ilovett2015 2018-2-24 11:14
好多人都鐘意打發球機，一個人冇人陪打時都用得著，打發時間系幾好。不過如果想進步，就最好吾好打太多。乒乓波特點系旋轉變化多，弧線，落點次次都吾同。
平時練習要睇清楚波既旋轉強弱，弧線高低，落點前後。發球機做吾到，佢只會做到固定旋轉，弧線同落點，呢樣對實際比賽冇乜幫助，而且如果打得太多固定左動作，就會變成時中時吾中，用動作去打波，而不是自己去判斷，從而依賴動作，打波會變得生硬，單一。
實際比賽中，對方打過來既波，旋轉，弧線，落點次次都吾同，點可以用同一個固定動作去打呢？
咁幾時打發球機OK？本人認為如果你想改打法，例如：直板想轉橫板，或者橫板轉直板，因為揸板，握板，手法都吾同，就可以用發球機去改。
初學者最好吾好打太多發球機，咁樣會打到成個機械人咁，動作好睇，比賽吾好用。
*以上是個人小小見地，不喜勿插，交流大家得益。