查看完整版本 : 擺脫唔到童年社交陰影,而家連兄弟姊妹溝通都有隔膜

franlaw22 2018-10-10 01:53 PM

擺脫唔到童年社交陰影,而家連兄弟姊妹溝通都有隔膜

小弟今年28歲,從小就好內向,沉默寡言,只要返工返學,我就好緊張,怕人,成日想表達自己,但又開唔聲,由細到大都冇交過朋友,其實原因就係初讀幼稚園慒懂咩都唔識,被同學仔歧視,d老師又惡,字寫得唔好又大聲痛罵同打人,我又怕生,從此我就害怕左離開屋企同陌生人,但到左小學,應該係唔同環境同唔同人,但我依然放唔開,當見到人地好開心一齊,但因為幼稚園發生既事仲瀝瀝在目,所以依然好怕同同學相處,怕主動,因為自卑,唔敢同人一齊玩,怕人侮辱自己,連一個同學電話都唔敢問人,覺得學校俾唔到安全感我,越來越怕群體活動,唔知點解次次都有種自卑感,我D兄弟姊妹都有朋友,人越大越同兄弟姊妹越少話題,甚至零交流,怕埋兄弟姊妹獨處,因為自卑,同佢地越來越唔夾,甚至,我係咪有社交恐懼症?我d兄弟姊妹都有朋友,或男女朋友,但最大問題,人地會見到我咁,最怕佢地就對住兄弟姊妹問起,點解你細佬咁樣既,會覺得我好有問題、怪人一個,獨來獨往,我又冇兄弟姊妹有足夠交流,真係好生疏,冇話題,我返工d同事又覺得我好沉默寡言,基本上我完全唔識點去應對佢談話,總次唔知點樣面對餘下人生,曾經一度想輕生,因為社交陰影糾纏左20多年,怕將來被人用歧視目光,如果童年陰影或者都唔洗咁辛苦,淪落到同兄弟姊妹都冇哂話題,佢地講緊咩我都唔識,我覺得我既人生已經失敗左,好想離開呢個世界,我覺得如果係獨生仔女,即使好似我咁,應該冇我咁大憂慮,但我係有兄弟姊妹的,但係我係佢地面前,真係好冇自信

[[i] 本帖最後由 franlaw22 於 2018-10-10 04:30 PM 編輯 [/i]]

twdream 2018-10-10 08:02 PM

[quote]原帖由 [i]franlaw22[/i] 於 2018-10-10 01:53 PM 發表 [url=https://www.discuss.com.hk/redirect.php?goto=findpost&pid=488706453&ptid=27771680][img]https://www.discuss.com.hk/images/common/back.gif[/img][/url]
小弟今年28歲,從小就好內向,沉默寡言,只要返工返學,我就好緊張,怕人,成日想表達自己,但又開唔聲,由細到大都冇交過朋友,其實原因就係初讀幼稚園慒懂咩都唔識,被同學仔歧視 ... [/quote]
看到你娓娓道出你的過去跟自己的困境,可以看到的你是個很自覺的人,亦懷著很大的動機想走出來,
我覺得你真的很棒!
其實你已經擁有很大改變自己的可能!你有主動找過專業人士幫忙嗎?

franlaw22 2018-10-11 03:31 PM

[quote]原帖由 [i]twdream[/i] 於 2018-10-10 08:02 PM 發表 [url=https://www.discuss.com.hk/redirect.php?goto=findpost&pid=488728459&ptid=27771680][img]https://www.discuss.com.hk/images/common/back.gif[/img][/url]

看到你娓娓道出你的過去跟自己的困境,可以看到的你是個很自覺的人,亦懷著很大的動機想走出來,
我覺得你真的很棒!
其實你已經擁有很大改變自己的可能!你有主動找過專業人士幫忙嗎? ... [/quote]
其實唔係你咁,我哥家姐係好錫我既,但唔知係咪人越大越成熟,d話題上轉變,加上我冇friend ,冇咩可以分享,加上對上對住佢地好唔自然,口啞啞,我覺得真係冇鬼用,冇膽去面對佢地,細個時阿媽試過帶我去睇心理醫生,但幫助唔大

[[i] 本帖最後由 franlaw22 於 2018-10-11 04:40 PM 編輯 [/i]]
頁: [1]
查看完整版本: 擺脫唔到童年社交陰影,而家連兄弟姊妹溝通都有隔膜