查看完整版本 : 東X動物醫院 我隻狗送入嚟四個鐘頭就比佢哋整死左

fb4467954 2018-6-11 10:38 PM

東X動物醫院 我隻狗送入嚟四個鐘頭就比佢哋整死左

當日 我隻狗發燒40.4度 佢不嬲都有發燒經驗 燒得高嘅時候必須要打葡萄糖水鹽水維他命同埋服用抗生素! 佢唔想郁 但識得自己去廁所識得飲水 呢間動物醫院有司機可以過嚟屋企抱走行動不太方便隻狗去醫院的 司機過嚟接佢之前2分鐘佢先由廁所行入我間房. .(我有cam record) 我攞埋狗繩跟埋一齊去 估唔到我送緊我隻狗去死!
佢哋將豬豬(my dog) 直接送入東區動物醫院西灣河街嘅二十四小時急症部 透過玻璃門 我見到豬豬係一間好細嘅房里面 比最少五個人圍住 只有一個係獸醫 話同佢降溫 抽左好多次血 又吊鹽水!醫生話我隻狗發燒去到41.2度!我嘗試進入睇佢但不斷俾人趕出嚟 佢哋仲驚死我再入去特登將個門鎖埋!

佢哋嘅所謂急救完成之後 有個男人婆助理出嚟叫我去返電車路門診比完錢先返嚟睇我隻狗 我拒絕 之後我可以先睇豬豬再俾錢

一入到去 我見到我隻狗訓係個籠度不停係咁叫 佢對眼半開合 個獸醫同埋嗰個男人婆話我隻狗昏迷!我問點解我隻狗係咁叫 , 佢話佢痛!我隻狗係屋企係絕對冇昏迷 佢可能有痛 但絕對冇痛到咁 佢嚟到呢間醫院之前嘅2分鐘 仲好清醒識得系屋企行! 點解比佢哋成班人嘅所謂搶救完就變到昏迷同埋痛苦?

唔夠兩個鐘頭 我收到嗰個男人婆嘅電話 話我隻狗停止呼吸 搶救失敗 佢話再搶救都冇用!我即刻返去呢間動物醫院 只見到我隻狗嘅屍體!獸醫話我隻狗因為發高燒燒壞腦 係呢短短兩個鐘我隻狗仲抽埋筋!

我未見過豬豬昏迷 未見過豬豬抽筋 我隻狗係屋企我同佢探熱幾次 都冇高過40.4度 點解喺呢度會變咗41.2度? 我隻狗從來發燒都唔會得返佢自己一個對住好多陌生人 不停咁比人用針吉 用針亂插! 我隻狗嘅屍體佢隻手仲係有好多紗布膠紙包到實一實 個男人婆話因為驚佢亂咁郁所以要包到實一實 我唔明 佢話佢昏迷重點郁? 呢度個獸醫好似好信呢個男人婆咁 乜都叫佢同我講 我好驚係男人婆插我隻狗

我打開紗布膠紙 見到佢隻手吊住鹽水針 針孔滲過好多血!我終於明白點解佢咁痛 呢支針亂咁插仲要用橡筋紗布包到實一實 本來一直好地地啲狗 入到黎呢間醫院幾個鐘頭就咁痛苦地走!主人係出邊根本就唔知道乜嘢事 唔知佢哋點樣搞我隻狗 可以搞到昏迷 高燒 在而出現咁多迸發症 令佢一啲生存意志都冇!

估唔到我一個錯誤嘅決定 將隻狗送左去呢間東區動物醫院二十四小時急症 會有咁樣嘅結果 我失去左我的寶貝 我送咗佢嚟呢度死 狗一比佢哋送到入嚟 佢哋搞啲乜嘢對你隻狗係唔會同你講的 直到完成搞殘你隻狗為止先會同你講嘢 同你講嘢嘅獸醫隔離一定有個垃圾助理 獸醫講乜嘢都差把口埋黎 呢舊垃圾講嘢唔使負責任的 但獸醫要

呢度啲獸醫 讀咗幾年書 但一啲經驗都冇就當自己好叻 乜嘢都自以為是 呢間動物醫院當主人係白癡 乜嘢都唔識 連你同佢講你同隻狗探過熱 佢都覺得好神奇 唔信 覺得探熱係需要攞牌 佢哋係唔會同你溝通 唔會聽你講嘢 我隻狗 我日對夜對我都唔知佢情況? 㸃都估唔到我寶貝豬豬喺度比佢哋害死!千祈唔好以為係個別獸醫問題 喺呢度我領教唔少 呢度無論獸醫定係助理都係不知所謂 好嘅最多兩個 果兩個唔會日日喺度 呢間動物醫院二十四小時 最差嘅獸醫通常安排係夜晚或者急症 大家好自為之 狗狗情況點差都唔好送黎呢度 守則佢只會痛苦地死 不停比D冇經驗嘅獸醫做實驗 不停測試驗血 唔好以為驗血好簡單 冇經驗嗰啲 點樣插支針管都冇血出 我隻狗就係不停比佢哋重複再重複唔知幾多次嘅抽插!

我隻狗送入嚟呢間黑點診所嘅時候 我見到有隻病重嘅狗 個男人婆係咁極力推薦再X寵兒 呢張臭名遠播抽佣最高嘅嘅寵物火化中心 我係諗住即日帶返豬豬返屋企 冇諗過同一日幾個鐘頭之後我會喺佢哋口中聽到同一番說話叫我call再X寵兒收屍! 我心有講不出的痛苦!


[quote]
tinlong22:
屏蔽部份名稱
[/quote]

[[i] 本帖最後由 tinlong22 於 2018-6-21 08:24 AM 編輯 [/i]]
頁: [1]
查看完整版本: 東X動物醫院 我隻狗送入嚟四個鐘頭就比佢哋整死左