查看完整版本 : 【主席短途獎】高松宮雙雄來港挑戰蔡神仙?

KFC朗 2018-3-28 09:59 AM

【主席短途獎】高松宮雙雄來港挑戰蔡神仙?

姚本輝馬房短途好手「有得威」 前日喺日本高松宮紀念賽跑獲第五名,未能打破港隊代表近年遠征不勝悶局。「有得威」沿途採取主動跑法,亦守得好位,名次相比去年短途馬錦標未能再進一步,實屬可惜,不過無論係馬匹定係騎師嘅發揮,都算係已盡所能。主隊一對熱門馬「鐵杵成針」同「唐吉快跑」包辦頭兩名,賽果亦屬意料之內。由於日本下一場千二米短途一級賽已經要去到10月份嘅短途馬錦標,所以一眾短途好手下一個目標都難免要考慮放眼海外。

「鐵杵成針」同「唐吉快跑」都有報名4月29日嘅主席短途獎,而高松宮紀念賽後,兩駒嘅幕後皆已表示會積極考慮來港參戰。尤其是「唐吉快跑」,呢匹六歲雌馬由去年起已經連續三次喺當地千二米G1屈居第二,但12月首度來港出戰香港短途錦標,即使鞍上人岩田康誠該役表現一般,但隻馬走勢並唔差。如果主席短途獎有更好發揮,並非冇機會挑戰三甲。不過就算日本雙雄來港挑戰,奪冠難度恐怕比高松宮高好多,因為主隊單計蔡約翰馬房,唔計傷咗嘅「翩翩」,仲有 「紅衣醒神」、「天下為攻」、「爭分奪秒」、「華恩庭」同「澳斯卡」五匹短途好手報名,要同神仙呢隊兵團鍊過,真係唔係咁容易。

http://racing.on.cc/news.html?id=20180327110731
頁: [1]
查看完整版本: 【主席短途獎】高松宮雙雄來港挑戰蔡神仙?