
不過,我就唔係太想佢執,
因為 ... [/quote]

不思進取、食老本係人類劣根性,龍記啲狗血劇情十年如一日,永遠不變嘅模式,睇吓仲可以玩幾耐。

smalleagle 2018-2-1 01:48 PM

[quote]原帖由 [i]許俊才[/i] 於 2018-1-29 02:11 AM 發表 [url=http://www.discuss.com.hk/redirect.php?goto=findpost&pid=474529790&ptid=27200657][img]http://www.discuss.com.hk/images/common/back.gif[/img][/url]
每次係報攤見到d大叔買舊著龍記
都覺得好amazing
舊書翻印$17都有人買 [/quote]

舊龍畀文傳呢間空心企業翻印過N咁多次!出過N個唔同版本,巧立名目坤錢!

yiyiallall 2018-2-23 08:49 PM

[quote]原帖由 [i]許俊才[/i] 於 2018-1-29 02:11 AM 發表 [url=http://www.discuss.com.hk/redirect.php?goto=findpost&pid=474529790&ptid=27200657][img]http://www.discuss.com.hk/images/common/back.gif[/img][/url]
每次係報攤見到d大叔買舊著龍記
都覺得好amazing
舊書翻印$17都有人買 [/quote]

可能覺得好睇過新出果d。
頁: [1]
查看完整版本: 靠樂瞳寫真撐住 旺角漫畫店侷轉營