查看完整版本 : 聖濟會護理院 差差差!

pollytweety 2018-10-8 10:22 AM

聖濟會護理院 差差差!

媽咪本身住緊一間好有heart,管理得好好既院舍,但由於大廈問題導致不能再經營,院舍就轉介院友去附近一間新開既院舍 - 聖濟會護理院 (新界葵涌禾塘咀街109-115號萬成大廈 2至3樓),由於得一個月時間太趕,而新呢間確實好新好乾淨企理,而且舊院舍仲幫手傾好床位價錢,可以維持不變,但尿片費卻是海鮮價,每位院友都唔一樣個喎!咁本身我去睇床位時,揀埋位,果位姓吳既主管就叫我寫低資料,點知到第二日佢竟然租左俾另一個院友!

搬院第一日,舊院舍姐姐做到無停手,但環觀果層只有一個清潔,一個護士,零姐姐!最出色係個主管唔係去了解每位新院友情況,又或者幫手執野,而係指令個清潔姐姐係度掃地!而本身9成舊護理姐姐都話過新院舍做,好多家屬都係因為呢個原因個心先定d,點知當晚所有護理姐姐全部已經話唔做,皆因主管無理取鬧,完全溝通唔到!我聽到時個心真係跌落谷底,因為媽咪係需要中度護理,右邊身行動不便,亦表達有問題,眼見人手嚴重不足,仲要全新環境,點算!

到當晚約7點幾,我打俾媽咪問佢點,順便問佢食左藥未,佢有限既表達能力話我聽未食 (平時係5點派藥)!我即刻打去問下,果然真係!後尾再問番,原來當晚9點院友打俾舊院舍,投訴仲未派藥!

到第二日,我就主動搵主管,先send左一d護理要求 (例如協助梳洗、幫忙洗杯斟水、每天沖奶等),係除左一樣下午茶既生果準備外,問番人果堆都係基本野,而且舊院舍一直都係咁做,我仲驚主管太忙,加上始終都要再夾下有無問題,就叫佢先睇睇,下次探訪時再傾,點知佢WS就話「你咁多野,我有保留。」我咪即刻打俾佢了解,佢就話「你咁多野我地做唔到!一係你搵過間,我地無所謂!」

到食物,先唔講味道難食,餐單上既食物同實際係兩回事,用餐時間無特定,成日唔同食飯時間架!而果d餸又係不得了,勁油!仲要整雞翼、豬手果類!下午茶竟然求其落街買菠蘿包同雞尾包!大佬,點食呀?住得院舍都係長者,可能有三高添囉!

咁既態度叫人點住?仲要人手短缺,無人理架!宜家媽咪都係靠隔離既院友幫佢斟水先有得飲!

所以走真係勢在必行,大家千祈唔好揀呢間護理院,佢係新同靚,但照顧係極差!一日有呢個主管係度,都唔會管理得好,上樑不正下樑歪!

[[i] 本帖最後由 pollytweety 於 2018-10-8 11:02 AM 編輯 [/i]]

果個野生的湯圓 2018-10-9 10:54 AM

:L:L:L 我仲諗住見佢新同企理,想將我契公轉去呢間院舍......
請問你媽咪仲係唔係到住?同其實係咪因為新開未請到足夠人數所以有做野有遺留,定其實姑娘原本既態度都好差,對老人家都粗聲粗氣呀?同埋我有打去查詢問佢地係未會俾老人家落街,會唔會有陪人陪住落街?

[[i] 本帖最後由 果個野生的湯圓 於 2018-10-9 10:56 AM 編輯 [/i]]

pollytweety 2018-10-9 03:09 PM

補充: 我星期四下午打俾主管問退租既野, 我仲話我再夾夾, 然後會再搵佢, 中間無搵過佢, 諗住星期六去到時當面傾, 點知星期六去到傾時, 我話會住多一個星期, 佢已經不停講「你聽日搬都得個喎!」

而最嬲係, 佢跟住話「我已經將佢剩番既藥pack好左, 放左佢房!」大佬! 我根本未confirm你, 你咩事幫佢pack好晒d野呢??? 然後上到房, 再發現佢已經將門口個名牌撇左!!!!!!! :@

pollytweety 2018-10-9 03:13 PM

我已經搵左另一間院舍, 準備同媽咪搬走架喇! 人手不足我理解, 但本身係個吳主管有問題, 咁都有一兩個姐姐態度OK既, 但問心, 如果最大果個對D院友同家屬既態度都可以咁差, 佢下面D人又點會好? 企理係好令人心動, 但如果照顧差, 又或者根本無人理, 咁好無謂囉...

睇你契公係咪行動自如啦, 如果佢有自理能力, 都可以入住, 因為果度零照顧!

pollytweety 2018-10-9 03:14 PM

[quote]原帖由 [i]果個野生的湯圓[/i] 於 2018-10-9 10:54 AM 發表 [url=https://www.discuss.com.hk/redirect.php?goto=findpost&pid=488642283&ptid=27766804][img]https://www.discuss.com.hk/images/common/back.gif[/img][/url]
:L:L:L 我仲諗住見佢新同企理,想將我契公轉去呢間院舍......
請問你媽咪仲係唔係到住?同其實係咪因為新開未請到足夠人數所以有做野有遺留,定其實姑娘原本既態度都好差,對老人家都粗聲粗氣呀?同埋我有打去查詢問佢地係未會俾老人家落街,會唔會有陪人陪住落街? ... [/quote]

請見下面既帖~~ :loveliness:
頁: [1]
查看完整版本: 聖濟會護理院 差差差!