查看完整版本 : 【科幻/災難/驚悚】鳥煞 (五十一, 大結局) 21/3/2019

我是非好人 2018-1-31 01:17 PM

【科幻/災難/驚悚】鳥煞 (五十一, 大結局) 21/3/2019

故事簡介:

2017年,多個太平洋島國以及菲律賓出現大批人口離奇失蹤事件,菲律賓軍方派兵剿滅,但傷亡慘重,隨即引起美國等多個國家關注。
7月1日,大批怪物突襲大陸、台灣、日本沖繩、香港等多個地方,適逢當日是香港回歸廿周年,市面如常出現慶回歸活動及遊行,怪物將市內的居民逐一生吞活剝,將香港變成牠們的獵食場。一批生物專家面對這種全新品種的怪物無從入手,但他們在翻查研究文件時,發現這隻怪物是因為人類一個意外創造出來…

本周五(2/2),災難開始…

本故事純屬虛構,如有雷同,實屬巧合

小弟首兩部長篇小說已經上載,請多多支持,睇完仲可以畀意見,令我繼續進步:smile_46:

P.S. 請支持原創小說

香港恐慌:
[url=http://www.discuss.com.hk/viewthread.php?tid=25289565&extra=page%3D1]http://www.discuss.com.hk/viewthread.php?tid=25289565&extra=page%3D1[/url]

[font=新細明體]身份:[/font]
[font=新細明體][url=http://www.discuss.com.hk/www.discuss.com.hk/viewthread.php?tid=26235016&extra=page%3D2&page=1]www.discuss.com.hk/viewthread.php?tid=26235016&extra=page%3D2&page=1[/url][/font]
[font=新細明體][/font]

[[i] 本帖最後由 我是非好人 於 2019-3-21 12:01 AM 編輯 [/i]]

我是非好人 2018-2-2 09:32 PM

鳥煞 序章

鳥禽類流行性感冒(Avian Influenza,AI),簡稱禽流感(Avian Flu),是一種由病毒引起的動物傳染病。全球首宗病例是在1878年,於意大利爆發,通常只感染鳥類。1996年,中國廣東省爆發H5N1高致病性禽流感,翌年疫症蔓延至香港,更首次發現病毒能夠感染人類,當年香港共有18人染病,6人死亡,當局迅速撲殺全港過百萬家禽,令疫情受控。

自此之後,全球各地均出現不同種類的禽流感疫情,其中在2003年2月,兩名港人由中國福建旅行回港後,發現感染H5N1病毒,其中一人死亡,另一人經治療後康復。2008年6月,深水埗保安道街市有雞檔雞籠的環境樣本,經檢測後發現含有H5N1病毒。為避免1997年禽流感疫情重臨,當年香港大學及中文大學的醫學隊伍攜手研製禽流感疫苗,以遏止禽流感疫情蔓延。

(2009年10月,港大[color=black]感染及傳染病中心[/color])

港大感染及傳染病中心總監蔣達麟:H5N1疫苗嘅臨床測試有結果未?
研究員谷田俊:我已經幫幾隻雀仔打咗疫苗,暫時未有結果。(麟的手機響起)
中文大學[color=black]防治傳染病研究中心[/color]陳羨洋:呢啲嘢唔急得嘅,應該下個月會有結果。
研究員王沁美:如果成功嘅話,我哋就係全球首個成功製造禽流感疫苗嘅地區。
洋:用咗成年嘅時間研製,只差呢一小步就得啦。
麟:但係你好重視呢件事架,如果…喂…喂…(掛線)
俊:發生咩事呀?
麟:(衛生福利及食物局)局長話,個疫苗研發計劃要終止。
美:點解呀?
麟:係行政長官會同行政會議開會之後,做出呢個決定。
俊:理由係咩?
麟:大家都知舊年發生金融海嘯,政府要留返啲錢維護金融市場穩定,所以…
俊:唔係呀?舊年做呢個計劃嗰陣,雷曼都出咗事啦,而家先嚟剎停個project,班官傻咗呀?
麟:(衛生福利及食物局)局長已經喺個會到據理力爭,但係…
洋:但係佢哋就覺得我哋做咗成年都無咩進展,所以就要叫停個計劃。
美:成班高官都咁短視,唔怪得香港無人肯做科研、創新科技嗰啲行業啦,全部去做金融、服務行業、炒股啦。
麟:點都好啦,阿俊,將呢度所有資料整理好,遲啲搵個地方擺埋佢。阿洋,將呢一年嚟所有研究成果寫一份報告交畀局長。阿美,將所有用嚟做實驗嘅動物全部銷毀,記住,要confirm所有動物死哂。

沁美及田俊將用作實驗的動物屍體用垃圾膠袋包好,再棄置在中心附近的垃圾站內。其後一陣強風將膠袋吹到地上,在垃圾站內覓食的烏鴉上前啄穿膠袋進食屍體…

(2017年1月,港島某茶餐廳)

「嘟…嘟,各位,歡迎收睇呢節新聞,我係陳美欣,立法會大會正審議議員樓小厲有關全民退休保障方案…」

「喂,你記唔記得下個禮拜一係咩日子?」已成為香[color=black]港大學感染及傳染病中心[/color]學家的王沁美。
「下個禮拜一…呀,我記得,年初三,赤口。」樓進江,瑪麗醫院兒科醫生,美之男友。
「(打向江的肩膊)赤咩口呀?係我同你拍拖兩周年紀念日呀。」
「係呀?(江握着美的手,但被美甩開)咁你都唔駛咁大力打我架,痛嘛。」
「你呀,一啲記性都無,係咪想我同你開年呀?」
「我知啦,不過講明先,我唔知醫院會唔會突然間有手術要我做架…」

「唔該,午餐A,茶走。」秦安立,電視台新聞部攝影師。
「我要腿蛋治,烘底,熱檸水。」黃芷瑩,電視台新聞部記者。

「本港出現本年首宗H5N1禽流感個案,衛生防護中心稍後將召開記者會…」

「唔係呀,又整單咁嘅嘢,畀我食個hea飯都得啩。」
「今朝我已經跑咗兩單assignment,做死人咩。」
「我今朝開05,先做單炒車(車禍),之後要做行會(行政會議)聽特首講嘢,仲有一單空中飛人(跳樓),而家先食第一餐咋。」
「(電話響起)喂,係,等陣去街市睇吓雞檔生意,扑市民咪,阿立喺我隔離,哦,好,四點前要搞掂,知道,拜拜。」
「即係等陣係我同你做啦。」
「阿頭話你做埋呢單就收得工啦,快啲食飯,快啲搞埋單assignment,就可以快啲抖啦。」

「等陣仲要練跑,嗱嗱聲食少少嘢返去喇。」高凱凌,港大田徑隊代表及港隊200米代表隊成員。
「等陣有大專籃球比賽,有中大洪永城落場架,去唔去睇呀?」同學甲說。
「佢都有個科大許廷鏗啦,仲駛要個洪永城咩?」隊員甲說。
「喂,佢唔係同人散咗啦咩?」同學甲問。
「咪住,講清楚先,我係同佢一齊過,但係我發現佢一腳踏兩船,所以我決定摑佢一巴,再踢佢『細佬』,之後飛咗佢。」凌說。
「所以佢遲啲放暑假嗰陣就會去歐洲旅行,一方面散心,一方面睇吓有冇『食洋腸』。」隊員甲說。
「腸你個頭,成日諗埋啲鹹嘢,你因住畀人呃蝦條呀。」凌說。

「(接聽電話)喂,做緊咩呀?」黃少強,中文大學[color=black]防治傳染病研究中心助理教授。[/color]
[color=black]「無呀,喺屋企食緊自家製沙律,今日放假,好悶呀。[/color][color=black]」[/color]杜絲喬,網絡歌手、強之女友。
「你咪攞支結他喺屋企寫吓歌,或者翻唱人哋嘅歌,放上網呃吓LIKE囉。」
「咩呃LIKE呀?即係話我啲歌唔好聽,係因為我個樣先得人鍾意喇?」
「我唔知其他『兵』仔點諗,不過我就一定係因為你嘅歌先鍾意你。」
「我唔理,我而家好嬲呀,我要罰你…即刻返屋企煮飯畀我食,陪我睇戲,陪我通宵寫歌。」
「我都想呀,娘娘,但係而家又有禽流感個案,等陣仲要同港大專家研究吓個case,都唔知幾時返到嚟呀。」
「(撒嬌)吓?無人同我食飯,我突然間覺得空虛、寂寞同凍呀。」
「我又何嘗唔係(唱歌)『各種空虛冷冷冷,吹起吹起風裏夢呢』。」
「聽你『唱歌』,我真係有啲毛管戙。咁你唔好淨係掛住做嘢唔食嘢。」
「小強子謹遵娘娘旨意,(手機顯示另一來電)唔同你講啦,有電話入,今晚再講呀,拜拜。(接聽)喂,邊位?」
「喂,黃教授,我係港大嘅阿John,尋日同你通過電話嗰個。」蔡漢益,港大地球科學系博士生。
「阿John,咩事?」
「今日個會本來喺兩點開,而家改喺三點半開,有冇問題?」
「無問題,咁我趁呢兩個鐘睇多少少資料,我想問吓等陣仲有咩人出席…」

「轉睇國際消息,太平洋島國帛琉有大批示威者冒雨上街,與警方爆發衝突。警方施放催淚彈驅散示威者,示威者主要是不滿政府未有盡力處理近月發生的多宗人口失蹤事件,又指失蹤嘅多數係反政府人士,懷疑係政府將佢哋軟禁。另外,同樣位於[color=black]太平洋[/color]的雅浦島亦發生多宗人口失蹤事件…」

To be continued……
[font=新細明體][/font]

[[i] 本帖最後由 我是非好人 於 2018-2-27 11:06 PM 編輯 [/i]]

我是非好人 2018-2-5 06:12 PM

各位大大,小弟開咗個fb page,希望大家畀個like:smile_o12:,幫手宣傳吓:smile_38:

[url]https://www.facebook.com/imxgdppl/[/url]

請支持原創小說:smile_o06:

[[i] 本帖最後由 我是非好人 於 2018-2-5 06:25 PM 編輯 [/i]]

掛住你 2018-2-5 07:50 PM

支持

我是非好人 2018-2-5 07:56 PM

:loveliness:

我是非好人 2018-2-9 08:58 PM

各位大大,各位大大,各位大大 (重要嘢先講三次嘛),小弟開咗個fb page,希望大家畀個like,幫手宣傳吓
[url=https://www.facebook.com/imxgdppl/]https://www.facebook.com/imxgdppl/[/url]

鳥煞(二)

2008年,香港出現H5N1禽流感個案,政府聯同香港大學及中文大學的醫學隊伍攜手研製禽流感疫苗,但在翌年突然煞停計劃。2017年,禽流感個案再現,兩間大學的專家再次相聚研究個案有否出現變種。另外,太平洋兩個島國先後出現人口集體失蹤個案…

(2017年2月,香港大學感染及傳染病中心)

「黃教授,(與黃握手)首次見面,幸會。」蔡漢益,港大地球科學系博士生。
「你就係阿John,你好,呀,我唔係教授,係助理教授,我係代Prof.Chin嚟研究個案。」黃少強,中文大學防治傳染病研究中心助理教授[color=#dd4b39]。[/color]
「阿強,阿John,(先後與強及益握手)唔好意思,突然間改咗開會時間,請坐。」王沁美,香港大學感染及傳染病中心學家。
強:我頭先已經見到你喇,阿May。
美:(錯愕)係咩?幾時呀?
強:堅尼地城嗰間茶餐廳囉,不過見到你同男友打情罵俏,所以無嗌你啫。
美:唉,講呢啲。講返正題,大家都知今日香港又有新一宗H5N1個案。
強:我知,但係未知係外地傳入定係本土感染個案。
益:CHP(衛生防護中心)記者會開始咗,聽吓佢點講。

(電視畫面)

衛生防護中心總監蔣達麟:各位傳媒界朋友,今日香港新增一宗H5N1禽流感個案,患者係新界打鼓嶺一個雞場嘅東主。據了解,患者過去一年都冇外遊紀錄,相信佢係喺香港染病,係一宗本地感染個案。現時患者已經送往威爾斯親王醫院接受隔離治療,情況穩定。由於已經出現首宗本地感染個案,政府多個部門將會採取措施,防止疫情蔓延。而家交畀食環署代表。

食物環境衛生署署長陳羨洋:各位,患者係雞場東主,所以我哋已經喺嗰個雞場抽取部份雞隻樣本化驗,發現部份樣本對H5N1呈陽性反應,我哋亦發現雞場有部份雞隻出現病徵,甚至死亡。為咗衛生着想,我哋決定銷毀方圓兩公里內所有禽畜,同時停止輸入內地活雞,為期28日。我哋呼籲住喺涉事雞場附近嘅居民,如果身體出現不適,請立即睇醫生,或者到醫院求診。

醫院管理局行政總裁谷田俊:頭先蔣總監都講到,患者而家喺威爾斯親王醫院留醫,醫管局已經立即提高威爾斯醫院嘅警戒水平到最高級別。我哋亦已經同其他醫院聯絡,將疑似H5N1個案都送往威爾斯醫院接受治療。而威院亦已經將其中一層嘅病床用作接收病人,但係暫時唔會影響其他病人同探病時間。

記者甲:想問吓呢宗個案嘅感染途徑係點?

麟:我哋暫時未知佢係因為掂到染病死亡嘅雞隻,或者係接觸到家禽嘅排泄物而染病,但我哋現時可以肯定嘅係患者係喺雞場入面染病。

記者乙:想問吓醫管局會唔會提升全港所有醫院嘅警戒級別呢?

俊:由於暫時只係出現一宗個案,所以除咗接收咗患者嘅威爾斯親王醫院之外,其他醫院暫時唔會提高警戒級別。但係局方會密切留意事態發展,適時作出調整…

「各位,而家轉睇食物及衛生局局長林寶賢見記者。」陳美欣,電視台新聞部記者兼主播。

林寶賢:各位,香港啱啱出現咗首宗H5N1個案,局方已指示各個有關部門採取措施,盡力防止疫症蔓延。行政長官會同行政會議成員將會喺聽日舉行特別會議,聽取有關方面嘅消息。聽日晏晝我就會到廣州同國家重點實驗室主任,就兩地出現嘅禽流感個案進行交流,同時我哋亦都決定暫停活雞供港28日,避免病毒進一步蔓延。

記者A問:局長,既然患者嘅感染途徑係喺佢自己嘅農場,點解仲要暫停內地活雞輸港呢?

賢:雖然患者最大機會係喺佢自己嘅農場染病,但而家唔可以排除有帶有病毒嘅候鳥,將病毒感染咗雞場嘅雞隻,再傳染畀患者。加上廣東省有關部門亦都通報省內多個地方出現禽流感個案,為咗市民嘅健康着想,先至有呢個決定。

(港大感染及傳染病中心)

強:我而家最擔心嘅萬一呢個病毒同H5N1洗咗牌,咁病毒嘅致命性就可能會大大增加,防疫工作要更加嚴格。
美:啊,阿益除咗係港大地球科學系博士生之外,亦是一位研究候鳥遷徙的科學家,佢可以幫我哋預測吓啲候鳥大約會幾時離開香港。
益:根據以往嘅推算,如果無受到極端天氣影響嘅話,候鳥一般都會喺春天開始離開。
強:(手機震動)Prof. Chin send咗個message嚟,話等陣五點鐘去衛生防護中心度開會。
美:Prof.Chan都send咗個message,咁等我去埋個廁所出發喇。

(電視畫面)

「國際方面,太平洋島國帛琉多處出現大量屍體,當中包括人類殘肢。喺最大城市科勞爾有大量雀鳥屍體,部份疑似被人肢解。市內另一處地方則發現多件人體殘肢,當中包括反政府領袖。反對派示威者衝擊首都恩吉魯穆德嘅政府機關,批評政府用殘忍手法殺害反政府人士,要求領袖下台…」

強:痴L線,呢個政府咁都做得出嘅。
益:但係我上網睇過相關新聞嘅圖片,發現有啲問題。
強:嘩,你睇埋啲咁核突嘅嘢,你唔驚等陣食唔落飯呀?
益:我好奇先睇吓啫,你睇吓喇(將平板電腦內的新聞圖片遞予少強,但少強擰轉面),政府要殺佢哋好易啫,駛唔駛搞到咁核突先?
強:可能個領袖好似阿『金仔』咁(北韓最高領導人),鍾意睇住佢哋折磨致死呢。
益:但係佢哋嗰啲死法,唔似係被人殺,我覺得…佢哋好似係畀…畀啲動物殺死咁。
強:有冇咁誇呀?你估拍戲咩?有隻哥斯拉去嗰度食人嗱?你睇呢啲嘢睇到個人short 咗喇。
益:你話得一個地方係咁就唔出奇。但係你睇吓,另外兩個太平洋島國(雅浦島及密克羅尼西亞)都相繼出現呢啲事,咁就唔係巧合啦。
強:頭先新聞都只係話嗰兩個地方發生多宗人口失蹤事件喎,就算真係發生又點呢,都唔關我哋事啦,係咪?
美:(離開洗手間)頭先聽到你哋兩個傾得幾熱烈吓喎,講緊咩先?
強:你同佢講,睇吓佢信唔信你?

少強一邊說,漢益再將剛才對少強說的話對沁美再說一遍……

「(即時新聞消息)【帛琉翻版】雅浦島驚現大量殘肢 居民:『妖怪』來襲 猶如煉獄」

To be continued……

[[i] 本帖最後由 我是非好人 於 2018-2-12 10:46 PM 編輯 [/i]]

我是非好人 2018-2-16 12:09 AM

祝各位讀者狗年快樂,身體健康,繼續支持小弟嘅作品:smile_o15:

hcchow 2018-2-16 03:27 PM

[quote]原帖由 [i]我是非好人[/i] 於 2018-2-16 12:09 AM 發表 [url=http://www.discuss.com.hk/redirect.php?goto=findpost&pid=475400206&ptid=27217555][img]http://www.discuss.com.hk/images/common/back.gif[/img][/url]
祝各位讀者狗年快樂,身體健康,繼續支持小弟嘅作品:smile_o15: [/quote]


恭喜發財 可否寫快啲

我是非好人 2018-2-16 08:16 PM

[quote]原帖由 [i]hcchow[/i] 於 2018-2-16 03:27 PM 發表 [url=http://www.discuss.com.hk/redirect.php?goto=findpost&pid=475419624&ptid=27217555][img]http://www.discuss.com.hk/images/common/back.gif[/img][/url]



恭喜發財 可否寫快啲 [/quote]


收到,盡快寫,盡快出

我是非好人 2018-2-18 01:08 AM

鳥煞(三)

2017年,香港再次出現禽流感個案,兩間大學的專家正前往衛生防護中心,研究個案出現變種的可能性。同時,太平洋兩個島國先後發現大量人體殘肢…

(2017年2月26日)

港大地球科學系博士生兼研究候鳥遷徙專家蔡漢益:(黃少強、王沁美及蔡漢益乘車前往衛生防護中心,期間漢益向沁美講述帛琉及雅浦島出現大量殘肢事件)你話喇,係咪好奇怪先?
[i][color=#dd4b39]香港大學感染及傳染病中心[/color][/i]學家王沁美:如果淨係睇網上新聞嘅圖片,又真係幾恐怖嘅。
中文大學[i][color=#dd4b39]防治傳染病研究中心助理教授[/color][/i]黃少強;你唔係真係信佢講吓嘩?(看着沁美的臉)咦,咪住先,你去完個廁所之後,個樣唔同咗嘅?
美:咁去開會,化吓妝好正常啊。再加上等開完會可能要出去畀記者影相,唔化妝好核突啫。

經過多個小時的會議後,醫院決定將病毒樣本分別送往港大及中大的專家進行基因圖譜分析,了解病毒有否出現變種,一個月後於衛生防護中心再開會,跟進最新情況。

美:估唔到可以喺度一次過見返咁多位前輩。
衛生防護中心總監蔣達麟:而且都係做禽流感嘅case添。
醫院管理局行政總裁谷田俊:根據威院嘅同事講,患者嘅病徵同之前嘅H5N1病人無咩分別,而家用緊抗生素同類固醇醫佢。
食物環境衛生署署長陳羨洋:不過病毒呢樣嘢有好多種變數,只要其中一條DNA出現變異,病毒嘅致命性就可能會大大提高,所以之後就要拜託你哋進行化驗。

(4月2日)

過去一個多月,香港再出現三宗H5N1個案。經過王沁美及黃少強等專家分析後,證實H5N1病毒未有出現變種,而四名患者經治療後已經出院。另一方面,除了帛琉及密克羅尼西亞之外,菲律賓南部有多個小島相繼有大批雀鳥死亡,當局擔心會爆發禽流感疫情,衛生部門已到當地將雀屍分別送往香港、日本、南韓、新加坡、美國及英國等地實驗室進行化驗…

(衛生防護中心)

麟:菲律賓嘅樣本會喺今晚運到嚟,你哋諗住喺邊度做化驗?
美:用港大醫學院嗰個實驗室,設備先進啲。
麟:阿強,Prof. Chin返唔返到嚟幫你手呀?
強:Prof. Chin本來上兩個禮拜喺法國返嚟,點知佢炒咗車,要喺巴黎嗰邊留醫,(嘆氣)唉,睇怕都要幾個月後先返到嚟。
美:咁咪好囉,畀個機會你揸大旗,做得好仲有機會升職添。
強:諗吓好嘞,論資質我有排都未夠「呢」,仲有好多嘢要學架。
麟:啊,上次同你哋一齊嚟開會嗰位仁兄呢,今次都會參與研究。
美:又關佢事?上次佢跟埋嚟開會已經有啲奇怪架啦。
麟:因為菲律賓可能會有候鳥北飛,經香港去亞洲其他地區,佢可以幫手研究吓今次染病死嘅係咩雀,會唔會飛過香港,令呢度嘅禽鳥染病,加以警惕。
強:是旦啦,我會交畀阿美去招呼佢。
美:點解係我啊?
強:同性相拒,異性相吸。你懂的。
美:睬你都傻,我有男朋友架。

(即時新聞訊息:【帛琉翻版】菲南部村莊一夜滅村 村民慘被分屍 生還者:如種族滅絕)

(4月3日,港大[i][color=#dd4b39]感染及傳染病[/color][/i]中心)

黃少強與王沁美等多名專家,在實驗室內為菲律賓雀屍樣本進行化驗,手中拿着一個黑色膠袋的蔡漢益,亦在近中午時份到達…

強:阿益,我以為你無咁早上嚟添。
美:咦,你呢袋咩嚟架?
益:頭先我喺呢度出面執到隻死雀,想畀你哋研究吓啫。
強:又嚟?呢幾個月差唔多每日都有死雀拎嚟畀我哋驗,阿Jack,你搞搞佢。BTW,(指着益的手)你有冇…
益:放心,我已經用梘液洗咗一分鐘手,再用酒精搓手液消毒,包無病菌。
美:咁都好啲,阿強啊,抽咗隻雀屍嘅纖維樣本未?
強:(將纖維放在細菌培植盒)啱啱搞掂,兩日之後就有結果。阿Jack,嗰隻死雀搞掂未?
Jack:搞掂,幾個鐘之後有結果。

(即時新聞訊息:【帛琉翻版】菲南部小島雀屍如山 清潔工:含人體殘肢)

(4月6日,香港大學食堂)

「(電視畫面)歡迎收睇天氣報告,我係曾薇樺(天文台高級科學主任)。先跟進菲律賓以東嘅颱風『火龍』,佢而家集結喺馬尼拉東南偏東大約640公里,預料向西移動,時速16公里,大致移向菲律賓以東海域。另外,位於菲律賓北部同台灣海域嘅低壓區逐漸增強,似乎有一個熱帶氣旋形成緊,我哋會密切留意住佢嘅發展…」

「而家先四月咗喎,咁快就打風?」杜絲喬,網絡歌手、強之女友。
強:喬喬,就算香港真係打風,我都未驚過。
喬:我都係,因為你個咁肥嘅身軀會幫我遮風擋雨。
強:唔係,(輕佻)因為有『李氏力場』擋住個風呀。哈…哈…
喬:唓,無聊。(邊低頭吃沙律邊輕聲說)唉,仲以為你真係會幫我遮風擋雨添。(失望地嘟起嘴巴)
強:唔係,我點會…
益:其實個風形唔形成到都未知,唔駛擔心啦。
強:阿…蔡生,我…我同緊我…
益:(驚喜地說)咦,你…你咪係絲喬娘娘?!
強:阿…蔡生,你冷…冷靜啲…
益:(立即將椅子移到絲喬旁邊)絲喬娘娘,我好鍾意睇你喺youtube啲片架,你可唔可以同我selfie啊?
喬:(勉為其難地合照)我要去做rehearsal,(揹着結他離開)我走先喇。
強:阿…益哥,其實你頭先呢…
益:啊,係喇,你有冇睇過呢條片啊?有人喺帛琉度拍架。

「(手機視頻,帛琉語,配英文字幕) We are visiting Ngardok Nature Reserve. There was an office at theentrance of the Reserve, but there was nobody, and the window was broken. You can see many dead birds in the Reserve, and the stinky smell. It is terrible.(Where’s Jimmy?) Jimmy, where are you?」
「(Jimmy running and shouting) Run! Run! Run!」
「What’s up, Jimmy?」

To be continued……
[font=新細明體][/font]

[[i] 本帖最後由 我是非好人 於 2018-2-24 11:41 AM 編輯 [/i]]

公園平平水管 2018-2-18 11:59 AM

唔好介意講兩句,人物多寫得好亂,睇得好辛苦.

我是非好人 2018-2-18 05:54 PM

多謝你嘅支持同留言,雖然角色嘅設定比較多,但亦可能是之後故事嘅伏線,希望你繼續睇落去啦

我是非好人 2018-2-24 11:37 PM

鳥煞(四)

2017年,菲律賓南部有多個小島有大批雀鳥死亡,當地衛生部門將雀屍送往香港等地實驗室進行化驗,黃少強及王沁美等正等待化驗結果。此外,蔡漢益向黃少強播放網上流傳一段攝於帛琉的影片…

(4月6日,香港大學食堂)

「咦,你…你咪係絲喬娘娘?!」港大地球科學系博士生蔡漢益。
「阿…蔡生,你冷…冷靜啲…」中文大學[i][color=#dd4b39]防治傳染病研究中心助理教授[/color][/i]黃少強。
益:(立即將椅子移到絲喬旁邊)絲喬娘娘,我好鍾意睇你喺youtube啲片架,你可唔可以同我selfie啊?
「(絲喬免為其難地合照)我要去做rehearsal,我走先喇。」網絡歌手、強之女友杜絲喬揹着結他離開食堂。
強:阿…益哥,其實你頭先呢…
益:啊,係喇,你有冇睇過呢條片啊?有人喺帛琉度拍架。

「(手機視頻,帛琉語,配英文字幕) We are visiting Ngardok Nature Reserve. There was an office at the entrance of the Reserve, but there was nobody, and the window was broken. You can see many dead birds in the Reserve, and the stinky smell. It is terrible. (‘a woman shouting’Look at that, what the fxxk!) Jesus, do you see this? There is a human hand on the ground. (‘another woman screaming’ AH!!) What’s happening? Oh shit, there was a head!! (‘Woman looking at the nameplate ’He is the security guard of the Reserve, oh no!!) Oh my god, we can see the organs of the dead body. It’s disgusting. Everybody, it’s not a movie, it’s real. (Where’s Jimmy?) Jimmy, where are you?」
「(Jimmy running and shouting) Run! Run!」
「What’s up, Jimmy?」
「Mon...Monster! Run! (A flying monster catches Jimmy) Help! Help me!(Another monster tears Jimmy’s legs and his right hand) Jimmy! It’s crazy! Run! Run! (cell phone dropping on the ground) Help! Help......」

益:嗱,之前我一直講嗰啲嘢,而家證實到啦。
強:但係條片入面啲怪獸…我硬係覺得好似嗰啲荷里活啲電影trailer咁。
「你仲唔信,有片有真相呀,而家網上個個都講呢條片架。」
「(手機上google)但係我上網搵過,都搵唔到條片。同埋,如果單嘢咁爆,冇理由新聞唔報架。」
「有網民話,條片上載咗幾次,幾分鐘後條link就畀人delete,我呢條片都係個fd forward畀我先有得睇。唔單止係咁,有消息指,美國、歐洲、亞洲所有國家都下令所有傳媒禁止報道有關消息。你諗吓,如果條片係假嘅,駛唔駛要咁多個國家封鎖消息先?」
「(電話響起)喂,阿美,係,哦,唔,好呀,拜拜。」
「犀利犀利,佩服佩服。」
「你講咩呀?」
「你同阿美嘅對話只係用咗十個字就完成,簡而精。」
「咁佢講嘅嘢都係叫我哋去睇個檢驗結果啫,你行未呀?」
「吓?而家?我連晏都未食喎?」
「咁你仲唔快啲去買個飽!」

(港大[i][color=#dd4b39]感染及傳染病[/color][/i]中心)

[i][color=#dd4b39]香港大學感染及傳染病中心[/color][/i]學家王沁美:唔好意思,要你哋突然間趕嚟呢到睇結果。
強:唔緊要,大家都想睇吓個結果係點。
美:檢驗結果顯示,呢隻雀屍對H5N1病毒株呈陰性反應。
強:咁就好喇,我哋就唔駛驚啦。
美:(猶疑)但係…
益:個結果有咩問題?
美:雀屍體內嘅纖維組織藏有另一種病毒株,而呢種病毒株並無出現過喺其他雀鳥身上,是檔案庫成立至今首次發現新品種嘅病毒株。而且…
強:仲有?平時啲報告無寫到咁詳細架?
美:而且儀器在進行檢驗纖維組織時,未能透過組織分析到被檢驗嘅係邊種雀鳥,所以可以推斷…呢一隻雀屍係屬於一種全新品種。報告建議研究員立即將新的病毒株進行分析,以確保病毒不會感染人類。
強:(戴上防護眼罩、口罩、穿上保護衣及手套)阿美,阿益,着保護裝備,一齊入實驗室。
美:(三人進入實驗室)名施,攞份報告畀我。
強:(將細菌培植盒放在燈光下觀看)呢種細菌個pattern係螺旋形狀,同一般病菌唔同。
美:(用顯微鏡看細菌)佢嘅繁殖能力幾高,我啱啱將死雀纖維放喺塊clip(標本夾),好快就發到好大。
益:(大叫)大鑊!
美:(不滿)做咩事大叫呀?嚇死人咩!
益:你…你哋睇清楚隻死雀…(三人邊看雀屍邊看着漢益手機播放攝於帛琉的影片)
強:(口震地說)呢隻…就係嗰隻…怪物?
美:(漢益向沁美講解帛琉事件始末)成件事…好得人驚,好…好恐怖。
強:估唔到驗死雀驗到隻食人雀,諗起個心都寒埋。
美:我最怕嘅係佢哋會乘住季候風飛過嚟亞洲地區,到時就…
益:我睇返之前嘅有關新聞,照佢哋出現嘅時序推算,呢個可能性…都好高。
強:我哋要同政府通報呢個情況,等佢哋有所防範,向嗰啲地方發出黑色外遊警示先得。
益:我之前用print screen 功能 save低所有有關嘅新聞,可以用嚟做證據

沁美等三人進行消毒後,帶同報告離開港大[i][color=#dd4b39]感染及傳染病[/color][/i]中心,駕車前往衛生防護中心向高層匯報,但在大閘門口被一輛汽車截停…

美:(離開司機位)陳署長,我哋有啲緊要事要同CHP報告,麻煩你…
食物環境衛生署署長陳羨洋:我就係為咗呢件事而嚟,份報告你交畀我就得,其他嘢你哋唔駛理。
益:我哋有啲報告以外嘅嘢要向政府匯報,而家…
洋:(嚴肅地說)我講多一次,除咗份報告之外,你哋唔駛再理其他嘢。(將手伸向他們)交份報告畀我。
強:唔駛理佢,我哋「飛的」去政總同食衛局局長講。
洋:(兩輛警車駛到中心外)如果你哋離開中心範圍,警方就會拘捕你哋。
美:咁即係點啊?想禁錮我哋呀?
益:即係你哋都知道呢隻雀係…
洋:夠喇!如果你哋唔想被人拉嘅話,就將份報告交畀我。
強:唔得,呢件事唔單止關乎香港,仲可能關乎全個亞洲,甚至全球嘅安危。
洋:我就係因為呢樣嘢而嚟,(與沁美等人交頭接耳)我怕班警察會拉你哋,入去先講。
美:(步入會議室後將報告擲落桌上)究竟而家發生緊咩事?有幾多嘢係我哋唔知架?
洋:坦白講,我所知嘅嘢暫時唔多,你哋知幾多嘢,我就知幾多。
益:唔係呀嘛!你係官員嚟架,有咩理由我知幾多,你知幾多呀?你有好多資料喺手,不過瞞住我哋咋嘛。
洋:有啲資料未經證實唔可以講住,總之你知啲咩,我就知啲咩。
強:最怕係呢隻怪物咬到其他動物之後,會令佢哋變成食人怪,好似嗰套…南韓套喪屍片一樣,咁就大撚鑊。
美:咪住,點解你會知道我哋知幾多嘢呀?

To be continued……

[font=新細明體][/font]

[[i] 本帖最後由 我是非好人 於 2018-2-28 06:05 PM 編輯 [/i]]

TL1596 2018-2-25 12:46 PM

我想講篇小說有錯誤,2017年既赤口係1月30日,但文中既赤口係2月某日既下個禮拜五...

我是非好人 2018-2-26 01:10 AM

讀者非常心水清,已作出更正

fantasista001 2018-2-26 12:10 PM

[quote]原帖由 [i]我是非好人[/i] 於 2018-1-31 01:17 PM 發表 [url=http://www.discuss.com.hk/redirect.php?goto=findpost&pid=474640159&ptid=27217555][img]http://www.discuss.com.hk/images/common/back.gif[/img][/url]
故事簡介:

2017年,多個太平洋島國以及菲律賓出現大批人口離奇失蹤事件,菲律賓軍方派兵剿滅,但傷亡慘重,隨即引起美國等多個國家關注。
7月1日,大批怪物突襲大陸、台灣、日本沖繩、香港等多個地方,適逢當日 ... [/quote]

支持一下先,加油!

我是非好人 2018-2-26 06:19 PM

多謝你嘅支持呀,睇睇吓可以畀吓意見,有咩錯漏歡迎指正

我是非好人 2018-3-3 09:57 PM

鳥煞(五)

多個太平洋島國及菲律賓南部相繼出現大量雀鳥屍體,同時亦發現人體殘肢,菲律賓將雀屍交予多個地方進行化驗,但王沁美、黃少強及蔡漢益意外發現,雀屍並非屬於地球上的已知品種,並與網上流傳一段食人雀在太平洋島國帛琉肆虐的片段相似。鑑於食人雀有機會隨季候風北上亞洲,他們仨決定將有關報告交予政府高層,但遇到阻滯…

(2017年4月6日,港大[i]感染及傳染病[/i]中心)

港大地球科學系博士生蔡漢益:咁即係你哋已經知道呢隻係食人雀?
食環署署長陳羨洋:無論你哋信唔信都好,我再講多一次,我所知嘅嘢同你哋所知嘅嘢一樣咁多。
益:唔係呀嘛?你哋係官嚟架,你哋有好多資料喺手,不過唔講得啫,係咪呀?!
洋:有啲資料未經證實,所以唔可以講住,總之你知啲咩,我就知啲咩,希望你哋明白。
中文大學[i]防治傳染病研究中心助理教授[/i]黃少強:最怕係呢隻怪物咬到其他動物之後,會令佢哋變成食人怪,好似嗰套…南韓套喪屍片一樣,咁就大撚鑊啦。
[i]香港大學感染及傳染病中心[/i]學家王沁美:咪住,頭先你話我哋知幾多你就知咁多,你點知我哋知道幾多嘢呀?
益:呀!!點解我手機入面啲食人雀新聞無哂呀?
強:你班仆街呀!你…
洋:無錯,唔單止你哋,所有曾經喺網上發佈或者轉載有關消息嘅人,都已經畀警方列入監察名單,同時對佢哋手機及電腦進行嚴密監控。只要佢哋再亂post有關消息,警方就會立即以「不誠實使用電腦罪」上門拉人。
美:你哋咁樣做即係侵犯他人私隱,遏制言論自由呀,咁同大陸有咩分別呀?
洋:唔係,係全球所有媒體同社交網站幾日前達成嘅共識,一齊封殺呢啲消息。你哋唔覺呢幾日無哂所有有關食人雀嘅消息咩?
益:咁講法…即係其他國家都知道呢隻怪物,會對人類構成威脅?咁佢哋而家有咩對策?
洋:呢啲唔係香港可以理到嘅嘢,所以我哋咩都唔知。
強:明嘅,香港都唔係國家,又無軍隊,想理都理唔到。我驚到時大陸同香港一齊有事嗰陣,啲駐港解放軍走哂返大陸,唔幫我哋啫。
洋:總之由而家開始,你哋要當咩都唔知,我哋會將份報告同其他國家嘅報告做比對,睇吓有咩方法可以搞掂呢隻嘢,咁就完成任務,天下太平。
美:最怕到時隻嘢太犀利,我哋搞佢唔掂,變成天下大亂咋。
洋:除咗呢件事,我嚟係要通知你哋要去開會。阿強、阿美,你哋一陣會去政總,同(食衛局)局長一齊同其他有份研究呢隻雀嘅專家開會,傾吓佢有無其他變種病毒。阿益,你去港大同天文台等科學家開會,預測吓呢隻雀最快幾時會隨住季候風嚟香港。出面已經有車接你哋,你哋準備好哂所有資料就出發。

沁美、少強及漢益整理好所有資料後步出中心,在登車前往目的地前,羨洋再次提醒他們不能透露會議上任何內容。

(5月5日)

經過一連數周的會議後,各國專家對食人雀的認知仍然不多。與此同時,在太平洋島國及菲律賓南部肆虐的食人雀,在過去幾日突然全部消失…

(美孚新邨)

美:唔好意思,要你哋走嚟我屋企傾嘢。
強:唔緊要,我同阿益阻住你同江哥撐檯腳,咁先至唔好意思。
樓進江:(把餸拿出來)酒微菜薄,招呼唔到呀。
益:嘩,四餸一湯,勁啊!
美:快啲食,食完我哋傾吓嗰隻食人雀嘅料。
強:其實江哥都同我哋一樣讀醫,多個人傾可能會有新point都未定。
江:我聽阿美講過隻雀嗰啲資料,又真係幾恐怖,如果真係飛嚟香港呢啲人口稠密嘅地區,咁就大件事。

(半小時後)

美:根據美國方面嘅資料,帛琉係喺舊年(2016年)10月開始出現第一宗個案,之後幾個月平均都有兩至三宗個案。但喺1月嗰陣,情況就開始有啲變化,[i]太平洋[/i]嘅雅浦島同密克羅尼西亞開始錄得相關個案。
強:而菲律賓嘅代表就表示,南部島嶼薩蘭加尼喺3月開始出現有關個案,之後附近嘅達沃市,即係而家嗰個菲律賓總統之前做市長嗰度開始出事。
益:我哋同天文台、美國等地嘅科學家同天文學家傾過,估計呢隻雀好大機會會跟住啲季候風嚟到亞洲地區。佢哋搵咗NASA(太空總署)、NOAA(美國國家海洋暨大氣總署)、WMO(世界氣象組織)整合咗啲資料砌咗條片出嚟,呢啲就係過去幾十年,反映大氣變化嘅季候風、以及反映雲量嘅紅外線影片,同埋呢7個月,即係由帛琉出現第一宗個案之後,西北太平洋嘅天氣影片,(拿出電腦播放影片)呢條係10月…

(2016年10月2日,強烈熱帶風暴「漩渦」吹襲菲律賓中部,由於環流廣闊,與「漩渦」相關的雨區在四日後才消散,其後南部地區受低壓區影響持續降雨,雅浦島及密克羅尼西亞先後在6日及16日受到低壓區影響下雨,帛琉則沒有受到任何熱帶氣旋侵襲。)

益:呢條係11月…

(2016年11月6日,颱風「櫻花」吹襲帛琉後,轉吹琉球群島。雅浦島及密克羅尼西亞則沒有受到風暴侵襲。菲律賓南部的大氣活動屬於正常,即間中有低壓區出現,但沒有下大雨。)

益:呢條係12月…

(2016年12月,密克羅尼西亞、帛琉及菲律賓南部都沒有受到風暴吹襲,降雨沒異常,雅浦島則在12日受到熱帶氣旋吹襲。)

益:呢條係1月…

(2017年1月,四個地方都沒有受到風暴吹襲,降雨沒異常。)

益:呢條係2月…

(2017年2月,密克羅尼西亞、帛琉及菲律賓南部分別在3日、15日及26日先後受到低壓區影響,但雅浦島則沒有受到風暴吹襲,降雨沒異常)

益:呢條係3月…

(2017年3月,四個地方都沒有受到風暴吹襲,降雨沒異常。)

益:呢條係4月…

(2017年4月,密克羅尼西亞及雅浦島分別在1日及6日,先後受到熱帶氣旋侵襲,但菲律賓南部及帛琉則沒有受到風暴吹襲,降雨沒異常。)

(5月6日,菲律賓南部達沃市)

菲律賓總統下令軍隊進入達沃市,希望盡快解決在當地肆虐的「怪物」,並婉拒美國、中國等國軍隊的協助,結果…

To be continued......
[font=新細明體][/font]

我是非好人 2018-3-10 10:45 PM

鳥煞(六)

多國國家都證實在菲律賓南部及太平洋島國,總共數以百宗的人體殘肢個案,是由一種會食人的飛鳥造成,多國專家聯手找出這種「怪物」的弱點,而黃少強、王沁美及蔡漢益亦着力研究過去多個月以上地區的天氣圖及新聞,找出這種「怪物」的致命點。另外,菲律賓總統下令軍隊進入達沃市,希望盡快解決在當地肆虐的「怪物」,雖然美國、中國及俄羅斯等國軍隊提出協助,但都被總統拒絕。

(2017年5月6日,23:10,菲律賓南部達沃市)

將領:(菲律賓語)Yaong monsters katibayan sa Apo, mayroon kaming upang malutasang mga ito bago liwayway, upang ipakita sa labas ng mundo na maaari namingnag-iisa malutas ang mga ito, ang Pangulo graced na may pambansa, nauunawaan?(那些怪物的大本營在阿波火山,我們要在天亮前解決牠們,向外界展示我們可以獨力解決牠們,為總統同國家增光,understand?)
士兵們:Opo, ginoo(yes, sir)。
機師:(與達沃國際機場控制塔聯絡)Militarsasakyang panghimpapawid na nagmumula sa airport, ang control tower upang gawinang mga tagubilin kahilingan landing「軍機即將抵達機場,請求控制塔作出降落指示」(控制塔沒有回覆) Controltower humihingi ng mga direksyon sa landing (控制塔,要求作出降落指示)
將領:Anongnangyari?(發生甚麼事)
機師:Controltower ay hindi sumagot, ano ang dapat gawin(控制塔沒有回應,應該怎樣做)
將領:Pressbinalak upang lumipad sa ibabaw ng airport at pagkatapos ay magpasiya
Aircraft upang manatili, ito ay mahirap para mapunta sa runway(按計劃飛去機場上空再作打算)
機師:Saopen space sa tabi ng runway landing, militar mga sasakyan ay dumating sapaliparan(跑道上有飛機停留,很難降落)
將領:Sa open space sa tabi ng runway landing, militar mga sasakyan aydumating sa paliparan(在跑道旁的空地降落,軍車已到達機場)

(23:34,達沃國際機場)
士兵甲:Walang paraan, walang paraan?(有無人呀,有無人呀)
士兵乙:Nobodybuong airport, generals. (整個機場都沒有人,將領)
將領:Airporttila tulad atake ng terorista sa pamamagitan ng, mga durog na bato ng isangmula sa buwag gusali. (個機場好像受到恐襲般,頹垣敗瓦)
士兵丙:PTBay may maraming mga patay na katawan, pati na rin ang mga tao na bahagi ngkatawan, ang isang magandang horror ah.(客運大樓有好多屍體,還有人體殘肢,好恐怖呀)
士兵甲:(機場外有聲響)Anoang tunog?(甚麼聲音?)
士兵丁:(四周張望)Military sasakyang naka-park kungsaan? Batiin mo ang mga sundalo gawin? Nasaan sila?(軍車停泊在哪裡?前來迎接的士兵呢?他們在哪裡?)
將領:(拿着對講機說)Ang ikalawang koponan, hindi konakita ang dumating ka sa airport, mangyaring iulat ang lokasyon. 「第二小隊,我還未看到你們抵達機場,請報告位置。」(對方沒回應)Ang ikalawang koponan ... Ang ikalawang koponan ...(第二小隊…第二小隊…)
士兵乙:(從機場出口跑來)Iulatgenerals, militar sasakyang naka-park sa pintuan, ngunit ...(報告將領,軍車泊在門口,但…)
將領:Anoang nangyari?(發生甚麼事?)
士兵乙:Angisang pulutong ng parehong ... ... kasamahan ... ay pinatay.(好多同…同袍…都…殉職。)
士兵丙:(踢到地上一枝機槍)Ah ... ah ... mga tao ... ulo(呀…人…人頭呀…)
士兵甲:(驚慌)Anggenerals ... ang unang ... Ang ikalawang koponan ... (將…將領,第…第二小隊…)
將領:(看到第二小隊軍機遭十多隻「怪物」襲擊,立即舉槍指向「怪物」)Walang habas na pag-atake,walang pinipili atake, kailangan naming patayin ang mga ito upang i-savecompanions.「任意攻擊,任意攻擊,一定要殺死牠們救同伴。」(嘭…嘭…)
士兵丁:(被不明液體濺中)Kung ano ang darating?(甚麼來的?)(抬頭看)Ah! ! (呀!!)(嘭…嘭)

(5月10日,08:42,香港大學)

「(電視畫面)各位觀眾早晨,而家係早上8點半,歡迎收睇呢節新聞報道,我係黃芷瑩,超強颱風『天虹』橫掃菲律賓南部,造成嚴重破壞…」

港大地球科學系博士生蔡漢益:嘩,呢個風都幾勁喎,吹到嗰邊好似打完仗咁。
[i][color=#dd4b39]香港大學感染及傳染病中心[/color][/i]學家王沁美:聽講呢個風係近廿年來西北太平洋最強嘅颱風,如果吹嚟香港就真係大鑊喇。
中文大學[i][color=#dd4b39]防治傳染病研究中心助理教授[/color][/i]黃少強:(拿着手機)咁無法啦,(唱着歌)「天氣不似預期」,咁你咪留喺酒店上吓網、寫吓歌囉,好啦,今晚再打畀你啦,拜拜。唔該,早餐B,茶走。
益:嘩,咁早就同女朋友傾電話咁sweet?
強:唉,佢三日前飛咗去台灣旅行,點知呢幾日全日都落雨,搞到佢想喺街度busking 都唔得,打個電話嚟「呻」吓啫。
美:台灣同菲律賓,一個落足幾日雨,一個就打風打到pk,而家啲天氣真係好極端。
益:都唔知邊條暓里話無全球暖化,北極啲冰就嚟溶哂喇,遲吓呢啲超強颱風打嚟香港,我都想像唔到會變成點呀。
強:我就擔心啲平時喺熱帶地方先有嘅疾病傳入嚟香港,我哋都唔知點應對,我哋唔想再出現第二次「沙士」(非典型肺炎)。
益:係喎,話時話,上個禮拜政府畀我哋嘅資料,你哋睇哂未呀?
強:未喎,呢幾日又要睇吓隻雀嘅報告,又要睇資料,你當我係忍者亂太郎咩?識分身呀?
美:我咪又係咁,呢幾日又要做實驗,又要睇資料睇到點幾兩點先瞓,我對眼變咗「熊貓眼」喇。
益:我睇咗大部份資料,但我都未理解度呢啲嘢同隻「食人雀」有咩關係。
強:晏畫又要去CHP(衛生防護中心)開會,到時真係「帶住靈魂去開會」。
美:快啲食,食完上去睇多啲資料,如果唔係畀人問起就好似「大口仔」咁呀。
益:咁即係咩呀?
強:「大口仔」成日都擘大個口得個窿架嘛,你唔知咩?

「(電視畫面)歡迎收睇呢節天氣報告,我係(天文台高級科學主任)曾薇樺,我哋先跟進吓超強颱風『天虹』嘅動向,佢而家集結喺馬尼拉東南約700公里,預料向西北偏西移動,時速16公里,大致移向南沙群島,稍後會轉向西北方向移動,趨向西沙群島及海南島…」

(13:14,實驗室)

益:(跑入實驗室)我…有個好消息,一個壞消息…
強:咩消息令到你咁急走過嚟話畀我哋知呀?
益:好消息…係菲律賓南部…班「怪物」…走哂…
美:咁壞消息係咩?
益:菲律賓…隊軍隊…畀班「怪物」…殺死哂呀。

To be continued……
[font=新細明體][/font]

我是非好人 2018-3-17 09:07 PM

鳥煞(七)

盤踞菲律賓南部及太平洋島國的「怪物」繼續肆虐,雖然多國專家聯手希望找出「怪物」的弱點,但苦無頭緒。另外,菲律賓總統下令進攻達沃市的「怪物」,但全軍覆沒。

(2017年5月10日,13:20,香港大學實驗室)

[i]香港大學感染及傳染病中心[/i]學家王沁美:其實有樣嘢我哋唔係好明,如果隻「食人雀」真係咁危險,不如叫啲軍隊放個炸彈炸死哂佢哋咪得囉,簡單快捷。
中文大學[i]防治傳染病研究中心助理教授[/i]黃少強:但係如果啲「食人雀」繁殖能力好似「小強」咁強,用幾多炸彈都無用。
美:咁又係,到時炸佢哋唔死,仲將佢哋迫到嚟香港,咁就大L鑊啦。
港大地球科學系博士生蔡漢益:(跑入實驗室)喂喂喂,我…有個好消息,一…一個壞消息…
強:咩消息令到你咁急走過嚟話畀我哋知呀?
美:好消息係咩呀?係咪嗰啲「死人雀」已經死哂,我哋唔駛再做研究喇?
益:好消息…係菲律賓南部…嗰班「怪物」…全部走哂…
強:咁對亞洲嚟講係一件好事嚟呀。
美:咁壞消息係咩?
益:菲律賓…隊軍隊…畀班「怪物」…隊冧哂呀。
強:(打翻量杯)咩…咩話?
美:呢個消息喺邊度聽返嚟架?堅唔堅呀?
益:你開部電腦,我畀條片你哋睇。(益嘗試在Youtube搜尋有關片段)哼!真係畀佢哋「河蟹」咗。
美:以你咁蠱惑嘅性格,條片應該backup咗,係咪?
益:阿美你真醒目,咁你都知?
強:咪講咁撚多廢話啦,去片啦。
益:唔駛咁燥嘅。條片係啲網民hack入達沃市機場嘅cctv(閉路電視),然後在Youtube流傳。(播出片段)
美:呢班(怪物)…好…好恐怖…
強:但係…班「怪物」而家係死哂呀,定係…走咗去唔知邊度呢?
益:呢一層…(強的手機響起,來電顯示是蔣達麟)我諗要由佢哋話畀我哋知。

(15:00,衛生防護中心)

沁美、少強及漢益將近日研究的資料帶到CHP,但他們一抵埗就被帶到大樓頂樓一個房間內…

強:點解佢喺開會之前叫我哋嚟呢間房呢?
益:點知啫?睇怕都唔慌有咩好嘢啦。
美:(蔣達麟進入房間)總監,我想知道…
麟:你哋知唔知道菲律賓嗰邊嘅消息?
益:知,好似話派去嘅軍隊全部死哂。
美:究竟而家啲嗰邊咩情況,啲「怪物」喺咪走哂呀?(益的手機出現訊息)
麟:政府收到嘅消息係…軍隊死哂係真嘅,「怪物」係咪走哂…由於當地打緊風,所以暫時唔知。
強:呢班「怪物」都幾奇怪,一時喺呢度,一時喺嗰度,而家又失咗蹤,究竟佢哋想點呢?
益:我諗…我估到班「怪物」大概喺邊。(從背囊拿出平板電腦)啱啱新聞講西太平洋有兩架飛機喺差唔多同一時間失去聯絡。(開啟即時追蹤全球航機狀況應用程式)嗱,個網站顯示兩架機前日喺14:20同14:22先後失蹤,有網民截聽到當時嘅對話,大概意思係飛機嘅兩個引擎突然同時捲入大量異物,導致引擎失去動力。外國有網民即刻搵到事發地點附近嘅相,你哋睇吓。(相中遠處天空有一團黑色物體)
美:咪住,照道理啲「怪物」無可能飛到咁高架,會唔會…
益:我開頭都咁諗,但係個網站顯示,呢兩班機分別係由夏威夷同墨西哥飛去馬尼拉,如果係咁,呢兩架機就要喺西太平洋上空降低飛行高度進行降落,亦即係出事地點。
強:兩日前嘅事,點解而家先有消息出嚟?
益:因為馬尼拉有乘客家屬示威,要求政府交代呢兩架機去咗邊。當地消息話,由於菲律賓之前要處理南部嗰班「怪物」之後留低嘅手尾,所以一直都低調處理呢件事。到而家政府先講返,呢兩架機喺太平洋上空失去聯絡。
麟:咁…照你推斷,而家呢班「怪物」去咗邊?
益:如果根據當時嘅風向,佢哋應該…飛返去帛琉嗰邊。
強:咪住,如果佢哋要繼續擴大佢哋個「地盤」,應該會向西飛去印尼嗰邊,或者飛去澳洲先啱架。
益:呢一層…我都唔知。
美:咁…佢哋而家究竟想點呢?鳴金收兵?時機未到?我…諗唔明。
麟:我淨係知道…呢件事有排都唔會完…

「(電視畫面)歡迎收睇環球最前線,我係陳美欣,今日新聞重點有:兩班原定飛往菲律賓馬尼拉嘅航機失聯,當局指飛機喺空中解體;印尼錫納朋同巴魯加里火山持續爆發超過一星期,影響多國航班升降;澳洲北部山火焚燒超過四日仍未受控,有消防員一度被困…」

(5月12日,0:00,關島)

太平洋美軍司令:What’s the situation, Captain Alex?(情況如何,阿歷斯上尉?)
阿歷斯:(飛向帛琉)Commander, radar shows weather is good in Palau, it’s good for operation.(司令,雷達顯示帛琉天氣良好,適合行動。)
司令:Ok, the information showing the "targets"is entrenched in the Ngardok Nature Reserve, we need a quick fix to eliminate the "targets", good luck to you all.(好的,情報顯示「目標」盤踞在Ngardok Nature Reserve,你們要速戰速決,解決「目標」,祝你們好運。)
阿歷斯:Roger that. Good luck to us all.(收到,祝我們好運)

(0:02,接近帛琉上空)

阿歷斯:Target locked.(鎖定目標)
機師A及B:Target locked…(鎖定目標)
阿歷斯:Fire at will, fire at will.(隨意開火,隨意開火)
機師A及B:Roger that.(收到)

三架戰機先後向自然保護區投下共三枚炸彈,在帛琉附近的美國海軍驅逐艦利用夜視鏡及雷達系統,查看炸彈是否已摧毀「怪物」巢穴。

司令:How’s it going?(行動如何?)
士兵:Ngardok Nature Reserve has been destroyed, wedid it.(已摧毀保護區,行動成功)
司令:Hey guys, get back to the deck.(機師,返回母艦)
阿歷斯:Roger that. Bros, mission completed, get back to the deck.(收到。手足,任務完成,返回母艦)
機師A:Roger that.(收到)Captain, some...something…(上尉,有…有些)
阿歷斯:Target’s still alive. Mission failure. (Bomb!!)(目標仍未死。任務失敗)(嘭…)

To be continued……
[font=新細明體][/font]

[[i] 本帖最後由 我是非好人 於 2018-3-18 07:56 PM 編輯 [/i]]

我是非好人 2018-3-24 11:31 PM

鳥煞(八)

菲律賓軍方向達沃市的「怪物」巢穴進攻,但全軍覆沒。「怪物」離開菲律賓後不久,接近菲律賓上空的西太平洋先後有兩架航機在短時間內失蹤。港大地球科學系博士生蔡漢益透過多個網站綜合資料後,估計「怪物」向帛琉方面遷徙。另外,美國海軍驅逐艦派出三架戰機,攻擊帛琉的「怪物」巢穴…

(2007年5月12日,0:00,帛琉附近太平洋海域)

司令:How’s it going?(行動如何?)
士兵:Ngardok Nature Reserve has been destroyed, we did it.(保護區已被摧毀,行動成功)
司令:Hope the Palauans forgive us for destroying their homes and backyards. Hey guys, get back to the deck.(希望帛琉人原諒我們摧毀他們的家園及後花園。機師,返回驅逐艦)
阿歷斯:Roger that. Bros, mission completed, get back to the deck.(收到。手足,任務完成,返回驅逐艦)
機師A:Roger that.(收到)
阿歷斯:Benny, do you copy? Benny, do you copy?(Benny,是否收到?Benny,是否收到?)
機師A: Captain, some...something…(上尉,有…有些)
阿歷斯:What’s happening? Where’s Benny? Where…(Benny在哪裡?Benny在哪裡?Benny…)
機師A:Benny’s under attack!! Benny’s under attack!!(Benny遇襲!Benny遇襲!)
阿歷斯:Andsky,target’s approaching. Target’s approaching. Watch out!!(Andsky,目標正接近,目標正接近,小心!!)
司令:What’s going on? Captain?(上尉,發生甚麼事?)
阿歷斯:Commander, target’s still alive. Mission failure. (Bomb!!) Benny, Benny…(司令,目標仍未死。任務失敗…「嘭!」Benny,Benny…)
司令:Captain, come back, come back immediately. This is an order!(上尉,回來,立即回來,這是命令)
阿歷斯:(Bomb!!) Andsky, Andsky...(「嘭!」Andsky,Andsky…)
士兵:Radar showed two fighters missing at sea, I think… they didn’t make it.(雷達顯示兩架戰機在帛琉對出海域失蹤,相信…應該已經墜毀)
司令:Captain, Captain…come back, we are ready to eliminate them. Come back.(上尉,上尉,回來,我們已準備將他們殲滅,回來)
阿歷斯:It’s terrible. I can’t get rid of them. Help!!Help!!(很恐怖。我不能擺脫牠們,救命!救命!)
司令:Captain, Captain…Shit!!(上尉,上尉。頂!)
士兵:Commander, the last plane…(司令,最後一架戰機…)
司令:Let’s get back to the (Pearl Harbour) base, we need a counter strike plan.(即刻返回珍珠港基地,我們要一個反擊計劃)
士兵:Commander, some… something’s coming.(司令,有…有些東西接近我們)
司令:(望着雷達)What’s that? Is it friendly?(甚麼東西?是否盟友?)
士兵:I… I don’t think so.(我…我認為不是)
司令:(用望遠鏡看到大量「怪物」飛近)Shit, (按警鐘)everybody,we’re in battle condition, something closing to us, we’re under threat, get back to your position, repeat, we’re in battle condition, ready to fight.(弊,各位,進入作戰狀態,有東西接近我們,我們受到威脅,各就各位。重覆,進入作戰狀態,準備作戰)
士兵:Commander, they…they…(司令,牠…牠們…)
司令:(雷達顯示「怪物」已包圍驅逐艦)Oh my god…(驅逐艦出現震動)Shit…What are those bastards doing?(我的天,頂,班怪物做甚麼?)
士兵:They…they want to sink our ship.(牠…牠們想把船弄沉)
司令:Listen, we can’t wait for another ship. Let’s get the weapons, fight for our future, fightfor the country, fight for mankind, fight for the world, and kill them all!! (聽着,我們不能等另一艘船。拿起武器,為我們的未來、為我們的國家、為人類、為世界而戰,殺光牠們!)
士兵們:Yes, sir!!(是,司令!)

(6月6日,港鐵第一城站)

黃少強、王沁美及蔡漢益用了逾一個月時間,試圖研究「怪物」的缺點,但迄今仍未有重大進展…

港大地球科學系博士生蔡漢益:點解今次要去阿強嗰度做研究呢?
[color=black]香港大學感染及傳染病中心[/color]學家王沁美:唔知喎,可能喺我哋嗰邊搞呢搞去都無咩進展,嚟呢邊可能好啲啩。
益:咁都好,做完可以食埋個雞粥先走。
美:係喎,諗起都肚餓啊。
中文大學[color=black]防治傳染病研究中心助理教授[/color]黃少強:唔好意思,要你哋山長水遠,帶埋啲研究資料嚟呢度。
美:無所謂,其實我都未嚟過呢度,我都想睇吓呢度嘅設備同港大有咩唔同。
強:好呀,等陣帶你哋參觀吓個中心,之後要繼續搞埋嗰隻死人怪物。

(中文大學[color=black]防治傳染病研究中心)

強:係喎阿益,好耐無聽你講過隻「怪物」嘅新聞喎,有無新嘢[font=Calibri]update[/font]吓?
益:講起又奇嘞,近呢幾個禮拜完全無人[font=Calibri]update[/font]過近況。
美:連你班網上[font=Calibri]fd[/font]子都收唔到風,唔通[font=Calibri]…[/font]隻「怪物」已經死哂?
強:聽講美軍好似派咗艘驅逐艦去…嗰個…唔知咩嘢島到,炸嗰隻「怪物」嘅竇,希望真係搞掂哂班嘢啦。
益:如果喺[font=Calibri]6[/font]月[font=Calibri]6[/font]日晏畫[font=Calibri]6[/font]點收到班「魔鬼」死哂嘅消息,咁就真係要開香檳喇。[/color]
[i][font=Calibri][color=#dd4b39] [/color][/font][/i]
他們在下午如常前往衛生防護中心,與多個國家及地區的科學家進行視像會議,交流有關「怪物」的研究資料,但結果與早前幾次會議一樣,未有任何頭緒…

(7月1日,13:00)

「(電視畫面)各位,歡迎收睇呢節新聞,我係黃芷瑩,今日係香港回歸20周年,金紫荊廣場有升旗禮儀式,之後有國旗酒會。晏畫有多個團體舉行慶祝活動,而民間人權陣線等多個團體舉行七一遊行,要求人大撤銷8.31框架,重啟政改…」

(維多利亞公園)

記者陳美欣:嘩,今日真係好熱啊,成個背脊都出哂汗!幫我買支嘢飲消暑呀。
攝影師秦安立:唔駛你講我都會做,我都驚中暑架。

「(電話響起)喂,搵我有事?」CID探員梁珍。
「記唔記得今日係咩日子?」黃特斌,消防員,珍之男友。
「記得,拍拖三周年嘛。如果今日無麻煩嘢嘅話,7點幾就收得工。」
「無論幾夜都好,我都等埋你先一齊食飯。」

(香港大學)

「今日紅日嚟架,今日返嚟做咩啫?」高凱凌,港大田徑隊代表及港隊200米代表隊成員。

「你幫我拍條片同影硬照,一來交功課,二來幫我宣傳埋個攝影學會,有你做生招牌,一定好多人join啦。」林詠瞳,凌之密友。

益:阿強仲未返到咩?
美:佢幫我整理緊呢個幾月嘅資料,應該就到架啦。

(港大百周年花園)

強:(捧着一箱文件)嘩,搞咩呀,今日紅日都有咁多人喺度嘅?早知就唔喺度食早餐啦。(望向東方一團黑色物體)嗰舊嘢…(瞪大眼)弊!!

To be continued……

[font=新細明體][/font]

我是非好人 2018-3-31 10:39 PM

鳥煞(九)

(7月1日,13:00,晴天)

「(電視畫面)各位,歡迎收睇呢節新聞,我係黃芷瑩,今日係香港回歸20周年,金紫荊廣場有升旗禮儀式,之後有國旗酒會。晏畫有多個團體舉行活動,慶祝香港回歸廿周年。另外,民間人權陣線等多個團體舉行七一大遊行,要求人大撤銷政改8.31框架,政府重啟政改…」

(維多利亞公園)
記者陳美欣:嘩,今日真係好熱啊,成個背脊都出哂汗!
攝影師秦安立:好在我可以着背心啫,如果你着背心做LIVE(直播),收視一定爆燈,你就一定被炒。
「喂,講呢啲,幫我買支嘢飲消暑呀,唔該你呀。」
「唔駛你講我都會做,我都驚中暑架。」

「(電話響起)喂,搵我有事?」CID探員梁珍。
「記唔記得今日係咩日子?」黃特斌,消防員,珍之男友。
「記得,拍拖三周年嘛。如果今日無麻煩嘢嘅話,7點幾就收得工。」
「無論幾夜都好,我都等埋你先一齊食飯。」
「咁你今晚有咩驚喜畀我先?」
「到時你咪知囉。我喺港大同朋友聚完舊就去買餸,今晚見。」

(香港大學)

「(睡眼惺松)喂呀,今日紅日嚟架,今日返嚟做咩啫?」高凱凌,港大田徑隊代表及港隊200米代表隊成員。
「今日你要幫我拍條片同影硬照,一來交功課,二來幫我宣傳埋攝影學會個function,有你做生招牌,一定好多人join啦。一場老死,你唔係唔幫我呀?」林詠瞳,凌之密友。
「你個club咁多靚仔靚女,唔駛叫我去影呀嘛?我未化妝架。」
「唔緊要,有我呢個「星級」化妝師幫你,化完妝之後,再着埋我為你準備嘅「戰衣」,包你靚過高海寧呀。」
「見係你咋,我今晚約咗阿媽出街食飯架,快啲影完就撇。」

「(電話接通)今日都要做研究咩?」樓進江,醫生、美之男友。
「無辦法啦,一日未搞掂隻『怪物』,一日都要做研究。」王沁美,[i][color=#dd4b39]香港大學感染及傳染病中心[/color][/i]學家。
江:我哋好耐無一齊食飯喇,不如今晚…
美:好呀,我都係傾一陣嘅啫,應該好快走得。
江:咁就得啦,等陣一齊去買餸呀。
美:好呀,一陣打畀你呀,拜拜。(掛線)阿益,食咗飯未?
港大地球科學系博士生蔡漢益:食咗喇。阿強仲未返到咩?
美:未喎,佢幫我整理緊呢個幾月嘅資料,應該就到架啦。
益:我等陣約咗班fd喺維園踢波,唔好搞咁晏。

(港大百周年花園)

「(電話接通)喂,今日去唔去busking呀?」黃少強,中文大學[i][color=#dd4b39]防治傳染病研究中心助理教授。[/color][/i]
「去呀,今日去時代(廣場)呀,busking到6點,你嚟唔嚟睇呀?」杜絲喬,網絡歌手、強之女友。
「我等陣傾少少嘢,er…應該OK嘅,可以去捧你場。」
「(高八度)真係架?好嘢,你終於都嚟睇我唱歌喇。」
「駛唔駛咁HYPER呀?我嚟過一次架,你知…」
「我知,八個月之前呀嘛,之後你次次都放我飛機。」
「係我唔啱,SORRY呀,娘娘,今日我一定嚟睇SHOW,記住飲水,唔好中暑。」
「知啦,一陣見,拜拜。」
「拜拜。(捧着一箱文件)嘩,搞咩呀,紅日都有咁多人喺度嘅?早知就唔喺度食晏啦。」

(15:30)

少強、沁美及漢益的「怪物」研究與之前幾次一樣,沒有重大成果,他們決定暫停研究,讓大家與朋友及愛人渡過假期。

美:你去維園,阿強去時代,我去鵝頸橋,又會咁啱嘅?
益:最緊要係有得黐車坐呀嘛,唔駛去逼港鐵。
美:阿強去咗邊?(撥電話予男友)
益:佢話去逸夫教學樓度交啲嘢畀佢個fd喎,之後會嚟join我哋。(電話震動)
美:(電話接通)喂,阿江,我走得喇,等陣鵝頸橋等吖。(益拍她的膊頭)等陣,做咩呀,阿益?(看着益手機內播放的視頻)

(逸夫教學樓)

瞳:(咔嚓…)YEAH…好靚…畀個cool cool地嘅眼神我…(咔嚓…)嘩,好索呀,阿LING,不枉我搵你幫手拍片呀。
凌:我懷疑你專登搵件小背心同熱褲畀我着嘅,你為咗個學會,要我犧牲色相呀。
瞳:咁你有嘅嘢…(先看凌再看自己)我無呀嘛,你有35D-24-36,我就…32-24-34,點睇你都吸「睛」過我啦。
強:(看到凌的性感衣着)咦,正喎,(深呼吸)嘩,都係快啲走,費事流鼻血。
瞳:咦,嗰邊嗰舊咩嚟架?
凌:舊嘢好似越嚟越大咁嘅?
強:(電話響起)喂,阿益,咩事呀,(望向東方一團黑色物體)嗰舊嘢…(瞪大眼)弊!!

(東區走廊北角段)

巴士乘客甲:(怪物襲擊高速公路上的汽車)呢啲咩嚟嘅?(多隻怪物撞擊巴士車窗)救命呀。
乘客乙:司機,而家點做呀?
司機:我都唔知呀,而家要避開啲車先。
乘客:(怪物撞碎車窗)救我啊,救命啊…救…(怪物將乘客扯出車內,另外兩隻一同將乘客手腳活生生撕開)

(MEGABOX)

市民:(怪物飛近)各位,走入商場。快!快!快!

多隻怪物襲擊商場附近街道上的汽車及行人,並擊碎多架小巴及汽車的車窗,將車內乘客扯出及咬死。

(九龍灣)

怪物不斷撞擊行駛中的列車,令列車左搖右擺…

港鐵乘客A:(嘭…嘭…)各位,我哋唔可以落車,留返喺車廂度安全啲。
港鐵乘客B:但係如果佢哋一直唔走,我哋又走唔到,最後我哋唔畀班怪物吞落肚,我哋都會餓死架。
司機:總部,總部,(嘭…嘭…)九龍灣…有大量不明怪物出沒,列車不停受到撞擊,要求指令…(嘭…嘭…)呀…

數十隻怪物一起撞擊列車的一邊令列車翻側,列車因衝力過大撞毀橋墩,跌落路面,撞向路面的汽車,引致連環爆炸,多名傷者一拐一拐的走到路上,怪物乘機將他們咬死。

(維多利亞公園)

欣:(聽到遠處市民尖叫及狂奔)發生咩事呀?(被市民撞跌)哎呀。
立:你無事嘛?
欣:佢哋做咩呀?發哂癲咁跑嘅?
立:(指着遠處的怪物)你睇吓…

大批怪物襲擊正參與慶回歸20周年及七一大遊行的市民,多名市民被怪物揪起拋上半空,再被另外多隻怪物分屍,有殘肢掉在地上…

欣:嗰啲係…
立:(拉起欣,再拖着欣的手)走啊!
欣:(殘肢掉在欣的膊頭)啊!!好恐怖啊!!
立:走入商場避一避先啦!!

To be continued……

[[i] 本帖最後由 我是非好人 於 2018-4-9 12:34 AM 編輯 [/i]]

fantasista001 2018-4-3 02:51 PM

[quote]原帖由 [i]我是非好人[/i] 於 2018-3-31 10:39 PM 發表 [url=http://www.discuss.com.hk/redirect.php?goto=findpost&pid=477761224&ptid=27217555][img]http://www.discuss.com.hk/images/common/back.gif[/img][/url]
鳥煞(九)

(7月1日,13:00,晴天)

「(電視畫面)各位,歡迎收睇呢節新聞,我係黃芷瑩,今日係香港回歸20周年,金紫荊廣場有升旗禮儀式,之後有國旗酒會。晏畫有多個團體舉行活動,慶祝香港回歸廿周年。另外 ... [/quote]
緊張的情節終於來臨,支持!

我是非好人 2018-4-3 07:20 PM

[quote]原帖由 [i]fantasista001[/i] 於 2018-4-3 02:51 PM 發表 [url=http://www.discuss.com.hk/redirect.php?goto=findpost&pid=477895856&ptid=27217555][img]http://www.discuss.com.hk/images/common/back.gif[/img][/url]

緊張的情節終於來臨,支持! [/quote]


多謝支持,還望多多支持

我是非好人 2018-4-8 09:57 AM

鳥煞(十)

令人聞風喪膽的「食人雀」怪物大舉攻擊香港,展開瘋狂殺戮。由於當日是回歸20周年,除了街上多項慶祝活動、七一遊行,加上是公眾假期,大批市民外出,令大批香港人淪為怪物的「點心」…

(2017年7月1日,15:40,維港)

怪物不停攻擊維港兩旁的建築物,並將目標放到海上的船隻…

遊艇乘客Kelly:(被怪物扯出遊艇)救我啊,Jacky,救我啊!
乘客Jacky:我捉住你,唔好放手啊!
乘客John:(拿着滅火器噴怪物)等我噴死隻仆街!
Kelly:(怪物被噴後放開她)我…我隻手呀…
Jacky:(將Kelly摟在懷內)無事啦,無事啦。
John:佢…佢…佢哋…

十多隻怪物先將遊艇抬離水面廿多米,再將遊艇拋回水面,令遊艇頂部受壓受損,怪物隨即將艇內十多人逐一拋到空中,被其他同類分屍。牠們更用同樣手法,先將渡海小輪抬離水面,並將渡輪傾斜,將掉出船艙的乘客咬死…

直升機乘客Billy:呢啲咩嚟架?(猛拍機師)快啲走啊!
直升機師:坐穩啊。(多隻怪物飛近直升機,被螺旋槳打中,螺旋槳受損,直升機失控)
Billy:點算呀?救命啊!
機師:MAYDAY…MAYDAY…(直升機跌落維港)

(15:42,銅鑼灣時代廣場)

「(大批市民爭相走入商場)發生咩事呀?」杜絲喬,網絡歌手、強之女友。
「怪物啊,走啊!!」

絲喬看到怪物在大廈之間穿梭,並將在街上逃跑的行人分屍,隨即撿着結他跑入商場避難,但仍有不少人走避不及,被怪物咬死。

「各位,我哋要打電話、上網…總之用咩方法都好,要話畀其他人知呢隻怪物有幾恐怖,要通知佢哋留喺室內,或者喺商場同地鐵站。」

(15:44,香港大學)

[color=black]香港大學感染及傳染病中心[/color]學家王沁美:(電話接通)喂,阿江(美之男友),我走得喇,等陣鵝頸橋等呀。(益拍她的膊頭)等陣,做咩呀,阿益?(看着益手機內播放的視頻)
港大地球科學系博士生蔡漢益:你睇吓條片…

(兩小時前,台北,天晴)

「(國語視頻片段)各位,你現在看到的是剛剛從網路上載的片段,發現有大量不明飛鳥入侵我國領土,你們看到101大樓已被那些鳥類包圍。路人慌忙逃生,有網民表示已經有人被那些鳥類咬死。據報國防部已經派戰機攻擊那些鳥類,希望可以把牠們消滅。政府呼籲市民留在室內,直到那些鳥類消失為止…」

美:阿江,你唔好出去,要留喺屋企,記住,唔好出街呀。
江:發生咩事呀?
美:總之就唔好出去,OK?

(逸夫教學樓)

強:(電話響起)喂,阿益,咩事呀?
益:阿強,班…班怪物…殺…殺到嚟呀!
強:你講咩呀…(望向東方一團黑色物體)嗰舊嘢…(瞪大眼)弊!!
「咦,嗰啲係咩嚟架?」高凱凌,港大田徑隊代表及港隊200米代表隊成員。
「(轉身望看黑色物體及拍照)我都唔知喎。」林詠瞳,凌之密友。
「走啊,全部人走返入學校,走,走,走,快!快!快!」強一邊捧着一箱文件,一邊叫其他人跑入室內。
凌:阿瞳,走啊!(看到瞳留在原地)做咩呀,阿瞳?快啲走啊!
瞳:(驚慌)我…我…(雙腳不停顫抖)走唔到啊。
強:(看見瞳及凌)你哋仲留喺度做咩呀,快啲走啊!
凌:我朋友腳軟走唔到啊!
強:抱都要抱佢走,你係唔係想佢喺你面前畀班怪物當係雞脾咁撕嚟食呀?
凌:(抱起瞳)走啊!
強:(撞開門)快啲呀,隻嘢喺你後面喇!(怪物向凌張開血盆大口之際,突然被一個滅火筒擊中)
「快啲入嚟,小心你朋友個頭呀。」黃特斌,消防員。
凌:(慢慢放下瞳)你點呀,好返啲未呀?
瞳:(定過神來,擁着凌大哭)阿凌,我…我真係好驚啊。我…我好驚我會死呀…
凌:(輕拍瞳的背部)唔駛驚,無事喇,唔好喊啦,無事喇。不過…(在瞳的耳邊輕聲說)我諗你真係要減吓肥,你好重呀。
瞳:(拍打凌的背部)好衰架你,我都未驚完你就話人肥,(又哭又笑)憎死你呀。
強:阿…大隻佬,你眼界都幾準喎,一嘢就中咗隻怪物個頭。
斌:我都係博一博架咋,頭先嗰啲…係咩嚟架?
強:er…我都想知,(電話響起)唔好意思,喂…
益:強哥,你而家係邊呀?
強:係逸夫教學樓,你哋無事呀嘛?
美:我哋無事呀,嗰…嗰班怪物真係飛到嚟呀…
強:我而家過嚟join你哋,等陣見。(掛線)各位,而家出面好危險,你哋留喺度,唔好出去。
斌:(拉着強)你叫我哋留喺度,自己又走出去?
強:我一定要過去,如果唔係…
同學甲:弊喇!
凌:咩事呀?
同學乙:我哋幾個頭先搵過哂,呢幢教學樓無哂嘢食。
凌:點會呀?呢幢嘢唔係有幾間食肆咩?
同學丙:一間食肆係出面,另外兩間只係café,得返好少食物,捱唔到幾耐。
瞳:咁…我哋留喺度,咪會餓死?
斌:咁即係…我哋點都要離開呢度?
強:呢度大大話話都有成百人,要疏散又唔畀班怪物發現…有啲難度。
凌:由呢度去黃克競樓,要先經過連接周亦卿樓嘅通道到李國賢樓,再經過一條通道先到。
斌:最驚就係過連接周亦卿樓條玻璃通道嗰陣遇到班怪物啫。
瞳:咁…如果佢哋睇唔到我哋呢?
強:即係…

瞳及凌在攝影學會的房間內拿出幾罐油漆,並將油漆潑在連接周亦卿樓的玻璃通道,以油漆遮擋怪物的視線,避免遇襲,最後百多人成功由逸夫教學樓抵達黃克競樓。

益:(與美一起擁着強)強哥,你無事真係好喇。
美:(哭着說)我…我幾驚之後…之後見唔到你啊…
強:無事,最緊要保住啲資料,咁先可以繼續研究隻怪物嘅弱點嘛。
斌:你哋三位係負責研究呢隻怪物嘅專家?
瞳:呢啲怪物究竟係咩嚟架?
凌:佢哋有咩弱點?係咪好難殺死佢哋架?

「(電話響起,電話的另一邊大叫)救命啊…」

To be continued……

[font=新細明體][/font]

[[i] 本帖最後由 我是非好人 於 2018-4-9 12:26 AM 編輯 [/i]]

k_yoyo2000 2018-4-9 10:41 PM

今日一次過睇晒樓主既故事
故事唔錯幾明快, 不過有小小愚見想講下, 希望樓主唔好介意
#畫面去得太快, 可以幾句就無啦啦又轉畫面, 不妨講多DD先
#人物名都唔易記, 尤其用晒中文全名, 只係有D疑似藝人名易記D, 我覺得可以介紹多D主要角色背景, 性格, 令我地睇起來印象先會深刻D
#個故事講明係同雀有關, 主要角色已經驗過雀屍, 但點解無詳盡小小講下D雀外型, 特點? 因為我都淨係靠故事入面話D雀可以好容易咁將人分屍, 但離遠睇又見到好多好密咁, 咁究竟D雀咩size既呢?? 最重要係, 雖然未知d雀有咩死穴(可能之後會講) 但只係好簡單交代軍隊用槍打唔死&飛機炸佢地竇又可以係炸唔死, 咁即係點呢? 我覺得可以大約講少少例如從軍人角度睇到d雀可能外款好似鋼咁厚子彈打唔入, 咁睇起上黎我地大約都知d雀威力

行外人小小愚見, 不喜勿插:smile_27:

劊子 2018-4-11 03:56 PM

需要我給一下意見嗎?

我是非好人 2018-4-12 06:46 PM

[quote]原帖由 [i]k_yoyo2000[/i] 於 2018-4-9 10:41 PM 發表 [url=http://www.discuss.com.hk/redirect.php?goto=findpost&pid=478266054&ptid=27217555][img]http://www.discuss.com.hk/images/common/back.gif[/img][/url]
今日一次過睇晒樓主既故事
故事唔錯幾明快, 不過有小小愚見想講下, 希望樓主唔好介意
#畫面去得太快, 可以幾句就無啦啦又轉畫面, 不妨講多DD先
#人物名都唔易記, 尤其用晒中文全名, 只係有D疑似藝人名易記D, 我覺 ... [/quote]


有意見代表你有睇過小弟嘅劣作,先可以令我繼續進步,希望你繼續睇落去,繼續畀意見

我是非好人 2018-4-12 06:47 PM

[quote]原帖由 [i]劊子[/i] 於 2018-4-11 03:56 PM 發表 [url=http://www.discuss.com.hk/redirect.php?goto=findpost&pid=478359351&ptid=27217555][img]http://www.discuss.com.hk/images/common/back.gif[/img][/url]
需要我給一下意見嗎? [/quote]


歡迎之至

劊子 2018-4-12 07:02 PM

[quote]原帖由 我是非好人 於 2018-4-12 06:47 PM 發表 



歡迎之至 [/quote]

好的,首先,我見到你在故事出現了不少新聞報導,想問當中的事件是否符合時序/真確?

另外,你會不會逐點回應一下樓上的意見。我見他的意見也很特別。

[[i] 本帖最後由 劊子 於 2018-4-12 07:07 PM 編輯 [/i]]
頁: [1] 2 3 4
查看完整版本: 【科幻/災難/驚悚】鳥煞 (五十一, 大結局) 21/3/2019