查看完整版本 : 礁溪,花蓮,台北 九日 [遊記]

rrcc01 2018-4-22 07:50 PM

礁溪,花蓮,台北 九日 [遊記]

第一日: 10:30機 CI904〉台北桃園機場 (大有1960)〉 市政府轉運站 (首都客運) 〉礁溪轉運站 〉 礁溪夜市〉 森林風呂
住宿: 香檳溫泉

第二日:礁溪火車站 (區區間車〉  宜蘭火車站〉 宜蘭設治記念館 〉宜蘭酒廠 〉 北門〉礁溪森林風吕
住宿 : 香檳溫泉

第三日 : 礁溪火車站 (莒光號車〉 花蓮火車站 〉 花蓮市區〉東大門夜市 〉 港濱自行車道
住宿: 道花蓮

第四日 : 七星潭〉 (協力單車)四八高地〉 奇萊鼻燈塔〉花蓮港
住宿: 小羊房

第五日 : 太魯閣 〉 砂卡噹步道〉 燕子口 〉 白楊步道〉 天祥 〉
住宿: 小羊房


第六日 : (local tour 賞螢) 〉林田山文化園區〉 北迴歸線 〉 瑞惠牧場〉 徐媽媽肉粽 〉 大農大富 (看螢火蟲)
住宿: 小羊房

第七日 : 花蓮火車站 (自強号) 〉 台北火車站〉 北投公園露天溫泉 〉 淡水老街
住宿: 丹迪大安森林店

第八日 : 中正紀念堂公園〉 金峰魯肉飯〉 南門市場〉 光點台灣〉 象山步道 (夜景) 〉 永康街
住宿: 丹迪大安森林店

第九日 : 台北車站 午飯〉 機場捷運 去桃園機場〉14:35機回港 CI915

**PS.
詳細遊記 同其他嘅相要啲時間寫。

rrcc01 2018-4-22 07:54 PM

相片

[attach]8183863[/attach]

[attach]8183864[/attach]

[attach]8183865[/attach]

[[i] 本帖最後由 rrcc01 於 2018-4-23 05:52 AM 編輯 [/i]]

rrcc01 2018-4-22 07:57 PM

相片

[Img:310.200}[attach]8183883[/attach]

[attach]8183884[/attach]

[attach]8183885[/attach]

[attach]8183886[/attach]

[[i] 本帖最後由 rrcc01 於 2018-4-23 05:13 PM 編輯 [/i]]

rrcc01 2018-4-22 08:38 PM

相片 test
123456789
[Img:310.200〕[attach]8184203[/attach]

123456789
987654321....

[[i] 本帖最後由 rrcc01 於 2018-4-23 05:47 AM 編輯 [/i]]

derek820 2018-4-22 09:53 PM

:smile_o12:

hamfan 2018-4-22 11:32 PM

支持 :smile_38:

rrcc01 2018-4-23 03:21 PM

Day 1
一早 六點幾起身 ,搭車入機場起程。
無塞車八點幾鐘就到機場, check in後 慢慢食個早餐 ,才入禁區。
班機又遲半個鐘頭起飛。

十二點半到台北,
落机便去買張十日電話卡,
入境櫃位 好長龍, 排隊要半小時。
搞掂曬所有事 跟住 去買公車票。
( 以前去宜蘭 淨係識得 去台北轉運站坐公車去, 由台北車站行去 成20分鐘 又要過地下街 又要上 又要落幾次電梯頭都大曬)
今次見了討論區 多位師兄的文,識得去 市政府轉運站轉車快好多。
(相) 車票
[attach]8187108[/attach]

到礁溪已四點幾鐘,( 下次都要搭早啲飛机,時間先至好用)
Check in後上房小睡片刻才出去食晚飯。
酒店房都算幾大,喜歡有露台環境都幾好。
始終係上咗年紀嘅飯店,啲嘢有啲舊,但係都好乾淨。
參觀咗 地牢 Spa 房, 好少人用 都係放棄佢。走去 森林風呂 浸露天溫泉仲好。
(相)房
[attach]8187109[/attach]

晚飯 去 宜蘭滷之鄉 食咗鹵水鴨,米糕  是像糯米飯的油飯, 好好食。
(相)
[attach]8187110[/attach]

行去 奕順軒 試下啲蛋糕當甜品。
奶凍捲 和 切達乳酪 很好食一定要試。 奶凍卷只可以保存2日,所以只買了乳酪回港。
(相)
[attach]8187111[/attach]


食飽後慢慢行去森林公園,
去我最喜愛嘅森林風呂 浸溫泉。
(相)
[attach]8187112[/attach]

浸完溫泉又肚餓去,7 11買咗番薯食,竟然有 紫番薯 仲好好食添,
慢慢行返旅館,第一天完。

[[i] 本帖最後由 rrcc01 於 2018-4-23 03:25 PM 編輯 [/i]]

rrcc01 2018-4-23 07:28 PM

Day 2

飯店冇早餐食, 行去近火車站的 永和豆漿,
試下地道嘢,可能晏咗,有啲熱門餐點賣曬。
(相)
[attach]8187968[/attach]

跟住坐火車落去宜蘭站, 普通飛冇位坐,企咗十幾分鐘就到啦。

火車站附近嘅 幾米廣場都去過,
今日諗住行下宜蘭舊城hea 一日,
循例影下火車站。
(相)
[attach]8187969[/attach]
[attach]8187970[/attach]


在火車站門口有個舊城地圖, 它推薦咗幾條 行老街嘅路線 ,
有行舊街市嘅, 有行老路鋪頭既,有行手作小店的,
根據它的介紹,加上想去舊酒廠,
而訂下路線,
沿著光復路轉去 舊城南路, 經過消防局 〉中山公園〉新月廣場〉宜蘭設治紀念館 〉宜蘭酒廠 〉再入舊城區〉中山路三段行咗個圈 食埋午餐。

喺廟附近見到間 '"擇日館", 估計係幫人擇良辰吉日, 以前未見過呢啲咁嘅舖頭 幾得意 , 想行返轉頭幫佢影相,又搵唔返 。

消防局有兩個銅像好得意影咗啲相
(相)
[attach]8187971[/attach]


路經這個入口,望入面 山明水秀,風光明媚,唔知係咩樓盤呢。
睇清楚 原來係中山國小幼稚園 嘅側門, 嘩,如果個小朋友 在呢咁陽光又空曠嘅地方學習,會唔會身體健康又聰明啲呢。
(相)
[attach]8191401[/attach]
新月廣場
一個好大嘅商場 有好多嘢 又有uniqlo又有無印,去睇下價錢 基本上 貴過香港少少,
行到好攰, 可以坐在商場出面D露天茶座位置,飲完杯綠豆沙牛乳。


宜蘭設治紀念館,
日治時期嘅首長官邸, 參觀需要買門票。 在充滿古老日式情懷的建築內,金城武曾經在此拍廣告。一個好美嘅日式建築,環境優美,今天閒日少遊客, 留下比較長時間 影咗好多相。

在旁 同是日式建築的宜蘭文學館,內部其實是間咖啡廳,在這裏可小啜一杯咖啡。
(相)
[attach]8187972[/attach]

[attach]8187974[/attach]

跟着行去宜蘭酒廠
基本上只有酒廠嘅舊建築,和餘下一些釀酒的設備(但 要付費才有 導賞參觀 釀酒設備),同埋一個買手信嘅特賣場。
想買花雕雞麵,但係一箱24盒,檸唔走咁多 冇買。
在這裏飲下啤酒食香腸, 歇一歇腳。
(相)
[attach]8187976[/attach]

行入舊城區搵地方食午餐,
搵咗間, 牛肉麵湯底午飯, 諗住牛肉麵唔會差得去邊 ,點知中伏。
好勉強咁食曬啲面走人。


行過隔離街, 見好多人排隊買綠豆沙牛乳,跟住排隊試試, 一路睇住店員 在幾個大攪拌機前,不停地 把牛乳與綠豆沙放入攪拌, 精準嘅比例達致每杯都咁好味,一定要試。
(相)
[attach]8187975[/attach]


行下行下又好攰呀, 坐火車回飯店睡午覺。
途經 柯氏蔥油餅 買蛋餅做下午茶,好食。
(相)
瞓醒去 中山二路二段,搵嘢食。
成條街好多小店好多嘢食。
去咗間 礁溪八寶冬粉 食晚飯,
好多人, 都ok嘅。

食飽跟住又去 森林風呂浸溫泉,
晚上嘅礁溪街道,好寧靜好舒服,又一日完。

[[i] 本帖最後由 rrcc01 於 2018-4-24 03:34 PM 編輯 [/i]]

415426 2018-4-23 09:10 PM

支持

rrcc01 2018-4-27 12:53 PM

Day 3
今日要去花蓮啦。
早餐又係去食 永和豆漿。
終於見到第一棵櫻花樹啦,相後邊嗰間寒沐酒店,聽講話幾好的,下次要試一試。(相)
[attach]8203262[/attach]
十一點退房走人, 坐十二點鐘的 呂光號 去花蓮, 車票在昨天去羅東時順手訂了。
車程兩小時, 想吃火車便當。 但在車站四處也找不到。 只好去七11買點三文治 和蕃薯 上車吃。
成架車都見到熊仔,唔知道叫乜嘢名。
剛好坐在最後排位置,坐位後面有空位可以放行李喼,唔使舉上頭頂個行李架。(相)
[attach]8203263[/attach]

食飽瞓一覺又到花蓮了。
出閘口 首先去旅遊服務中心 找資料,
谷歌一下, 在車站右手邊行幾分鐘便到。
找到台灣好行,大魯閣行車時間表,
同埋一啲本地 local tour 嘅資料,好有用。
拖住行李行十幾分鐘終於搵到民宿。
途中看到很多間租車公司,電單車好新淨 ,又多選擇。

"道花蓮''這民宿原是沒有安排它的。
因行程改變, 不上太平山了,提早一日去花蓮 ,所以才改訂咗呢間可以看到火車嘅民宿。
這間民宿有個特點,是很近火車路軌, 只要站在窗邊便望到火車經過。(相)
[attach]8203264[/attach]
[attach]8203265[/attach]

民宿行型格路線,一樓個大廳幾舒服, 如果三五知己一齊來還可以係客廳度睇下電視,玩遊戲。(相)
[attach]8203266[/attach]

安頓好所有嘢休息一陣都四點鐘了。
我哋沿著 中山路一直行去東大門夜市。 跟住幾日我哋都一定經中山路 去 搵飯食与行街。
由民宿去到 東大門夜市, 都比較遠大約半個鐘頭。 中間經過好多鋪頭,一路行街一路找嘢食, 眨下眼就到。(相)
[attach]8203296[/attach]

東大門夜市 都幾有規模, 雖然今日是星期六好多人又很熱鬧,行人路比較 寬闊 好行。
找了一舖 炒小菜的坐低慢慢食,
其中有個小菜叫碳烤班甲,
原來班甲是小鳥, 有啲似 燒乳鴿都幾好食。(相)
[attach]8203297[/attach]

食飽後 沿著草地 行上行人天橋,可以去到海邊, 沿住海邊的自行車道可以慢慢散下步吹海風。
這段自行車道都幾特別在一個架空天橋上, 好闊成條行車線咁樣, 一直向著北濱公園方向行, 右邊就係海岸線左邊是 一幢幢民房,見到好多民宿嘅招牌, 如果你選擇花蓮市區的海邊民宿就係住喺呢度啦。

夜市都可以見到大白蛇,扮下 飢餓遊戲 打獵先。(相)
[attach]8203298[/attach]


買宵夜後坐計程車回民宿,車費大約百五元。
第三天完。

[[i] 本帖最後由 rrcc01 於 2018-4-27 07:46 PM 編輯 [/i]]

beckham17 2018-4-27 02:55 PM

支持精美分享 我都好想去花蓮 但又怕景點之間相隔好遠 唔係自駕會好唔方便 如果可以樓主寫多回關於交通

rrcc01 2018-4-28 11:18 AM

[quote]原帖由 [i]beckham17[/i] 於 2018-4-27 14:55 發表 [url=http://www.discuss.com.hk/redirect.php?goto=findpost&pid=479276960&ptid=27395275][img]http://www.discuss.com.hk/images/common/back.gif[/img][/url]
支持精美分享 我都好想去花蓮 但又怕景點之間相隔好遠 唔係自駕會好唔方便 如果可以樓主寫多回關於交通 [/quote]

可以呀,
回來寫遊記時才發覺,在花蓮無坐過公車, 在在網上搜尋一下 ,原來花蓮沒有公車的,只有台灣好行 那些長途巴士。

我們在花蓮通常都係行路,的士,同埋坐長途巴士。

beckham17 2018-4-28 02:00 PM

[quote]原帖由 [i]rrcc01[/i] 於 2018-4-28 11:18 AM 發表 [url=http://www.discuss.com.hk/redirect.php?goto=findpost&pid=479319487&ptid=27395275][img]http://www.discuss.com.hk/images/common/back.gif[/img][/url]


可以呀,
回來寫遊記時才發覺,在花蓮無坐過公車, 在在網上搜尋一下 ,原來花蓮沒有公車的,只有台灣好行 那些長途巴士。

我們在花蓮通常都係行路,的士,同埋坐長途巴士。 [/quote]


景點間會唔會隔好遠?咁咪1又上車又落車

rrcc01 2018-4-28 04:19 PM

睇下你去邊度啦,如果近嘅行到的, 建議行路去,市區内都好行的。
如果搭長途的 台灣好行 要plan好上落車時間。
如果可以 建議 租電單車最好。
我雖然有電單車牌,
但女伴在港都好抗拒坐車尾 ,所以冇租車。

rrcc01 2018-4-28 04:21 PM

Day 4
今日行程,主要去七星潭踩單車。


民宿包早餐 要去 附近嘅王舖茶館食,
有幾個set嘅早餐畀你選擇, 都好精美豐富。
揀咗近窗口位坐, 可以望到出邊嘅 魚池 睇住鯉魚遊來游去。
茶館裝修都幾靚,飲茶應該幾舒服。
(相)
[attach]8207931[/attach]

食完早餐回民福退房 拖住行李去第二站嘅民宿
google搵咗條路線行去大約十多分鐘, 寄存咗行李在大廳, 跟住去我哋今日嘅旅程 踩單車。

首先行去花蓮火車站左邊的 台灣好行車站,大約行十幾分鐘。

行行下聽到有飛機在頭頂飛過, 有啲似以前九龍城 行街嘅感覺 ,
抬頭一望見到 一架 F唔知幾多 的戰機飛過。
一分鐘後又有一架飛過, 嘩 咁近距離見到戰鬥機飛過。
(之後每朝早九點至十點鐘,在民宿也都聽到戰鬥機飛過。)

之前諗住坐的士去 七星潭的, 但昨天搵到資料 可以坐台灣好行 太魯閣線,
去第一個站便是七星潭,大約13分鐘車程。
這路線每日有九班車 由花蓮站 去天祥,平均每個鐘頭開一班,
我哋決定坐十二點鐘的班次, 車站内有候車室,可坐下喺度嘆冷氣睇電視等車。

站外有好多的士司機找生意, 問你包唔包車去太魯閣,如果你臨時轉軚嘅可以包車去。
(相)

[attach]8207932[/attach]

好快 第一個站落車,
由公園門口行入去, 入口附近有洗手間好方便,
這裏大約是七星潭的中間偏右嘅位置。
今天星期日 入面好熱鬧有二十多輪小食車仔, 又有青年喺度打鼓賣唱。
(隔天坐車經過,看到只剩下一 兩輪小食車, 場面冷清, 建議要假日去先至熱鬧啲,同埋有嘢食)
(相)
[attach]8207933[/attach]

跟住周圍搵單車鋪頭, 行咗好耐都搵唔到,
唔通冇,在失望之餘,嘗試向右邊一路行, 行去見到有大樓嘅地方。

十幾分鐘後終於見到,呢度唯一嘅單車鋪。
老闆好好人介紹咗可以去嘅路線。協力車二百,自行車百五。
租了協力車。 攞地圖,借咗安全帽 單車鎖 ,出發啦。
(相)
[attach]8256784[/attach]

路線:七星潭〉原野牧場〉四八高地〉 奇萊鼻燈塔〉環保公園〉 遠望花蓮漁港。

首先踩返去七星潭左邊去到盡, 停車,鎖車,買嘢食。

七星潭其實一個海灣, 好長好大嘅一個石灘。
落去石灘行,拾下石仔,看看在頭頂飛過嘅飛機,
飛機會在頭頂低 飛過去後面花蓮機場降落。
(相)
[attach]8207939[/attach]

玩咗一陣 向右邊踩返去,開始今日嘅單車旅程。

沿住單車徑一路踩, 看著七星潭的景色 踩向右邊。
經過原野牧場門口 比較清靜 冇入去繼續行 。
去到七星潭嘅盡頭開始 上山了,部分路段很斜要下車推行。
踏協力單車 上斜路都幾辛苦, 要是一人一架 單車會輕鬆好多。

我哋就係由 相片中左上角 ( 七星潭的 最左邊) 踩單車上到嚟依度。
(相)
這檔香腸好好食一定要試試, 見到海巡署警員都在這檔 買嘢食。
(相)
[attach]8207934[/attach]

上到四八高地在 懸崖邊影下相,
跟着見到奇萊鼻燈塔,好似圍住入唔到去,在外面影相算數 。
(中間會經過一個環保收集場, 即係垃圾場 有啲荒涼。)

沿路再踩去 環保公園,去到崖邊附近可以見到 好靚嘅海岸線,
望到海上面有人在衝浪, 仲有人喺懸崖邊釣魚,
單車線中這裏最靚風境最好。
開始下斜路,遠看到花蓮漁港,
已經3點多了,都要擔心回程冇力,
而且協力車上斜路 比較辛苦 ,開始回程。
(相)
[attach]8207935[/attach]
[attach]8207940[/attach]

花蓮的自行車道很豐富, 有兩潭自行車道 全長35公里,
連接七星潭 與 鯉魚潭之間, 鯉魚潭風景都好靚,如果有機會可以去踩半天。
附上的地圖,只要掃一掃Q R code,便可以在google地圖上面,看到以上的幾個景點
(相)。
[attach]8256783[/attach]

因為我要租協力單車 … 所以冇選擇行這條路線了。

還單車後, 又在小食車食下嘢,
再去之前下車嘅巴士站,等四點鐘班次的 台灣好行回 花蓮火車站,
可以用優悠卡,上車和落車 拍卡便可。

回到市區又係行路去 今晚嘅民宿 小羊房背包客棧。

之前 找民宿時,鎖定咗兩間民宿,
一間是猴子衝浪,另一間是小羊房背包。
兩間都是背包客棧,有碌架床租,亦有簡單嘅雙人房。
猴子 近金三角商圈, 而小洋房 離開商圈比較遠,但房間大一點。

租咗比較細嘅雙人房, 簡約 乾淨 好好瞓。
(相)
臨走前有機會望一望隔離另一間雙人房,有露台 有雙人梳化。
(相)
[attach]8207942[/attach]

[attach]8207941[/attach]

Check in之後休息一陣安頓好曬,
要做這幾天冇做嘅事 … 洗衣服。
民宿有自助洗衣機 幾方便,

攪好所有嘢都八點,喺網上搵咗間日本料理走去食。
沿著 中山路行,到日本料理門口,點知店員對我們說 店鋪打烊了,
點解呀 明明寫住做到十點,原來門口寫住去到九點不接餐點。

看看左右的食店都開始收舖啦,心裏有點徬徨無飯食點算。
諗下去唔去夜市,試下搵嘢食。
如果又一早收舖又點算呢!

經過八方雲集 ,好肚餓 食咗先算。
估唔到八方雲集水餃又好食, 唔知係咪係咪肚餓呢。

食飽有又行返民宿, 經過超市同埋全家睇下呢啲生果食品,
買咗生果拼盤返去宵夜。又一日完。

[[i] 本帖最後由 rrcc01 於 2018-5-9 08:49 PM 編輯 [/i]]

cat2688 2018-4-28 11:44 PM

:smile_o12::smile_o12:

rrcc01 2018-4-29 10:39 PM

Day 5
太魯閣行山步道。

早餐在民宿吃三文治。
在民宿遇到兩位廣東旅客,大家交流了旅途上的瑣碎事。

第一位男生是從澳門來的,
他由高雄一路揸電單車來花蓮,
來花蓮途中 又意外地 摔掉了手機,
屏幕碎裂了 沒有 G P S導航怎辦,
他唯有駕車回高雄,維修手機花了八千台幣很心痛。

另一位香港女生,獨個兒租電動車在花蓮四處去,
她提供了很多看螢火蟲的資料。

之前在旅遊服務中心取了太魯閣嘅資料,
民宿管家又 給了一些去太魯閣的意見。
去太魯閣可以包車,跟本地旅行團 或者 坐台灣好行太魯閣線上去。

本地團分一天 與 半天團,也包含午餐。
一天團包括去清水斷崖。團費 分別是一千與八百元。

台灣好行一天有九個班次,大約每一小時開出一班。
我們決定坐台灣好行,可以有充裕時間去行每個景點。

走三條步道。
花蓮火車站〉砂卡噹步道〉燕子口〉天祥〉白楊步道〉天祥〉花蓮火車站

昨晚先計劃行程, 首先決定要行三條步道。
然後,將搭車時間減去尾班車時間, 餘下可用嘅時間,
大約有5至6小時, 分配给三條步道 2hr - 1hr - 2hr。
以1小時為單位 去分配,是因為公車大约每隔一小時一班。

單張上清楚 顯示每站 的開車時間。
(相)
[attach]8219388[/attach]
搭訕一輪後,食完早餐。
出發行去火車站, 在隔鄰的台灣好行站上車。
(途經便利店買飯糰与三文治作乾糧,
因山上食店少價錢貴,和沒有時間坐下吃午餐。)

我們坐十點鐘班次,單程 149元 ,
一天多次票250元,兩天票400元。
以我們的行程計算,買一天票最好。

巴士閒日不滿坐, 途經新城火車站,
新城站好有另一線巴士可上太魯閣。

10:50 到達砂卡噹站, 大部分乘客都落車,
這條是最多人會選擇行的步道,全行要三小時,
跟著人群行落天橋去沙卡噹步道入口。
全程平路慢向上上斜,幾好行,風景都幾好。
經過五間屋 有燒香腸賣, 太多人排隊繼續前行 行向三間屋,
大部分遊客開始折返,沿途少咗人清淨好多,
越進入山區風景 越美麗。

行了大約一小時廿分,還未到三間屋 開始折返。
希望 以兩小時來回趕上巴士,
經過五間屋香腸店, 遊人已散去,
買了香腸 夾住山蘇葉食好味,再買点工藝品,
快步走回巴士站。
因12:41 班次 巴士遲到,我們可以趕上了。
(相)
[attach]8214325[/attach]
[attach]8214326[/attach]
再在燕子口站下車, 呢度風景好靚 有那種嘩…一聲嘅感覺,
完全見到掘隧道嗰種鬼斧神工,同埋斷崖那種震撼感覺。
尾段有個小食亭, 可以坐低食啲嘢唞一唞。
沿路行返回頭,又可以再看一看崖邊景色,
一小時行完, 去返落車點, 等下一班車。
(相)
[attach]8214327[/attach]

[attach]8214328[/attach]

這裏亦係很多旅遊團/包車遊覽嘅景點,
只要喺路口放低你,自己慢慢行入去,
行到最尾,上返嚟車就走得。

坐幾個站去天祥,中間有十多分鐘塞車,
上到天祥站大約15:00。
尾班車 回花蓮火車站是 17:00,
我們只有兩小時行,要加快腳步了。
周圍也找不到 指示地圖 ,
只有靠手機的google map尋找步道入口,
花了十多分鐘 又行錯路,
最後跟着其他遊人去入口,
沿著大馬路向山上方向行, 十多分鐘後才見到步道入口。
(相)
[attach]8214329[/attach]

穿過 在公路旁 的隧道正式進入 白楊步道,
山路平坦 好行
沿途景色 都是太魯閣嘅地貌, 一邊是山谷一邊是 步道。
這條步道 是我們 今次最喜歡的,
所見嘅景色係香港行山 很少看到。
中間經過幾條黑暗隧道 , 行到最尾 見到吊橋同埋瀑布好興奮,
不過水濂洞 暫時封閉不能進入有點可惜。
(相)
[attach]8214330[/attach]

[attach]8214331[/attach]

因為時間已晚 天已開始暗了,
回程用著急步趕回車站。
終於趕在五點前回到天祥站,
回程人少 車上不夠十個人
大約六點多回到花蓮,又係徒步回去 民宿,休息一會一會去食飯了
今晚去昨天 食不到的日本料理店 淺草堂吃晚飯,
食魚生飯 魚刺身,幾好食。

漫步回民宿 又一日完。

[[i] 本帖最後由 rrcc01 於 2018-5-1 11:25 AM 編輯 [/i]]

樓下巨額神童 2018-5-1 09:49 PM

謝謝分享

wakada 2018-5-1 10:30 PM

謝分享

kotae 2018-5-3 09:39 PM

太魯閣真係好大好靚。

ning2015 2018-5-8 04:56 PM

謝謝分享

cupman1976 2018-5-8 07:50 PM

支持,謝謝分享。

gloomymesell 2018-5-9 09:51 AM

太魯閣風景好靚,暑假準備去

Hank8606 2018-5-10 12:26 PM

謝謝分享

rrcc01 2018-5-11 09:14 PM

Day 6
螢火蟲之夜。



今次睇螢火蟲的地方,叫大農大富平地森林公園, 每逢三月 四月每個晚上都會辦三場螢光火蟲觀賞會, 今年係第三年。
原本解決不到交通方法,冇諗住去睇。
(因為平時公車班次次開到六點幾即係有車去冇車返)

但昨天 食早餐嘅時候, 同人傾開計,
講台灣好行 縱谷線公車 在活動期間週末有加班車 直達大農大富,
又話有 本地團去看螢火蟲。
(園區入場費$198,公車來回票$440, 公車 由花蓮火車站 去園區都幾遠,要個半鐘才到。)
我們不想太辛苦 ,而本地團只是$一千(包門票), 於是經民宿去訂位。

本地團行程:
林田山(午餐)〉 林田山文化園〉 北迴歸線〉瑞惠牧場〉徐媽媽肉粽(晚餐)〉大農大富 (賞螢)〉 花蓮市



一早起身 去民宿路口 嗰間餐廳 食三文治飲咖啡, 小店嘢都ok好食。

跟住行去花蓮市區 下街睇下嘢。
行去 花蓮日日嘅舖頭与民宿 睇下佢係點樣 ,點知都未開舖, 附近 多數只有早餐店開咗, 經過一家戶外用用品舖, 入去睇下啲衫褲, 基本上同香港價錢差唔多,但品牌選擇比較少。
(相) 花蓮日日,行山店
[attach]8266034[/attach]

回民宿等十一點半 ,本地導遊嚟接我們。

今日遇到 兩架好有型嘅車,
估下坐邊架車去本地團。
(相)
[attach]8265949[/attach]
...
...
...
當然好型嗰架吉蒂貓車 …


唔係啦。

睇下呢架三菱 幾有型,
斷估佢都經歷咗十幾 二十年嘅旅途,
佢內籠都 keep得好好,
導遊 哥哥又揸得好定好舒服, 佢一定畀到我哋一個愉快嘅旅程。
(相片 車内)
[attach]8265948[/attach]

這團有七人,首先車咗我哋去食午飯。
跟着去 林田山文化園區 看木材。
第二層園區有好多地方可以影相,
有幾靚嘅咖啡館可以坐下,可惜冇太多時間可以坐低嘆咖啡。
(相)
[attach]8265930[/attach]

[attach]8266035[/attach]



開始落微微雨, 有点擔心今晚看螢火蟲的情況。
到 北回歸線 看一看地標。
(相)
[attach]8265932[/attach]

再去瑞惠牧場,
有好多 乳牛 和兩隻鴕鳥 在 籬笆 內四處走。
買咗啲 嫩草 去 餵牛牛,要同佢鬥大力如果唔係啲草畀佢扯走。
鴕鳥你遲咗,啲草比牛牛食曬。
(相)
[attach]8265933[/attach]

這裏的鮮奶 同蛋糕 乳酪 都好好味值得一試。(相)
[attach]8265944[/attach]

再去端穗市區食晚飯, 導遊介紹 可以吃涂媽媽肉粽, 好試下本地嘢 幾好食 又平又正。
(早知咁快又食晚餐,喺牧場食多啲蛋糕食飽佢算。)
(相)
[attach]8265946[/attach]


到今天的重点 去大農大富睇螢火蟲。
六點十分到達,都有一百幾十人,喺度等緊排隊買入場券。
(呢度有好大嘅花田,同埋一條好長嘅馬路,好像伯朗大道,白天很多人嚟踩單車郊遊的。)
(相)
[attach]8265945[/attach]

開始落微雨了 而且雨勢越來越大,
所有人都去 檔口仔 買輕便雨衣,
六點半一齊集合,
導賞員講解 園内守則,
基本上不准 用閃光燈攝影,電筒,大聲喧譁等,然後分批入去。(用手機基本上影唔到營火蟲,所以全程都冇影相了)

首先行過樹林外面 的行車道,遠看林内已有零星的螢火蟲飛過。
然後兩人一行, 慢行入森林小徑,
見到過百隻螢火蟲 在林中閃閃飛舞。

原路導賞員都講解螢火蟲的一生經歷 和在園内的種類。

有時一啲盲中中嘅螢火蟲飛近人羣,就會引起一陣哄動, 個個都望向那方向, 看著 螢火蟲喺頭頂飛過。
(相)網上借相,慢行這小路欣賞螢火蟲。
[attach]8265947[/attach]


平時係香港行夜山,都只會見到一兩隻, 今日見到係超過百隻,真係嘆為觀止。 雖然今日落雨 螢火蟲比平時少咗一半,但係都好開心好值得去。

一路慢行一路欣賞咗一小時,再沿路 行回起點。
導遊 再用一小時車我們回花蓮市區。

回到花蓮,再去導遊介紹的豆花店食宵夜。
又一天完。

[[i] 本帖最後由 rrcc01 於 2018-5-11 09:44 PM 編輯 [/i]]

不惑小新 2018-5-19 11:51 AM

支持樓主遊記:smile_o12:
我都29/5出發...但由於同老媽媽一齊...所以諗住book三日唔同路線既package,另外再hea一日就算...
想請問:金三角商圈有冇啲賣衫既舖頭同範圍大唔大?Thx!!

rrcc01 2018-5-22 12:21 AM

[quote]原帖由 [i]不惑小新[/i] 於 2018-5-19 11:51 發表 [url=http://www.discuss.com.hk/redirect.php?goto=findpost&pid=480509207&ptid=27395275][img]http://www.discuss.com.hk/images/common/back.gif[/img][/url]
支持樓主遊記:smile_o12:
我都29/5出發...但由於同老媽媽一齊...所以諗住book三日唔同路線既package,另外再hea一日就算...
想請問:金三角商圈有冇啲賣衫既舖頭同範圍大唔大?Thx!! ... [/quote]

以 中山路,中華路,中正路 匯集這範圍成金三角商圈。範圍有幾條街,都好大有排你行 。
仲可以行到最尾 去到圓環附近的 花蓮創意文化園區 行一行。
幾日來我都無見到附近有賣衣服 舖頭。

1888cc 2018-5-22 12:42 AM

[quote]原帖由 [i]不惑小新[/i] 於 19-5-2018 11:51 發表 [url=http://www.discuss.com.hk/redirect.php?goto=findpost&pid=480509207&ptid=27395275][img]http://www.discuss.com.hk/images/common/back.gif[/img][/url]
支持樓主遊記:smile_o12:
我都29/5出發...但由於同老媽媽一齊...所以諗住book三日唔同路線既package,另外再hea一日就算...
想請問:金三角商圈有冇啲賣衫既舖頭同範圍大唔大?Thx!! ... [/quote]
賣衣服。。。近公正包子,呢啲唔知啱唔啱你 :smile_13:
[url]https://goo.gl/maps/FRKbszRuAGp[/url]

不惑小新 2018-5-22 01:27 AM

[quote]原帖由 [i]rrcc01[/i] 於 2018-5-22 12:21 AM 發表 [url=http://www.discuss.com.hk/redirect.php?goto=findpost&pid=480662152&ptid=27395275][img]http://www.discuss.com.hk/images/common/back.gif[/img][/url]


以 中山路,中華路,中正路 匯集這範圍成金三角商圈。範圍有幾條街,都好大有排你行 。
仲可以行到最尾 去到圓環附近的 花蓮創意文化園區 行一行。
幾日來我都無見到附近有賣衣服 舖頭。 ... [/quote]
因為有長者同行...所以,問詳細啲...怕行寃枉路...Thx!!

不惑小新 2018-5-22 01:31 AM

[quote]原帖由 [i]1888cc[/i] 於 2018-5-22 12:42 AM 發表 [url=http://www.discuss.com.hk/redirect.php?goto=findpost&pid=480663186&ptid=27395275][img]http://www.discuss.com.hk/images/common/back.gif[/img][/url]

賣衣服。。。近公正包子,呢啲唔知啱唔啱你 :smile_13:
https://goo.gl/maps/FRKbszRuAGp [/quote]
唔該哂 師兄...不過...不過...不過...

:smile_o13::smile_o13::smile_o13:
我都係跟個睇鯨魚團...算喇:L
頁: [1] 2
查看完整版本: 礁溪,花蓮,台北 九日 [遊記]